|
محياني .. دكة الهلال بانتظارك .. فلا تحضر بسم الله والحمد لله طالعتنا الاخبار بأن الهلال في طريقه لشراء عقد المحياني مهاجم الوحدة . السؤال المهم هنا : من الرابح من هذه الصفقة ..؟ هل الميحاني اضافة للهلال ..؟ أم الهلال اضافة الى المحياني ..؟ اعتقد ان مركز الهجوم في الهلال هو المركز الممتلء باللاعبين ، ولا نحتاج الى اخرين كوزمين دائما يحبذ اللعب بمهاجم واحد ، واعتقد ان ياسر كفيل بشغل تلك الخانة قد يقول قائل : في حالة اصابة الكاسر ، من البديل ..؟ احمد الصويلح ... بديل قوي لياسر ، الصويلح يمتلك مقومات المهاجم الفاعل ، بنية جسمية ، سرعة ، مهارة، ارتقاء .. الخ ـ ما شاء الله ، وفي رأي ان لامجال للمقارنه بينه وبين المحياني لان الكفة تميل للاول .. وفي حال التعاقد معه ؛ فستكون الدكة الزرقاء بانتظاره ما هو موقف لاعبي الهلال الشباب والناشئين حينما يرون الهلال تتعاقد مع مهاجمين من خارج اسوار النادي .. لاحظوا يا اخوان ان الكرة السعودية تنتج مهاجمين في كل سنة تقريبا ؛ فهل من المعقول ان نحضر كل مهاجم مميز للهلال ...؟ فمن يذكر عبيد الدوسري ، مرورا بمهاجم الاتفاق يسري الباشا (فقاعة صابون ) ثم الكاسر وبعده صالح بشير والان تركي السالم والسهلاوي والمحياني .. فهل كا ما ظهر مهاجم سنتعاقد معه ..؟ من هنا بوصفي احد المحبين للأزرق ، فإني لا انصح بالتعاقد مع عيسى المحياني قد يكون هذا الرأي يخالف بعض اراء الاخوة الاعضاء .. ولكنه في النهاية تعبر عن رأي صاحبها عبدالعزيز العمران 15/1/1430 |
المحياني سيكون إن شاء الله في الخارطه الأساسية للزعيم وانت اللي بنحطك في الاحتياااااااط |
مشكووور اخوي الغالي وجهة نظر ونحترمها لاكن الباين عليك انك لست متابع جيد للاعب عيسى المحياني احوي الاعب مميز واشاءالله اذا لعب لهلال سيكون اضافه طبعآ بعد توفيق الله ومشيته ودمت اخوي الغالي بصحه وعافيه الاختلاف في الرأي لا يفسد للود قضيه |
إقتباس:
نفسي اصدقك بس ماني قادرلأن الواقع يقول غير كذا استغرب كثرة مدح الصويلح المبالغ فيها وهو لم يقدم شيء الى الآن مافيه لها الا سببين : 1- تشوفون مباريات غير اللي اشوفها 2- اقرباء الصويلح كثيرين في المنتدى ماهي انجازات الصويلح ؟ ماذا استفاد الهلال من الصويلح ؟ اين الصويلح الآن ؟ مالمأمول من الصويلح اذا عاد ؟ المحياني مطلب كبير للهلال لعدة اشياء : 1- لا يوجد مهاجم يعتمد عليه في الفريق غير ياسر 2- اصابات ياسر كثرت في الآونة الاخيرة واعتقد ان المحياني يستطيع سد جزء كبير من غياب ياسر 3- التعامل بحزم من ادارة الهلال للثلاثي ( الصويلح والعنبر والسعود ) والتخلص من بعض اللاعبين اللي امضوا سنوات مع الزعيم دون فائدة وخصوصا الصويح والسعود |
إقتباس:
احترم وجهة نظركــ اخوي عبدالعزيز ولكن وجود المحياني كأساسي في الهلال امر صعب في ظل وجود ياسر ، الصويلح ، وراقي فلاته ( المهاجم في درجة الشباب ) ، اضافة ان درجة الناشئين ملئية بالمهاجمين المميزين .. ولا تنسى اخوي حواري الرياض ايضا اما وجودي انا في الاحتياط .. فهو شرف كبير لي |
