وعليكم السلام ورحمه الله وبركاته

اهلا بك اخوي متعب

اولا جزاك الله خيرر وهذا العشم في شبابنا

في مواقف كثيره تحتاج المراه لـ رحمه بمعنى المساعده مو الشفقه

مثل تنزيل الاغراض للمحاسبه يبي جهد شوي
وخصوصا لو الاغراض ثقيله او صغيره
ونعرف ان العبايه قد تعيق شوي سهولة الحركه

وايضا مثلا لما يتوقف صاحب السيارهـ علشان امشي انا اكيد هو يعرف اني بقدر انتظر بس احترام لي يوقف
ومثل البنك وغيره من الامثله


طبعا مثل هالموقف الي ذكرت اتوقع عادي عندي لو ساعدني رجال
لان السالفه مساعده مو شفقه

للاسف كثير نشوف مثل هالمشاهد واشوف بهالفترهـ المرأه اصبحت تقوم بكل المهام
واعلنت تخليها الشبه كلي عن الرجال طبعا ماتكلم من فراغ مواقف كثيره شفتها

مره كنت باحد السوبرماركات من خلال نظره خاطفيه اكتشفت ان كثير من النساء بقسم الخضار والفواكه ويشترون
اذا الخضار والفواكه الحرمه تجيبها اجل الرجال وش شغلته

واعرف وحده هي الي توقف مع العمال بعبايتها لما يجون يصلحون شي
مع ان الرجال قادر وموجود بس شاغل عمره (شاغل عمره مو مشغول يعني)

والله اعتب على بعض الرجال الي اخلى مسؤليته عن بيته وعياله
وصار همه استراحات فقط ومصروف يرميه اخر الشهر على السائق او زوجته
وهم يتكفلون بجلب الاغراض

واذا الرجال كلف عمره اكتفى بالمشي بالسوق
خلف المراهـ وعيونه من هنا ومن هنا حتى الاكياس الحرمه مسكينه تشيلها وتدف العربيه وهو ماغير يقلب بجواله ويقول اخلصي


ماودي اقسى على الرجال كثير
لان فيه الي نحطهم فوق رؤسنا وقايمين بدورهم على اكمل وجه


يعطيك العافيه اخوي متعب

الهنوف ورده

شكراً لمرورك ..

وبالفعل هل النساء عندما يقوم الشخص مثلاً بالوقوف بسيارته ليسمح لها بالمرور ..

هل تعتبره رحمه أم شفقة أم إحترام ..

أنا أتمنى أن يعي بنات بلادنا أن غالب ما نقوم به هو رحمة

ولكن رحمة غير مشروطة بشفقة بل رحمة مرتبطة بإحترام ..

شكراً مرة أخرى الهنوف

إقتباس الرسالة الأصلية كتبت بواسطة مولع بالهلال الموقف الذي حدث لي ... وجدت فيه أن الرجل يدافع عن المرأة ... والمرأة تدافع عن الرجل ... لماذا ؟؟

شطحة / كيـــــــــف الحــــــــــــــال

وعليكم السلام ورحمة الله وبركاته ..

هلا وغلا فيك اخوي متعب .. وجزاك الله خير على ماقمت به ..

فعلاً في اماكن عامه نتعجب من بعض تصرفات الازواج مع زوجاتهم او حتى اخواتهم ..
من المفترض ان يكون الشخص اكثر احتراما للمراه واكثر غيره ويقوم بالحساب مع الرجل
الاجنبي بدلاً منها , اعتقد ان للمراه مهام اكبر من ذلك مهام منزليه لو تاملها الرجل لفر منها ..

الله يصلح الحال .. الف شكر لك متعب ..
وتقبل احترامي .. دمت بخير

هلا والله متعب ..

القهر كلهـ اذا شفت لكـ حرمهـ بمول وشايلهـ الاكياس كلها معها وماسكهـ بزر في يدها والرجل يمشي قدامها وهي بترقى بالسلم الكهربائي وطاحت
وقام لكـ يهاوشها وينافخ عليها ويقول لها فشلتينا قومي بسرعهـ


الله ياخذكـ الحين يوم انها طاحت صارت فشيلهـ
لكن يوم انكـ تمشي وانت مخلي كل شيء معها مو فشيلهـ

للأسف فيهـ بعض الرجال فاهمين القوامهـ غلط !!


عندي تعليق بسيط على موقف ان الرجل اذا شاف مرهـ بالشارع وقف ينتظرها تمر ..
بعض نظرات الحريم انهـ بكذا مو يحترمها لا ..
تقول هذا يتميلح
صار التميلح والاحترام عندها واحد

هذا الي اقدر اقولهـ لاني لو بزيد بجيب العيد
مواقف تشوفها قدامك تقهركـ بس مافي يدكـ تسوي شيء


المرأهـ ربي خلقها ضعيفهـ ..
مهما يكون فيها من قوة وتحمل يجي وقت وتضعف ..
تحتاج للرحمهـ .. بس من غير مايوضح لها
لان هي برضو فيها عزت نفس ماتقبل ان احد يرحمها أو يعطف عليها ..

ولو الرجل يطبق أحاديث الرسول وسنتهـ بتعاملهـ مع زوجتهـ أو حتى اختهـ
كان حنا بخير


متعب ورده
الله يعطيكـ العافيهـ << لا احد يدقق جديد وابي اجربهـ

بيض الله وجهك ,,
وجمل الله حالك ,,

ليتك ادبت زوجها لو اقل شئ بكلمة .. ,

المرأة بطبيعتها ضعيفة وتحتاج الى الرحمة ..

وفرق شاسع بين الرحمة والشفقة ..

يعطيك الف عافية

اخوك / فهد ورده

إقتباس هلا بالغالي اعتقد ان كل واحد فيهم حاول انه يمشي عكس تيار تهمة التعاطف مع ذات الجنس لكن بكل تأكيد موقف غريب ان الرجل (يستعرض طوله) بعيدا بينما المرأة تمارس رياضة (حمل الاثقال) لكن دعنا نأخذ الامر من جانب حسن النيّة.. ربما كان ذاك الزوج بالفعل مريضا او مصابا بخلع في كتفه او عنده الم في ديسك الظهر او او او...... فكان واجبا على الزوجة ان تساعده واحتمال كبير ايضا ان يكون أنشط من ثلاثة رجال مجتمعين لكنه (ماله خلق) يشيل الاغراض.. وكفاك بهكذا تفاهة وقلّة رجولة ياصديقي اعتقد اننا بحاجة ماسّة للتبصّر في قاعدة (القوامة) الشرعية.. ما لها وما عليها الف شكر لك على طرحك شطحة / كيـــــــــف الحــــــــــــــال

هلا أخوي الصخرة ..

شكراً لتواصلك

بحثك للعذر للرجل شيء صحيح .. ولكن إذا كان الرجل مريض فمن الأجدر به الجلوس ببيته ولا يحرج بنت الناس معه ..

يخليها تروح مع أخوها أما المنظر اللي شفته بصراحة يقهر !!

شكراً الصخره ..

إقتباس وعليكم السلام ورحمة الله وبركاته .. هلا وغلا فيك اخوي متعب .. وجزاك الله خير على ماقمت به .. فعلاً في اماكن عامه نتعجب من بعض تصرفات الازواج مع زوجاتهم او حتى اخواتهم .. من المفترض ان يكون الشخص اكثر احتراما للمراه واكثر غيره ويقوم بالحساب مع الرجل الاجنبي بدلاً منها , اعتقد ان للمراه مهام اكبر من ذلك مهام منزليه لو تاملها الرجل لفر منها .. الله يصلح الحال .. الف شكر لك متعب .. وتقبل احترامي .. دمت بخير

شكراً عادل على تواجدك الدائم بغالبية المواضيع وهذا يدل على حسن الأداء ..

بالنسبة لكلامك ...

أعتقد أن الرجال لو عرفوا ماذا تقدم النساء لكان الإحترام أكبر وأكبر..

إقتباس هلا والله متعب .. القهر كلهـ اذا شفت لكـ حرمهـ بمول وشايلهـ الاكياس كلها معها وماسكهـ بزر في يدها والرجل يمشي قدامها وهي بترقى بالسلم الكهربائي وطاحت وقام لكـ يهاوشها وينافخ عليها ويقول لها فشلتينا قومي بسرعهـ الله ياخذكـ الحين يوم انها طاحت صارت فشيلهـ لكن يوم انكـ تمشي وانت مخلي كل شيء معها مو فشيلهـ للأسف فيهـ بعض الرجال فاهمين القوامهـ غلط !! عندي تعليق بسيط على موقف ان الرجل اذا شاف مرهـ بالشارع وقف ينتظرها تمر .. بعض نظرات الحريم انهـ بكذا مو يحترمها لا .. تقول هذا يتميلح صار التميلح والاحترام عندها واحد هذا الي اقدر اقولهـ لاني لو بزيد بجيب العيد مواقف تشوفها قدامك تقهركـ بس مافي يدكـ تسوي شيء المرأهـ ربي خلقها ضعيفهـ .. مهما يكون فيها من قوة وتحمل يجي وقت وتضعف .. تحتاج للرحمهـ .. بس من غير مايوضح لها لان هي برضو فيها عزت نفس ماتقبل ان احد يرحمها أو يعطف عليها .. ولو الرجل يطبق أحاديث الرسول وسنتهـ بتعاملهـ مع زوجتهـ أو حتى اختهـ كان حنا بخير متعب الله يعطيكـ العافيهـ << لا احد يدقق جديد وابي اجربهـ

حتى ظلالي هلالي ..

كم أسعدني تواجدك ومشاركتك القيمة التي بالتأكيد تحدثت عن لب الموضوع لعل أجمل ما جاء فيها مع أن كلها جميله

المرأهـ ربي خلقها ضعيفهـ ..
مهما يكون فيها من قوة وتحمل يجي وقت وتضعف ..
تحتاج للرحمهـ .. بس من غير مايوضح لها
لان هي برضو فيها عزت نفس ماتقبل ان احد يرحمها أو يعطف عليها ..

هذا ما أقصده ..

المرأة بالتأكيد بحاجة للمساعدة والإحترام ولكن بعض النساء قد يعتبرون أننا نشفق عليهم وأن عندهم عزة نفس ..

كلنا عندنا عزة نفس .. وأنا لو ما عندي عزة نفس ما خليت إمرأة قدامي تشيل أغراض والا تنتظر إني مشي بسيارتي علشان تعتبر ..

لأني متأكد إن الناس بتهزئ فيني حتى وأنا مالي دخل ..

مثل ما أنا أهزئ بالناس فمتوقع إن أحد يهزئني :

وعلشان أشرحها بطريقة يقدر أحد يفهمها

أمرأة بتعبر شارع وأشوف واحد ما خلاها تعبر .. أقول بنفسي أو للي معي .. شف استغفر الله يعني هذا عاجز يوقف 10 ثواني يخلي الحريم تمشي ..


حتى ظلالي هلالي .. شكراً لك يالغالية .. وربنا لا يحرمنا من ردودك

هلا فيك اخووي

من طيب اصلك على موقفك

من نظري مااعتبر المساعده رحمة
المراه ضعيفه تحتاج الى مساعده لتكمل مابتدات به
ولن تقف تنتظر رحمت ذالك الرجل بل تنتظر مساعدته لانه سبحانه الرحيم بعباده

دمت برعاية الله