بسم الله .... السلام عليكم ورحمة الله وبركاته


1/بدايه كثر الجدل عن فهد الشمري ومشاركته اساسي انا من ناحيتي مااتوقع يشارك اساسي ليش مدري ليش

عموما الموجودين فيهم الخير والبركه ليش مانعير فهد للاتفاق ولكن بشرط ان الاتفاق يدفع فيه 4 مليون اعاره

6 شهور البعض بيناظر ويتعجب المبلغ لكن يمكن ماتعجب من استقعاد الانديه الاخرى للهلال انا مااجبر الاتفاق يفك

الرهيب لكن يطلب المعقول او يرد المفاوض لكن اعاره وكم لاعب واربع مليون لااكون بتعاقد مع دانيل الفيس وانا مدري

وماننسى القادسيه اعرنا العتيبي للياقوت وكان تعامله مع الهلال على انه فريق اجنبي ومفاوضات ياسر خير شاهد

2/ فهد المبارك وماادراك مافهد المبارك فهد بااختصار خمس سنوات لاجديد (حركتك قدام نجران ميته ولالها داعي) ترا

الكور نسمت من كثر ماتوطيها فهد دور لك عرض في النصر عساك تلعب اساسي عندهم

3/ العنبر (من افضل اهداف العالم في تصفيات كاس العالم في كوريا) ياليت ترجع وتكمل ابداعاتك ومباراة نجران

ماقصرت ابدعت للامام يابطل

4/ الشلهوب في المباراة الاخيره قدام الحزم كنك عضلت شوي عموما مشتاق لذباتك للمهاجمين اللي تحطهم في

وجه الحارس ياليت ترجع اتمناها كما تمنيتها لنواف قبلك

5/ الفريدي اااااه بس ابويعقوب ثاني بس فك العصبيه شوي صانع من الطراز الاول مقاتل رائع مستخلص للكوره بطريقه

راقيه انت مستقبل الهلال

6/ الدعيع ثلاث كلمات بس سيد حراس اسيا

7/ هوساوي يوم جيت من الوحده كنت متخوف لكن الحمدلله انك كسرت الخوف باادائك الرائع وتنغامك مع المرشدي

8/ عزيز والله اني احبك حب واطمئن يوم تاخذ الكوره افضل محور انجبته الكوره السعوديه الى الان

9/ ياسر سعيد القحطاني وش اقول فيك يكفي انك تجمع مهارات يوسف الثنيان وتمركز سامي وضربات راس ماجد

وملك المساحات الضيقه وافضل من انجبته الكره السعوديه في الكنترول على الكوره اتمنى لك ابداع فوق ابداعك

10/ عبدالعزيز الدوسري مشتاقين لك




اسف على الاطاله وتظل هذه وجهة نظري ليس لااحد الحق في سلبها اوتجريحها ولك الحق في مناقشتها وطرح

وجهة نظرك لعلك تقنعني او اقنعك...


دمتم بحب وزعامه يازعماء....