أخوي عبدالعزيز حبيب قلبي عيسى المحياني لاعب هداف سواء بالقدم او بالرأس ... فكيف إذا لبس شعار الزعيم وخلفه افضل صانعي لعب ... فالمحياني نسبة نجاحه مع الهلال تفوق الـ90% .. اما بالنسبه للمهاجمين المذكورين اتمنى من كل قلبي ان تستفيد الإدارة الهلاليه من إعارتهم ... وشاكر ومقدر لك عبدالعزيز |
الصويلح افضل من المحياني<<<<<<<غريبة والله مايجي ولا نص المحياني,,, اما انا والله مالعبه ولا مع الفيصلي....... |
والله يا ولد العمراان ما ندري اذا انت من عشاق الزعيم ولا لا بس بأخذ كلآمـك على حسن نيه الصويلح ما اختلف معك انا انه لآعب ممتاز نوعآ مآ لكن تقدر تقولي كم لعب الموسم هذا من مباراه؟ اذا عرفت الاجابه فآنت حتمآ انــك راح تجأوب على نفسك لماذا نطالب بلآعب سعودي من فئه النجوم الكبار في الهجوم لآن الصويلح نص مباراه يلعب ويطلع مصاب بشد يآخذ اسبوعين في غرفة العلااج يعني ما نستفيد منه كثير خاصه الموسم هذا لعب اربع مباريات تقريبا والباقي بغرفة العلااج يعني لآزم نششوف لنا مهاجم سعودي صح سواء المحياني او غيره اهم شي مصلحه الزعيم لآن ورانا بطولة اسيا وهذي مهرها غالي جدا دمت بود |
طيب ياسر مو دايملك ! ما تدري عن الدنيا يمكن يصاب لا سمح الله ويغيب كم مباراه .. يمكن يكون بالمنتخب زي وضعنا الحين .. وحمد الله ان مباراة الحزم تحصيل حاصل والا كان انكبنا كل مهاجمينا غايبين مافيه الا المبارك والا الباقي جايبينهم من درجة الشباب .. ولا تقولي الصويلح انت شايف وضعه كيف من العام وهو مستواه سيء .. والا العنبر اللي يعجبك بمباراه ويختفي بعشر .. والا السعود والا المبارك والا والا .. اعتقد ما نقدر نقارن بين مهاجمين الهلال "باستثناء ياسر" ما نقدر نقارنهم بالمحياني اللي تصدر هدافين الدوري اكثر من مره مع انه مع الوحده اللي له سنيييييين ما اخذ الدوري .. إقتباس:
الهلال محتاج مهاجم يريح الجماهير ومستواه يكون مميز .. وصدقني لو جاء للهلال فانا متأكد ان مستواه راح يتطور وراح تشوفه بالمنتخب |
انت احتياط في الشبكه وهو اساسي في الزعيم .. |
الصويلح مصاب ودايم مصاب العنبر يبيله كم سنه علشان يبدع يعني مالك الى عيسى المحياني بعدين عندك استحقاقات واجد توك يعني عادي يصاب الصويلح والقحطاني والعنبر |
احترم رايك اخوي العزيز ولاكن اختلاف معك في نقطه واحده الهلال محتاج الى دكه قويه ام بالنسبه للمحياني فهو مهاجم نادر يلعب مع الوحده الي وسطه عادي ويصبح الهداف لاعب تجيخ في المباره 3 فرص اثنين لازم هدف واحده يخونه الحظ وتكون في القائم المحياني نجم كبير |
ابن عمران انا بديت اشك فيك مدري ليش عموماً صدقني لو جاء عيسى بيكون اساسي او بديل ناجح وسرعان ماراح يفرض نفسه في التشكيل الاساسي |
اخوووووووووي اجاوبك جواب واحد بس .... كوزمين قال في برنامج مقابله على قناه الزعيم ... قال (( انا احب اللعب بثلاثه مهاجمين ولكن الان لااستطيع عمل ذلك ) هذا الجواب اتوقع كافي .. |
ياسر دولي وعيسى لا .. الصويلح بيصير صديق حميم ليقدح وعيسى استمراريته بالملاعب اطول ماشاء الله .. الاسيوية لما ياسر مايكون بيومه والصويلح على حالته مباراة يلعب وبسبتها يغيب 5 .. العنبر وياسر لحالهم بالاسيوية والله منتب جايبها ! ياسر ماسجل اي هدف بالبطولة الاسيوية بنسختها الاخيرة والرجال ماتوفق ! طبعا غير اننا كنسلنا عقد هدافنا بالاسيوية .. فريقنا يحتاج حل فوري .. معليش ترا الاسيوية تختلف كليا عن الدوري .. الدوري نقدر نجيبه بالتشكيلة الحالية وبدون اجنبي ثالث وبالراحة .. لكن الاسيوية يبي لها دكة احتياط بمستوى الاساسي .. انت فكر بمصلحة الهلال اول شيء .. لو ما استفاد من عيسى وهو شيء غير متوقع ان شاء الله .. ماراح نخسر بالعكس راح نكون حاولنا .. اتخيل اشوف السعود الورقة الرابحة بالاسيوية .. ياهي ضيقة صدر بعد :( تذكر يوم نقول الاتحاد يكدس ويخرب الكورة السعودية ايام كثرة الانتقالات لهم؟ النتيجة جابوا الاسيوية مرتين لانهم دعموا الفريق بعدد كبير من اللاعبين بين الفاشلين والناجحين طبعا .. وكلامك عن الشباب والناشئين يبي له عالاقل عالاقل سنتين الى ثلاث سنوات على ما يدخلون الفريق الاول ! انت فكر فيها بينك وبين نفسك .. هل من العدل تقحم العابد وفلاتة بمعمعة الاسيوية ؟ اجل بطولة فيصل وراهم حاطينها له ؟ ما اثبتوا وجودهم بالاولمبي حتى الان وانت تبغاهم بالاسيوية؟ لازم تعيد النظر بكلامك لان نظرتك الى مابعد 5 سنين .. والتايب مامنع الفريدي من البروز رغم انهم نفس الخانة .. الموهوب راح يفرض نفسه .. شف الكلثم كيف مستواه سيء بالرايد مثل ماكان سيء مع الهلال .. مع هذا المطالبات بالكلثم نشوفها رغم انها غير عقلانية ..!! مستوعب كيف جسم العابد الرقيق راح يدخل بالمعمعة مع اجسام الايرانيين والاوزبكيين؟ وهل خبرته بتشفع له مثلا بالهروب من المأزق الجسماني كما يفعل الشلهوب أيام عزه على سبيل المثال ؟ إطلاقا ياليت ماتاخذ الموضوع بسالفة الغلطان بكلامه سيء ومايفهم كورة لان الكل يخطئ .. انا هذا كلامي مع احتمالية الخطأ فيه لكن بواقعية نسبة الصواب فيه أكبر .. احترامي لك ووجهة نظرك سليمة لو مالنا مشاركة خارجية او ماهي طموحنا المشاركات الخارجية وميزانيتنا ماتسمح .. |
اخوي عبد العزيز اختلف معاك=لا تقارن المحياني بأي لاعب اخر=وأذا اتى لزعيم سوف يتطور ونرا ثنائي قناصين خطيرين المحياني مثل ماقالو ==لحالوه== |
إقتباس:
................... |
بابا رح للمنتداك حبيب قلبي واجلس حسن من وضع فريقك افضل لك. قال احتياط . المحياني افض ثالث مهاجم في المملكة بعد ياسر ومالك وجالس تحلل على كيفك |
طالع غير القناص والصويلح والعنبر مع احترامي الشديد مافيه احد لاتقولي السعود او الكلثم لان الكل عارف مستوياتهم !! واللاعبين الشباب يحتاجون من 2 الي 3 سنين للتاقلم مع الفريق واثبات انفسهم واكتساب الخبره يالغلا عيسى المحياني مطلب بصراحه |
احترم كل الاراء المخالفة .. ولمن ما لا اقبله ان يشكك احد في هلاليتي اخواني : ابسألكم لماذا وضعت ادارة الهلال ملف التعاقد مع عيسى لاعضاء الشرف مع انها قادرة ماديا على التعاقد معه .. لماذا لم نرى تحركات للخبير سامي الجابر للتعاقد مع المحياني ، على العكس حينما كان مع ياسر .. والايام بيننا يا اخوان .. |
