]السلام عليكم ورحمته الله وبركاته
مسـاء/صبـاح
الخيــــــــــــــــــر
أبيات شعرية لأهل الشعر

بجلس معك ساعه حبايب وعشاق
من بعدها كيفك ولو صـرت ضدي
ودي ألمك واحضنك حضنت عناق
ياشـيب عيني كل ماقلت ودي
في خاطري..وش خاطري؟ خاطري ضاق
الكون كله ضاق ماهو بقدي
*الشاعر : ثامر شبيب.

أموت مره واحترق ألف مره
واسكت وأجامل وأتحاشى المواضيع
على حبيبٍ في ضميري مقره
شيد بقلبي له قصور و مشاريع
لو كان بسبابه لقيت المضرة
حلفت أنا مشري بداله و لا ابيع
راضي وقانع به بخيره وشره
ومنهو نصحني عنه ماسمع ولا اطيع.
*الشاعر : فهيد البرجس.

ياخي الشاعر ترى ما فوق رأسك ريشه
ما تحتك الا ظلالك ترمحـه و تهبــــــــــده
ما يهم تسب تمدح شخص تطلب عيشه
المهم إن المشاهـد يعرفـون الزبـده
تتقي و تبين كنـك تلعـب الخشيشـه
المشاهد تحرق أعصابه و تدبل كبــــــــده
المزاج المنجرف و الانفـس الطنيشــــه
ما تسّمع في السديس و لا محمد عبده
*شعر : سعد بن جدلان.

خل العذر ياموجع الليل بالناي
ليلك عجل والسالفه سرمديه
وانت ان شقيت بغلطتك هاتها جاي
اغلط بكيفك واترك العذر ليه
وانا اللي آسف واعتذر عن سواياي
آسف على غلطتك وآسف عليه
الذنب ذنبي والخطايا خطاياي
والا انت ماجا منك ذنب
وخطيه
*شعر : ناصر آل صامل.

ملني صبري متى يقرب الفجر البعيـــد
يابحر مدري سراب او انا شوفي شجر
ماهـــي بقصة درامـــا لعبهـــا خورشيد
وش تقول بشلةٍ صلوا المغرب عصر
القهر يمكن ليا سادت الدنيا عبيد
بس عاد إذلال الأحرار ما مثله قهـــر
*شعر : لفى الهفتاء.

إصبر علي منصدم روحي بأجمعا
أبطلق إبهام هذا الغبن من نابي
إصبر علي باقي دمعه بأودعها
من سجن عيني تروح وفدوة أحبابي
لو كان عيب الرجال يهل مدمعها
لكن وش اقول خان الدمع بأهدابي
حاولت اكابر بها لكن نزل معها
مع الأسف من حسبته صفوة أصحابي
*شعر : نواف التركي.

شعري ولـد مدرسـة فكـري وتنظيمـه
لفظ الاصالـه شبـاه وثُقلـــه اسلاحـه
ماخذت شعـر الحداثـه منهـج وسيمـه
ولا استمع قايلـه لـو حــــاول ايضاحـه
وقصيـد( نِـزار) مالـه داخلـي قيمـه
واعشق شعر لأكلبي في وصف (طياحه)
وياصحاب شعر الحداثــــه كِشفـت الغيمـه
ماهـو بناجـح ولـو حاولتـوا انجاحـه
*شعر : عبدالرحمن بديع.

كن في قلبي لهب نـار ربـعٍ نازليـن
اشعلوهـا بالخـلا والهبـوب تلوفهـا
ول عودٍ لاش رحمه ولا قلـبٍ يليـن
جعل ذودك في نحر قومٍ وانت تشوفها
عيدوا بي في الخلا والفريـق معيديـن
كل عذرا نقشـت بالخضـاب كفوفهـا
مايقرب دارهم كـود صنـع الذاهبيـن
كود حمرا عزمها من صفاة بلوفهـا
*شعر : بخوت المريه.

يازين مافي العيون نعاس
والقلب مشغول بهمومه
اما معي نطرد الهوجاس
والا لك النوم وحلومه
هذي نجوم السما .. جلاس
وعيب على العاشق القومه
لاجل الهوى عذبونا الناس
ومن بيح السد ماالومه
*شعر : الامير بدر بن عبدالمحسن.

