|
][..حب غالي مع الإيطالي البيرتو جيلاردينيو ..][ السلام عليكم ورحمة الله وبركاته ,, :rose:+:smilie47: {..~ما الحب إلا للحبيب الأولي الجرح من ايده يطيب وينجلي لو راح عني وغاب وصد وقسى لو عشت عمري بلاه في هالحياة يكفيني من حبه غلاه والذكريات بحر الهوى يا سامعين ماله دوى مايروي قلب العاشقين مهما روى ,‘ هذا الموضوع برعاية بما ان جهازي مخرف وبما اني مشتهيه عصير تفاح تروبيكانا والماسنجر زحمه هالايام وسويت تصميم لي بس طلع مخيس وعندي احساس ان جهازي مهكر لأنه صاير يتسخف دمه علي هالايام قررت اكتب لكم قصة اختطاف قلبي>>>ما العب 7 7 7 مشكله الي يخلص اشتراك دي اس ال(هم) ويتلحط كم يوم بدون نت http://vb.eqla3.com/images/smilies/frown.gif >>>في ناس يقولون اصرف من الي من عنده دي اس ال ابد في احدى ايام العطله الطويله (الصيفية ) انا:يباا وين بنسافر هالصيف>>>>>مقطعتهم باريس كل صيفhttp://vb.eqla3.com/images/smilies/biggrin.gif يبا : مدري يمكن جده ولا الطايف انا: وش ذا يا خي نبي نغير ما صارت ترى >>>>>بديت اموون (لطخني بفنجاله)http://vb.eqla3.com/images/smilies/Looking_anim.gif يبا : احمدو ربكم طلعتكم من الرياض غيركم يتنمى يجيها انا: طيب خلنا نروح لبنان يباا: من زين لبنان عاد.. والله ان ابها اطلق منهاhttp://vb.eqla3.com/images/smilies/biggrin.gif انا: تدري خلنا هنا بس اصرف ((يقطع بليس ذا الاسهم خلت العالم يخيسون في ديارهم محد سافر)) ورحت لغرفتي وادق على بنات خالتي واجمعهم بعدين نزلت لــ اخوي http://vb.eqla3.com/images/smilies/grins.gif انا: اقول محيميد تبي شيبس ولا بيره هلستون ولا اي شيhttp://vb.eqla3.com/images/smilies/biggrin.gif اخوي طايره عيونه ومرتاع.. وش هالكرم؟ محيميد:ايه عادي؟! >>>>>ينرحم طيب ودني التميمي اتقضى .. خفت روعته محيميد :أها بس انا: الله يعافيييك بيجون بنات خالتي وابي اروح اشتري خرابيط ننبسط عليها محيميد: طيب تعطيني بخشيش انا: ايه الله ياخذك>>>>متحسفه محيميد : طيب ابركب السياره خمس دقايق ان ما جيتي ابهون>>>>>يا شين ذا الحركه يعني لازم ننذل قبل ما نطلع http://vb.eqla3.com/images/smilies/frown.gif انا : وجع طيب واطمر اجيب عباتي و رحت اطر من امي فلوس ولا عطتني وجه قلت اقول وين بوكها بس ..رحت لغرفتها وافتح الشنطه وادور البوك يوم لقيته دخلت يدي وغمضت وجلست اقول استغفر الله استغفر اللهhttp://vb.eqla3.com/images/smilies/biggrin.gif >>>ولو عندي ضمير واخذ المقسوم واررركض اركب السياره. .المهم خلصنا مقاضي ورحت محل فديو ادور فلم هندي نصيح عليه >>>>>>>من الفضوه ندور شي يصيحناhttp://vb.eqla3.com/images/smilies/frown.gif وترى قمة الفله عندنا نجتمع على شيبس وببسي ونجلس نطالع فلم هندي واهم شي كرتون منديل في النصhttp://vb.eqla3.com/images/smilies/biggrin.gif :smilie47: ما ناقص إلا زيت نارجيل نهضم عليه http://vb.eqla3.com/images/smilies/038.gif خلصت ورجعت البيت والقى البنات باسطين في الصاله انا : جيتو!! >>>>>((على طاري جيتو ذا السؤال المخورhttp://vb.eqla3.com/images/smilies/biggrin.gif ..مره كنت نايمه عند جدتي وتجي عندي تسألني قايمه!! وتطق كتفي وتهزني (فلانة,فلانة) قايمه!!!..ايه طبعاً قايمه وش عقبه؟؟>>>>منقهره)) بنت خالتي: ايه من زمان وين طسيتي ؟ انا: رحت اجيب لكم فلم هندي وخرابيط تنوكل وبعدين ترى ما صار لي نص ساعه ما صدقتو احد يناديكم!!http://vb.eqla3.com/images/smilies/biggrin.gif >>>>>ما ودك اعزم احد http://vb.eqla3.com/images/smilies/grins.gif بنت خالتي وهي تلفق الوضع : طيب يالله مشينا فوق عند الفديوhttp://vb.eqla3.com/images/smilies/biggrin.gif وطوول العطله وحنا على ذا الحال يا نروح لهم يا يجونا http://vb.eqla3.com/images/smilies/frown.gif ..وطنت مره نروح لبنده اول ما دخلنا بنده لقيت زول جالس على مكتب وويوزع مدري اوراق مدري لوشو يوم شافني قالي يا بت انا ارتعت وش يبي؟http://vb.eqla3.com/images/smilies/Looking_anim.gif رحت نعم؟ الزول: في مسابغه حابه تشتركي معانا http://vb.eqla3.com/images/smilies/Looking_anim.gif انا : كيف ؟http://vb.eqla3.com/images/smilies/Looking_anim.gif الزول : اديكي كرت في سوعال لما تجاوبي عليهو صح تدخلي ضمن الاسماء اللي ممكن تفوز .. ((بعدين ناظرني بنص عين )) والجايزه تسافر برررررا>>مع تخفيف الرااhttp://vb.eqla3.com/images/smilies/10111.gif انا من سمعت طاري سفر ضعتhttp://vb.eqla3.com/images/smilies/biggrin.gif : طيب قل قااء http://vb.eqla3.com/images/smilies/Looking_anim.gif http://vb.eqla3.com/images/smilies/biggrin.gif الزول : قسمن واللهي..في 3 دول ممكن تسافري لها فرنسا وايطاليا :smilie47:واسبانيا انا قمت اسعبل واخذت الكرت وامحط اسمي الرباعي + رقم بيتنا :smilie47:يوم شفت سؤالهم كان مخيس للغايه(متى تم افتتاح هايبر بنده ؟؟)