إقتباس:
والله اني ارى الامور من ناحية فنية بحتة دون الاعتماد على ما يطرح في الاعلام او من المحللين .. واشكرك على المرور والاتفاق معي في وجهة النظر |
اذا انت تطمح للاسيوية فلازم يكون عندك فريق قوي جدا ولازم تنسى شي اسمه عاطفة وابناء النادي وغيرة صدقني راح تقابل اندية طموحها البطولة وقته بتقول وين البديل الي يدعم الهجوم شف مجموعتنا والفريق الاوزبكي الي يدربه المدرب البرزيلي الشهير زيكو وهو يصرح بانة لن يتنازل عن اللقب 2009 ولا تنسى عبدالرحمن بن مساعد هدفه الاول الاسيوية تحياتي |
ياخوي معليش وين الصويلح الحين؟؟ مصاب من يوم عرفته مصاب انا ما اعترض على قدر الله بس مافادنا الصويلح قدام الفرق الصغار لاكن اذا واجهنا النصر مع انه صغير نفقد الصويلح وقدام الاتحاد بعد اما المحياني تمركز وفن وقنص شف وشلون العام ينافس على الهدافين وهو بالوحده وشلون لو يجي للهلال راح يتطور واكبر دليل اسامه هوساوي يوم جاء فاجئنا بالمستوى الاكثر من رائع.. |
اخوي شوف اول شي انت تقول بديل ياسر الصويلح كلنا معك الصويلح فنان ما عليه كلام بس مشكلة الصويلح انه دايم مصاب |
الحين يعني تبي تقنعنا انك منت بنصراوي والا تمت للنصر بصله صحيح عندنا مهاجمين لكن نبي زود |
ياجماعة عبدالعزيز العمران نصراوي صميم وأنا أعرفه شخصياً أنا بلغتكم وأنتم بكيفكم |
منتاز .. لكن ياسر دوالي .. :d |
والله كلامك يخالف الواقع كثيرااااا يا اما انت نصراوي وتبيه يجي فريقك او مدري وش السالفه لكن اي متابع عادي وبسيييط يعرف ان عيسى بيكون اساسي بالهلال بكل سهوووله ومن بعده للمنتخب لانه بيلقا صانعي العاب كباااااااااااااااار وراح يكون هداف وتتطور موهبته التهديفيه بشكل كبييير وراح يكون ثاني مهاجم سعودي بعد ياسر ونااار ياحبيبي ناااار |
بالعكس انا اراهن عليه ان يكون هداف الهلال بدلا من ابوسعيد ويكون لاعب مميز في الهجوم مع ياسر |
تسلمـــــــــــــــــــــ والله مشكوور |
نحتاج للمحياني بشكل كبير يااااااااااااااااااااااسر الهلال كرفه كرف مسكين ولا احد يساعده لازم يقتنع " الداهية" كوزمين ان يلعب بمهاجمين وليس بمهاجم واحد المحياني ممتاز في الصندوق وبيكون إضافه كبيره ولا تنسون الصويلح يلعب مبارتين ويصاب والعنبر ما يعتمد عليه كثير يعني لو مباراه الغتحاد كان فيه ياسر القحطاني كان كلام ثاني أقصد مايعتمد عليه في المباريات الحساسة |
اخوي هذاي وجهت نضرك بس الكل يتمنى ان يحضر المحياني وبعدين ياسر فيه الخير والبركه بس مافيه بديل لياسر فيه الصويلح ولاكن ليس بامكانيات عسى المحياني وبعد الاسيويه قادمه ومهرها المحياني الذي اتوقع ان يكون له شان في تاريخ الزعيم لانه بصراحه لاعب مضلوم اعلاميا وبعدين انضر الى ان جازاته هداف الدوري في لاعوام الماضيه وهو ماعنده وسط فكيف اذا جاء الى الزعيم في الوسط الاقوى بالدوي يقيادة طارق والشباب اتمنى من القلب ان يحضر عيسى المحياني هذه امنيه اتمنى ان تتحقق |
صادق اخوي فالمهاجمين في نادي الهلال ماشاء الله على طراز عالي ويعوضون عن ياسر وبعدين جميع مهاجمين الهلال في المنتخب : اولهم : المبدع عنبرينهو :ap: ثانيهم : الاسطورة فهد المبارك :ap: ثالثهم : بيليه العرب سلطان السعود :ap: رابعهم : اللاعب الاول لحسم المباريات الصويلح :ap: يا شيخ حرام عليكم والله الهلال ما فيه مهاجم الا يا سر ونتمنى وجود المحياني بجواره |
اخـووووووي انت اللي والله نبي نحطكـ بدكة الاحتيـااط نحن نحتاج الى لاعب مثل عيسى المحياني لاعب موهوب لاعب مشاكس لاعب بطل لاعب اتمنى ان يرتدي فنيله الهلال بسرعه في اقرب وقت واي واحد يقوول عيسى المحياني لاعب عادي جدا اقوووله اسمحلي والله ماتدري وين الله حاطك فيه عيسى المحياني والله اضافه جدا كبيره مع ياسر والصويلح واللي يقوول الصويلح مايعرف يلعب اقوله انت من هنا والكوره من هناك وياسر نجم النجووم الصويلح طبعا ثعلب اسيا المحياني اين انت نحن بحاجتك في اقرب وقت وان شاء الله عيسى المحياني هلالي بأذن الله ان شاء الله عيسى المحياني هلالي ان شاء الله عيسى المحياني هلالي ان شاء الله عيسى المحياني هلالي |
اسمحلي المحياني لاعب كبير وبيفيدنا يااخي المحياني يلمح كأنه يقول ابغى الهلال والهلال محتاج المحياني |
العنبر والصويلح والسعود الحزم ما ياخذهم عاد كيف الهلال ,, |
وجهة نظر احترمها وان كنت اختلف معك " الاختلاف في الرائ لايفسد للود قضيه " |
إقتباس:
خلاص مانتعاقد مــع اي لاعب عشان مايتأثرون شباب النادي؟؟ بالله هذ1 منطق يعني ورانا بطوله الدوري وكأس ولي العهد وكأس فسصل والاسيويه ونعتمد على ياسر لحاله..؟والمنتخب ماهو مقصر بــعد لافشل المنتخب صار ياسر السبب |
نفس كلامك كنت شايفه قبل قدوم هوساوي لكن اتوقع ان ميولك غير هلاليه لذلك تتمنى عدم قدوم المحياني |
اخواني : طيب لماذا المشرفين على القطاعات السنية في الشباب والناشئين يتعبون علىهم ويصقلونهم .. وفي النهاية يجي لاعب من خارج اسوار النادي لا يفوقهم في المستوى .. هنا محل التساؤل |
والله انا اقول اكيد المحياني ماهو ذاك الزود بس ان جينا للحق اعتقد انه افضل من الصويلح لان الصويلح كثرت اصاباته في الاونه الاخيره والعنبر مزاجي يايجيب هدفين او مايجيب شي والسعود مدري وش يبي فاعتقد الحل في اللاعب عيسى والله يوفق الزعيم |
إقتباس:
اختلاف في الرأي هل يؤدي بك الى ان تقول اني لست هلاليا ...؟ انت تقول انك تعرفني شخصيا ؛ وتعرف اني نصراوي ...؟ من وين تستدل على هالكلام ..؟ هل إذا قلت مثلا ان ناصر الجوهر مدرب سيء .. بتجي تقول عني اني مو سعودي ..؟ ياليت ترجع لمواضيعي .. وتتأكد هل انا هلالي ام نصراوي تختلف الاراء .. وتبقى الميول الاصيلة ثابتة |
إقتباس:
محنا ناقصين ندخل الاسيويه بالصويلح والسعود والمبارك !! كلهم على العين والراس بس حدهم كاس فيصل والا ولي العهد .. إقتباس:
|
