مافي فايدة والله - نادي الهلال السعودي - شبكة الزعيم

Y-G-Y · #1 09/01/2009, 03:52 AM

بسم الله الرحمن الرحيم

بصراحة مباراة اليوم احس ان اللاعبين يبون يجيبون اهداف باي شكل من الاشكال وكأنهم يبون يقولون للامير سلطان ترانا باقي موجودين وحركة ياسر يوم يروح بعد الهدف على طول لناصر الجوهر وكانه يرد على الاعلام بان الجوهر هو السبب في الهدف وحركة ناصر الجوهر يوم يخلي المصور يقرب منه ويكشف اللي مكتوب في الورقة اللي معاه ( رقم 13 مسك كورة أكثر ) وكأني قريتها كذا لما قرب المصور يعني يبي يثبت انه يخطط مضبوط .

ياجماعة المنتخب اليوم اكتشفت انه ضحية الاعلام اللي قاعد يحاربه اللاعبين صاروا يخافون ويتابعون كل ماينقال في الاعلام بشكل غير طبيعي ولا تعودناه عليهم حتى ياسر نجمنا ماحبيتها منه يوم صرح بتصريحه الاخير المفروض انه مايعطي العالم انطباع انه يفكر فيما يقولون ومباراة اليوم احس انها شخابيط طقطقة وقول ماشفنا لعب منظم او هدوء وتنظيم .

والله اني مقهور من اللي قاعد يسير ولا ادري ليش والمفروض اي اعلام سعودي يحارب المنتخب بصفة التفرقة وخلق المشاكل انه يبتعد سواء عن طريق الادارة الاعلامية او من السلطة المكلفة بمنع ماهو سلبي .

اتمنى ان يعود ياسر كما عهدناه سابقا وكلنا نعلم من هو ياسر ولكن من نظرتي الخاصة ياسر الى الان لم يقدم ماهو متعارف عليه لازال مختفي .

الحمدلله ان مالك رجع وانا اقولها رجع من خلال مباراة اليوم حسيت انه ذكرنا باليابان .

ياناصر الجوهر لا تفقد الثقة في نفسك انت رجال كبير والمفروض تكون اثقل واحد لانك مدرب المنتخب السعودي واللي شفناه اليوم مع الورقة اللي مطلعها وكاتب في الشخابيط هذي ترى ماهي بحلوة منك اللي نبيه منك تحط النقاط على الحروف وتخطط لمباراة الامارات مضبوط لانها لاتقبل القسمة على اثنين اللي هو الثلاث نقاط .

واعذروني يالربع الوضع تو ماتش ماينطاق والله .

غاوي هلال · #2 09/01/2009, 04:30 AM

كلام جميل ويدور في ذهن الكثيرين

وليد القحطاني · #3 09/01/2009, 04:34 AM

ياهلا أخوي

إقتباس


	وحركة ناصر الجوهر يوم يخلي المصور يقرب منه ويكشف اللي مكتوب في الورقة اللي معاه ( رقم 13 مسك كورة أكثر ) وكأني قريتها كذا لما قرب المصور يعني يبي يثبت انه يخطط مضبوط .

ما أعتقد أبداً ان الحركة مقصودة من الجوهر

!!
وهالحركة دائماً تصير في الملاعب

والجوهر مو أول مرة يمسك ورقة وقلم ويكتب

اتمنى اني وضحت لك

Y-G-Y · #4 09/01/2009, 12:32 PM

اشكر مروروك غاوي هلال وياوليد القحطاني

في كلامي عن الورقة اللي مع ناصر الجوهر يعني لو تعلم ان المدرب يستطيع ان يحتفظ بورقته لاي مباراة قادمة ويلعب بنفس الخطة او يغيرها فهنا لا يستطيع اي شخص غير مهم يطلع عليها فلما نشوف المصور يكرر الصورة اكثر من مرة صدقني هنا مانقول ان الجوهر مايدري الا يدري بس يبي يوضح ان ناصر مو جالس ويتفرج بل انه قاعد يخطط .

أقبل على النفس فاستكمل فضائلها
فانت بالنفس لا بالجسم انسان