http://vb.eqla3.com/images/smilies/frown.gif وكانو حاطين السنه اختيارين ..وابو الشباب الزول غششني يقالي يتميلح.. قلت له اقوول لا تحاول ترى اذا فزت لو تطير ما اخذك>>>>>تلاحظون الثقه عاد هو خذ الكرت وحطه على جنب انا استغربت حسيت انه خق عندي >>>>>>>>>> ع فكره دايم الزووله يخقون عندي مدري ليه حتى سواق عمتي ضايع معيhttp://vb.eqla3.com/images/smilies/biggrin.gif المهم خلصنا تمشي ورجعنا البيت .. لقيت العائله متحمسين يناظرون التلفزيون .. وطبيت معهم http://vb.eqla3.com/images/smilies/biggrin.gif :smilie47: وبعد يومين كنا متبطحين في الصاله الظهر نناظر الفلم المكسيكي روبي>>>>>على طاري روبي تذكرون اليخاندرو يا ان السوالف اللي مسويها تقهرني ابد رصيفhttp://vb.eqla3.com/images/smilies/Looking_anim.gif هالسالفة مب الصيف اللي فات اللي قبله ترى على أيام روبي :smilie47: ماعلينا نرجع لسالفتنا الا وهي حومة الكبد في اجازة الصيف وانني معندة ابي اسافر شوي وإلا يدق التلفيون تررررررررررن ترررررررررن انا مالي خلق اقووم متحمسه مع الفلم قمت اناظر محيميد :انت ورا ما تقوم ترى له ساعه يرن التليفون محيميد:قومي انتي اشتغل عند ابوتس انا انا : يالشين قم قبل لا ينقطعhttp://vb.eqla3.com/images/smilies/frown.gif محيميد: اكيد لتس من بيدق علينا في الظهر يا خالتي يا وحده من صديقاتتس انا : لا صديقاتي اذا يبوني بيدقون على جوالي :smilie47: محيميد: لا تحاولين منيب : على طوط http://vb.eqla3.com/images/smilies/biggrin.gif :smilie47: بعدين انقطع وانا ذابحتني اللقافه وودي ادري مين الي كان يدق http://vb.eqla3.com/images/smilies/frown.gif انا : هين انت اطلب مني شيء ولا قلي ابي فلوس بعبي بنزينhttp://vb.eqla3.com/images/smilies/007.gif >>>>>>انواع الاستغلال يوم رن ثانيه مديت رجلي ابشوته واشوى قام بعد دقيقتين جاي ويناظرني نظرات خبيثه http://vb.eqla3.com/images/smilies/038.gif انا : وشو؟! "فيس يقوطر براءة "http://vb.eqla3.com/images/smilies/060.gif محيميد: يعني اذا بغيتي تخربينها خربيها صح موب كذاhttp://vb.eqla3.com/images/smilies/10111.gif انا طايره بوهتي ومرتاعه محيميد: روحي شوفي بس لتس التليفون رحت طيرااااان اشوف ميين انا: الو المتصل : آآآآآآآآآلللووووووووووووو انا: مين؟ المتصل: انتي (.........)http://vb.eqla3.com/images/smilies/eek.gif انا وعيوني طلعت من مكانها :خير من انت؟http://vb.eqla3.com/images/smilies/Looking_anim.gif المتصل: انتي متشركه معنا في مسابغه و احب اقولك فزتي معانا انا: مسابقة بنده ما غيرها؟http://vb.eqla3.com/images/smilies/biggrin.gif الزول((عرفته المتصل اللحينhttp://vb.eqla3.com/images/smilies/biggrin.gif )): آآآآآآآي..اقولك يا (***) >>>>مسوي يمون فزتي بتزاكر سفر لايطاليا :smilie47:واغامه لمدة سلاس(ثلاث للي ما معهم لغه) ايام بلياليها انا: ايطاليا ديرت الطخمان http://vb.eqla3.com/images/smilies/004.gif ؟؟ الزول : شنو؟ انا: اسمع بس كيف الطريقة اللحين ؟ الزول :آآآآآآآآآآآي سألتيني كيف..اقولك دحين كيف >>>>يحبون يعفسون ويدورون في الحكيhttp://vb.eqla3.com/images/smilies/biggrin.gif المده محدوده اليوم الاربعا ..يوم السبت السفرررررر والتزاكر 4 اشخاص فغط انا : بس !! نطركم إنّا عائلتنا الكريمة واجدة أمي وابوي واخواني ولا تهون ((ياتي)) >>>>اندونيسيتنا الله لا يخليناhttp://vb.eqla3.com/images/smilies/004.gif الزول: واللهي ما اقدررر مو بيدي انا: طيب انت تلايط اللحين خلني اروح اعلم العائله الزول : اشوفك غريب ان شاءالله في بنده>>> حرف الدال هنا يرنhttp://vb.eqla3.com/images/smilies/10111.gif انا: ايه هماكم بتسفرونا كل صيف عندكم ان شاءالله ..طوط طوط طوط http://vb.eqla3.com/images/smilies/biggrin.gif وصكيته قبل لا يكمل هذرته اخاف يخربها ويرقم لا سمح اللهhttp://vb.eqla3.com/images/smilies/biggrin.gif وانزل تحت والقى اهلي الجحده يتغدون وما نادوني http://vb.eqla3.com/images/smilies/frown.gif انا: خييرر؟؟؟ وبس؟ ابوي : وش تبين؟ انا : ليه تتغدون وتسحبون علي؟ محد رد علي جالسين يفرمون انا: الموووهيييم تراني شاركت في مسابقه في بنده وفزت ابوي: وش دراك انك فزتي؟ انا: قبل شوي دق حق المسابقه و قالي ابوي :يعني كلمتي رجالhttp://vb.eqla3.com/images/smilies/eek.gif انا: بكل قوة وجه ايه :d شرق ابوي وحالته حاله من سمع اني كلمت حق المسابقه ما يدري انه زول منتهيhttp://vb.eqla3.com/images/smilies/008.gif عاد انا ابلفق الوضع :فزت بسفر لايطاليا وترى بس 4 اشخاص انا ابختارهم من يبي يسافر؟ ابوي من سمع طاري سفره وان عدد الاشخاص محدودين قام يتمصلح : وانا ابوتس لو الاسهم ما طاحت كان وديتكم فيذاك تعرفيني ما اقصر انا: احد جاب طاريك http://vb.eqla3.com/images/smilies/biggrin.gif >>>>>>اسلوب مخيس ابوي عصب بس ما يقدر يسوي شي لازم يتملصح ولا يدري اني منيب مسفرتهhttp://vb.eqla3.com/images/smilies/10111.gif http://vb.eqla3.com/images/smilies/biggrin.gif امي: ترى انا حملت فيك تسع شهور همين ولدتك همن رضعتك وربيتك>>>>>اسطوانة كتاب المطالعهhttp://vb.eqla3.com/images/smilies/frown.gif محيميد: والله اوديك اللي تبينه حتى في ايطاليا امشيك بصوه>>اختي:والله ما عاد اشلح توكس من درجس وترى ذيك المره بليس ((اخوي البزر سكني واناديه بليس)) هو الي قالي اسرقيه انا: انتي تدرين ان الي يسرق يقطعون يدهhttp://vb.eqla3.com/images/smilies/biggrin.gif >>>>>>>ما قد سرقت من بوك امي بليس: بصوه تبين اعلم يوم تروحين المدرسه وانتي سارقه قلمها الازرق وهي ما عندها غيره اخوي البزر: والله العبك بلاي ستيشن واخليك انتي اوليhttp://vb.eqla3.com/images/smilies/biggrin.gif ووووجع الله ياخذكم كلن قام يطلع فضايح الثاني ..اسمعو بس امي وابوي باخذهم اما انتو بسوي لكم قرعه واللي يطلع بنسفره خلاص>>>>يحيا العدل يالله اللي يخلص يقوم يغسل يده ويروح يصف في الصاله كلهم طمرو يغسلون وراحو يصفون ..وانا ادور عندهم وانا مصغره عيوني http://vb.eqla3.com/images/smilies/biggrin.gif >>>>مسويه شديده يقالي ابي اخوفهم واحط قطعة منديل صغيره تحت واحد من اصابعي واحط يديني عندهم قلت يالله اختارو والي بيطلع معه بيطس معنا ..كلن اختار اصبع وانا جلست اناظرهم بنظرات مدري وش تبي حماسيه وهم خايفين اللي قام يعرق والي يدعي>>>>>يسمعون بالحماسhttp://vb.eqla3.com/images/smilies/biggrin.gif وافتح يدي وطلع على محيميد http://vb.eqla3.com/images/smilies/frown.gif حامت كبدي من ذا اللزقه ويجي طاير يمطخني والله يا (...) انس اطلق اخت وابوديك كل يوم للي تبينه وبجيب لك افلام بعد .. انا: لا يكثر بس جهز اغراضك ترى السبت ماشين و كل العائله راحت تجهز خرابيطها وعدتها وامي الله يطول بعمرها قشت كل المطبخ ملاعق صحون كاسات جيك مويه وقدور تعرفون السفر يمكن نحتاج نطبخ كبسه ولا شيhttp://vb.eqla3.com/images/smilies/biggrin.gif يقولون حوسة الاكل في السفر شينه وامي ما تبينا نفقد اكلها الله يخليها لنا بسhttp://vb.eqla3.com/images/smilies/004.gif دخل علينا ابوي :يالله كلن ياخذ بطانيته ووسادته ترى انا اتابع حسن كراني http://vb.eqla3.com/images/smilies/004.gif http://vb.eqla3.com/images/smilies/biggrin.gif كل هالايام وروما بارده يبيلنا نتلبد زين ..اشين شي المرض في السفرhttp://vb.eqla3.com/images/smilies/biggrin.gif ! ويجي يوم الخميس بعدين الجمعه بعدين السبت يوم السفرhttp://vb.eqla3.com/images/smilies/10111.gif قشينا عفشنا و رحنا للمطار كانت رحلتنا 12 الليل وكنا عندهم من المغرب خايفين تفوتنا الرحلهhttp://vb.eqla3.com/images/smilies/biggrin.gif وبعد طول انتظار نادو على رحلة روما ونركض للبوابه وكنا اول من صف عند الباب.. اول ما ركبنا الطياره قالت لنا المضيفه اننا درجه اولى على طول بسطنا وجلسنا في كراسيهم والله انهم اجواد قهوونا ووزعوا ذيك الفوط الحاره حقت التمسيحhttp://vb.eqla3.com/images/smilies/038.gif ..محيميد يوم عطوه الفوطه نطلها يقول حاره!! اما انا حللت ابوها مسحت يدي ووجهي ومديت سيقاني ومسحتها يعني تروشت الا شوي..http://vb.eqla3.com/images/smilies/biggrin.gif واخوي من شاف ذا المضيفه وهو ضايع عندها كل شوي يناديها مره مويه مره شغلي المكيف حر ..مره ابي وساده بنام!!!http://vb.eqla3.com/images/smilies/Looking_anim.gif ترى كل هذا قبل لا نطير حتى كان بيرقمها الله يفشله ما قد شاف خيرhttp://vb.eqla3.com/images/smilies/frown.gif وبعد نص ساعه انلطعنا فيها قال الكابتن تمسكو وتجودوا زين ترى بنطير.. ربطنا الحزام ومشت الطياره وبعد ما استقرت في تسبد السما جت شغالة الطياره http://vb.eqla3.com/images/smilies/biggrin.gif <<--كلمة نشاز تسألنا وش تبون تتغدون؟؟ دجاج ولا لحم ولا باستا ..انا تضامناً من روما http://vb.eqla3.com/images/smilies/004.gif قلت ابي باستا والطعس الي معي يبي لحم وهو وابوي الله يخليه اما امي سحبتها نومه.. جلسنا شوي وجابت الطلب الله يكرم النعمه مشقصه يحلفووون لها اسبوع مقطنه في مطبخهمhttp://vb.eqla3.com/images/smilies/139.gif بالنسبه للحم مدري بس اخوي ما قصر لحس الصحن حتى خلاص ما يحتاج يغسلون صحنهhttp://vb.eqla3.com/images/smilies/biggrin.gif وبعد كم ساعه اعلنو الهبوط و نزلنا اول ما وصلنا مطار روما انواع الناس الخقه http://vb.eqla3.com/images/smilies/004.gif لا رجالهم ولا حريمهم لدرجة ان محيميد خق عند واحد يحسبه بنتhttp://vb.eqla3.com/images/smilies/Looking_anim.gif وحنا نمشي لقينا واحد واقف رافع مثل اللوحه مكتوب عليها Ftah hilalyahhttp://vb.eqla3.com/images/smilies/038.gif التفت على ابوي قلت يالله هذا تبعنا امشو وراه>>>>>>>>ترى انا اللي متزعمه العائله http://vb.eqla3.com/images/smilies/biggrin.gif المهم ركبنا معه ونزلنا الفندق كان مره فخم ومليان خليجيين انا على طول نزلت في اللوبي لقيت مكان مظلم وفيه لمبات ملونه وناس يرقصونhttp://vb.eqla3.com/images/smilies/026.gif قلت ام الفله ذولا ودخلت عندهم وهم متحمسين في الرقص ..