للهواجيس اعتماد وتذكـره صـوب المحـال
سافري بي ليـن حلْـم وحلّقـي للمستحيـل
للبقايـا والهبـوب اشتـدّ والتبريـر حــال
دون عفو الشاعر المنكـوب لذنـوب العميـل
سندريـلا مفعـم الإيقـاع آثرنـي جـدال
واستجدّت مربكات الحـظّ واللوعـه نزيـل
واستغلتني النوايـا البيـض والطهـر المسـال
واشتهيت إني أساير أدلجـة مـن هـزّ جيـل
*شعر:هلال مزعل الدهمشي.

ابتسم لون المسـا منـك وعرفتـك
جيت مثل البدر في صدر الليالـي
ايه شفت الحب بعيونـك وشفتـك
واذكرْانك جيت ضيف ورحت غالي
واذكرك مثل الـورود ولا قطفتـك
واذكر ان المر دونك وانت حالـي
جيتني من مدمـع الغيـم ولقفتـك
تسهج ضلـوع الغـرام ولا تبالـي
*شعر : ضيدان المريخي.

الجديد إهداء لأبها ..والخميس
إسمحولي يالوجيه الطاهره
واقع الأمه مثل ماهو تعيس
حرب سريه وحرب مجاهره
زودو سعر (المدمس) و( التميس)
وطاح سوق الشام قبل القاهره
وارتفع سهم أنقره ..سبة (لميس)
أبهرتهم ..بالوصوف الباهره
*شعر : خلف المشعان.

يامل قلب يسج وفيه دولاجــه
من هاجس بالضمايرقام يدرجـها
في معزل عن جميع الخلق وازعاجه
ما اسمع من الناس لوتكثر لجـالجها
ماغير اهوجس تقول مضيع حــاجه
آخذ واسند على روحي واهرجــــها
وادوج لوكان مارجلي بدواجــه
ادلّه النفس لين الله يفرجــها
يالله يالي بيدك الضيق وافراجـه
ياخالق الخلق ياقاضي حوايجــها
تفرج لعين الذي أغفت بســوهاجه
تجهز عليها الطواري لين تزعجــها
*شعر : عبدالله بن عون.

أنا زميلي ضمير ونبل
مايزرع الظلم بأدراجه
لامن غيره عصته السبل
حكيم .. لاغبرت واجه
شعور قبل الشعر.. لا.قبل
وقبل الورق روح وهاجه
لاهو محابل .. ولا هو حبل
كن الفرح خلق باحجاجه
والشخص باللي عليه وجبل
والناس كل ومنهاجه
شاعر خيالي وشاعر خبل
وشاعر ولا شاعر بحاجه
وشاعر طبلكي .. وشاعر طبل
وشاعر حلاته هي إزعاجه
شعر : سليمان المانع.

مل قلـبٍ مـع هـل الـود لعبوبـه
زادو التاليـن جــرح الأوليـنـي
إن دروا بالـجـرح ولاّ مـادروبـه
أشتهي من كـان قلبـه يشتهينـي
إرقصـي يابنـت والـروم مغلوبـه
والله (ن) كنك فوق روس الحاسديني
يوم قالوا كـل ذنـبٍ لـه عقوبـه
الهـوى ماهـو بذنـب العاشقينـي
إيه أنا عاشق وفي عشقي صعوبـه
فـي مـدارات الثـريـا دوّريـنـي
ماأسري بليل الغشوم اللي سروبـه
ولاعشقـت إلا بنـات الطيبيـنـي
*شعر : فيصل الرياحي.

ماحد خذا غيرك من الناس عمرين
عمرك وعمر اللي معك فات كله
وزود عليها صرت مالك لقلبين
قلبك وقلب فيك هام وتتله
حبك نزل في القلب بين البطينين
وفوق المعاليق الثلاثه محله
يسري غرامك بالدما في الشرايين
مسرى المرض في جسم من حس عله
سيرتني برضاي ماقلت لك وين
معك على موج الهوى قلت يالله
*شعر : الامير سعود بن بندر.

العتب ينقش القلب ويشوفه ذره
كان عصفور في عش الملامه وطار
من بغى يبني الدنيا على دفتره
ماالتجى من ورى خوفه بظل الجدار
يولد الياس من رحم الوله واقبره
في ثنايا السطور المثقله بالغبار
وش حنيني سوى دمعه بلا محبره
وش قصيدي سوى بحر بليا قرار
كم نسيت اكبر بحلمي وانا استصغره
وشاب فالذاكره طفل سنينه " وقار "
*شعر : بندر المحيا.

يشتتني حديث الصاحب المستفتي الأخاذ
نشدني وش بلا ارض القصايد قلت محروثه
نشد حتى تململ من حديثه عطره النفاذ
تهادى بين غضاة الحروف وواسع اللوثه
يسولف عن مدى روح القصيد وماكتبه استاذ
وهو يحوي بجفنه للبشر مايشبه احدوثه
يذكرني حديثه بالتقاء الضوء والرذراذ
يقول استمع ياوجه رب الشعر ياغوثه
احس انه ابد ما يحمل الا الفارع استحواذ
من اطراف الكلام وعز جدانه وموروثه
*شعر : بدر صفوق.

مرتني الدمعه بها الوجد ما ذاب
في غربة الاشواق راحت هبايب
مرتني البسمه تقل فوقها حجاب
وراك خجلى يا رسول الحبايب
والحب مريته غريب على باب
عقب القصور امست قصوره خرايب
بغيت اسلي خاطره بعد ماشاب
لقيت ماله بالتسلي طلايب
*شعر : خالد الفيصل.

بين الورق والحروف وطيفك وهمي
آخذ مشاوير واشتاقك واعود لك
يابنت خلي مداك وخطوتك يمي
والا اركبي كل فج ورجلي برجلك
وانتي فضاي وعصا مجدافي ويمي
ومركب سفينة حياة سقتها لاجلك
من يوم غبتي وحمى همك تسمي
دينا انفتح بابها يوم ارتحل ظلك
وحطت فراش لها من كمي لكمي
ويبرا لها في خيالي طيفك ودلك
*شعر : نيف الذكري.

حبيبي كثر ماخلى غيابـك فـي صـدر مغليـك
كثر ماضيّقـه عـذل العـذول ولومـة اللايـم
تمنيت ان مصيري في البدايـه ماتعلـق فيـك
لانـه ماعلـى الدنـيـا دوام الا الله الـدايـم
رحلت وكل حسرات الضلوع العوج منـك إليـك
مع انك تدري ان وادي المفارق مدهـل الهايـم
لو ادري ان كل غفوات المنام تجيب لي طاريك
من اول ماعرفتـك ليـن فارقتـك وانـا نايـم
*شعر : مطلق بن شويه.

في غيابك موت وبحضـورك حيـاه
التلاقـي شمـس والفرقـا مغـيـب
ياحبيـبٍ ماقـدر أتحـمـل جـفـاه
فـي بعـاده أشتكـي نـار اللهيـب
يابياض القلـب 00 يامنبـع صفـاه
يالشموخ اللي به الوصـف العجيـب
لو سألت الليل عـن صمـت الشفـاه
تدري أن ( الصمت ) من جرحٍ عطيب
قلبي اللـي أحرقـه جمـر الغضـاه
يسـألـك بالله عـنـي لاتـغـيـب
*شعر : عبدالله الرقاص.

وين أنت ماهي مثل وين انت دايم
وين انت هالمره عن الفين وين انت..؟؟
يامطول الغيبات.. ويـن الغنايـم
ماابي ولاحاجـة سـواك انـت لاهنـت
قريب مني لكـن الوصـل غايـم
بعيد.. واقرب لي مـن أسبـاب مابنـت
انا ماأحبك..! أنا.. فيـك هايـم
بين غـلاك بقلـب مغليـك.. مالنـت..!
*شعر : فيصل بن خالد بن سلطان.

ســلامة رماحـك اللـي جـرحـها غـالــي -
طـعـنـتـني غـاضـب لـين إنـكـسـر رمـحـك ..
يـاليت لي ذنـب وألقى عـلـقمك حالي -
وياليت بك عـدل وأرضى في الهـوى ذبحك ..
يـا سـيدي وإن نويـت تزيـد غـربالي -
قلي وأنـا أبعد ظلامي عن سنا صبحـك ..
*الامير :بدر بن عبدالمحسن.

ماعاد لي دمعن عيوني تهله..
من طول فرقااللي نحبه بكيناه،
شربت كيف الهم كاسن ودله..
ويا طول دربن في فراقك مشيناه،
نصبر ولو كان الحشى فيه عله..
والجرح يبديه الزمن لو دفناه


الشوق لو ينطق يقول انت وينك ،
تعال ماباقي عن الموت حاجه ..
أبا ارتمي عقب التعب في يدينك ،
مابين إفراد الهوى وازدواجه ..
*شعر : ناصر مطلق.

كان ضـاق المكـان اللـي مـن أول مكـان ....
أطـرقـى يـاقـدم رجـلـى . دروب الـرحـيـل

ليه أساير وأجامل . فـي هـروج اللسـان ....
أحـسـن البـعـد . والله فــي عـبـاده كفـيـل.

ياصاحبي لاعاد تنشد عن الحزن الدفين !!!
اقسى الطعون .. الطعنه اللي من حبيب وفالظهر !!!!

ياثقلها كلمه دقايق واجيلك... ويامرها كلمه خلاص انتظرني

الوقت غربه واخر الدرب عنوان ،،
والعمر رحله والتجارب رحايل ..
مرات ربك يرزقك خوة إنسـان ،،
واحد ويسوى في عيونك قبايـل ..
*شعر :عبدالله ما جد المنصورى.

والله مايذبحك ياكود حاجه ....
لاصار في وجهك حيا
وانت محتاج

لا تعـتـذر وتحـد نفسـك على الضـيق
مالك عـذر وانته على الطيب تقوى
ماعاد يضـمنك العهد والمواثيق
مادام هذي شوفتك لا تهقوى
*شعر : مجعد بن متعب.

تبغى تحس بنفس الاحساس اللي يحس به السديس ،،
لأمن و سمع (آمين) من كل الجهات تونسه ،،
توض وأفتح مصحفك نور الصدر و آنس جليس ،،
يجلى صدى القلب ويزيل همومه المتكدسه ،،
وان اعتمت ظلمة دجى الليل البهيم الخندريس ،،
خذ ركعتين غير عن باقي السنن ومقدسه ،،
*شعر : حسين العبدي.

إبتسم لون المسا
منك وعرفتك ،،
جيت مثل البدر في
صدر الليالي ،،
إيه شفت الحب في
عيونك وشفتك ،،
واذكر انك جيت
ضيف ورحت غالي ..

ول يا كبر القهر لا صار ما باليد حيله ..
والجروح من القرايب والخطأ مني وفيني!!
إن نويت اشفي غليلي ما لقيت أية وسيلة ..
كيف ابلقى دام جرحي سبته طعنة يميني ..

لا تساوى حضورك عندهم والغياب ...
طيع شورى تماكن عزتك وانسحب ...

لا عاد تنشد مابقى عنـدي علـــوم ،،
كل العلوم المبطيـــــــات اتخبرهـا ،،
ماجيتك اشتكي ميلة الوقت مزحـوم ،،
نفسي لياضاق المدى مـــا اخسرها ،،

يا وجودي كل ما اضحيت ثم مال الظلال ،،
لا غفت عيني ولا ذقت شي مشتهيه ..
وجد من قفى وهو في رجا كلمة تعال ،،
والتفت من عقب ما اقفى ولاحد لد فيه ..
*شعر: ضيدان بن قضعان.

اف ياكبر الحَلام اللي على بالي وشفي ،،
واخ ياراسي من التفكير في مالا يشونك ..
واح ياحر انتظاري للقبول امن المقفـي ،،
وآآآآآه ياحبٌ عطيتك ناس مايستاهلونك ..
شعر: سعد بن جدلان.

وجع حب وجع شعر وجع شوق وجع ضيقه ،،
على كيفك وهاك اختار هذي سلة اوجاعي..
غلا واسمع نزيف الجرح كلام الصمت ما اطيقه ،،
انا محتاج اسولف لك عن اول وآخر اوضاعي..
*شعر: سليمان المانع.

تمثيل بيني وبينك ( ميح ) ،،
واهدافه هناك منحسره ...
وأهل قريه عطو تلميح ،،
في ( ناقة السطح ) ياحسره ...
*شعر : علي احمد الظاهري.

باوادعك وابشرك صدري كما الحصن المنيع،،
مابوح باسرارك ولو حبل المواصل باقطعه ..
لاتحسبين إن الندم دمعي من اسبابه يميع ،،
ليه الندم عمر الندم مافاد من عض اصبعه ..
*شعر : هاني الحارثي.

ابهديك الوصال فراق واهديك الفراق وصال..
باسوي مثل ما اشوفك تسوي وافعل افعالك ،،
عشان تعرف من فينا الزعول ومن وسيع البال ..
ابيك تذوق فنجالي وانا باذوق فنجالك ،،
شعر: حامد زيد.

شرهتك في لحية اللي ما يكب شـداد ريمـه،،
والا انا يـا بنـت كفـو للشـداد وللمسامـه ...
والله اني تهت اسميهـا نصـر والا هزيمـه،،
وانتصار الحب لو طال الفرح مثل انهزامـه ...
*شعر: عوض بن شفلوت المناديه.

العيد ماهو فرحة إطلالة العيد ،،
العيد لو تسمح بشوفك ظروفي ..
*شعر: حجاب طايع.

أقول في نفسي وأنا أعايد الناس ،،
متى بشوفك تكمل أفراح عيدي ..
أجامل وربي عليم ٍ بالإحساس ،،
وشهو شعوري وأنت عني بعيدي ..
*شعر: الأمير سعود بن بندر.

العيـــد رحب أسعد الله ممساك
والله مدري وين خـــد لمستــه
،،
وين أنت ياللي عيدنا في محياك
كف القدر من ضيقة الخلق بسته

اذكريني لا انتهت للشمس رحلة مع نهار،،
واذكريني لاصحا للصبح ورد الياسميـن..
،،
واذكريني لا لمحتي في ليالي البرد نـار،،
واذكريني لاسمعتي للمطر صوت حزيـن..
*شعر : فهد المساعد.

عاد عيدك يا معيّد ولا لي منك عيد ،،
يحتفي بك ثوب عيدك وانا ثوب الحداد! ..
ليت لي مثلك على الهجر كفٍ من حديد ،،
تنتزع طيرٍ بصدري مخاليبه حداد! ..
*شعر : محمد السالم.

أربع "ن" تبحث بسدك كل خافي ،،
تجتمع وتكمل نصاب المزكي ..
،،
الرفيق السو ..والخل المجافي ،،
والزمان الصلف .. والحظ المتكي ..
*شعر: عبدالله الشهراني.

اي والله اسهر لين تظهر مواريه،،
صبحٍ(ن) يعرف الفرق بيني وبينك ..
،،
ومن قال صح النوم يا فلان قلت ايه ،،
يا جفن مهما تشتقي حاسدينك ..

احد(ن) طموحاته الى يوم حشره،،
واحد(ن) طموحه ما تعدا عقاله..
الحاجه اللي دونها الناس قشره ،،
والحاجه اللي عند ربك سهاله ..
الصاحب النادر بع الناس واشره ،،
احرص على اللي عزته راس ماله ..

حبيبي لو بقي شعرة أمل ناصل بها لرضاك..
عبرنا كل صعب ولاإنثنت دونك خطاوينا

لاشك المسألة فوق إحتمال آصلك أو أجفاك..
هناك أسباب دون الوصل تبعدنا وتثنينا

أحبك كثر ماهلت من عيون اليتيم دموع ،،
وأحبك كثر ماذقت الطعون وقلة الراحه..

أحبك كثر مايصعب على الشفه تحب الكوع ،،
وأحبك كثر مايفرك نديم الهم مسباحه..

ألاقـي مـن عـذابك ما ألاقي ..
وحـبك فـي حـنايا القلب باقي،،
وتسرف في الصدود وفي
التجني ..
وأسـرف في التياعي واشتياقي
*شعر: عبدالله الفيصل.


MESHAAL - ALHILAL - 2009

يسلموووو على المسجات الحلوه


تحياتي القلبية

مشكوووووووووووووووووووووووووووووووووووووووور

مشكور عل الكلمات الجميلة ......... يعطيك العافيه ......