في ألبي ( تـكّــــة ) ..
بسم الله الرحمن الرحيم
السلام عليكم ورحمة الله وبركاته
/،
اللهم إنا نسـألك بفضلك ومنك وكرمك ، أن تهون على أهل غزة وترفع ما بهم من ضر
وان تجعل قتلاهم في عداد الشهداء ؛ اللهم آميـن .
/،
أقول وبالله التوفيق ..
فإن عنوان هذا الموضوع قد يصعب على احد بمعناه ..
لذلك ليت مي اشرح لكم العنوان ( يحضر ماجستير الاخ ) ..
في = حرف جر ..
ألبي = وهي لاتمت لجبال الألب بصلة ، بل هي اختصار " قلبي "
..
تكّـة = وهي أكلة مشهورة
.. خخخ
التكة معروفة .. وهي القتّـة ..
فهمت ؟
جعلك ما فهمت رح للفقرة التالية
..
/،
بهالموضوع ودي اتكلم عن عدة ظواهر تواجهني بعضها "أحياناً" ، وبعضها تواجهني دائماً .
بعضها قد يكون حلها سهل ..
والآخر قد لا نجد له حل ..
وربما هناك من يكون وحده يملك الحل
ولكنه هو ذاته لا يود الحل ..
بل ويسعى في المشكلة
!
،\
تشوفون هالمنظر ؟
عسكري
يقوم بواجبه الوطني ويخالف صاحب مركبة ..
الغريب في الأمر أن العسكري في هذه الصورة هو من تكرم وتنازل وحن ، ونزل للمواطن ..
حقيقة هو مش غريب .. لانه اساساً لابد ان العسكري هو من ينزل للمواطن .. ولو حدث عكس هالموضوع فالمواطن قد ارتكب مخالفة اخرى ..
الحاصل الآن ان العسكري "يستحيل" إلا فيما ندر أن ينزل للمواطن ..
ولو ما نزل المواطن .. صارت مخالفته مخالفتين ..
بالعربي .. انزل لي يالمواطن .. واطلبني .. واحذف عقالك علي .. وبمشيها لك ^^ .
ولو ما نزلت .. الله يعينك ، الليلة بترقد في سرير غير سريرك
..
المسجد ..
أطهر البُـقع في هذا الكون .. له قدسية عظيمة ، ومكانة رفيعة ..
المداوم عليه يجد الطمأنينة .. وما إن يبعد حتى يشتاق ..
من امتلأ قلبه هماً .. لجأ إلى الله في المسجد ..
حيث الهدوء .. السكينة ، الطمأنينة .
لكـــن .. أن يصبح المسجد مرتعاً خصباً لكرة القدم ، الجري و "الغميمة" فهي كارثة ومصيبة ..
كنا نقول لن نحرر الاقصى حتى نملأ المسجد في صلاة الفجر ..
وكلي أسف أن يأتي اليوم الذي نقول فيه لن نحرر الاقصى حتى نحرر عقول المربين مما حل بها ..
المساجـــد .. أغلبها تعاني من نفس المشكلة ..
مشكلة الأطفال في المساجد !!
للأسف .. لا رقيب ولا حسيب ..
والمؤسـف أن هالبزر ما يمديك تلحقه وتلعن خامسه
!!
تلقاه من يوم يسلم الامام فرك برا المسجد .. ولا يكون فايتته ركعة ولا ركعتين ينقرها نقر ويطلع ركض !!
طيب يوم انك تبي الفكة من المسجد وشو له جيت من الاساس !؟
لكن العتب والله مهوب عليه .. العتب على الي رباه !!
مصيبة اننا نبحث عن الاقصى ، وجيل المستقبل ينشأ هذه النشأة..
أصبحت يومياً مأقلم نفسي على سماع أصوات غريبة وضحكات عالية عند كل صلاة ..
خصوصاً عند نهايتها ..
تجد الاطفال إلى سن 12-14 سنة "متجمهرين" طوال فترة الصلاة خارج المسجد .. ووقتما تحل الركعة الأخيرة انفضوا وتوجهوا الى المسجد .. ليكملوا مسلسل الكوميديا والظرافة .. ثم ينقروا صلاتهم ، ويودعون المسجد ..!
أفكر أحياناً ، أين ولي أمره ؟
لماذا نجد هذه العينات .. ونجد عينات أخرى قليلة لم تتجاوز السابعة والثامنة لا يكادون يتحركون حركة أثناء الصلاة ، ولا يلتفت لا يمنةً ولا يسرة !
هي بالفعل ( التــربية و النشأة )
وينشأُ ناشئُ الفتيانِ منـّا .. على ما كان عودهُ أبوه
/،
(
بدون صورة مؤقتاً )
هون بنّـا نحكي عن ظاهرة متفشيي عنّـا بالرياض ..
الظاهرة هي ظاهرة تعريض السيارات " عند الإشارات " ..
يا والله انها "غبــنة" وضيقة صدر !
تلقى الإشارة تمسكك ستمية مرة .. وبكل سهولة يجي واحد بدون إحساس وضمير من أقصى اليمين ويلف عليك ويوقف السيارة بالعرض ويصير اول واحد
!
باللهي مهيب غبنة
؟!
طيب نقول شعب غير واعي وناس متخلفة ومهيب وجه سيارات ..
المصيبة مافيه رادع
صار محد يحسب حساب للدورية
!!
طيب تدرون ليش ؟
شوفوا الصورة.. وبنشوف ليه ما عاد ينحسب لها حساب :
هذي طال عمركم دورية .. في شرق الرياض .. جاي من اقصى اليمين وعرض السيارة بدون أي داعي !!
المصيبة انه عرض السيارة ووقف
!!
يعني ما عنده اي مهمة ولا حادث !!
مجرد عجلة
..
بس بيني وبينكم انا ما يقهرني الا "الدورية + التكاسي" الي من هالنمونة ..
طيب انت يالدورية دام شغلتك "تدور" ليه العجلة ؟
وانت يالتاكسي ما دام شغلتك انت "تدور" وتدور عبرية .. ليه تستعجل ؟
أسئلة تحتاج إجابة
منظـر جميل .. ونادر ..
قلما نجـد شاب سعودي لا يمانع بالعمل في أي وظيفة ..
الغالبية لابد من "مكتـب" و راتب ما يقل عن الـخمس آلاف ..
وان ما حصل فالاستراحة هي المرتع لين تجي الخمسة
..
..
الغريب في الأمـر .. ان الشاب هذا لو توجه للخارج نشوفه يشتغل أي شغلة
!!
اعطيكم مثال ..
شاب طلع يدرس ..
والمكافأة ما تكفيه .. اضطر يشتغل في مطعم .. وحالته مستوورة .. ودراسته ماشية ..
الغريب انه ما اشتغل يلبي طلبات .. بل اشتغل عامل نظافة !!
طيب لنفرض ان هالشاب موجود عندنا بالبلد .. وظروف الدراسة اجبرته يطلع خارج مدينه .. مثلاً لو انه في الرياض اتجه لجدة للدراسة ..
هل ممكن انه يشتغل عشان يصرف على نفسه ؟
غالباً "مستحيل"
الغريب ان محد يعرفه في جدة ، لكن مستحيل ايضاً تلقاه يشتغل اي شغلة !!
طبعاً الظاهرة هذي منتشرة بشكل كبير جداً .. كثيير شباب من المبتعثين والي ما يكفيهم الراتب يشتغلون اي شغلة .. ويعيشون ابسط حياة ..
لكن عندنا في البلد .. الوضع معاكس تماماً ..
غريييب !!
\
/،
( اختم بسقطة قام بها احد اعضاء لجنة المليون وقت كتابة هذا الموضوع )
وانا بضغط "نشر الموضوع" سمعت بدر صفوق يقول
احب استغل هالفرصة وابارك للاخوان المسيحيين دخول السنة الجديدة
حلو حلو يابن صفوق
/
ووبسسسس ..
هذا الي عندي ..
موضوع ركيك لفظاً بعض الشيء .. اختلطت اللهجات فيه .. والأهداف ..
بعد ذلك يبي لك تعمل كلين اب لمخك .. وتسكر الصفحة .. وتحاول توجد حل للمشاكل .. وتدعي ربك يسهل امر هالبلد ^_^ ..
شــكراً لكم جزيلاً .. والعذر على الإطالة ..
مجال المشاركة مفتوح للجميع ، نبدا بأول رد تفضل اخوي
, آلي يقهرك الي يسد عليك المخرج علشآن يبي يطلع من الاشاآرهـ 
الوضع العادي