قلت في نفسي يعني بس هم يعرفون قمت اتنكس هم استغربو من رقصي وقامو يصفقون عاد انا خقيت وانواع الاستنزال عندهم http://vb.eqla3.com/images/smilies/biggrin.gif:smilie47: يوم خلصت كلن قام يجي عندي وينطل علي فلوس انا استنكرت الوضع بس عادي ما استحيت خذتها>>>>>>مغسول وجهها بمرق :d:smilie47: وبما ان معي فلوس قلت ورا ما اقلط عند الكوفي حقهم اشرب اي شي طلبت كوب كبير فيه شي كأنه عصير تفاح ورغوه كثيره فوق بس مدري وشوhttp://vb.eqla3.com/images/smilies/Looking_anim.gif (وجه يقطر براءه) توني باشرب واشم ريحته وععععععع خيااااس كأنك تشرب مرق زباله (وانتو بكرامه):smilie47: ناديت القرسون يجيب لي قهوه اصرف..بينما انا اقحن في الكوفي الا يجي وراي شخص ويحط يده على عيوني(يعني حزري من انا)http://vb.eqla3.com/images/smilies/biggrin.gif عاد انا ما احب حركات المصاله رجعت يدي ابقبصه وانا اقول محيميد يالماصل تبي قهوه..وتوني المس يده واستحيت صارت انعم من يدي!http://vb.eqla3.com/images/smilies/eek.gif استغربت ومسحت محيميد من مخي قلت من ذا!! يوم فكني وجا وجلس قدامي .. انا :آه جلاردينيوhttp://vb.eqla3.com/images/smilies/n/sm5.gif:smilie47:!! جيلاردينيو: لقد اشتقت اليك كثيراًhttp://vb.eqla3.com/images/smilies/004.gif انا : انني لم اعرفك يا جلاردينو الاطخمو وانا اكثر http://vb.eqla3.com/images/smilies/004.gif جلاردينيو: لم اعد اراك اين اختفيتي:naughty: انا: لا اعلم عنك ايها الزلابه من جا كاس العالم وانت ساحب علي عندي احساس انك مبلكني>>>>>>>مشبكته ماسنجرhttp://vb.eqla3.com/images/smilies/biggrin.gif (- الا صح هم كان معهم بكأس العالم :smilie47: جلاردينيو: لالا لم ابلكك انني متأسف ولكنك تعرفين ظروفي انا: نعم نعم الا على طاري كاس العالم مبروك الكاسhttp://vb.eqla3.com/images/smilies/biggrin.gif البيرتو:الله يبارك فيتس..اذن انتي هنا في ايطاليا :d:smilie47: انا: (وش رايك يعني بلا تميلح بس) نعم جلاردينيو: متى سترحلون من هنا انا: بعد يومين جلاردينيو: يا الهي ..لماذا؟!..اريد ان اوريك البلاد وامشيك فيها انا: والله انك خطير ولن تقصرو لكن ماذا افعلو ان لنا اسبوعين هنا (لازم انصب ما في امل اقوله فايزين بها وانها بس 3 ايام والله ان يرحمنيhttp://vb.eqla3.com/images/smilies/frown.gif ) جلاردينيو: حقاً.. ليتني كنت ادري او على الاقل اخبرتيني بالمسن يالجاحدة :no: انا: يا للحسافهhttp://vb.eqla3.com/images/smilies/biggrin.gif :no: جلاردينيو:قررت بهذه المناسبه انا اعزمك في برج بيزا على طعام العشاء انا: حسناً على حسابك طبعاًhttp://vb.eqla3.com/images/smilies/biggrin.gif >>>>>>اهم شي جلاردينيو: سرينا (ترانا نحتسي ايطالي بس حبيت اترجم لأخوانا العربhttp://vb.eqla3.com/images/smilies/10111.gif ) وذهبنا الى المطعم المجاور وقضينا وقتاً ممتعاً واهلي كانو في عاشر نومه اما انا كنت اتسكعو في الشوارع>>>>>مسكت خط مع العربيhttp://vb.eqla3.com/images/smilies/biggrin.gif جا اليوم الثاني ونزلنا وفطرنا وذقنا كل شي حاطينه في البوفيه من زود الشفاحه http://vb.eqla3.com/images/smilies/biggrin.gif وجلسنا نفكر وين نروح في الليل ..قلت لأبوي امش خذ لك اي تكسي ويعلمنا الاماكن الموجوده ... واذا ما معك فلوس اقدر ادبر لك بس اصبر لما يجي الليلhttp://vb.eqla3.com/images/smilies/biggrin.gif >>>>ناويه تروح تكمل ردح:d:smilie47: شفت انهم ما طلعو بشي قلت لمحيميد خلنا نروح نتمشى بس .. طلعنا ندور في الشوارع وشفنا جلاردينيوومعه قروسو اخوي حامت كبده محيميد:شوفي هذولا لاعبينهم شيووون انا : ايه مرررره شيوووووون <<-- ايه هين http://vb.eqla3.com/images/smilies/biggrin.gif قام يطالعني بنص عين وهو حاقد علي انا غيرت الطريق اخاف يشوفني جلاردينيو وينشب..وش يفكنا عادhttp://vb.eqla3.com/images/smilies/biggrin.gif جلسنا في الهايد بارك حقهم شفنا واحد راكب سيكل ومركب قدامه ثلاجه فيها عسكريمات .. رحت اجيب لي واحد وسحبت على اخوي يوم رجعت قام يسعبل ويلمح لي ساعه يبيني اباشر عليه .. بس هذي فلوسي تعبي >>>>>تذكرت الدوافير ايام الاختباراتhttp://vb.eqla3.com/images/smilies/Looking_anim.gif يأس مني وراح لراعي العسكريم وشاف وحده موووت http://vb.eqla3.com/images/smilies/004.gif خق عندها ونسى العسكريم..انا لقيتها فرصه اقوله اذا وده يشبكها عادي ..