اخوي عبدالعزيز العمران انت مثل الي ترمي كلمه ومااتدري وين راميها اصلن الربه جالسين يعطوونك كل الحقائق والوقائع ولكن باين عليك فعلن قليل الحيله والخبره الكرويه وتاكدت الان على انك لست هلالي اتمنى من الاخوان عدم الاكتراث لمثل هؤلاء هداهم الله وعيسى قادم بحول الله وقوته وراح يكوون طقم الزعيم عليه اضافه مثل مراح هو يكوون اضافه للزعيم باذن الله اتمنى فقط الدعاء لااخوانا في غزه والاصرار على طلب عيسى المحياني كثرة الزن يدووش اتمنى من الجميع الطلب المستمر في المنتدى او عن طريق ارسال رسال الكتروني لسمو الامير |
إقتباس:
شكلك ماتابع مباريات الهلال لك فترة شكلك تابع المسلسلات مسلسل البارونات والبالونات وغيرها من المسلسلات أخوي أرجع لمسيرة الكابتن الصويلح وأقرأ أنجازاته مع الهلال ووش سوى للهلال وبعدين أحكم لو مافيه خير ماقال المدرب كوزمين عندما أوصيب الصويلح ياالأدارة تتكفل بعلاجه في الخارج أو يتكفل المدرب في علاجه على نفقته الشخصية.. أتمنى منك أخوي عدم التسرع في الرد ولا ترد على عماها..(رد والسلام مايجي) وأسف أن حصل سوء فهم.. |
كوزمن يلعب بلاعب واحد لان ماعنده مهاجم زي الناس |
شباب لا تضغطو على الرجل فهاذي وجهة نظره وشكراً |
انت الظاهر ما تشوف الفريق او انك حيل قريب لصويلح او العنبر الهلال متروس هجوم ممممممم الظاهر ما تقرا الاخبار الهلال الحين مستعين بمهاجمين فئة الشباب لانه ما عنده هجوم الصويلح الموسم هذا والموسم الماضي من اصابه الى اصابه والله يشفيه والعنبر مبارايات يحضر والاخرى يختفي وسلطان السعود اقل منهما مستوى عيسى المحياني هداااااااااااااف هدااااااااااااااف هدااااااااااااااف هذا والوحده ماعندها ربع وسط الهلال فكيف لو يملك ربع وسط الهلال بضملك المحياني هداف الدوري اربع سنوات قادمه وماضيه المحياني وياسر هما الاساسيان مع وجود المحترف الاسيوي في الهجوم للأضافه القويه للهجوم وبعدين نحن نفكر في الموسمين القادمين وليس فقط الآن خلال الموسمين القادمين لن يظهر بالهلال مهاجم متميز لان يحتاجون وقت لاعبي الشباب والناشئين بالتوفيق للزعيم ويارب يا كريم عيسى المحياني يجي الهلال |
يا أخي عبد العزيز العمران ودي أصدقـــ أن أحمد الصويلح أفضل من عيسى المحياني لكن أعجز والله عيسى المحياني نجم صندوق من طراز خاص ونادر لكرتنا السعودية والأندية السعودية تتمناهـــ أما أحمد الصويلح إذا إستلم الكرة تأتيه أم الركب مايدري هو يمر أو يسدد أو يعدي :yes: .. تقبل مروري.. أخوك أبو لارا@:rose::rose: |
نانانات :clapping::clapping::alzaeem::alzaeem::alzaeem::alzaeem::alzaeem:اs1جوكم عطونيتوقيع:alzaeem: |
إقتباس:
لكن بصراحه سؤال لك كم مره اصيب احمد الصويلح مباراة النصر طلع مصاب بسرعه ومباراة الرائد والى الحين يتعالج وممكن يصاب في اي مباراه قادمه لا سمح الله والدليل الهلال الحين سلطان السعود اصابته راح تحرمه الموسم كله والصويلح الى الحين ما ندري متى يلعب وياسر موقوف في مباراة الوطني يعني امام الوطني نلعب في مهاجم واحد ماله احتياط امام الوطني فكر ان المحياني هداف يختلف عن الصويلح الصويلح لاعب يتحرك على الاطراف ويستخدم قدرته الجسميه بالتوفيق للزعيم وبأذن الله المحياني للهلال |
أنا معك الكابتن الصويلح أفضل من المحياني بمراحل وبعيد عن الأصابات لو المحياني تجيه نصف الأصابات اللي جت للصويلح كان هو في خبر كان الأصابات قضاء الله وقدره والصويلح الميزات اللي تميزه عن المحياني هي السرعه أزعاج دفاع الخصم رجوعه للوسط وتهيأت كور كهجمات كما فعل مع ياسر القحطاني ومع العنبر في أعطائهم كور أهداف والرجوع وأعداد هجمات لنفسه أما المحياني فقط لاعب منطقه ولا يستطيع الرجوع وأخذ كور من الخلف وهولاعب غير سريع ولايستحق المبالغ التي ذكرت من النصر 18 مليون ريال كثيره على لاعب عادي وأتمنى للجميع التوفيق.. |
إقتباس:
العنبر + الصويلح + السعود + المبارك كلهم فيهم الخير وكلهم اذا لعبوا تكون لهم بصمه لكن ... !! الاصابات كثيره ايضاّ .. مستواهم ليس بالثابت بالتـــــــــالي يا عزيزي وجود المحياني قوه ضاربه مع ياسر الا تتفق معي ! انظر لـ عيسى الان وهو بناديه وتخيل انه بجانب ياسر ياخي انت تفكر بقمـــــــــة الغرابه !! |
إقتباس:
لاوانت الصادق راح نحطه يجيب كور المحياني لو يجي للهلال راح يكون اساسي شفنا كوزمين يعتمد في بعض المباريات على مهاجمين مشكور على الموضوع ولو ان العنوان لم يعجبني تقبل مروري |
إقتباس:
والله انك صادق اجل معجبه الهجوم عندنا بدون ياسر |
بصراحه أستغرب مقارنة المحياني مع لاعبي شباب الهلال .. !!! إذا شلنا العاطفه من قلوبنا .. فسنجد بأن الهلال محتاج لمهاجم هداااااااف من طراز المحياني .. و المحياني فقط .. فمهاجمي الهلال الحاليين .. أحمد الصويلح , محمد العنبر , سلطان السعود , و بدر الخراشي لاعبين جيدين و لكن لكل لاعب عيبه الكبير .. فأحمد الصويلح .. لاعب رااائع جداا و لكن.. كثرة إصاباته عليها مليون علامة إستفهام .. حتى أنه في آخر 3 سنوات لم يلعب 3 مباريات ورى بعض أساسي ولم يصاب .. فالهلال محتاج لاعب مستمر مع النادي .. محمد العنبر .. لاعب ممتاز ورائع و لكن .. مباراة يكون فيها خيالي و مباراة لا تسمع أسمه فتذبذب مستواه الشديد مؤثر جدا و خصوصا بأن ياسر لن يكون موجود في جميع المباريات .. سلطان السعود .. لاعب جيد .. ولكن لم يلعب بإستمراريه مع الهلال حتى الآن .. و لذلك .. المحياني مهم جدا إستقطابه .. لحاجة الهلال لخدماته .. فهو ما ينقص الهلال حاليا .. |
وجهة نظر نحترمها لكن الصرحة ما فيه مقارنة بين المحياني والصلويلح الصويلح كل الموسم في غرفة العلاج |
اخوي العمران طرحك مميز واغلب كلامك صحيح الا مقارنة الصويلح بالمحياني لا اتفق معاك اطلاقا ولكن ما يمنع خله يجي ويجلس له بالاحتياط اشوي انت مقبل على بطولة آسيوية وما تدري يمكن يحرمونا من الدولين ونحن كهلالين نؤمن ونقر بان مستوى الصويلح متذبذب وانشاء الله المحياني هلالي ومو شرط يكون اساسيا على طوووووول |
المحياني سيكون إن شاء الله في الخارطه الأساسية للزعيم وانت اللي بنحطك في الاحتياااااااط |
مع احترامي لشخصك دائما مواضيعك تريد فيها الجدال باختصار انت على مايقول المثل(( خالف تعرف )) |
| الوقت المعتمد في المنتدى بتوقيت جرينتش +3.
الوقت الان » 11:20 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd