24/12/2008, 01:13 PM
|
| زعيــم فعــال | | تاريخ التسجيل: 13/04/2007
مشاركات: 447
| |
| شخصياً، هزازي مرتبته عندي أرفع من الشمراني اللي أخذ كذا فرصة وفرط فيها. بس هذا ما يعني أني أبي الاعتماد يكون شديد، لأن الولد يبي له وقت لين ما ينضج ويتطور مستواه.
الشمراني مشكلته (واللي خلتهم يشيلونه) أن الولد ينتظر الكورة تنوزن على رجله وإلا ما عنده استعداد يلحق وراها!
لكن للحق واحد عنده الـ Finishing قاتلة، ولو فيه طريقة كان دمجت الشمراني والسلطان مع بعض. واحد يعرف يسجل وينهي الهجمة لكن ما عنده استعداد يقاتل عشان الكورة، والثاني يطارد وراها لكن إن طاحت بين رجوله ما عرف وش يسوي بها!
بس ممكن أكون غلطان ومع الوقت يثبت نفسه مع المنتخب (أداءه أمس كان الأفضل في فترات لعبه مع المنتخب)، بالضبط مثل ما أثبت عطيف نفسه لما عطوه فرصة بعد ما كادوا يستغنون عنه أيام آنجوس.
بالنسبة للدعيع، والله أنه أفضل حارس في الدوري حالياً (يكفي مواجهته لوحده ضغط الهجوم الاتحادي يوم لقاءنا معهم)، لكن أتمنى الفرصة تنعطى لغيره.
مشكلتنا من راح الدعيع وخانة الحارس غير مستقرة (مبروك، ثم خوجة، ثم المسيليم، ثم آل نتيف، ثم وليد عبد الله).
يمكن أفضل ما في هالفترة الحالية هي أننا صرنا ما نخشى من التغيير وتجريب الأسماء الجديدة، ولو أننا صرنا نبالغ بالتجريب (ومثل ما قلت نحتاج للاستقرار هنا)، وإلا في الماضي تشكيلة المنتخب هي هي ما تتغيّر لسنين!
وفي نهاية الأمر الحارس قدامه 10 لعيبة ممكن يذودون عن مرماه، ودفاعنا الحالي بصراحة قاعد يقدم مستويات (المرشدي وأسامة أثبتوا أنفسهم على مستوى الدوري والمنتخب)، بالإضافة لهذا فعندك وليد عبد الله أعتبره ثاني أفضل حارس بعد الدعيع، وكلنا ما ننسى شلون أنه أنقذ مرمى الألومبي من نتيجة ثلاثة أهداف محققة قدام اليابان في اليابان، لذا فالرجل يقدر يتحمل الضغط وما ألومه على الهدف اللي دخل أمس (واللي كان نتيجة خطأ دفاعي). لكن بصراحة أتمنى عموماً أنه يقلل من الخروج من المرمى قدر الإمكان (هالكلام أقصد فيه المباريات التجريبية اللي قبل حقت البحرين واللي حاول وليد يجازف فيها أكثر من مرة بالخروج من مرماه).
ثم بخصوص إصابة نور، يابن الحلال جايبينه أمس على صدى الملاعب وهو يالله قادر يفتح عينه من التعب والتخدير، قاعد تقول أنه يتعلل بأي شيء عشان ما يلعب؟!
فابريغاس تزحلق بطريقة غبية يوم مباراة ليفربول (وهو اللي يعتمد عليه فريقه اعتماد كلي) وفي الأخير بيغيب ثلاثة شهور وإصابته كانت بخطأ منه (حتى شكلها مو إصابة!)، ليه محد قال: لا والله هالإنسان مو قد المسؤولية وقاعد يتحجج بالإصابة؟
أرجو أننا نكون بهالدرجة من الوعي خصوصاً لما نتكلم عن المنتخب. |
الوضع العادي