واصير اشوف جلاردينيو علنيhttp://vb.eqla3.com/images/smilies/biggrin.gif رحت عندهم ولقيت اخوي ضاااايع عندها جلست اناظرها البنت صدق حلوووووه حتى انا خقيت عندها>>>>>ما تعوق الخقهhttp://vb.eqla3.com/images/smilies/biggrin.gif محيميد السبهه على طول طلع جواله يسوي نفسه اني كشخه ومهم يقالي اكلم>>>>>>طراها القراوا الي يتميلحون بالجوالhttp://vb.eqla3.com/images/smilies/frown.gif انا ما قصرت دقيت عليه وصار يرن وهو مسوي اني اكلم >>>>>>ترضع نذالهhttp://vb.eqla3.com/images/smilies/biggrin.gif المهم قربت من البنت واشوفها توزع بطاقات وتغني ومعها شله يغنون يوم شافتني والسبهه اللي معي عطتني بطاقه وهي شاقه الابتسامه ..من ابتسمت اغمى على اللي معي فتحت اقراها ما فهمت شي رحت لها ثانيه قامت تخنبق وتحكي ما فهمت شي الا يوم قالت my birthday party استوعبت انه ميلادها ..والله انها ونعم اجل تعزمنا وهي ما تعرفناhttp://vb.eqla3.com/images/smilies/biggrin.gif لفيت على اخوي المصون لقيته ما زال مسطل وشرحت له ان البنت المذكوره اعلاه عازمتنا ع حفله عيد ميلادها محيميد : تهقين امي وابوي يوافقون؟:no: انا: وانت من قالك اننا بنقولهمhttp://vb.eqla3.com/images/smilies/biggrin.gif محيميد:شلون اجل نطلع وبس؟ انا : لا نقولهم بنروح السوق نتمشى واذا قالو بنجي نقولهم بنروح ايس لاند ما يمديكم تتزحلقون>>>>>>تحسبها جدهhttp://vb.eqla3.com/images/smilies/biggrin.gif لأن لو قلنا لهم بنروح حفله بنت عازمتنا و لا ندري وش هي من لحيه بنرجع السعوديه بدون رقبه http://vb.eqla3.com/images/smilies/biggrin.gif :smilie47: محيميد:وش رايك في البنت؟ انا: اها بس اركد ..خلاص خلنا على خطتنا>>>>>>داهيه محيميد: طيب تدرين وين الحفله فيه؟ انا: تصدق مدري..يا خي اول مره احس انك ذكيhttp://vb.eqla3.com/images/smilies/biggrin.gif ..شلون بنروح حفله ما نعرف مكانها! محيميد: طيب بما ان معك لغه روحي اسأليها رحنا مكانها ما لقيناها طلعنا برا البارك شفناها تمشي بلحالها ومعها وحده ورحنا وراهم ..جلسنا نلاحقها من شارع في شارع لين وصلت بيت ودعتها البنت الثانيه و حقت الحفله دخلت البيت وسكرت الباب انا: خلنا بس نرجع ننام اتوقع هنا في بيتها محيميد: طيب يالله رجعنا البيت ونمنا "في صباح اليوم الثالث والاخير" http://vb.eqla3.com/images/smilies/frown.gif:smilie47: ما قمت الا متأخره العصر لقيت محيميد نايم وماسك وسادته وضامها بقوه وانواع السعابيل وكان يبتسم http://vb.eqla3.com/images/smilies/019.gif انا خربت احلامه وجلست اقوم فيه انا:محيميد يالله قم ترى ورانا حفله الاخ نايم وما في امل يقوم سحبت الوساده الي بالموت انسحبت انا:وجع قم ترى حفلاتهم بدري موب مثلنا>>>>>>>راعية محلhttp://vb.eqla3.com/images/smilies/biggrin.gif وبعد ما قام كشخنا ولبسنا وقابلتنا امي امي: وين بتروحون ؟http://vb.eqla3.com/images/smilies/Looking_anim.gif انا: بنروح السوق امي من سمعت طاري سوق راحت تتجهز محيميد: اقول يمه تراك منتب رايحه فيه ايس لاند بنروح نتزلج فيذاك<<--محفظته الحكي :laugh: امي: معليش انتو تزحلقو على كيفكم وانا خلوني ادور و اشوف سوقهم كان شي جاز لي انا: لالا يمه السوق كله تمشين وانتي تتزحلقين حتى الي يبيعون لابسين السكيتنق يعني ما يمديك تجين>>>>>>ما تعرف تنصبhttp://vb.eqla3.com/images/smilies/biggrin.gif امي: اجل في امان الله بس لا تطولون انا بابتسامة خبث: مع السلامهhttp://vb.eqla3.com/images/smilies/10111.gif وانحشنا قبل لا يستلمنا ابوي عاد وشلون نلقى له تصريفه بعد مع اني ما هقيت اننا بنشوفه خاق مع النادي حقهم من يقوم من النوم وهو مسنتر تحت http://vb.eqla3.com/images/smilies/rolleyes.gif مدري وش يشوف http://vb.eqla3.com/images/smilies/biggrin.gif :smilie47: طلعنا انا ومحيميد ونصينا بيت البنت ونشوف بلونات وانوار وزحمه برا وصوت الاغاني من برا ينسمع يوم دخلنا لقينا الدنيا ترقص انا عجبني الوضع وقلطت معهم واخوي عيا عليه حلف ما يقعد لين يسلم على الي عازمتهhttp://vb.eqla3.com/images/smilies/038.gif يوم لقاها سلم عليها وهي انبسطت ما توقعت اننا نجي ما تدري اننا على الريحه جاهزين http://vb.eqla3.com/images/smilies/biggrin.gif انا جلست ع طاوله واتفرج على العالم ومحيميد يمشي وراها وفازع معها تشك انه راعي البيتhttp://vb.eqla3.com/images/smilies/biggrin.gif جلسنا شوي بعدين سكروا كل شي مشغلينه ..واشوف من بعيد احد شايل كيكه كبيييره وفيها شموع واثره الفزعه اخويhttp://vb.eqla3.com/images/smilies/038.gif جابها وحطها على الطاوله وتجمعوا كل خلق الله الي موجودين حولها والبنت تضحك و اخوي راح يجيب السكينه عشان تقطعها والله يا اني حقدت عليه تحس انه عرف يشبكها وذا التسلبه خاقه معه لقت من يحوفت بهاhttp://vb.eqla3.com/images/smilies/frown.gif يوم قاموا يغنون قلطت وشاركتهم الغناء وعشان يفلونها زياده وزعوا النبيد والعياذ باللهhttp://vb.eqla3.com/images/smilies/biggrin.gif انا خفت اقلط معهم واتوهق اذا بغيت ارجع لأهلي ورحت ادور محيميد عشان اقوله ترى موب مطولين شوي ونطلع لقيته ماسك المايك ويستخف دمه ويغني والي حوله فاكينها ضحك..اناظر شوي الا القى جلاردينيو:smilie47:http://vb.eqla3.com/images/smilies/n/sm5.gif باسط معهم ..اشرت له وساعه ازاعق ابيه ينتبه لي يوم شافني ويجي عندي..يقولي يا شيخه ذا الادمي خفيف دم اول مره اشوفه انا طقتني الغيره ..قلت هذا اخوي بس تراه سبهه ما عليك منه.. الا ويجي اخوي يقول هي يا ....((ناداني بأسمي الوسخ بغى يفضحنا بالمنتدى)) وش ذا الزين اللي معك ..؟ حقدت على محيميد جالس يتغزل في جل جل <<-- دلع لجلاردينيوhttp://vb.eqla3.com/images/smilies/060.gif قلت انطم بس وكمل اغانيك .. قال: شوفي كانتس بترجعينه للرياض معنا ترى بيصير لنا كلنا مهوب لتس بلحالتس:smilie47: يوم لتس ويوم لي أنا ::bigeek: آآه يالداشر ماتستحتي تقول لأختك كذا !http://vb.eqla3.com/images/smilies/Looking_anim.gif محيميد : المهم علمتس لا تقولين ما علمتنيhttp://vb.eqla3.com/images/smilies/Looking_anim.gif جا جلاردينيو قالي امشي نطلع برا انا ما اقدر اخربها معهم وانا وراي دوام باتسر http://vb.eqla3.com/images/smilies/biggrin.gif طلعنا نتمشى.. انا:الا انت وش جايبك عزيزي انك كثيرونhttp://vb.eqla3.com/images/smilies/biggrin.gif جلاردينيو: ان سيليا بنت خالي ((راعية الحفله))..وانها خاقتون مع اخوك كثيراً تقول انه ظريف وجميل>>>>معليش ظريف ابلعها بس جميل ما في املhttp://vb.eqla3.com/images/smilies/Looking_anim.gif انا: ان سيليا تبدو لطيفه((لطيفه ولا منيره))>>>>>>>بدينا بالمصالهhttp://vb.eqla3.com/images/smilies/frown.gif البيرتو:اريد ان افاتحتس بموضوع عزيزتي (...) ..تدرين اني صرت كبير اللحين وامي كل ما شافتني قرقت فوق راسي اعرس ..وانا اتعذر اول بالمونديال و اني مشغول اللحين خلص وما عاد عندي اعذار خصوصا اني لقيت البنت الي تناسبني .. هل تقبلين بي زوجاً غاليتيhttp://vb.eqla3.com/images/smilies/060.gif انا من الصدمه فاقه خشتي وتقطعت من الوناسه اجل باتسر بصير اترزز معه في كل عود مثل فيكتوريا حرمة بيكهام واروح لندن اصلح شعري بمدري كم الف يوروhttp://vb.eqla3.com/images/smilies/biggrin.gif قلت له:اقبل وبس لو بغيت اللحين يالاطخموhttp://vb.eqla3.com/images/smilies/biggrin.gif >>>>>ضايعه معه قالي اجل امشي اوديك بيتنا اوري امي الجمال العربي و زوجة المستقبل..رحنا بيتهم وقالي انتظري شوي ابدخل على امي افهمها الموضوع واجيتس..قلت تيب وانطق عند الباب وانطل اذني ابي اسمع وش يقولهاhttp://vb.eqla3.com/images/smilies/Looking_anim.gif اول ما دخل امه:ولدي حبيبي لقد اصبحت كبيراً متى ستتزوج اريد ان افرح فيك يا بني.. جلاردينيو:اني جاي اخبرك انني سوف اعرسو .. امه:هذي الساعه المباركه يا وليدي واللحي ابدق على جارتنا بقولها بنجي نخطب بنتكم لوليتاhttp://vb.eqla3.com/images/smilies/eek.gif انا برا تصفق وجهي وجتني الصيحه وحقدت على لوليتا ولو اني اشك انها سديراويه من اسمها بس ولو اجل تسرق رجلي http://vb.eqla3.com/images/smilies/n/sm1.gif جلاردينيو : لا انني سوف اتزوج بــ فتاة سعوديه اعرفها منذ زمن ان لوليتا اعتبرها مثل اختي مابي اعرس عليها امه: اها بس اركد ما عندنا عيال ياخذون خواجات>>>>الله يالدنيا صرت خواجه اجلhttp://vb.eqla3.com/images/smilies/frown.gif جلاردييننيو: امي حبيبتي انها حياتي لا تحطميني اريد ان اتزوج من احبhttp://vb.eqla3.com/images/smilies/frown.gif امه: ترى عطيتك وجه بقوه لي كم سنه وانا اقردن فوق راسك اعرس اعرس يوم جيت تعرس تاخذ وحده موب من ديرتنا وارهابيه والله لو تتقطع بتاخذ لوليتا يعني بتاخذها وانت حمار>>>>قفلت اخلاقها امهhttp://vb.eqla3.com/images/smilies/biggrin.gif انا في هذي اللحظات العصبيه تذكرت ولد جيرانا الي قبل اطلطل عليه وامه اذا جت تتميلح عندنا قلت اقول بس شكل مردي لشهباناhttp://vb.eqla3.com/images/smilies/004.gif والطخمان في الجنه ان شاءالله ورحت اركض بروح بيت بنت خالته اخذ اخوي ونطس لفندقنا لأن طيارتنا الصبح لازم نرجع بدريhttp://vb.eqla3.com/images/smilies/frown.gif وانا اركض واركض وعيوني تملأها الدموع واركض واركض وقلبي يتفطر ويتقطع الماً واركض واركض >>>>>>خلاض درينا انتس تركضينhttp://vb.eqla3.com/images/smilies/biggrin.gif وشوي و اوصل لبيت التسلبه واشوف اخوي ما زال يستظرف اسحبه واخذ لي اول تكسي ونروح غرفتنا ..المهم اني لقيت اهلي نايمين واخوي خمد وانا يا عميري فاكتها صياح من الجرح الي صار لي بسبب جلاردينيو عاد تعرفون أصعب شيء جرح الحبيبhttp://vb.eqla3.com/images/smilies/060.gif وانخر بتسي وأنا أدعي على أمه وعلى لوليتا ومن كثر الصياح نمت :smilie47: اسمع صوت امي تصيح وحاله وابوي معصب يقول بتفوتنا الطياره وجع وين طس الثور!! رحت اشوف وش السالفه لقيت محيميد منحاش وحاط لي ورقه عند سريري http://vb.eqla3.com/images/smilies/Looking_anim.gif كاتب فيها: عزيزتي واووختي (...).. اني احبتس وانتي اطلق بنت في الدنيا جبتيني هنا ولقيت شريكة حياتي وشفت ان مستقبلي معها انا ابعرس على سيليا وانتوا ارجعوا للسعوديه انا بعد كم سنه اذا ركدت اوضاعكم ابرجع لكم .. بس انتي صرفي اهلي قولي انه انخطفت واحتمال اني فطست فماله داعي يجلسون يدوروني اختي يا تسبدي منيب ناسي فضلك علي وان شاءالله اشوفك بعد كم سنه الزلابه ..