إقتباس الرسالة الأصلية كتبت بواسطة أبو راس هلالي رياضي يا هلاااااااااااا و سهلااااااااااااا شكلك يا مدرس ولا الاختباراااات حارقة فيوزاتك ننفي اي علاقة لنا بالمذكووور وش جاب لجاااب سبب التسمية في الرد رقم 12 خلصنا دراااسة وقضينا اذا س = ص....هذا يؤدي الى ص = س القاعدة الشرعية تحتاج عالم شرعي لتطبق بشكل صحيح لكن سددوا وقاربوا مخترقة؟ كلمة قوية شوية رياضتنا ينقصها النظام والانضباطية والعمل المؤسساتي وترك المجاملات احزن اذا صار شي محزن وافرح اذا صار شي مفرح العودة عالم وشيخ فاضل ياسر لاعب كبير الى الان يفاجأك بايش يقدر يعمل في الملعب عمرو موسى من اعلام السياسة العرب الربيعة قدرة سعودية نفتخر بها ونتمنى منها المئات ابو نواس: المذكور لا يمت لنا بصلة بانتظااااار النتيجة ...لا تقول دور ثاني اما الخمس درجات فغاسل يدي منها يسلمووووووووو ع المشاااركة فتك بخيييييييييييييييير

شكرا على التفاعل .. التدريس والدراسه لا يمتوا لي بصلة لا من قريب ولا من بعيد .. انا مهندس اقد الدنيا
اجاباتك ينقصها التركيز يبدو انك سهران ومواصل للمذاكرة .. فيها غموض وكمن فسر الماء بعد الجهد بالماء وفيها هروب من الواقع ..
درجاتك قاربت النصف بمساعدة لجنة الرحمة والخمس درجات الاخرى تستحقها لتنظيمك وحسن خطك ..
دمت بود وتحياتي لمن يقرأ عباراتي ..

أهلين وسهلين أبو راسين نور العين وكامل الزين

أحلى شي بهالاستضافة هو الأكشن بين أبوراس وريري هكتور

ما علينا .. ما ودي اتدخل خصوصاً أني جديد وما بعد أمون عليكم


نجي للأسئلة :

1) في رأيك هل يستحق الإيقاف كل من تثبت أن لديه علاقة عن طريق المنتدى؟!!
<< إن شاء الله تكون الإجابة لا .. عشان ( ****** ) مشفر

2) بما أنك درست في أميركا .. والجاحظ على ما أعتقد درس في أميركا .. هل هناك علاقة بينك وبين الجاحظ؟

3) أعتقد والله أعلم أن هناك من دلّك على المجلس العام .. من هو ؟ أو كيف عرفت المجلس العام

4) أنا أحبك .. لكن مدري هو في الله أو لا .. وشلون أعرف ؟


ان شاء الله ما تكون أسئلتي ثقيلة عليك

حماده 92

هلااااااا وسهلااااااااا..
اشكرررك على توااااجدك وتوااااصلك المتجدد....
وحتى تسهل القراية ما راح استخدم خطي لانك سرقته مني

إقتباس سؤاااال رغبت في طرحه ولم يطرح اذا كانت االاجابه بنعم بامكانك طرحه والاجابه عليه

لا يوجد ..الاعضاء كفوا ووفوا

إقتباس معلومه تريدنا ان نعرفها عن ابو راس تخفى علينا

ما في شي عني يستحق اعلاااان مخصوووص

إقتباس ــــــــــ ما هو المؤثر في تكوين شخصية ابورااس وما دور كل من الاتي في تاثيرها سلبا وايجابا ـــــــــــــ الوالد ( كتبت الوالد في سطر بمفرده حتى اريدك ان تستفيظ في الحديث عنه اذا امكن ) ــــــــــــــالوالده اخوانك جدك ( العائله عموما ) ــــــــــــالباديه ( اذا كنت من سكانها سابقا ) وان لم تكن من سكانها فما تاثيرها على الفرد من وجهة نظرك ــــــــــــــ الطفوله ـــــــــــــ المدرسه ( ابتدائي المتوسط ثانوي جامعي ) ــــــــــــــ المراهقه ـــــــــــــــــ الدين

للوااالدين فضل كبير يموت الشخص بدون ان يوفيهما حقهما..
والاخوان والاخوات سند دائم ونصيحة مخلص
البادية ما عشت فيها..وما اقدر اتكلم عن شي ما جربته
والطفولة عدت كلمح البصر
المدرسة هي ذكرى معلمين أفاضل وزملاء كرام تعلم منهم ابو راس الكثير
المراهقة لا ادري متى بدت ولا متى انتهت
والدين هو الفاصل بين الحق والباطل

إقتباس راااااايك في هذا المبدا اااان ردي في اي موضوع او نقاش لا بما اقوله انا او افعله بل من المفروض ان يعمل ويقال اي لا بما افعله واقوله من خطا بل من ناحية ما اراه صائبا من قول او فعل ( واين انت من هذا المبدا )

ان كان بيع كلام فالافضل تبقى سااكت
اما ان كنت تنصح نفسك بكلامك في مقدمة من تنصح وان كان كلامك فيه خير فهو افضل من صمت وسكوت عن الحق..


يسلموووو ع الاسئلة المختلفة
فتك بعاااااااااااافية

LBa your heart

إقتباس الرسالة الأصلية كتبت بواسطة LBa your heart هلا والله ابو راس ماعندي سؤال وانا متابع للقاء من بدايته واستمتعت بأجوبتك بس حبيت اقول لك أنت انسان كفو والله مو مجامله ووجودك بالمجلس يحرق رزهم لاتسألني رز مين سلام

رد يستحق النسخ بالكامل
خصوصا انه مو طويل مرة
تشررررفت بردك وكلماتك وبمتابعتك ...وما عليك زود يا غااالي
فتك بألف خييييييييييييييييييير


========
نم الانتهاء من أسئلة الصفحة السابعة

ريري هكتور

احتراما لمن خاطبني من الاعضاء ..اكتفي باحالتك للرد رقم 95..ففيه بيان كافي وافي شافي قد لا تفهمينه لكن يفهمه أولي الألباب وأدى الغرض المطلوووب..

سلملم...


=======


الهنوووف

انا اشرت لاسمك من باب المداعبة..
بس دمك حار..ما تشوفين اسمك الى تجين تراكضين ...
ولا من حقك تعتقدين ما تشائين وتدافعين عن وجهة نظرك وبقوة..بس اهم شي ما يكون دفاع بطريقة عنز ولو طارت...
انتبهي..انا ما قلت انتي فعلا تطبقين المثل "عنز ولو طارت" ..انا قلت لا تطبقينه..واذا انتي اصلا ما تطبيقنه فممتاز والله الله بالمواااصلة
فتك بخييييييير

==========

هلالي رياضي

هلا بيييييك يا بش مهندس
ومن ناحية اني رديت وانا سهراان ومواااصل فمعك حق ..بس ما نبي نتأخر ع الموضوووع وااجد...اخاف يزعلون "بعض" المشرفين ويصكوني انذااار
بس الحمدلله نجحنا ولو بالدف
يسلمووو ع التواااصل
فتك بخيييييييييييييييييييييييييييييييير

بيرت بلس

مراااااحب
لك العودة ثانية وثالثة ..فبحضورك يحصل لنا الشرف

إقتباس بحكم دراستك لمرحلة البكالوريوس في امريكا (كما فهمت) ,هل ترى أن الدراسة في الخارج وفي هذا السن تضيف لشخصية الانسان اضافة ايجابية تستحق عناء الغربة والحياة في مجتمع وعادات مختلفة عن حياتنا وعادتنا

مين قالك او كيف فهمت اني انا دااارس في امريكا ؟
طيب وشفيها البترول..جمال ودلال و"لاينات" عالي العااال
المهمممم
السفر مافي شك له سبع فوااايد ويمكن اكثر واهم شي يكون بنية صالحة وتحمل مسؤولية وتذكر ان ربك اللي يشووفك في السعودية يشووفك وين ما رحت..

إقتباس 2- نسمع كثيراً مطالبات من هنا وهناك تطالب بحقوق المرأة السعودية , فهل ترى أن هناك حقوق للمرأة لم تحصل عليها.

جواابي لن يكون مفيدا بحكم عدم معايشتي او اطلاااعي على قضايا المرأة في الدواائر الحكومية والجهات القضائية بشكل شخصي..
لكن مما أسمع هناك حاجة كبيرة لتطوير بعض الأنظمة او تفعيلها او تعديل اجراءاتها التنفيذية
المطلقات مثلا قد تحكم لهم المحاكم بالنفقة ولكن ابحث عن التطبيق؟
او مثلا قضايا الفتيات التي يمنعهن اياؤهن عن الزواج لطمع في راتبها او بحث عن متقدم مليء الجيب.... الشرع يكفل لهؤلاء حقوقهن لكن آليات التبليغ والتنفيذ قد يكون فيها ما فيها..وغير ذلك
مشكلة هالقضايا انها مو مثيرة اعلاميا فنادرا ما تجد للاعلام طريق...انما تم اختزال حقوق المرأة في قيادة سيارة أو اختلاط او حضور ملعب!!

شااااااااااااكر لك تواااصلك
فتك بعاااااااااااااافية

شـــذى

يا مرااااااااااااحب باستشاااارية المجلس

إقتباس ماشاء الله تبارك الله دارس بالولايات المتحدة الامريكية

شفت وش سويت يا بيرت بلس!!

إقتباس القلم الساخر وزميله القلم الجاد كلاهما قلمان يؤديان رسالة مع الأختلاف في الأسلوب وطريقة الطرح أبو راس أي منهما يفضل وأي منهما استطاع وبتفوق أن يصل رسالته لأكبر شريحة

لكل نوع ناسه وزمنه ومكانه وحلاوته
اهم شي الهدف من الطرح والرسالة اللي يحملها الموضوووع ووش يضيف للقاريء
والاسلوب الساخر كما ان له جذب اكبر عند القراء الا انه يبيله حذر اكثر لانه من السهولة ان يتحول الى اسفاف وتهرييييج
انا اقرا الاثنين متى ما كان المقال جيّد

إقتباس مَن مِن الكتاب يحرص أبو راس أن يقرأ له سوى من كتاب الصحافة أو الشبكة العنكبوتية

ع النت في كاتب اسمه حسن مفتي واستضفناه في المجلس
في مواااقع اجنبية اخبارية تستضيف كتاب من مختلف الجنسيات..وهنا يهمني الموضوووع اكثر من اسم الكاتب
في الصحافة اقرا لكتاب رياضيين..يعجبني بعض كتاب الجزيرة مثل صالح السلمان وأحمد الرشيد..وبما اني ما شتري الشرق الاوسط وقسمها الرياضي مو ع النت فاحرص على خلف ملفي وصالح الحمادي اذا نشروها في منتدى الجمهووور..وحافظ المدلج في الرياض لأخذ جرعة من العقلانية الرياضية ....
في كتاب اقرا لهم مو حب فيهم ولكن للاطلاع على تفكيرهم واشوف وين وصلوا في نظرتهم..مثلا الراشد والحميد في الشرق الاوسط اللي يجنهم شي اسمه حماس..
الأحمدي اللي في الرياض ممكن اقرا له لما اكون فاضي...زمان كنت اقرا للقنيبط يوم كان يكتب مقالات ام صفحتين بمجلة اليمامة... الزامل بالاقتصادية احيانا..
وعموما في الغالب ان اروح صفحة المقالات في مواقع الصحف وانتقي حسب العنواان ومطلع المقالة بغض النظر عن اسم الكاااتب..في النهاية الهدف هو المعلومة واضافة شي جديد


يسلموووووووووووو ع التوااااجد الكريم
فتك بعاااااااااااااافية

الـمـشـاغـب

مرحبا بييييييييييييييييييييييييييك
خلاص قفلنا..ليه تجي متأخر

إقتباس 1) في رأيك هل يستحق الإيقاف كل من تثبت أن لديه علاقة عن طريق المنتدى؟!! << إن شاء الله تكون الإجابة لا .. عشان ( ****** ) مشفر

من يستخدم المنتدى لأغراض وأهداف سيئة فيستحق العقوبة

إقتباس 2) بما أنك درست في أميركا .. والجاحظ على ما أعتقد درس في أميركا .. هل هناك علاقة بينك وبين الجاحظ؟

ما أسرع ما تنتقل المعلووومة في المنتدى
بيرت بلس افترض اني درست بامريكا حسب ما فهم (ما قال فهم من اي مصدر)..هل انت معتمد على كلمة بيرت بلس ولا لك مصدرك بعد
اما وش علاقتك بالجاحظ لان كلكم درستوا بامريكا..مثل قولتك وش علاقتك بالمشاغب..كلكم سكنتوا بالرياااض..بس بمقياس مرة أكبر

إقتباس 3) أعتقد والله أعلم أن هناك من دلّك على المجلس العام .. من هو ؟ أو كيف عرفت المجلس العام

من يسأل ما يتوهش
ماحد دلني ولا احد دعاني...تبعت اللوحااات الارشادية

إقتباس 4) أنا أحبك .. لكن مدري هو في الله أو لا .. وشلون أعرف ؟

يا بعدي
شلون تعرف مدري...علشانهم استضافوني مو معناته اني أعلم السر وأخفى
بس اتمنى انه يكون في الله ولله حتى يكون فيه خير في الدنيا والآخرة


مشكوووور ع التوااااجد اللطيف ..
فتك بخييييييييييييييييييير

==========
تم الاجااابة على جميع الاسئلة السابقة لهذا الرد
==========
شكرررا يا مشرفين ويا استشارييين ع الاستضافة الكريمة
وشكررررا لكل من شرف الموضوووع سواء رد او لم يرد
وشكررر لكل من احسن الظن باخيكم وغمره بلطف الثناء والعبااارة

اللياقة انتهت... وين قفلك يا ابو حاتم
فتكم بخييييييييييييييييييييير جميع

عندي سوال لك يا ابو راس ممكن؟ نعم او لا

لماذ تكره بعض الانديه السعوديه

ali100

مرااااااحب
ونعم ممكن

إقتباس لماذ تكره بعض الانديه السعوديه

انا لا اكره بعض الاندية السعودية
وانما انا اشجع الزعيم وبس..والباقي خس...

يسلموووووووو