|
في ألبي ( تـكّــــة ) .. بسم الله الرحمن الرحيم السلام عليكم ورحمة الله وبركاته /، http://www.alriyadh.com/2007/10/26/img/261090.jpg اللهم إنا نسـألك بفضلك ومنك وكرمك ، أن تهون على أهل غزة وترفع ما بهم من ضر وان تجعل قتلاهم في عداد الشهداء ؛ اللهم آميـن . /، أقول وبالله التوفيق .. فإن عنوان هذا الموضوع قد يصعب على احد بمعناه .. لذلك ليت مي اشرح لكم العنوان ( يحضر ماجستير الاخ ) .. في = حرف جر .. ألبي = وهي لاتمت لجبال الألب بصلة ، بل هي اختصار " قلبي " :tongue2: .. تكّـة = وهي أكلة مشهورة :razz: .. خخخ التكة معروفة .. وهي القتّـة .. فهمت ؟ جعلك ما فهمت رح للفقرة التالية :cool2: .. /، بهالموضوع ودي اتكلم عن عدة ظواهر تواجهني بعضها "أحياناً" ، وبعضها تواجهني دائماً . بعضها قد يكون حلها سهل .. والآخر قد لا نجد له حل .. وربما هناك من يكون وحده يملك الحل ولكنه هو ذاته لا يود الحل .. بل ويسعى في المشكلة :upsetw:! ،\ http://www.e404.alhilal.com/inf/infimages...8ccd9733c4.JPG تشوفون هالمنظر ؟ عسكري s45s يقوم بواجبه الوطني ويخالف صاحب مركبة .. الغريب في الأمر أن العسكري في هذه الصورة هو من تكرم وتنازل وحن ، ونزل للمواطن .. حقيقة هو مش غريب .. لانه اساساً لابد ان العسكري هو من ينزل للمواطن .. ولو حدث عكس هالموضوع فالمواطن قد ارتكب مخالفة اخرى .. الحاصل الآن ان العسكري "يستحيل" إلا فيما ندر أن ينزل للمواطن .. ولو ما نزل المواطن .. صارت مخالفته مخالفتين .. بالعربي .. انزل لي يالمواطن .. واطلبني .. واحذف عقالك علي .. وبمشيها لك ^^ . ولو ما نزلت .. الله يعينك ، الليلة بترقد في سرير غير سريرك :tongue2: .. http://www.majalisna.com/gallery/13/...1155317090.JPG المسجد .. أطهر البُـقع في هذا الكون .. له قدسية عظيمة ، ومكانة رفيعة .. المداوم عليه يجد الطمأنينة .. وما إن يبعد حتى يشتاق .. من امتلأ قلبه هماً .. لجأ إلى الله في المسجد .. حيث الهدوء .. السكينة ، الطمأنينة . لكـــن .. أن يصبح المسجد مرتعاً خصباً لكرة القدم ، الجري و "الغميمة" فهي كارثة ومصيبة .. كنا نقول لن نحرر الاقصى حتى نملأ المسجد في صلاة الفجر .. وكلي أسف أن يأتي اليوم الذي نقول فيه لن نحرر الاقصى حتى نحرر عقول المربين مما حل بها .. المساجـــد .. أغلبها تعاني من نفس المشكلة .. مشكلة الأطفال في المساجد !! للأسف .. لا رقيب ولا حسيب .. والمؤسـف أن هالبزر ما يمديك تلحقه وتلعن خامسه :upsetw: !! تلقاه من يوم يسلم الامام فرك برا المسجد .. ولا يكون فايتته ركعة ولا ركعتين ينقرها نقر ويطلع ركض !! طيب يوم انك تبي الفكة من المسجد وشو له جيت من الاساس !؟ لكن العتب والله مهوب عليه .. العتب على الي رباه !! مصيبة اننا نبحث عن الاقصى ، وجيل المستقبل ينشأ هذه النشأة.. أصبحت يومياً مأقلم نفسي على سماع أصوات غريبة وضحكات عالية عند كل صلاة .. خصوصاً عند نهايتها .. تجد الاطفال إلى سن 12-14 سنة "متجمهرين" طوال فترة الصلاة خارج المسجد .. ووقتما تحل الركعة الأخيرة انفضوا وتوجهوا الى المسجد .. ليكملوا مسلسل الكوميديا والظرافة .. ثم ينقروا صلاتهم ، ويودعون المسجد ..! أفكر أحياناً ، أين ولي أمره ؟ لماذا نجد هذه العينات .. ونجد عينات أخرى قليلة لم تتجاوز السابعة والثامنة لا يكادون يتحركون حركة أثناء الصلاة ، ولا يلتفت لا يمنةً ولا يسرة ! هي بالفعل ( التــربية و النشأة ) وينشأُ ناشئُ الفتيانِ منـّا .. على ما كان عودهُ أبوه /، ( بدون صورة مؤقتاً ) هون بنّـا نحكي عن ظاهرة متفشيي عنّـا بالرياض .. الظاهرة هي ظاهرة تعريض السيارات " عند الإشارات " .. يا والله انها "غبــنة" وضيقة صدر ! تلقى الإشارة تمسكك ستمية مرة .. وبكل سهولة يجي واحد بدون إحساس وضمير من أقصى اليمين ويلف عليك ويوقف السيارة بالعرض ويصير اول واحد :( ! باللهي مهيب غبنة :( ؟! طيب نقول شعب غير واعي وناس متخلفة ومهيب وجه سيارات .. المصيبة مافيه رادع :upsetw: صار محد يحسب حساب للدورية :upsetw: !! طيب تدرون ليش ؟ شوفوا الصورة.. وبنشوف ليه ما عاد ينحسب لها حساب : http://up.damasgate.com/files/i7nxcq6gjjdu0atqkygi.gif هذي طال عمركم دورية .. في شرق الرياض .. جاي من اقصى اليمين وعرض السيارة بدون أي داعي !! المصيبة انه عرض السيارة ووقف :d !! يعني ما عنده اي مهمة ولا حادث !! مجرد عجلة :sleep: .. بس بيني وبينكم انا ما يقهرني الا "الدورية + التكاسي" الي من هالنمونة .. طيب انت يالدورية دام شغلتك "تدور" ليه العجلة ؟ وانت يالتاكسي ما دام شغلتك انت "تدور" وتدور عبرية .. ليه تستعجل ؟ أسئلة تحتاج إجابة :tongue2: http://www.alriyadh.com/2007/03/08/img/083139.jpg منظـر جميل .. ونادر .. قلما نجـد شاب سعودي لا يمانع بالعمل في أي وظيفة .. الغالبية لابد من "مكتـب" و راتب ما يقل عن الـخمس آلاف .. وان ما حصل فالاستراحة هي المرتع لين تجي الخمسة :sleep: .. .. الغريب في الأمـر .. ان الشاب هذا لو توجه للخارج نشوفه يشتغل أي شغلة :confusedw: !! اعطيكم مثال .. شاب طلع يدرس .. والمكافأة ما تكفيه .. اضطر يشتغل في مطعم .. وحالته مستوورة .. ودراسته ماشية .. الغريب انه ما اشتغل يلبي طلبات .. بل اشتغل عامل نظافة !! طيب لنفرض ان هالشاب موجود عندنا بالبلد .. وظروف الدراسة اجبرته يطلع خارج مدينه .. مثلاً لو انه في الرياض اتجه لجدة للدراسة .. هل ممكن انه يشتغل عشان يصرف على نفسه ؟ غالباً "مستحيل" الغريب ان محد يعرفه في جدة ، لكن مستحيل ايضاً تلقاه يشتغل اي شغلة !! طبعاً الظاهرة هذي منتشرة بشكل كبير جداً .. كثيير شباب من المبتعثين والي ما يكفيهم الراتب يشتغلون اي شغلة .. ويعيشون ابسط حياة .. لكن عندنا في البلد .. الوضع معاكس تماماً .. غريييب !!:cool2:\ /، ( اختم بسقطة قام بها احد اعضاء لجنة المليون وقت كتابة هذا الموضوع ) http://www.alanba.com.kw/AbsoluteNMN...es/23574-1.jpg وانا بضغط "نشر الموضوع" سمعت بدر صفوق يقول احب استغل هالفرصة وابارك للاخوان المسيحيين دخول السنة الجديدة حلو حلو يابن صفوق :clap: / ووبسسسس .. هذا الي عندي .. موضوع ركيك لفظاً بعض الشيء .. اختلطت اللهجات فيه .. والأهداف .. بعد ذلك يبي لك تعمل كلين اب لمخك .. وتسكر الصفحة .. وتحاول توجد حل للمشاكل .. وتدعي ربك يسهل امر هالبلد ^_^ .. شــكراً لكم جزيلاً .. والعذر على الإطالة .. مجال المشاركة مفتوح للجميع ، نبدا بأول رد تفضل اخوي :alzaeem: |
تحياتي لك ولطرحك المميز أسأل الله بمنه وكرمه أن يرحم شهداء غزة وأن يرفع منزلتهم في أعلى عليين إقتباس:
أشكرك أخي عبدالرحمن ودمت موفقاً دوماً في طرحك المميز |
وعليكم السلام ورحمه الله وبركاته وردهورده هلا بـ عبدالرحمن s45s موضوع خفيف ورائع سلمت يداك يالغالي :) ، بدر صفوق عليه طلعات وقسسم مدري وشتبي :d مسسوي أنا اللي واثق من نفسي في كل كلمة أقولها ,! مع الشنب قسم لو يحلقه يصير وجهه صفحتين :d ,! ،/ الله ينصر أخواننا المستضعفين في غزة ويرحم شهادئهم :( ،/ . . . مودتي وتقديري . . عزام ,! |
[ و عليكم السلام ورحمه الله ] .. هـلا والله عبد الرحمن .. ورده هـآآآ بشر .. عرفت أسم بعض الناس :d ؟! . .. و الله شف قبل كم يوم .. كنت بـ وقت الظهيره مـآآر من شآرع .. و أشوف العسكري في سيارته , وثنين يكلمونه من برا ! :tongue2: فكرت بـ نفس كلامك .. و قلت المفروض من العسكري النزول لكـن فكرت ثانيه .. وقتلت , لو العسكري نزل كم مره بيطر أنه ينزل غير هذي النزله .!؟ أمـا الموآطن .. مره وحده ينزل و ينتهي شغلته :) .. بس ولو .. أنا معـآك في نزول العسكري و بيني وبينك الصوره ذي الظاهر أنها عشان دعايه لــ تلفزيون ولا جريده ولا شي :d ولا لاترجـا منه ينزل :razz: . .. إقتباس:
أنت قلتهـا [ بزر ] يكبر ويعقل إن شاء الله :tongue2: . .. أكتفـي بــ هالقدر من التعليقآت كل الشكر .. [ عبد الرحمن ] .. " ورده " قبل مـآآ أطلع .. مالاحظت أن الصوره الأولى فوق الــ GMC فيه كلب .. ولا انا اتوهم :razz: . سلاميشو ... s45s |
إقتباس:
7 7 (يعقل فيه اهل الدوريات .. ويركد فيه البزران بالمسجد .. ويربط لسانه فيه بدر صفوق الظفيري) :d فالك صحن شكشوكة بصل خفيف وزيادة طماط وفلفل مع شطة ابوديك وميرندا :cool2: |
هلا والله عبد الرحمن ورده .. يعجبني نوعيه موضوعك .. حمل أكثر ظاهره طرحت في موضوع واحد بشكل واسلوب رائع .. وحتى طريقة طرحه يفتح النفس :smilie47: http://up.damasgate.com/files/i7nxcq6gjjdu0atqkygi.gif والله هذي عندنا هنا عادة نشوفها في كل اشارة .. لكن والله بعض الايام مانلوم الي يسويها زحمة عند الاشارة الله لايوريك تطفى الأشارة الف مرة وانت مخيس ماتحركت ولا شي .. فمالك إلا انك تسقط من يمين وتاخذ الأول وتفك نفسك من زحمة الاشارة :tongue2: .... وش سالفة الكلب (وانتم كرامه ) الي فوق الجمس بالصورة الثانيه ؟! يعطيك العافيه عبد الرحمن على الموضوع .. واسأل الله ان ينصر اخوننا المجاهدين في غزة .. اللهم سدد رميهم اللهم انصرهم وثبت اقدامهم |
أنا ملاحظ عليك بآخر ثلاث مواضيع كلها تتكلم عن العساكر ، وقله الأمن :d نقدر نقول إنك ضد الحكومة :d :d <------- إلا بيورطه بالغصب |
إقتباس:
http://www.e404.alhilal.com/inf/infimages...8ccd9733c4.JPG بيني وبينك افضل لك انك تنزل له ولا بتنام برا البيت ,, :d اكثر شئ شدني صورة الكلب وانت بكرامة اللي فوق الجمس عيت تجي بمخي .. :upsetw: حاولت اقنع نفسي بس ما في امل .. :no: بالاخير قلت اكيد فوتوشوب .. :clap: اما البزران فوالله مشكلتهم مشكلة ان طردته قالوا عنك بزر وان تركته ازعج العالم ,, اما تعريض الموتر فهو شئ يرفع الضغط ويقهرك وبالذات لما تكووون الاشارة زحمة ,, وعلى طاري التعريض اذكر موقف صار لواحد من اخوياي يقول انه وقت اذان المغرب والاغاني يسمعها اللي بالشارع الثاني وكانت الاشارة اللي واقف عندها زحمة ويجيك مع اليمين ويعرض الموتر اول شئ .. :upsetw: ويناظر الا السفتي جنبه شغال .. :cool2: وياشر له العسكري يقول افتح القزاز وفتحه .. وقال له العسكري ليه معرض موترك .. !! قال له مستعجل ابي الحق الصلاة .. :( ومن اللخمة نسى يطفى المسجل ,, العسكري عقب ماسمع الكلمة فطس ضحك .. :bx: وقال له هالمرة بمشيك بس لا تكررها .. http://www.alriyadh.com/2007/03/08/img/083139.jpg والله مثل الشخص هذا يستاهل بوسه على الراس ..:clapping: وياليت كل الشباب يسوون سواته كان ما في بطالة ومشاكل .. اما بدر صفوق فمت اتوقع منه كل شئ بعد درقن درقن .. :d يعطيك الف عافية عبدالرحمن :smilie47: على الموضوع الكوكتيل .. s60s اخوك / فهد |
موضوع جميل وسلسل وخآصه هالايآم المجلس العآم موآضيعه ثقيله ..! http://www.e404.alhilal.com/inf/infimages...8ccd9733c4.JPG وآلله تبي آلصدق آنآإ مع كلآم آخوي عز الهلآل آن العسآكر لآ ينزلون لو ينزل عند كل وآحد بينكسر ظهره :sleep: http://up.damasgate.com/files/i7nxcq6gjjdu0atqkygi.gif على طآري المسآقط وتقولي الي يجي من آخر شي ويعرض السيآره هذآ يهون :cu:, آلي يقهرك الي يسد عليك المخرج علشآن يبي يطلع من الاشاآرهـ :upsetw: http://www.alriyadh.com/2007/03/08/img/083139.jpg آذآ كآن شبآبنآ يبون مكآتب فقط .! فهذآ يفسر كثره البطآله . http://www.majalisna.com/gallery/13/...1155317090.JPG آيه والله هآلآيآم هذه للآسف مبتعدين عن الصلآه كثير كثير من المسلمين بل لآ يحضرون , فكيف يريدون الاقصى ؟ آللهم آنصر آخوآآننآ المستضغفين في كل مكآن :( في غزهـ وفي العرآق والشيشآن وافغآنستآن وكل دول المسليمن التي تعآني من آلم الحروب والقتل والتشريد . ولآ يسعني آلآ آن نشكر الله على نعمه آلآمن وآلآمآن والعآفيه . |
هلا دحوم انا راح اتكلم عن المرور بس ! الله يعينا عليهم بس ! متى مابغى يمسك مسك , بس يضيع وقته :sleep: الف شكر دحوم واعتذر على هذا الرد :( |
ودي أعلق على نقطة الأطفال الأطفال اللي مستهترين بالصلاة أعتقد فيه عدة أسباب إما أنهم تعرضو لموقف خلاهم ما يحبون المسجد أو التربية مثل ماقلت أعطيك مثال مرة تأخر المؤذن فقال الأمام لواحد من الأولاد أذن فينا في نص الأذان جاء المؤذن ويمسك الولد ويعصب علية ويقول أنا ما مت عشان تأذن بدالي:bigeek: وشايب ثاني في مسجدنا يطرد الصغار من الصف الأول لأن الأول للكبار:bigeek: وتعاملهم مع الأطفال صفر:no: وحتى الحريم برمضان لين صليت يسوون نفس الشي مع أن بعض الأطفال ودك تبلعة من الأدب ما شاء الله عليهم وحتى أخوي تعرض لمثل هالموقف والى اليوم ما عاد صلى بهالمسجد صار يروح للمسجد الثاني استغفر الله بعض الأشخاص يكرهون الصغار في المسجد أعلق على سقطة بدر صفوق من جد قهرني ما كان للأمر أي مناسبة وكان جدا سخيف أستغربت المريخي ما علق علية لأني دايم اشوفة يعلق على مثل هالأشياء نعود للنقطة اللي فوق مرورنا إذا مسك واحد قاطع إشارة وطلع يعرفة يكتفي بالقسيمة واللي ما يعرفة عاد مشكلتة ينطق في التوقيف بالحب والإشراق |
وعليكم السلآم ورحمة الله وبركآته.. المـرور.. انا أقول لو ينزل هـو احسن له.. في حآل كان (مجمع مليون الف شحمه وشحمه ) بجسمه؟؟ يعني يخسر نفسه قطعة قمآش من 5 امتار ليش!:d ورى مايخفف؟؟ وش بيضره لنزل مرآت؟:d بس الي نحيفين لدرجة انهم مختفييين ؟؟ ذولا حلاوتهم جالسين كود يجمعون لهم نتفة لحمة:d *** عيآآآل عن عيآآل يفرقون.. يعني مسجدنا يشتكي من طفل الجيرآن.. إلي مخلي المسجد له مرتع..للطقاق! وإشغآل النآس؟ المشكلة اول الناس يحضر:d وهات يا قلة حيآآ؟:no: طفشوا وهم يطردونه؟ وهم يكلمونه؟ ماكو فايده؟ قآلوآ لأمه ذاك اليوم تضحك؟ طبعا نوعها بآرد جدا:d وش تسوي مع بزر بثـر؟ بعدين اعمار 12إلى 15 مو بزر. اعتبره كبير. والمفروض مايتصرف تصرفات بزرآن؟ يعني يتصرف نفس تصرف ابو 5 _10 سنوات؟ مصيبة؟:d ****** الشآب السعودي..(قلوب تنبض):d للأسف ما الومهم؟؟ إن كان مفهوم اهلهم عيب انت رجال تشتغل كذا؟ خذ لك مثآل.. اخوي الكبير كان جايب محل خضره. كامل.. متكامل.. قال لأبوي اشتره وانا اشتغل فيه والي جايبه له معلمه اصول الشغله كلها.. وقايل له الربح والخسارة كيف تكون؟ غير كذا قآل لأبوي بدل ما نشتري خضرتنا من برا عندنا محل.. يغطي؟ ابوي كالعاده. عيب وشق جيب عنده؟ وكل ماجاب له محل. وهو بيشتغل فيه! رفض!! إليين الولد خلاص! مافيه وظايف طيب! وش يسوي! غير انه تأخر بالتخرج من الثانوي وطفش وطلع.. يعني وش هالمفهوم؟؟ ما ادري المشكلة لازال عند ابوي مثل هالمفهوم؟ ماغيرته السنين؟؟:( الحمد لله اخوي الحين عسكري:d..بعـد تلك السنين ربي وفقه بشغلة تضفه.. لكن احيانا هالمفهوم يضيع الشآب. وينحرف من كثرة الفراغ والطفش ولصار كذا قالوا ليش!!؟ غـير ان بعضهم يحسب الوظايف لازم مكتب!! في واحد. امه تعطيه مايقارب 5 ألآف ريآل شهريا كامصروف؟ حصلت له وظيفه براتب اقل طلع منها:upsetw: ليش طلعت؟ قال امي تعطيني اكثر خل وظيفتهم لها؟ قالت له امه دامني حيه باعطيك بكرا لتوفيت من بيكد عليك؟ الوظيفه سند لك شوف خالتك! سنين تشتغل بدون ترسيم. لين جا نظام الترسيم؟ قال هي خبله:d انا اصير خبل مثلها:d ماعنده مسؤليه خلاص؟ عودته امه هالشي!! الله يهدي الجميع يآرب ***** اما السفطة ذيك مادري شسمها:d اكره الي يسوي كذا؟ جاي آخر الناس وتسفط الاول ليش!! وكلش ولا إللي مسارك يمين وتحصل لك تريله سآده اللفة؟؟:d خير واقفه بمسآر مفتوح؟ ويا كثرهم؟ ما ادري متى يتعلمون النظام؟ تحصلهم بسبآق مع الزمن:d ............. شكـراً لك ورده |
هلا كان هنا إقتباس:
بالنسبه للمسجد المسؤوليه الكبيره على الأهل كيف يسمحون لأطفالهم بهالشي يايروح يصلي زي الناس ياجلس ماله داعي يتسبب بأذية خلق الله المفروض يحترمون حرمة المساجد مو متهاونين بهالشكل :blueroll: ذكرتني برمضان بالمسجد ملاهي وراك وانت تصلي :d مدري يعني ضاقت الاماكن ماحلى اللعب الا هنا ومايقهرني زياده الا الام ليه ساكته ومخليتهم على راحتهم مدري :upset: يعني الواحد مايقدر يركز بالصلاة منهم وبعد كثرة الحكي من الحريم على هالأم معاد جابتهم اخيرا مابغت والله جد بيوتهم اريحلهم s66s بس المشكله بالكبار شوي نفس هاللي تقول وش السواة معهم فعلاً هو على التربيـــــــه دورهـــا كبـيـــــر إقتباس:
يعطيك العافيه كان هنا ورده |
أولا سلامة ألبك من التكة ياغالي , ثانيا أنا ودي أبدأ من آخر الموضوع والله لاينكسنا < بدر صفوق رافع ضغطه. بالنسبة لكلمة بدر صفوق , فهي غريبة منه فعلا , صحيح اعتدنا تملق لجنة تحكيم شاعر المليون لكن الأن تملق للمسيحيين غريبة ما خبرت أحد من شيوخ الامارات مسيحي .!!! بالنسبة للشباب السعوي وإنهم برا يشتغلون أي شغلة , أنا أقولك فيه ناس هنا يعجبونك حالتهم المادية أكثر من حلوة لكن أهلهم يبون يطلعونهم ع الدنيا صح ومخلينهم يصرفون على أنفسهم , فبالتالي لازم يشتغل حتى لو كانت شغلات بسيطة . وبالمقابل تلقى واحد حالته وحالة أهله صعبه ومع ذلك قاعد بالبيت + باكيت دخان بظهر الباكيت الثاني 24\7 وهو على هالحالة. بالنسبة للتعريض عند الإشارة , أنا كثير أسوي هالحركة , وماعندي أي مشكلة إن أحد يعرض السيارة ,عارف إنه فيه خطوط مشاة وإنه منظر غير حضاري ,بس أعرض أفضل من إني أسدالطريق على اللي يبي ياخذون يمين من عند الاشارة المسجد وصجة البزران , مع ملاحظة إن مصطلح البزران بنظري شامل إلى عمر 15 , على قولتك التربية وماغير التربية شي. لو تلاحظ فيه صغار ماشاء الله تبارك الله أعمارهم 8 و 10 سنوات وصلاتهم ازين من صلاة الشيبان. وبالمقابل تلقى صغار بأعمار 14 و 15 , صلاته الله بالخير . بالنسبة للعسكر وإنهم ماينزلون , أنا ودي مرة تصفطني دورية وأكون فاضي جداُ , اللي بسويه إني بقعد بسيارتي حتى لو قعدت لي عشر ساعات . لأن نص النظام وأكدوا عليه قبل تقريبا 6 شهور , إن الأصل إن العسكري هو اللي ينزل . أما تحبب وعقال , فراس ماله مخالفة وتلقانا نصرف ألوف على سخافة محنب عجزين عن 500 ولا 900 ولا خله يدبل المخالفة إن كاني أستاهله , موضوع مميز وعلى قولتهم من كل بحر قطرة ومن كل بستان وردة<< إذاعة الصباح. مشكور يالغالي على الموضوع المبدع والمظاهر اللي ترفع الظغط , |
http://www.e404.alhilal.com/inf/infimages...8ccd9733c4.JPG تعتمد على حسب العسكري بعضهم رافع خشمه وماخذ مقلب في نفسه لكن البعض حبيبين والمفروض على العسكري إن هو اللي ينزل إلا وش قصة الكلب إللي فوق :d أما الإزعاج في المساجد البزر ما ينلام إللي ينلام ابوه الدلخ إللي ما يعلمه وفي ازعاج ثاني وهو في رمضان في صلاة التراويح تسمع صوت سوالف الحريم -الله يهديهن- من ثلاثين كيلو :d http://up.damasgate.com/files/i7nxcq6gjjdu0atqkygi.gif بالنسبة لي ما عندي مشكلة في هالموضوع لكن إللي يقهر لما يجيك واحد يوقف قدام وإذا ولعت الإشارة يتسحب :d http://www.alriyadh.com/2007/03/08/img/083139.jpg يمكن مفاهيم الشخص تختلف باختلاف المجتمع إللي هو فيه هنا المجتمع ينظر لبعض الأعمال نظرة استنكار لكن في بعض الدول الموضوع عادي وما يعيب الشغل علشان كذا بعض الطلاب لا يخجل من العمل هناك http://www.alanba.com.kw/AbsoluteNMN...es/23574-1.jpg أنا مستنكر كلمة (الاخوان المسيحيين) فقط أما التبريكات سمعت القرضاوي يقول حلال يعطيك العافية أخوي كان هنا ورده |
| الوقت المعتمد في المنتدى بتوقيت جرينتش +3.
الوقت الان » 10:16 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd