قــهـــوة الكالــشيو forza calcio - صفحة رقم 21 - نادي الهلال السعودي - شبكة الزعيم

الملك"توتي" · #1 30/12/2008, 09:35 PM

إقتباس


	اسطـورة رومـا ( جيانيني ) قبـل لا يجـي تـوتـي و يعطيهـ الخـامـس ..

والله يا جماعة ابقولكم سر .. بس لا تضحكون

عبارة .. يعطيه الخامس .. ( وهي العبارة الدالة على عدم اعطاء وجه

، او بمعنى آخر نستطيع القول بانها دلالة على التجاهل )

المهم في الموضوع .. ان هذه العبارة .. اشعر بأنني اول من قالها في العالم

ترى يا جماعة اتكلم من جد ..

اتذكر قلتها يمكن وانا في اول متوسط او ثاني متوسط .. طبعاً ابتكرتها انا

يعني ماقد سمعت احد يقولها قبلي ..

فـ تفاجأت بعد ذلك ، بانها منتشرة في ارجاء المعمورة

فما ادري .. هل هذه الحالة تحدث مع غيري .. يعني هل احيان تحس ان في عبارات هي لك .. و فجأة تجدها منتشرة في ارجاء المعمورة

؟؟

إقتباس


	روما : اوسفالدو الحلم

والله فله لو يجي .. بس مدري .. احس اننا محتاجين دفاع اكثر من حاجتنا لـ مهاجم ..

إقتباس

الرسالة الأصلية كتبت بواسطة الامبراطور 8


	توتيCOM انت قاعد تضحك على الانتر بالصورة اللي في توقيعك .. سؤال هل تعرف كم عدد بطولات روما ؟ 14 بطولة فقط .. وبطولات الانتر قي الاسكوديتو فقط أكثر منها.. فأضحك على فريقك..

أقول شباب ..

أحس هالرد .. يفتح موضوع مهم للنقاش .. وش رايكم ؟

يعني هل انت تشجع فريق والا تشجع فلوس الفريق

والا تشجع انجازات الفريق

والا وش السالفة بالضبط ؟

لاني بصراحة في الايام الاخيره وجدت الناس تميل لآخر نقطتين ..

يعني مثلاً تحصله يشجع ليتشي في البدايه .. و فجاة يوم عرف ان انجازاته قليلة ..

لالالالا يقوم يغيّر

ورده

MiLAN LoVeR · #2 30/12/2008, 10:48 PM

...

...مساء الكالتشيو...

بأشطح لكم كم صوره جازتلي في تاريخ الكالشيو العظيم

وش الدنيا به

عقبال كريستيان ودانييل

معصب 24 ساعه

ان شاء الصور تعجبكم ومافيها اي ميول

والاساطير واجد بس الي جا في راسي حطيته

ختاما يالبى الكاشيو

ورده

ღ MiLaN4eVeR ღ · #3 30/12/2008, 08:09 PM

ll عناوين الصحف الإيطالية لـ يوم الثلاثاء 30 / 12 / 2008 ll

[ La Gazzetta dello Sport ]

روما : اوسفالدو الحلم

- الانتر : " كروز " لغز !

لاعب السامب " بالومبو " : شكرا ميلان لكني سأبقى هنا

لاعب إيطاليا " توني " : أماوري ؟ لا أخشى أحد !

[ Corriere dello Sport ]

" كوبولي جيجي " : نحن شيكون عندنا أفضل فريق , في عام 2009 سيتكون سنتنا

- " زولا " : سأريكم سر النوادي الإنجليزية

- ميلان في دبي , و فرقة و وكلاء سريون

- " جيرارد " مسجون !

- انتر ملك أوروبا يتشارك معه تشيلسي !

[ Tuttosport ]

- التعلم من " أليكس , " جيوفينكو " : أنا سأبقى هنا لأتعلم من اللاعبين الكبار

- " بوفوفن " الأول للعطف

- تورو , " ديلافيوري " : إنه الوقت المناسب

- " جيرارد " في السجن بعد الشجار

G o L d E s T · #4 30/12/2008, 10:38 PM

^^^^

صح يا مبتكر العبارات

أنا صارت لي نفس الشي لكن مب عبارة اخترعت نصبة أليمة على أخوي وصدقها وبعد فترة واحد قالي إياها ولقيت واحد كاتبها بالنت

فيه مبنى كبير بطريق الملك عبدالله ببدايته وانتم راجعين للدائري يجيكم على اليمين هذا سألني أخوي عنه وش بيصير قلت له هذا استاد الملك عبدالله الدولي

طبعا كان معي واحد وعزز لي قال كلامه صحيح وإنهم كانوا بيبنونه بجدة بس هونوا وخلوه بالرياض حتى شف تصميمه مثل تصاميم الملاعب الجديدة

بعد فترة جاني واحد يقولي شفت الملعب الجديد اللي بطريق الملك عبدالله

وأترك لكم تخيل ملامح وجهي بعد ما قالها لي

...

بالنسبة لتشكيلة الآزوري التاريخية أشوفها منطقية جدا

يعني غالبية اللاعبين اللي فيها ساهموا بصنع إنجازات الآزوري وحققوا معه بطولات باستثناء مالديني وباجيو

شي حلو إننا نشوف بيرلو بالتشكيلة الأساسية وكنفارو و بوفون يستاهلون يكونون أساسيين لكن أتوقع مشكلتهم وجود لاعبين خدموا المنتخب بشكل أكبر

..

المسؤول · #5 31/12/2008, 07:24 PM

الافضل & الاسواء بالكالتشيو الدور الاول

* أفضل & أسوء فريق ؟

الافضل ميلان .. الاسوء كييفو

* أفضل & أسوء لاعب ؟

كاكا .. الاسوأ كواريزما

* أفضل & أسوء مدرب ؟

مورينهو .. سباليتي

* أفضل & أسوء حارس مرمى ؟

مانينجر .. فونتانا

* أفضل & أسوء قلب دفاع ؟

كيليني .. كالادزة

*أفضل & أسوء ظهير أيمن ؟

مايكون .. قريقيرا

* أفضل & أسوء ظهير أيسر ؟

يانكولفسكي .. كاسيتي

* أفضل & أسوء محور ؟

جاتوزو .. تادي
* أفضل & أسوء خلف المهاجمين ؟

رونالدينهو .. ستانكوفيتش

* أفضل & أسوء رأس حربه ؟

اماوري . بوريللو

* أفضل & أسوء مباراه ؟

ميلان vs الانتر .. الاسوأ الانتر vs فيورنتينا

* أفضل & أسوء حكم ؟

روكي .. ريتزولي

* أفضل & أسوء صفقه ؟

ميليتو .. شيشفينكو

* أفضل & أسوء هدف ؟

رونالدينهو على الانتر .. هدف مايكون على سيينا

الغرناطي · #6 30/12/2008, 10:54 PM

إقتباس


	يعني ماقد سمعت احد يقولها قبلي .. فـ تفاجأت بعد ذلك ، بانها منتشرة في ارجاء المعمورة

احلى يا ملهم أنت

ألا ما تلاحظ اليوم أني عقبت على كل ردودك

<< كيف عقبت بالله

عندي سؤال بسيط الحين ,
ليه توتي عنده شارة الكابتانيو غير الاعبين !

و هل دل دل له اهزوجه

خاصة عند جماهير اليوفي ؟
مثل توتي يعني إذا تفلت بدا حقوي يقول كاااابتانيووو بعدين الجماهير مدري وش يقولون

؟
و بس

اكثر الاعبين المظلومين بالكالتشيو

فالكاو !
هو بالتأكيد مثل بلاتيني و زيزو و باجيو ,
و لكن قد اعتقد احيانا انه افضل

الملك"توتي" · #7 31/12/2008, 12:42 AM

إقتباس


	وأترك لكم تخيل ملامح وجهي بعد ما قالها لي

يآ إلهي

إقتباس


	ألا ما تلاحظ اليوم أني عقبت على كل ردودك << كيف عقبت بالله

الكبير كـبيير يا محمد

والله يا طويل العمر .. توي شفت ردك بالرابطة .. وبعدها ، فعلاً لاحظت انك خاق معي

..

لا تواخذني ترى اذا سحبت عليك والا شي .. ترى والله مهيب مقصودة لو سويتها ..

يعني يمكن ما شفت الرد او شي .. والا انا اقدر اسحب على محمد ؟؟

إقتباس


	ليه توتي عنده شارة الكابتانيو غير الاعبين !

هآهآهآ

هذا توتي ما يلعب

هآهآهآ

إقتباس


	فالكاو ! هو بالتأكيد مثل بلاتيني و زيزو و باجيو , و لكن قد اعتقد احيانا انه افضل

الكبير كبييير يا محمد

بخصوص مباراة الميلان و روما القادمه

آخر الأخبار .. غيابات روما = توتـي + بيتزارو + آكويلاني < هذولا الي على بالي الحين ..

بس وشهي غياباتكم يالميلان ؟

ورده

LIVER 4 EVER · #8 31/12/2008, 12:58 AM

الافضل & الاسواء بالكالتشيو الدور الاول

* أفضل & أسوء فريق ؟
* أفضل & أسوء لاعب ؟
* أفضل & أسوء مدرب ؟
* أفضل & أسوء حارس مرمى ؟
* أفضل & أسوء قلب دفاع ؟
*أفضل & أسوء ظهير أيمن ؟
* أفضل & أسوء ظهير أيسر ؟
* أفضل & أسوء محور ؟
* أفضل & أسوء وسط يمين ؟
* أضل & أسوء وسط يسار ؟
* أفضل & أسوء خلف المهاجمين ؟
* أفضل & أسوء رأس حربه ؟
* أفضل & أسوء مباراه ؟
* أفضل & أسوء حكم ؟
* أفضل & أسوء صفقه ؟
* أفضل & أسوء هدف ؟

شباب تراه مب لازم تجاوب عليه كله
وبعدين للفرق اللي تناظره وتابعته

K I N G . M I L A N · #9 31/12/2008, 04:44 AM

ورده

إقتباس


	يعني شلوون ؟ هات من الآخر !!

وسام شكل خوينا ذا بحث !؟

يالغالي وسام قصدهـ أنهم يتحركون يسوون شي بدال ما أنهم قاعدين يسوون مؤتمرات ع الفاضي !! يعني بالله يرضيك أخوانك مسلمين في غزه يموتون ليل نهار .. والاخوان رؤساء مجلس التعاون يجتمعون ويتكلمون عن سعر النفط وما النفط !!

موب من الأحرى انكم تتكلمون عن غـزهـ !!

ع العموم ما ودنا نخش بالسياسه واجد !! لكن نريد منهم وقفه مع أخواننا في غزه بقلب صادق

_ _ _ _ _ _ _

إقتباس


	:: إحصائيات 2008 " 12 شهراً ، 53 مباراة ، 104 نقطة " ::

أتوقـع إن الإنتر كان أفضل فريق بالكالتشيو عام 2008

يعطيك العافيه ابو حميد

عقبالنا في 2009

_ _ _ _ _ _ _

إقتباس


	سؤال هل تعرف كم عدد بطولات روما ؟ 14 بطولة فقط .. وبطولات الانتر قي الاسكوديتو فقط أكثر منها.. فأضحك على فريقك..

ترى حتى النصر بطولاتهم 20 .. والهلال بطولاته 47

وهم يقولون انهم أزين مننـا !؟ ليه طيب !؟

يالغالي هي مهيب قصة من أكثر بطولات أو إنجازات !!

هي المسأله مسألة عشق للفريق وحب له لا أكثر ولا اقل ..!

يعني تتوقع الملايين الي يعشقون نابولي ولا لاتسيو ولا ليتشي أنهم يعشقونه عباطه كذا بس !؟

أكيد أنهم حبوا الفريق وعشقوه , عشان كذا شجعوه

ومع العلم أنهم مهنا ذيك البطولات

موب شرط أن الفريق الأكثر بالبطولات هو الي لازم نشجعه

أعذرني ع الشطحه

<<< أرووح وطي مع الفيس

_ _ _ _ _ _ _

إقتباس


	يعني هل انت تشجع فريق والا تشجع فلوس الفريق والا تشجع انجازات الفريق والا وش السالفة بالضبط ؟

القلـب وما يعشـق يالغالـي ورده

_ _ _ _ _ _ _

إقتباس


	بعد فترة جاني واحد يقولي شفت الملعب الجديد اللي بطريق الملك عبدالله وأترك لكم تخيل ملامح وجهي بعد ما قالها لي

هههههههههههههههههههههه

الله يرجك يابو خليل

والله حسيت ان وجهك طلع برتقالي وقتها

_ _ _ _ _ _ _ _

إقتباس


	PATO-7

تسلم أيديك يابو داحم على هيك صـور

_ _ _ _ _ _ _ _

إقتباس


	بس وشهي غياباتكم يالميلان ؟

نيستـا

, جاتوزو , بوريللو <<< هذولي الي أذكرهم !

فورزا كالتشيو

ورده

ولعيون أبو حمد صديق الجميع

لا يوقـف ورده

][ دمتـم بـود ][

دمـوع · #10 31/12/2008, 05:53 AM

إقتباس

الرسالة الأصلية كتبت بواسطة K I N G . M I L A N


	وسام شكل خوينا ذا بحث !؟

تلاحظ يا الخوي ؟!

اخوي الملك توتي .. كلمتي واضحة كيف يعني تبيها من الآخر ؟! ما اعتقد يبي لها تفسير اضافي

إقتباس


	بخصوص مباراة الميلان و روما القادمه آخر الأخبار .. غيابات روما = توتـي + بيتزارو + آكويلاني < هذولا الي على بالي الحين ..

سمعنا ان أبو سروال موقف بعد و لا بيلعب ..
حقين روما .. ما في تصريح للاعبكم الخبل يبرر فيها احتفاليته ؟ << ودي اعرف وش قال بعدها لأني ما كنت ادخل نت هذيك الفترة .

إقتباس


	الافضل & الاسواء بالكالتشيو الدور الاول

المعذرة .. ما تابعت مغلب الجولات هالموسم فما اقدر احكم << طيب وش تبي انت الحين ؟!

دامك تتكلمون فريقي اقوى و سيارتي اقوى و ليه تشجع هالنادي ..
قولوا لنا .. كل واحد ليه شجع فريقه ؟
مثلاً skroo .. أبوه شراء له طقم اليوفي و هو صغير و قال في باله يله نشجع هالنادي دام عندنا طقمهم

و لما كبر و بدأ يفهم شوي

كان له نيه يغير و يشجع الميلان لكنه خاف يسخرون عليه العيال و يقولون عنه انه كل يوم مع فريق

<< آسف أخوي اني فضحت قصتك بس كان لازم اجيب لهم مثال فما في غيرك

===

تصويت اليوم << ابلشنا هو و تصويته

من أحسن واحد من هالمواهب الشابة ؟

لافيزي - لاعب نابولي

جيوفينكو - لاعب يوفنتوس

بولوتيلي - لاعب الأنتر

باتو - لاعب ميلان

هامسيك - لاعب نابولي

دمـوع · #11 31/12/2008, 06:18 AM

جزء من مقال كتبه اليوم حافظ المدلج .. اييييييه يا كابيلو

إقتباس


	شكراً.. كابيللو! في أول زيارة لي لمعسكر المنتخب أثناء التصفيات المؤهلة لكأس العالم 2002م، قررت تناول العشاء مع نجوم الأخضر لكسر الحواجز ومد جسور التواصل معهم، فلاحظت أن الأكل مليء بالدهون فتحدثت مع "عبدالفتاح" الرجل المصري الخلوق المسؤول عن تغذية نجومنا منذ عام 1985م، منبهاً لكثرة الدهون في أكل النجوم، فقال بلهجته المصرية: "أهو الزيت دا هوا اللي بيلين الركب ويسلك المسائل"، فنقلت الملاحظة لمدرب اللياقة البرازيلي الذي وافقني الرأي، ولكنه قال بأن النجوم لا يريدون تغيير قائمة الطعام، فقصدت كابتن المنتخب "سامي الجابر" فكان رده حازماً: "كل شيء إلا الأكل لا تغيرونه". حملت قناعتي المتواضعة وقلت بيني وبين نفسي: "الشيوخ أبخص"، فالمعني بالقرار هم مسؤول التغذية والمدرب والنجوم، وهم أدرى بالمصلحة، ولكن المدرب الإيطالي "كابيلو" أقنعني بطرق الموضوع مرة أخرى بعد سبع سنوات من المحاولة الأولى، فقد أصدر قراره الحكيم بمنع نجوم المنتخب الإنجليزي من أكل "التشيبس والكاتشب"، وقد ثارت ثائرة بعض "الحرس القديم" من المسؤولين والإعلاميين والنجوم المعتزلين، معترضين على "الإيطالي" الذي يغير العادات الغذائية "الإنقليزية"، ولكن المدرب الحكيم تمسك برأيه وأكد أن العادات الغذائية السيئة تعد أهم العوائق في طريق الكرة الإنجليزية نحو الإنجاز.

توتيCOM · #12 31/12/2008, 07:52 AM

فـرصـتكـ يا بعـدي . . ! !

الملك"توتي" · #13 31/12/2008, 08:49 AM

إقتباس


	وسام شكل خوينا ذا بحث !؟

ايه ايه بحث

<< رابع ابتدائي ، و ليلي بعدي

لا والله يا بعدي .. بس لقافه

إقتباس


	اخوي الملك توتي .. كلمتي واضحة كيف يعني تبيها من الآخر ؟! ما اعتقد يبي لها تفسير اضافي

والله يا بعدي انا ميهب واضحة لي .. يعني انا اسمع الناس .. يصايحون على القاده .. سووا شي سووا شي .. انتوا مدري شفيكم .. ومدري ايش .. و المشكلة اني مدري وش تبونهم يسوون ..!

إقتباس


	يالغالي وسام قصدهـ أنهم يتحركون يسوون شي بدال ما أنهم قاعدين يسوون مؤتمرات ع الفاضي !! يعني بالله يرضيك أخوانك مسلمين في غزه يموتون ليل نهار .. والاخوان رؤساء مجلس التعاون يجتمعون ويتكلمون عن سعر النفط وما النفط !! موب من الأحرى انكم تتكلمون عن غـزهـ !! ع العموم ما ودنا نخش بالسياسه واجد !! لكن نريد منهم وقفه مع أخواننا في غزه بقلب صادق

هأ شف خويك .. يقول يبونهم يتكلمون عنهم

طيب تكلموا عنهم ، و بعدين ؟.. و على فكرة تراهم تكلموا عنهم في المؤتمر الاخير .. يعني ما قصروا .. صح ؟

عموماً .. انا مابي اتكلم واجد بالسياسة .. ما اقول إلا :-

اللهم انصر اخواننا المسلمين المستضعفين في كل مكان ..
اللهم اعز الاسلام و المسلمين ، واذل الصهاينة المعتدين ، اللهم أرنا و أرهم فيهم عجائب قدرتك ، واجعلهم عبرة و عظة لكل عدو للاسلام و المسلمين ..

إقتباس


	القلـب وما يعشـق يالغالـي

ياخي انت كذا

( قلب ) .. فديت خشتك ذي

( قلب ) << الزيادات مشوااار

إقتباس


	نيستـا , جاتوزو , بوريللو <<< هذولي الي أذكرهم !

والله المباراة بتفقد لاعبين متعة .. أولهم قاتوزو

إقتباس


	سمعنا ان أبو سروال موقف بعد و لا بيلعب .. حقين روما .. ما في تصريح للاعبكم الخبل يبرر فيها احتفاليته ؟ << ودي اعرف وش قال بعدها لأني ما كنت ادخل نت هذيك الفترة

إلا إلا صرّح .. يقول انه استلج بعد الهدف

انا بقولك السالفه .. يا بعدي هو طووول المباراه كان سبيكه ..

طبعاً في آخر المباراة .. جمهور الرومانيستا .. خلااص قفلت معه .. فقام يستهجن عليه .. الي هو ابو صروال طبعاً

يوم سجل في آخر دقيقه .. قاال انه ماعد حس بالدنيا .. وخلع السروال دون وعي

بس ما توقف ترى .. بغوا يوقفونه .. بس يقولون .. ان لجنة الانضباط .. اخذتها من ناحية فكاهية

::..::..::

بخصوص المواهب الي طبيت بها غلط

.. بصراحة صعب تختار من بينهم ..

بس انا احطها بين 3 ..

باتو - لافيتزي - هامسيك

خاتمهـ < وعلى فكره ابي رايكم في الخاتمه .. ويهمني بقوووه :-

قبل اليورو الاخير ..

سُئل فرانشيسكو توتي .. هل يتوقع فوز المنتخب الايطالي بالبطولة ؟

فأجاب : لاااا

فرد الصحفي : لماذا و المنتخب الايطالي هو بطل العالم ؟

فأجاب توتي : لقد تغيرت امور كثيرة ..

فسأله الصحفي : اذاً من تتوقع ؟

فاجاب توتي : أسبانيا أو ألمانيا ..

العجيب في الأمر .. ان المباراة النهائية لليورو 2008 ، جمعت بين : ألمانيا × أسبانيا

و فازت أسبانيا طبعاً

ورده

اليوفي و بس · #14 31/12/2008, 12:21 PM

لماذا لا يخسر نابولي في ملعبه !!

قريت خبر قبل فتره ان نجم الفريق هامسليك تعرض لسرقة ساعة يده المقدر ثمنها بـ 25 الف جنيه تقريبا

و قبل يومين جمهور الفريق بحث في نابولي كلها الين ما طلعوها من تحت الارض

و اعادوا الساعة الثمنيه لـ نجم الفريق

قبل فترة انسرقت سيارة روستو البي ام و بعد ساعات جمهور نابولي يقلب الدنيا و يرجعها للاعب مره ثانيه

بالله عليكم اذا كان عندك جمهور مثل كذا يشكل لك حمايه خاصه ما فيه زيها شلون تنهزم
_____

في مقابله قديمة سألوا صلاح حمديتش مدافع اليوفي عن اليوفي و البايرن الفرق بينهم ؟

في الإجابه ذكر انهم فريقين كبار و يواجهون عداء عندما يذهبون للعب خارج الارض

قال في البايرن عندما نذهب للعب " حدد اسم منطقة يقال ان اهلها شرسين " يسبون و يعايرون فينا

و يقولون لنا طول الوقت " يا بافاريين <<< جرحوا مشاعرهم

اما في ايطاليا عندما ذهبنا الى نابولي واجهتنا الجماهير بقذائق من طماطم بيض حجر و كل شي لدرجة أننا

و نحن في الباص الخاص للفريق ما صدقنا اننا وصلنا الملعب بسلام

_____

عندي لكم سؤال ؟

سمعت ان جيرارد في السجن بعد مضاربه تخيلوا انه يلعب في نابولي وش بتسوي جماهير نابولي ؟؟

أتوقع على مركز الشرطه انهم يصكرون و يطلبون لجوء سياسي من دول الجوار

من زمان و أنا أقول لعشاق الانجليزي و الاسباني المقارنه مع الكالشيو تتعدى خطة 4 -4 2 و 4 - 3- 3

و هجوم و دفاع و ضغط على حامل الكره و كور عرضيه .

الانجليزي و الاسباني دوري كرة قدم بينما الكالشيو هو أسلوب حياة <<< تقدرون تدخلون العبارة في مسابقتكم النايمه

<< اذوب في الفيس

ذيــب الانــتر · #15 31/12/2008, 12:54 PM

^^

والله نابولي بُعبع على ارضـه .. !

الموسم الماضي ولا نادي كبيـر اخذ نقطة وحده من السان باولو ..
ميلن - يوفي - انتـر .. كلهم طلعو مهزوميـن ..

بـ النسبة لـ النقطة الي ذكرها اخوي " اليوفي وبس " عن جماهير نابولي
ورميهم لـ البيض والطماط على باص اليوفي

..

ايطـاليا كـ دولة وشعب خصوصا الشمال يحتقرون اهل الجنوب .. نابولي وطقتهم ..
حتى ان فيه لافته غرمو عليها جمهور الانتـر ضد نابولي .. مكتوب عليها
[ نابولي ,, مجاري ايطاليا ]

.. !