صناعة الكرتون بالخليج >الإمارات هي السباقه - نادي الهلال السعودي - شبكة الزعيم

Msh3al_37 · #1 03/01/2009, 04:22 AM

اهلن اهلن

مساكم\صبحكم الله بالخير جميعاً

تعرفون الواحد اذا ماجاه النوم يقعد يحوس يحوس يحوس لين مايصير حول من كثر الدوران

قلت يلا خليني اسوي موضوع بما اني فاضي لكن اتمنى يحوز اعجابكم

اليوم موضوعي عن الصناعه الجديده للأفلام كرتون بقالبها الكوميدي بالخليج

اول ناس بتكلم عنهم هم عيال زايد وانا اعتبرهم الرواد الآوائل بنهج هذا الطريق

قصه ام خماس ومسلسل فريج والمبدع في اخراجه محمد سعيد حارب

الي كان له السبق بأنتاج اول مسلسل كرتوني خليجي ثلاثي الأبعاد

وانا اعتبر هالمسلسل من افضل المسلسلات الي مرت علي واشوف انها هي الأبرز بالفتره الحاليه

صور لأبطال المسلسل الكرتوني::

المسلسل الثاني هو شعبية الكارتون وهو الي يأتي بالمرتبه الثانيه في ابداع صناعه الكرتون فكرته مره قريبه لم فريج لكن بقالب كوميدي اكثر و مدة زمنيه اقصر

بصراحه مافي اي معلومات عن المخرج لكن ما اخفي اعجابي فيه

لأنه قدر يدمج جميع الجنسيات في هالمسلسل بين السعودي والاماراتي والسوداني والمصري والخ...

صورة لأبطال المسلسل

وهذي حلقه من شعبية الكرتون (للعلم يحتوي على مقاطع موسيقيه)

شعبيه الكرتون

طبعاً جا بعدها مسلسلات كويتيه وسعوديه لكن لاتوازي حجم امكانياتها او حتى رسومها المسلسلين السابقيين

الموضوع قابل للأضافات ترا واتمنى اني ماكنت ثقيل عليكم

كنت هنا وبرجع اشيك بعدين

وردة الهلال · #2 03/01/2009, 04:50 AM

انا مايقهرني إلا بو حديجان؟

يوم بغـوا يسوونه جابوا رسآمه مادري وش تبي وخلوها ترسم؟؟

رسم رديء! جداً؟ بنظري!!

وماكو تحريك زي النآس؟

يعني عجزوا يتعاقدون مع نآس لهم خبرآت؟ برسم الشخصيآت؟؟ بأحلى من كذا؟

يرحون يشوفون رسماآت وآلت ديزني وغيرهم

حتى ساكورا تشآن

احلى منه بكثير

يرحون حق الأنيمي

يشوفون كيف الرسم يكون دقيق

خل عنك هالمسلسلات ورح للأنمي

ان طحت فيهم مافكيتهم

<<

انصحك تشوف نآرتوآ وبليتش.. هم الأكثر شعبيه

بالأخص نآرتوآ شيبدون

صور من بليتش

وابو الشعر البرتقآلي ايتشقوا بطل المسلسل

نآروتو. يوم كان بزر

معاه ساكورآ.. وساسكي.

وهـو كبير.

طبعا بعد افترآقه عن ساسكي

هذا الرسم ولا بلآلآش..

مشآهدة ممتعه..

وفيه انيمي اسمه. Darker+Than+BLACK
رهييييب

هذا إلي يحضرني ..

شكرا لك

Msh3al_37 · #3 03/01/2009, 04:54 AM

^^

لعلمك فريج يصنف من منضومه الأنمي

يالنسبه لمسلسل ام حديجان ترا عندنا مواد اوليه جداً بالأنتاج ومو مدعومه 100%

شاكر مرورك

عريب عبدالله · #4 03/01/2009, 04:58 AM

فعلا الفريج مرة حلو وأحب أشوفه من جد يمزع تسبدي من الضحك

الترجمة ظريف جداً

أفضل فلم شفته ودايم اشوفه هو شركة المرعبين المحدوده

مارد وش وشني وشلبي سلوفان طبعا أنا أحب مارد وشوشني

أما بو فأموت عليها تجنن

بالحب والإشراق

وردة الهلال · #5 03/01/2009, 06:56 AM

إقتباس

الرسالة الأصلية كتبت بواسطة Msh3al_37


	^^ لعلمك فريج يصنف من منضومه الأنمي يالنسبه لمسلسل ام حديجان ترا عندنا مواد اوليه جداً بالأنتاج ومو مدعومه 100% شاكر مرورك

احد قال مو مسلسل كارتوني؟

بالعكس يعجبني كثير.

لكن انا جبت طآري بو حديجان وان مسلسلاتنا الكارتونيه سيئة..

نتمنى نشوف مسلسل زي النآس..

ورسمىت احلى

وش حيث اليآبآن عندهم رسآمين وحنا دآجين

Msh3al_37 · #6 03/01/2009, 09:11 AM

إقتباس


	فعلا الفريج مرة حلو وأحب أشوفه من جد يمزع تسبدي من الضحك الترجمة ظريف جداً أفضل فلم شفته ودايم اشوفه هو شركة المرعبين المحدوده

رائدة الزعيم والت ديزني غيرررررررررر

هي وقفت على شركة المرعبين المحدوده ؟؟ في افلام كرتون كثيييير صنعتها والت ديزني ومازالت تصنع فيها وهي تجذب الكبار قبل الصغار لمشاهدتها

شاكر مرورك

إقتباس


	احد قال مو مسلسل كارتوني؟ بالعكس يعجبني كثير. لكن انا جبت طآري بو حديجان وان مسلسلاتنا الكارتونيه سيئة.. نتمنى نشوف مسلسل زي النآس.. ورسمىت احلى وش حيث اليآبآن عندهم رسآمين وحنا دآجين

بس كنت حاب اوضحلك ان مسلسل فريج يعتبر انمي بما انك جبتي طاري الأنمي وانه افضل

بالنسبه لأبو حديجان فيه مسلسل برمضان الي فات كان نفس طريقه لك اسواء لو شفتيه بتقولين الله يحلل ابو حديجان عند ذولا

على فكره بسوريا اقيمت ورشه حظرها رساميين الأنمي في اليابان عشان يعطونهم دروس بكيفيه الرسم وكيفيه استخدام الأجهزه الحديثه بالرسومات

FINAL10 · #7 03/01/2009, 01:48 PM

إقتباس

الرسالة الأصلية كتبت بواسطة وردة الهلال


	انصحك تشوف نآرتوآ وبليتش.. هم الأكثر شعبيه بالأخص نآرتوآ شيبدون

نآروتو آنمي جميل شفت الجزء الاول
والجزء الثاني احمل حلقآته اول بآول

آنمي جميل وفي نظري افضل انمي رآيته في حيآتي

نصيحه / غير اليآبآن لآ تدور آنمــي

صمت الخفوق · #8 03/01/2009, 01:55 PM

( قلـــــــــــــــــــــ

ــــــــــــــــــب )

>> لداري ولمبدعيها

Z ! Z OO · #9 03/01/2009, 02:45 PM

إقتباس


	نصيحه / غير اليآبآن لآ تدور آنمــي

والله أنك صادق

الأنمي لايقارن بمسلسلاتنا الخليحية

لاكن كبداية فهي جيده

وننتظر باقي الدول سوا خليجية ام عربية

ون بيس

Msh3al_37 · #10 03/01/2009, 05:34 PM

إقتباس


	الأنمي لايقارن بمسلسلاتنا الخليحية لاكن كبداية فهي جيده وننتظر باقي الدول سوا خليجية ام عربية

زيزو البداية اكثر من ممتازه في هذا المسلسلين

اوكـ الأنمي الي من صناعه اليابانين اكيد افضل بكثير بحكم انهم مخترعينها

لكن بالخليج اتوقع ماراح يطلع شي مثل هالمسلسلين

ولد عنزه و صمت الخفوق و زيزو شاكر مروركم

ورده

شوق الكويت · #11 04/01/2009, 12:50 AM

هلا اخوي والله ام خماس عجيب والكل يتابعه بدول الخليج ولا شك لهجه الاخوان الاماراتيين زادت من حلاوه الكرتون لكن بصحح لك شي الكويت هي اول دوله خليجيه تنتج كرتون كان اسمه قطعه 13 قديم يمكن سنه 2001 وكان ناجح نجاح كبير بالكويت ومدري عاد اذا كان له متابعين بالخليج ولالا بس الصراحه تنقال ام خماس غطت عاللي قبلها بنجاحها

الســفيرة · #12 04/01/2009, 01:12 AM

كان يعجبني قطعة 13

Msh3al_37 · #13 04/01/2009, 02:46 PM

شوق الكويت والله راحت عن بالي

لكن على ما اذكر قطعه 13 كانت شخصياتها عالميه يعني اتوقع انها مأخوذه من برا لأني اكثر من مره اشوف نفس الرسومات بقنوات دول اوربيه

انا كنت من المتابعين لقطعه 13 لكن بكل امانه ام خماس وشعبية الكرتون غطت على الجميع بتميز رسومها

شاكر مرورك انتي واحلاهم