محميدhttp://vb.eqla3.com/images/smilies/004.gif أنا : ايووووووون وأقول بنفسي وجععععععععع يالمخووور اجل بتاخذ لك وحده توك شايفها وانا حووبي الازلي ما في امل اعرس عليهhttp://vb.eqla3.com/images/smilies/frown.gif :smilie47: واروح لأهلي ابدبر السالفه واصرفهم امي تقطعت من الصياح وابوي ما فرقت معه كثير لأنه بيخفف مصاريف البيتhttp://vb.eqla3.com/images/smilies/biggrin.gif بس مشكلته ما استوعب موضوع الخطف (( لو انتس قايله انه ميت معليش خاطف معليش بس مخطوف قويه يعني من هالزين اللي في خشته!! )) يبا لا تدقق انت امش بس نروح لديرتنا ..رحنا المطار ورجعنا لأرض الوطن ..وعشنا حياتنا ونسينا ان معنا بثر في البيت وانا كل يوم اتذكر جلاردينيو واشوفه يراكض في الملاعب يضيق صدري زياده http://vb.eqla3.com/images/smilies/frown.gif .. بعد مرور 6 سنوات وكنا جالسين في الحوش نتقهوى الا ويطق الباب علينا..يروح اخوي الصغير يفتحه ويطلع لنا محيميدhttp://vb.eqla3.com/images/smilies/eek.gif ..انهبلوا العائله من وين طلع ذا السبهه ..امي موب مصدقه الوضع مسكتها صياح و ابوي يقوله:هماك مت!!http://vb.eqla3.com/images/smilies/biggrin.gif وانا متنحه اول ما دخل الا وراه 4 بزران بنتين وولدين..جلست اناظره والله انك بطل يا التبن وش ذا الطخمانhttp://vb.eqla3.com/images/smilies/004.gif الي جايبهم معك صاروا عياله.. و زوجته جحدته عندها صديقها وسحبت على اخوي http://vb.eqla3.com/images/smilies/biggrin.gif عاد هو ما اخذ من طبعهم مره زعل وقال ابرجع لديرتي .. خلاصة الحكي والبربرة اللي مامنها سنع بس كتبته اروح عن نفسي مع حومة الكبد وضغط الإمتحانات http://vb.eqla3.com/images/smilies/frown.gif :smilie47:: 1-اللي موب قد الاسهم لا يتميلح ويدخلها ياما تلحطوا عالم بسببها http://vb.eqla3.com/images/smilies/frown.gif 2-الزواج من الأجنبية دايم يكونون ضحيته الاطفالhttp://vb.eqla3.com/images/smilies/139.gif 3-بالنسبه للناس الي يسافرون اتركوا عنكم المراقص والشراب وهالاماكن..والله اغلب الدول في الصيف تشوف ما يملي هالاماكن الا الخليجيينhttp://vb.eqla3.com/images/smilies/Looking_anim.gif أترككم بحفظ الله ورعياته ,, أختكم :فتاه هلاليه ,,:smilie47: {..~ after 3 days:smilie47::smilie47:<!-- / message --> |
والله من التنسيم اللي في راستس يا النكوتيه :D 1- يا القراوى يا البدونز العالم وصلت القمر وأنتي وأهلتس للحين على بندهـ والتميمي :D العالم صاروا يتقضون من جيان كارفور سيتي بلازا سنتر بوينت وأنتم على هالمحلات إقتباس:
ههههههههههههههههههههههههههههههههههههههههههههههههههههههههههههه لا و على قولة لورنس المهر بـ 40 ألف غير الذهب :D:D:D أجل يد هالسحلي الاشقر أنعم منس الله يرجس إقتباس:
كهكهكهكهكهكهكهكـهـ إقتباس:
يا حرام :cry: الحين بالله علميني وش مطيحتس عند هالشقران صدقيني ما بهم من الحلا ذرهـ :D ولا بس يعني عشان له قذلة تهفهف أشوى إننا يا السعوديين أحلى من هالشقران وش فيها لا صار لوننا أشهب بملعه :D موب أطلق من واحد وجهه أصفر :D طيب يا النكوتيه أضحكـ الله سنكـ |
فطست فطستنا مبرحه من الضحك الأهبلٍ :ap: اقسم انك فتاة منسمه :d ياختي .. قصه حلوه .. واللي محليها .. جيلاردينيو:smilie47: ومحيمد :ga: .. .. على طاري الأسهم .. اعرف واحد صار يدخن بعد ماطب في الأسهم :no: والله انها بلا متلتل ..:bigeek: اما الخليجين .. اللي يتميلحوون برا السعوديه .. << كل واحد يمشي ومعه خويته:bigeek: .. بدووو ,, يسمعون بالموووضه :d يعطيك العآفيه.. ع الروااايه السنعه مثلي:ga::d ..:rose:} فتكو بـ ع ـآفيه ..:d |
موضوع جميل بزاته :d والله اني بغيت اجيب العيد :d بغيت اقول انكِ سارقه للحقوق الفكريه :d منتديات قبيلة بللسمر الرسميه |
وعليكم السلام ورحمه الله وبركاته هلا وغلا بتس ياوخيتي :smilie47: هههههههههههههههههههههههههههههه ههههههههههههههههههههههههههههههههههههههه ههههههههههههههههههههههههههه :bx::bx::ap: ياحبي لك ولسوالفك :bx: ذكرتيني مره بـ جده جانا مصري والا لبناني ناسيه :d >>وش جاب لجاب يهذر علينا ويقول مسابقه والجائزة رحله لاحد هالدول وانا الي افك خشتي :d هو يبدا ينصب علينا ويقول لنا المميزات وهالاشياء وانا ماعااقني الا شنطه السفر :bx:تحمست بالاخير قال ابوي انهم نصابين وتسذا :alzaeem: اما اخوانتس هههههههههه والتميلح ذكرتيني ببنت خالتي لاجا معاي شي او تبي تلعب بالجوال انواع الحضن والتبويس :to: وتدلعني وتناديني هنو احبتس :bx: ولاجيت خاليه شوي وتقول لي انقلعي :to::cry: والله هالمضيفات ودك يجبون من افريقيا :confusedw: طيروا عقول هالشباب:bx: بالطياره مارتاح نفسيا عيني على ابوي :bx::ap::ga: ياشين لاقامت تبربر انجلش وانت ماتدرين وش الطبخه :bx: يافشيلتاه ترقصين بمرقص http://vb.eqla3.com/images/smilies/biggrin.gif الشبكه تتبرا منتس إقتباس:
إقتباس:
هههههههههههههههههههه :bx: ماعليك منهم عمليه تجميل وتنعيم >>>يلعبون على نفسهم :bx: اهم شي حوارتس معاه ههههههههههههههههههههه إقتباس:
هههههههههههههههههههههههههه الله يرج عدوك هههههههههههههههههه :bx:http://vb.eqla3.com/images/smilies/biggrin.gif اثاري الاجانب مثلنا تزوج فلانه غصب :alzaeem: مو يقولون انه فري شكلك غلطانه :bx: مالقاها الا محيميد :alzaeem: سلميني على جيلاردينيو لاشفتيه مسن ثانيه :d:ga: ومعوضه ان شاء الله فكتوريا مهيب احسن منتس:d \ :smilie47: / يعطيك العافيه ماشاء الله اسلوب فكاهي مميز:smilie47::rose: استمعت بالقراءه وضحكت :bx: لاتحرمينا من سوالفك الهنوووف كانت هنا ورحلت |
القصة يبي لها جلسة ع كورنيش جنوب الرياض:d ،، ويبي لها دلة شاهي مع شوية فصفص ،، وامممم ووبس ،، تسلم يديك اللي كتبت هالحتسي الطويل ،، شوكرا لك :D تحياتي |
ههههههههههههههههههههههههههههههههههههههههه ميت ضحك وش هالفله جد انتي منسمه (( يعني فله )) |
والله قصة حلوووووووووووووووووة:clapping: يخرب بيتك من وين جبتي الفكرة ؟؟ :d إقتباس:
|
ههههههههههههههههههههه قصه روعه تقطع قلبي من الضحك الله يرجتس :clapping: ومن جد فيكتوريا بيكهام ما هي احسن مننتس عاد من زين جلاردينهو الحين <<<< صاكته الغيره |
قسم بالله شكيت انه انا اللي كاتب الموضوع بالبداية .. [ جيلاردينو + تروبيكانا تفاح ] :smilie47: والله ما أكذب اني أموت على جيلاردينو و التروبيكانا التفاح .. من جد مصادفة غريبه !! توقعت انه آخر شي تبي تقولين " وفجأة يجي أبوي يصحين " :d:smilie47: ألف شكر يا أختي .. وقصة ولا في الخيال .. |
قسم برب الكعبة انتس منــــتــــههههههههههههههههههههههههههههههههـــــيـــة موضوع وقصة حلللللللللللللللللللللللووووووووووووووووووووووووووووووووووووة تكفين كل يوم اكتبي قصص زي كذا بس الصراحة توني ادري انو عندنا بنات زاحفات بالشكل هذا ههههههههههههكككككككككككككههههههههههههههههههههههككككككككككككككككككككك تشكراتي |
ما شاء الله كتبتِ موضوع جديد ؟!:ak: وموضوع بردانين وين ردودتس عليه ؟:ak: لا مايصير تنزلين موضوع جديد وذاك الموضوع ماخذ حقه:ak: تسمحين لي اررفعه ؟:ak: ~~> منقهرة مجهزة رد عليه أطول من الموضوع نفسه وراح للصفحات اللي ورا وأنا ماحطيته :ak: ترى برفع الموضوع ولا برسلتس ردي ع الخاص وش أبي بوه يجلس عندي وماحد شافه :bl: ~> الله أكبر ياهالرد الزين :ap: .. نجي لموضوعتس هذا:smilie47: لحظة مارحبت فيك !! :razz::ga: حيَّا الله فتفت هلا وغلا :le: وعليك السلام و رحمة الله وبركاته :d ما شاء الله مواضيعتس دائماً تجنن :ga: وما ألقى تعليق عليها الا اني أشطح برا الموضوع :to:.. الصدز اني ماكملت القصة :lk: > :razz:.. بكملها وبرجع ان شاء الله :rc:.. شكراً لك فتفت :gb: ـــــــــــــ بااكـ بعد يومين:razz: ما شاء الله وش ذا الزين :ga: قصة توسع الصدر :ga: جلست أقراها ثلاث أيام من طولها :ap: في مشاهد زي ماقال ماجد يبي لها مقص رقيب :bx: الله يعطيك العافية يالغلا :smilie47::rose: إلا من هو جيلاردينيو , أول مرة أسمع بوه :ap: .. سلااام :gb: |
:rose: ههههههههههههههههههههههههههه <<< متسدح ضحك بالمحلق :d تنسييييييييم × تنسيييييييم :d يمين بالله اني اقرى الموضوع ومعي ديو قاعد اشربه وانواااع الضححححك :laugh: صراحه فكره خورافيه :d:smilie47: وأسلوبس هو الي مظبط القصه :d والي محلي القصه أكثر وأكثر أن فيها جيلا [ الإنبطاحي ] :d:smilie47: <<< ترى كل الميلانيه يسمونه الإنبطاحي لأنه أنواع التبطح بالمعلب :razz: يعطيك العافيه اختي على الموضوع المهبول :bx: :rose: وأجبرتيني أني أرد لتميز الموضوع ؛؛ لأني قليل ما أشارك عندكم بالمجلس :d:smilie47: سوري ع الإطاله :rose: سي يو :smilie47: ][ دمتـم بـود ][ |
هلا صقيقتي تتزوجيني تراني اطخم من جلاردينيو:d في ملاحظه وشلون مافهمتي ايطالي لما كلمتس مرت اخوتس الي سحبت عليه كلمتس ايطالي عن عيد الميلاد وانتي مافهمتي ولما يتكلم جالردينو تفهمين:d<<<ينقاله نشب خيتو احيك على ابداعك وتقبلي مروري وقسم انتس احسن وحده لاتنسن موضوع الزواج:d |
ابوووووووووك يالياقه :d قريت شوي من القصه وحسيت اني تعبت ودخت شوي :bx: ماشاءالله عليك وش هالقصه المفروض تنزلينها اجزاء :to: على العموم قريت اول القصه يعني المصاله ودني وجبني وبنات خالي وفلم هندي بس اشوف الردوود كلهم يضحكون عشان كذا بريح شوي وبرجع اكمل القصه ويمكن اعدل ردي على العموم حبيت اشكرك على مجهوودك :bx: وإن شاءالله اكيد برجع اكمل القصه ورده |
| الوقت المعتمد في المنتدى بتوقيت جرينتش +3.
الوقت الان » 04:13 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd