بالحب والإشراق

















صدقت أني رحت


من جد أتفق معك في نقاط وقد أختلف في أخرى

أذكر لما كانت مواضيع الترحيب ممنوعة ماكان المجلس ممل مثل هالحين

بس أتذكر رأي أحد الأخوان إذا المواضيع ما عجبتني ماني ملزوم أقعد معكم

وشكلي بأسوي مثلة

لأن إذا سكتنا عن بعض الأمور ربي يعاقبنا وإذا ردينا قالوا تردون من باب خالف تعرف
على ما قلتي ياغالية كل واحد يصلح سيارتة

أما من ناحية الإستطرادات أكثر كتب الشرح كذا تضيع مختس
مثل حاشية الروض المربع يا أن هالمجلدات جابت لي المر من كثثر الإستطرادات
بس إذا تبي تتعلم شي مفيد أصبر على كاتب الكتاب
يازين كتب ابن عثيمين والله تفتح النفس لين جيت أقراء ما أدوخ


المهم

أنا أحب كل أنواع الجالكسي الا المكسرات وأفضل الجالكسي السادة"بلوك"

بالعربي إذا تبين تكسبين ودي عطيني جالكسي وأصير معك

على طاري الغلقة <<لين حسيت تسذا يتسائلون خواتي عن معنى مفرداتي


بس من جد الركود الموجود ممل أحيان كثيرة أنا مع التنويع بس موب كل شي سياسة

والا مواضيع تنقل بدون تحري تجبرنا نكتب ردود جافة نوعا ما

على طاري الجفاف يارب يجينا مطر أحس ربي غاضب علينا يا أهل الرياض
المشكلة اللي مايروح يصلي لأنها فرض كفاية ما يفكر أن ممكن يكون منع القطر منه
مشكلتنا نستهين كثير في الدعاء ونصلي وأحنا مو موقنين بالإجابة

من أول لين راحوا يستسقون خشوا بضاعتهم لايبللها المطر

الحين يروحون الأكثرية وهم متأكدين الا شوي أن ما جايهم الا الغبرة


على طاري الغبرة أحس أني حسيت واجد

مشكورة يالغلا على هالحروف الحلوة والله يسمع منك
ومنتدى التراحيب أنا أأيد وجودة بقوة أو عودة منتدى الأعضاء لمثل هالأغراض

خلاص عاد ما أنعطى وجة صدق أن الحريم يحبون يحكون واجد

بالحب والإشراق

صباح الخير

ماودي أفصّل كثير .. لكن لو " كل " عضو قبل يضغط أيقونة إضافة موضوع يكون عارف فعلاً هو ايش يبي يوصّل بهالموضوع
ما كان بنحس إن المجلس يمر بضعف نوعي بالطرح + المواضيع القيّمة تاخذ الوقت اللي يستحقه جهدها

عليكم السلام ورحمة الله وبركاته

صباح النور

بالنسبة لمواضيع الترحيب والله هي زينه وشينة
زينه ان العضو الجديد يحس انه مرحب فيه بالمنتدى ..
وشينة انه يسوي زحمة مواضيع على الفاضي ..
وعلى قولتك لو كل عضو جديد نزل موضوع مفيد وبين فيه انه عضو جديد ..
رح يكون عصفورين بحجر ...


اما بالنسبة لركود المواضيع بالمجلس هذا بسبب ركود الاقتصاد العالمي > لايكثر
لان اغلب الاعضاء يقروون مواضيع متعوب عليها ولا يردون ,
والحركة هذي تحطم صاحب الوضوع لانه تعب عليه ومالقى اي تفاعل

والعامل اللي فوق لو يلاحظها شخص عنده موضوع مفيد رح يتردد ان يطرح موضوعه ..
لانه رح يتوقع ان مافي تفاعل لموضوعه

وفيه سبب ثاني يمكن لنوعية المواضيع , هنا اغلبها سياسية او دينية بحته ..
وهذا يخلي اغلب الاعضاء يتجنبون الدخول في متاهاتها لان ماعندهم خلفية كافية عنها

وفيه مواضيع اللي كاتبها مدري وش يحس فيه ,
زي موضوع قريته قبل اسبوع حاولت افهم المقصد منه لكن عجزت ,
وصراحة راح تفكيري بعيد بصاحب الموضوع

وفيه سبب اخير وهو كاتب الموضوع نفسه
لان فيه اعضاء يكتب مواضيع مفيدة لكن بسبب انه مو معروف هنا ما يلقى اي تفاعل لموضوعه ويتحطم .،،
واتمنى اكون غلطان في النقطة هذي

إقتباس *لاتنشب برآي النآس إلا غصب يغيرونه عشانه ضدك؟ كلن حر برآيه اطرح رآيك ..وهو يطرح رآيه وكلن يصلح سيآرته

على طاري السيارة وانا جالس اكتب الرد سمعت صوت حادث
رحت شفته وطلع بسيط واتفقوا كل واحد يصلح سيارته

يعطيك الف عافية على الموضوع

حياك الله اختي وردة الهلال ..
والف مبروك التفعيل وان شاء الله تفيدين وتستفيدين

>>> وش يحس بها ذا

تصدقون عاد اني ما كتبت موضوع ترحيب فيني اول شي سويته يوم تفعلت كتبت عن الثنيان شكلي بنزل موضوع رحبوا فيني ها اليومين منها ترحبوا فيني ومنها نجدد النشاط

وعلى طاري التمر ترى التفاح بعد كويس الصبح يقول المثل اليوناني
تفاحة كل صباح تغنيك عن زيارة الطبيب
وبعد التفاح يستحسن واحد سنكرس كبير ابو ريالين ونص وعلى طاري الانصاص مدري ليش اكرهه ودي يحطونه بثلاث ريالات او ريرجعونه بريالين

الله يعطيك العافية يا وردة الكرز وموضوع خفيف ينفع مع الصباح الباكر

دمت بخير وعافية ,,,

8
8
8



يآآحبي لكم

بآآآرجـع. بالليل إن شآء الله

الحين طآقتي صفـر

بس وش حيث ترحبون بمآجد ولا ترحبون فيني

ترا بس اجرب

على طآري موضوع الترحيب.. مرة دخلت كذا منتدى قلت خل اشوف

ورحت وكتبت..

دخليكم مارجعت شفت من رحب ومن مارحب

ودي اروح اشيك اشوف.. عآآآد شهـور

مادري اتوقع وصل الصفحـة المليون

حبيت اجرب واشوف. مآآش ..خآنتني العـبرة اقصد الكلمات. وسوت صدآقة مع المنتدى

واتركتني


تشآآوآ

نور الشمس. تدرين حآجة. هالشعـللة ذي..انا بكبري فآقدتها لي 5 سنين

على طآري موآضيع الترحيب. صرآحة أعجبني هذا العـضو..

أول مشاركة لي في المنتدى @ فديو@ اسلام شخصين اليوم الجمعة في مسجد أنس بن مالك بالعقربية اليوم ولله الحمد @فديو@

زي كذا اقصد اكتب انك عضو جديد بموضوعك

وعليكم السلام ورحمه الله وبركاته


هلا وغلا بك وردتنا

ذكرتيني بموضوعك الامتعاض
كان جايزن لي بس شكلك حاطه لي سحر كل ماجي ارد مدري وش يصير
ههههههههههههههههههه اعترفي


بيني وبينك مواضيع الترحيب مالها فائدهـ
لو الواحد نزل موضوع مرتب ويكون بدايه انطلاقته وفي المقدمه وضح انه عضو جديد بيكون افضل
وعلى قولتك ماتوا الي ينزلون مواضيع ترحيب
وان شاء الله نحاول نتغلب على هالشي واضفنا موضوع ترحيب

المواضيع المتميزهـ كثير تقابل بجفاء بالردود
مو لعدم جودتها ولكن الكسل والحاله النفسيه الي تصيب الاغلبيه
وبعضهم اناني يحب يقرا بدون لايرد

واوقات يكون الموضوع رائع
ولكن مو من اهتماماتك فـ ماتقدرين تعلقين وتضيفين

وايش كمان
اممممممممممممم
مانبي يردون خمس مواضيع
ودنا اصحاب المواضيع ماينزلون الا بعد مايمخمخون الموضوع براسهم من كذا جانب سوا الفائده والترتيب والجوده
وبعدين يضغط ايقونه الارسال

\

/
عودا حميدا وردهــ
تسلم يدينك ومقلطك حلوو اعزمينا دايم

..

اللـه يـسعدك ،
صـرآحـه موضوع متميـزز كـانـك تعرفيـن وش اللي بخـاطري ،
وردهـ ، آقـول لو آنـزل موضوع رحبـوا فيني تهقين يصلـح .؟ لآني مش ولآبد مآلي مشآركات لزوم آسوي موضوع ترحيب فيني

يعطيـك ربي الف عـآفيـه ولآقصـرتي ، هـو كلامك كويس محد يختلف عليـه ، بس اعذريني عجزان والله اعلق ع كل نقطه < بـ يتابع مباراه المنتخب

..


تسلم إيديك على هيك موضووع ..



..

تقبلي مروري ..

أختك / خجل الحب ..

إقتباس الرسالة الأصلية كتبت بواسطة وليد القحطاني صباح الخير .. ياهلا وياغلا وردة << وردتين قريت الموضوع على السريع واعجبتني بعض النقاط واحيي فيك الشجاعة .. تحدثتي عن ان الاعظاء مايردون على المواضيع ! يعني لازم نرد على كل المواضيع اللي في المجلس العام ! فيه سياسة يتحلى فيها بعض الأعظاء اللي هي :- الموضوع اللي يعجبك ترد عليه , والله مايعجبك مو لازم ترد يكفي انك دخلته وشفته .. يعني مثل مواضيع هلالي من أرض اليمن .. ولايهونون الباقيين بدون ما اشوف عنوان الموضوع ادخل وارد على طول لانه يكتب من فترة لفترة ونشتاق لمواضيعه ولقلمه المميز < طارق لاتتحمس بس يجيك واحد كل يوم موضوع مثلي سابقاً .. يعني بعطيك الأعظاء اللي لازم ارد عليهم ولو ما فهمت الموضوع اصلاً هلالي من ارض اليمن الهاوي صقر فيصل ماجد مقبل فياض مواصل والقيصر رهيب هههههههههه << لاتصدق يادلخ والكثير الكثير ولا يهونون الباقيين الف شكر على الموضوع الخفيف فمان الله

انا ماقلت كلها؟

لكن لو 5 زين

يعني فيه مواضيع تستحق التشجيع

اما اني ارد وانا مافهمت هذا مستحيل

حتى لو كنت من متابعين العضو مثلا!

يا أرد حسب ما فهمت او اكتب اني مافهمت واطلب توضيح!
ولا ما ارد احسن!

تسجيل حضور وانا مافهمت موضوع مصيبه!

شكراً وليد