مشاكل البطء في التورنت بشكل عام لها عدة أسباب .. لكن راح أذكر سببين ..
وقبل ما أذكرهم .. لازم أذكرك بإنه يجب عمل استثناء لبرنامج التورنت من جدار الحماية .. وفي العادة أغلب برامج التورنت بشكل عام وخصوصاً الإصدارات الحديثة تسوي الاستثناء بلحالها .. لكن ما يمنع إنك تشيك للتأكد ..
من أيقونة الشبكات على شريط المهام بسطح المكتب (على شكل تلفزيونين جنب بعض) كلك بزر الماوس اليمين واختار تغيير إعدادات جدار حماية ويندوز ..


بعدين .. استثناءات .. وتتأكد انه فيه صح قدام اسم البرنامج Utorrent

إذا ما كان موجود في نفس المربع اللي في الصورة السابقة .. اضغط على إضافة برنامج واختار الـ Utorrent .

نرجع لشرح أسباب بطء التورنت ..

السبب الأول للبطء/ نفس ملف التورنت يكون بطيء لعدة أسباب وأهمها تكون بسبب التراكر (اللي تم شرح معناه فوق) ومهما كان عدد الـSeeds والـ Peers .. بيكون التحميل بطيء .. وعشان يتم تلافي هالنقطة .. لا بد تسجل في موقع تراكر خاص .. بحط لكم عدة مواقع تعاملت معها .. والترتيب بالأفضلية ..
http://iplay.ro/
http://www.bitsoup.org
http://www.revolutiontt.net/
http://www.supertorrents.net/
http://www.torrent-damage.net/
http://www.iptorrents.com
http://www.ilovetorrents.com
http://www.araditracker.com/
http://nordic-t.org
http://www.onlydvdrips.com

وهذه مواقع عربية ..
http://www.arabfilms.org
http://www.torrents4arab.com

• أشدد على أهمية التسجيل في التراكرات الخاصة .. وفي موضوع طلبات الأفلام كررت أكثر من مرة لا بد من التسجيل .. لكن كثير مو مهتم .. ويقول التراكر المجاني كويس ويمشي الحال ليش اتعب نفسي .. وبعد فترة يجي زعلان ويقول غريبة التحميل بطيء !! ولا وقف علي ونسبة التحميل كانت 99% !! التراكر الخاص بتنتهي فيه كل مشاكل بطء التحميل وعدم اكتمال التحميل وكمان ملفاته مضمونة وخالية من الفايروسات والملفات المزيفة والملفات المعطوبة تحدث باستمرار .. ولا بد تكون مسجل على الأقل في موقعين أو ثلاثة .
• فيه مواقع كثير مرة ما بين أقوى من اللي فوق وأضعف لكن التسجيل فيها جدا جدا صعب .
• احتمال إنه أغلب هالمواقع التسجيل مقفل فيها .. يبيلك كل بعد فترة تشيك عليها .
• التسجيل يطلب إيميل .. وبعض المواقع ما يقبل الهوت ميل ولا الياهو .
• بعض المواقع لازم تشيل خاصية البروكسي من المتصفح .

فيه تساؤلات كثير بخصوص شروط التراكرات الخاصة ..
- الشرط الأوحد لجميع المواقع .. على قد ما تاخذ تعطي .. يعني مو تسوي داون لود وتنحاش مثل المواقع المجانية .. لازم بعد ما تخلص داون لود تخلي الملف يسوي أبلود ، على الأقل ضعف المدة اللي سويت فيها داون لود .
- كل تراكر خاص يحط للعضو معلوماته في أعلى الصفحة .. مجموع الداون لود اللي سويته .. ومجموع الأبلود اللي سويته ومعدل الريشيو حقك في الموقع .. والريشيو هذا هو أهم شي .. وطريقة زيادته .. تعتمد اعتماد كلي على حجم الأبلود .. لنفرض إني سويت داون لود لمجموعة أفلام حجمها 16 غيغا .. ومسوي أبلود لجميع الملفات اللي نزلتها 8 غيغا .. بيكتب لي في معلوماتي الخاصة في الموقع اني مسوي داون لود لـ16 غيغا .. وأبلود 8 غيغا ومعدل الريشيو راح يكون 0.5 .. تقسم الأبلود على الداون لود يطلع لك معدل الريشيو .. شوفوا الصورة هذه توضح مثال ..
(صورة 7)


- في أغلب المواقع .. لازم المعدل ما يقل عن (1) .. ولا بيحذفونك من الموقع .
- بعض المواقع لما تكون عضو جديد فيها ما تقدر تحمل ملف جديد إلا بمرور 24 ساعة من نزوله .. لا بد تكون مسوي أبلود لحجم معين عشان تقدر تحمل الملفات الجديدة أول ما تنزل .

طبعا مثل ما يعرف كثير إن سرعة الأبلود في السعودية فاشلة باستثناء سرعة خط 1ميغا .. طيب وشلون بتسوي أبلود مع هالمشاكل؟
فيه برامج مهمتها تسوي أبلود وهمي للمواقع بالسرعة اللي تختارها وبالكمية اللي تختارها .. مع ذكر إنه حاليا ومن خلال تجربتي ..قليل جداً من المواقع اللي يمشي عليها هالبرامج .. بحط لكم برنامج وشرحه ..




- أول شي تضغط على زر Open وتضيف ملف التورنت (اللي حجمه صغير بالكيلو بايت) .. تطلع لك معلومات عن الملف المراد عمل أبلود وهمي له وبعدين Start.. من بين كل الخانات اللي فوق .. اهم شي ما يلي :-
- في خانة الـ User Agent .. يفضل تخليه مثل ماهو مكتوب فوق (فقط في حالة استخدامك لبرنامج الـ Utorrent) .. وغير كذا خليه مثل ماهو (بيكون أساسا مكتوب 1500 بدال 1600) .
- خانة Upload .. هذه الأرقام هي سرعة الأبلود المراد رفع الملف فيها .. وتكون ثابتة لأي ملف تقريباً 1.5 ميغا في الثانية .. وكل ما زودت في الأرقام بتزود السرعة .
- خانة Download .. امسحها نهائيا .. لأنك في الأساس مسوي داون لود للملف وخالص .
- Time (sec) .. هذه خانة الوقت الكلي (بالثواني) اللي تبي تسوي فيه أبلود وهمي .
- Interval (sec) .. هذه خانة الوقت الجزئي (بالثواني) اللي تبي تسوي فيه أبلود وهمي .
المقصود بالوقت الكلي والجزئي .. الملف تسوي فيه أبلود على دفعات فرضاً ودك تسوي أبلود كل دقيقتين .. وتستمر على كذا لمدة نص ساعة .. تخلي عداد الثواني في الوقت الكلي 1800 ثانية .. وعداد الوقت الجزئي 180 ثانية .
وطبعا مو لازم تحدد أوقات معينة للملفات .. يعني أنا مثلا احط سرعة عالية .. وبمجرد ما أضغط START بيبدأ يسوي أبلود وتظهر لي المعلومات على اليمين من حيث السرعة ومجموع اللي رفعته .. أخليه لثواني معدودة وبعدين أوقف العملية بضغط زر Stop (اللي هو نفسه زر Start)
* كثير من الملفات ما تشتغل على طول .. يبيلها أكثر من محاولة لين يبدأ العملية .
أكرر إنه حاليا قليل من المواقع اللي يقبل هالبرنامج .

فيه باتش رفع وهمي خاص ببرنامج الـ Azureus .. رهيب جداً .. كأنك تسوي أبلود عادي من نفس البرنامج بس الفرق كأنك تسوي الأبلود من اليابان .. لأنك تتحكم في السرعة .. الباتش إمكانياته موب صاحية .. لكن بما ان الشرح هنا للـ Utorrent فما راح أشرحه .. اللي يستخدم برنامج Azureus ويبيه يرسل لي على الخاص أعطيه هو مع توضيح النقطة لكيفية زيادة سرعة الأبلود فقط .. لأن الباتش له مهام كثير مرة .. غير الأبلود .


السبب الثاني للبطء/ عدم عمل منفذ للمودم .. بصيغة ثانية اللي هو البورت فوروورد ..
هنا بأشرح عملية فتح المنفذ .. والطريقة عامة لأي برنامج تستخدمه لكني بأشرح لليوتورنت وعلى مودميـن فقـط speedtouch585i .. وlinksys أي موديل (لأنه تقريباً نفس الشي لكل الموديلات).. واغلب المودمات الثانية نفس الطريقة ..


مودم SpeedTouch585i ..
1. أدخل على هاللنك ..
http://www.portforward.com/english/routers/port_forwarding/routerindex.htm
إنزل تحت لين تلاقي اسم المودم .. كما الصورة ..


2. سوي كلك عليه .. تطلع لك صفحة ثانية .. إنزل تحت لحرف الـ U واختار برنامج الـ Utorrent كما الصورة ..




3. تفتح لك صفحة فيها صور وشرح .. أول صورتين تخص طريقة وضع بورت للبرنامج (واللي تم شرحها في الصورة رقم ]2[ في أول الموضوع) .. لكن بحطها مرة ثانية ..

في المستطيل بالإطار الأحمر اكتب البورت 44166 .

4. المستطيل اللي يجي بعده على طول كما الصورة .. تحط الـ IP Address حقك ..


اللي ما يعرف كم الـ IP حقه .. هذه طريقة استخراجه ..
4-1 من شريط المهام على سطح المكتب تضغط على (ابدأ - Start) ثم (تشغيل – Run)



4-2 تكتب في مستطيل التشغيل اللي يظهر .. كلمة cmd


4-3 تطلع لك شاشة Dos .. تكتب في المحث كلمة ipconfig/all (مثل ماهو موضح بالصورة أدناه بالإطار الأبيض) وتضغط Enter يطلع لك معلومات كثيرة من بينها الـ IP حقك (مثل الصورة بالإطار الأصفر ..

الآيبي طبعاً يختلف مو شرط يكون مثل اللي فوق .. لكن بصفة عامة أول 7 أرقام من اليسار ثابتة .. اللي يختلف الرقم اللي مكان رقم (64) في الصورة .. المهم تنسخ الرقم اللي طلع عندك في المستطيل المشار إليه في النقطة (4) .

5. الخطوة هذه مهمة مرة .. أكثر الناس يهونوا من عمل المنفذ في المودم بسبب هالخطوة .. وهي الدخول لإعدادات المودم .. أول شي لازم تشيل الصح من خيار البروكسي ..
افتح متصفح الانترنت .. وأضغط أدوات – خيارات إنترنت ..

بعدين اتصالات .. إعدادات LAN .. بعدين شيل الصح (مثل الصورة) .. موافق ثمن موافق .



اكتب في المتصفح http://10.0.0.138/ .. يطلع لك مربع يقولك حط اسم المستخدم وكلمة المرور للدخول لإعدادات المودم .. هنا لازم تكون عارفها .. إذا ما تعرفها مشكلة وما تقدر تكمل الخطوات ..
إذا شخص غيرك مسوي إعدادات المودم .. في العادة
إذا ما نفعت ولا وحدة ولا فيه طريقة عندك تجيب اسم المستخدم وكلمة المرور من الشخص اللي سوى الإعدادات .. ما لك إلا حل واحد وهو تعيد إعدادات المصنع للمودم (يعني تسوي فورميت للمودم) وتحط الإعدادات بنفسك ..
وطريقة الفورميت ..لازم تسوي إعادة ضبط المصنع للمودم وذلك عن طريق المودم من الخلف وتلاقي زر صغير مكتوب عليه RESET ..تجيب قلم أو أي شي حاد وتضغطه وتعلق عليه لمدة 10 ثواني إلى أن يطفي ويشتغل من جديد .. بعدها تسوي إعدادات المودم .. وله طريقتين ..
الأولى بالـCD اللي يجي مع المودم .. وموجود شرح لها (بهالرابط http://www.abo-mishari.com/SpeedTouch585V6.doc) على ملف وورد منقولة من الأخ (خارج عن النص) من منتدى البوابة العربية ..
الثانية نفس الأولى لكن بدون سي دي بمجرد ما تدخل من المتصفح على إعدادات المودم بعد الفرمتة .. تروح لـ SETUP وأيضاً الشرح موجود في نفس ملف الوورد المذكورة أعلاه منقول من الأخ ABU_MADA من منتدى البوابة العربية ..

مع التنبيه في إنه في الطريقتين يطلع لك مستطيلين خاصة باسم المستخدم وكلمة المرور .. المستطيل الأول تعبي فيه بيانات اشتراكك مع مزود الخدمة .. والمستطيل اللي بعده اسم المستخدم وكلمة المرور حقت المودم واللي هي سبب فرمتة المودم .. وطبعا كل هالكلام موضح في الشرح بملف الوورد .

6. نجي للخطوة اللي بعدها بعد ما ندخل على إعدادات المودم تجي لنا مجموعة صور .. بختصر الصور قد ما أقدر ..


تروح للخيارات حسب الأرقام.. Toolbox بعدين Game & Application Sharing بعدين Create a new game or application .
تظهر لك هذه الصورة .. سوي فيها مثل المكتوب عليها ..

بعدين آخر خطوة اضغط على Apply مثل ماهو مكتوب جنب الرقم 3 بالصورة أعلاه .. وبعدها خلاص أخرج من إعدادات المودم .

وبكذا تكون سويت منفذ للمودم .. وطبعا بإمكانك تضيف أكثر من بورت بنفس الطريقة .. بس تضغط على ADD وتحط البورت الثاني مكان (44166) في كل الخانات مثل الصورة اللي فوق وبعدين Apply .

مودم Linksys .. موديل WAG54GS (طبعا أغلب الموديلات في هالمودم نفس الخيارات) ..

1. أدخل على هاللنك ..
http://www.portforward.com/english/routers/port_forwarding/routerindex.htm
إنزل تحت لين تلاقي اسم المودم .. كما الصورة ..


2. سوي كلك عليه .. تطلع لك صفحة ثانية .. إنزل تحت لحرف الـ U واختار برنامج الـ Utorrent كما الصورة ..



3. تفتح لك صفحة فيها صور وشرح .. أول صورتين تخص طريقة وضع بورت للبرنامج (واللي تم شرحها في الصورة رقم ]2[ في أول الموضوع) .. لكن بحطها مرة ثانية ..



في المستطيل بالإطار الأحمر اكتب البورت 44166 .

4. المستطيل اللي يجي بعده على طول كما الصورة .. تحط الـ IP Address حقك ..



اللي ما يعرف كم الـ IP حقه .. هذه طريقة استخراجه ..
4-1 من شريط المهام على سطح المكتب تضغط على (ابدأ - Start) ثم (تشغيل – Run)



4-2 تكتب في مستطيل التشغيل اللي يظهر .. كلمة cmd


4-3 تطلع لك شاشة Dos .. تكتب في المحث كلمة ipconfig/all (مثل ماهو موضح بالصورة أدناه بالإطار الأبيض) وتضغط Enter يطلع لك معلومات كثيرة من بينها الـ IP حقك (مثل الصورة بالإطار الأصفر) ..


الآيبي طبعاً يختلف مو شرط يكون مثل اللي فوق .. لكن بصفة عامة أول 7 أرقام من اليسار ثابتة .. اللي يختلف الرقم اللي مكان رقم (64) في الصورة .. المهم تنسخ الرقم اللي طلع عندك في المستطيل المشار إليه في النقطة (4) .

5. الخطوة هذه مهمة مرة .. أكثر الناس يهونوا من عمل المنفذ في المودم بسبب هالخطوة .. وهي الدخول لإعدادات المودم .. أول شي لازم تشيل الصح من خيار البروكسي ..
افتح متصفح الانترنت .. وأضغط أدوات – خيارات إنترنت ..
بعدين اتصالات .. إعدادات LAN .. بعدين شيل الصح (مثل الصورة) .. موافق ثمن موافق .


اكتب في المتصفح http://10.0.0.138/ .. يطلع لك مربع يقولك حط اسم المستخدم وكلمة المرور للدخول لإعدادات المودم .. هنا لازم تكون عارفها .. إذا ما تعرفها مشكلة وما تقدر تكمل الخطوات ..
إذا شخص غيرك مسوي إعدادات المودم .. في العادة
إذا ما نفعت ولا وحدة ولا فيه طريقة عندك تجيب اسم المستخدم وكلمة المرور من الشخص اللي سوى الإعدادات .. ما لك إلا حل واحد وهو تعيد إعدادات المصنع للمودم (يعني تسوي فورميت للمودم) وتحط الإعدادات بنفسك ..
وطريقة الفورميت ..لازم تسوي إعادة ضبط المصنع للمودم وذلك عن طريق المودم من الخلف وتلاقي زر صغير مكتوب عليه RESET ..تجيب قلم أو أي شي حاد وتضغطه وتعلق عليه لمدة 10 ثواني إلى أن يطفي ويشتغل من جديد .. بعدها تسوي إعدادات المودم .. (للأسف ما عندي هالنوع من المودم عشان أحط الطريقة بالتفصيل .. لكن الإعدادات تقريباً نفس إعدادات مودم السبيد تتش وموجود شرحها بملف وورد بالمرفقات )

مع التنبيه في إنه خلال عملية الإعداد يطلع لك مستطيلين خاصة باسم المستخدم وكلمة المرور .. المستطيل الأول تعبي فيه بيانات اشتراكك مع مزود الخدمة .. والمستطيل اللي بعده اسم المستخدم وكلمة المرور حقت المودم واللي هي سبب فرمتة المودم .. وطبعا كل هالكلام موضح في الشرح بملف الوورد .

6. نجي للخطوة اللي بعدها بعد ما ندخل على إعدادات المودم تجي لنا مجموعة صور .. بختصر الصور قد ما أقدر ..


سوي الإعدادات مثل الصورة بترتيب الأرقام .. وآخر شي لا تنسى الخطوة رقم 4 تسوي SAVE ..

وبكذا تكون سويت منفذ للمودم .. وطبعا بإمكانك تضيف أكثر من بورت بنفس الطريقة .. في المستطيلات اللي تحته .. اللي تغيره مكان الـ (44166) في كل الخانات تحط البورت الثاني وبعدين SAVE .

متفرقات
-- بالنسبة للي يسأل .. هل فتح المنفذ في المودم آمن من الاختراقات؟
الجواب / أي منفذ تفتحه بجهازك بيكون فيه خطر عليك .. لكن ميزة منافذ التورنت إنه بمجرد ما تقفل برنامج التورنت ..البورت يتقفل تلقائياً .. واللي خاف بعد كلامي هذا أقوله إنك وانت تتصفح بتفتح منافذ وانت تنزل برامج وملفات بتسوي منافذ والوندوز حقك أصلاً فيه منافذ وثغرات ما تدري عنها ومهما حدّثت وحطيت برامج حماية .. المنافذ موجودة .. ومنفذ التورنت ما راح يأثر .. أضف إلى ذلك إن فتح المنفذ ضروري لزيادة السرعة .. وكل مستخدمين التورنت والعارفين بأموره مسوينه ومن بينهم متخصصين بأمن الأجهزة والشبكات .. يعني من وجهة نظري ومن استخدامي وخبرات الناس اللي حولي ما أشوف انه فيه ضرر من عملها .

-- فيه طرق ثانية لتسريع الداون لود .. منها إن الوندوز الـXP يكون فيه أساساً 10 منافذ .. فـ موجود باتش يفتح لك منافذ أكثر بحسب رغبتك 50 أو 100 أو أكثر .. لكن ضررها أكثر من نفعها لأنها راح تسهل اختراق جهازك .. أنا شخصياً مخلي عندي 50 منفذ << بايعها .

-- إذا استمرت مشكلة البطء بالرغم من عمل كل الخطوات من تسجيل في مواقع خاصة وفتح منفذ في المودم مع التأكد إنها مضبوطة .. فالمشكلة بتكون من التسليكات الداخلية لخط التليفون .. حيث إن التسليكات العادية .. عادة تكون أسلام الهاتف مع الكهرباء اللي بدورها تأثر بشكل قوي على إشارة الـ DSL بعكس تأثيرها الطفيف على نفس خط التليفون .. اللي ما تحس فيه بشي لما تكلم ..
حاول انك تمد سلك مباشر من البوكسية الخارجية للبيت .. إلى المودم مباشرة .. وأفضل سلك هو (السلك المسلح) اللي تستخدمه شركة الاتصالات في تمديداتها لونه أسود وعريض شوي.. الوكيل حقه مؤسسة العواد في طريق الملك عبد العزيز .. ويليه سلك التليفون العادي الأبيض وليس الأسود الرفيع .

1. بعض الأشخاص اللي يحملوا ملفات من مواقع مجانية يشتكون أنه بعد ما وصلت نسبة التحميل لمرحلة متقدمة مثلاً 95% أو أكثر .. يتوقف التحميل .
السبب إن الـ SEEDs اللي هم الأشخاص اللي تحمل منهم الملف راحوا وإنت من ضمن قمة الهرم اللي جالس تعطي ومافي أحد تاخذ منه .. قدامك عدة حلول ..
3-1 تخلي سرعة الأبلود (1) وتتركه فترة وهو بيكمل ببطء (هذه طريقة ذكرتها مشكورة الأخت (out of order) واثبتت فعاليتها عند كم عضو أفاد بهالشي .
3-2 تنتظر لين ما يجيون Seeds .
3-3 تدور لك نفس الملف من موقع ثاني وتختار مكان المجلد نفس المجلد اللي كنت تحمل فيه الملف القديم اللي توقف عنده وتكمل (هذه الطريقة مو دايم تنجح) .
المشكلة اللي فوق من عيوب المواقع المجانية خصوصاً في الملفات القديمة .

2. حملت فيلم وبعد ما خلصت لقيت امتداده غريب BIN أو DAT أو CUE أو DAA (وجه يناظر الأسطورة) أو أي امتداد ثاني أول مرة يمر عليك .. غير الإمتدادات المتعارف عليها (AVI, RMVB,WMV,Mpeg, .. الخ)
لازم وانت تضيف ملف التورنت للبرنامج تشيك على الملفات اللي يتضمنها ملف التورنت (مذكور طريقة التشييك في الصورة رقم ]5[ النقطة رقم (5) في أول الموضوع ) .. وهالمشكلة لها حلين .. أحلاهما مر ..
2-1 تحول هالصيغة لـ DAT ببرنامج متخصص في هالصيغ .. وبعدين تحوله ببرنامج ثاني لـ AVI .. وطبعا في كل عملية تحويل تاخذ وقت حول ساعة .. بدون ما تنسى إن النقاوة خلال التحويل راح تقل .
2-2 الحل الثاني .. برنامج VLC هذا رابطه (وضع الرابط http://www.abo-mishari.com/vlc-0.8.5-win32.exe) .. لكن ما يشغل الترجمة معاه .
2-3 بعض الصيغ الثانية لها برامج معينة تشغلها غير المذكورة فوق .

3. أغلب الملفات اللي تتحمل تجي مضغوطة ببرنامج الـWinrar .. وشلون تفك الضغط عنها عشان يطلع ملف الفيلم ؟؟ مثل هالصورة ..






أول شي تأكد من وجود كل الملفات المضغوطة اللي نزلتها في مجلد واحد .. وبعدها تروح لأول ملف وتسوي كلك بزر الماوس اليمين وتقوله - فك الضغط هنا أو Extract here - مثل الصورة ..



وهو بيكمل فك الضغط عن كل الملفات بلحاله وينتج عندك ملف الفيلم .. مثل هالصورة ..
4. فيه تساؤلات تجيني عن بعض ملفات الأفلام المضغوطة .. تكون آخر ملفات منهم مثل الصورة ..

بعض الأيقونات زي كأن برنامج الـWinrar مو متعرف عليها .. وهذا الشي طبيعي من نفس برنامج الـWinrar .. إذا قسم ملفات كثير .. آخر ملفات منه يكون شكله كذا .. وطبعا مافيها أي مشكلة .. لأنه البرنامج بيتكفل بفك الضغط عنها بدون تدخل منك .

5. بعض المرات تكون كل الملفات المضغوطة الناتجة .. بالشكل هذا ..

هنا تروح لأول ملف فيهم .. وتسوي كلك بزر الماوس اليمين وتقوله فتح باستخدام .. وتختار برنامج الـWinrar ..وبعدين تفك الضغط عنه بالطريقة العادية المذكورة فوق .

6. فيه ناس كثير يسألوا وشلون نعرف أول ملف عشان نفك الضغط عنها .. كلها لها نفس الإسم !!
الحل .. أغلب الملفات مو شرط تفك الضغط عن أول واحد فيهم .. ممكن تبدأ من أي ملف .. لكن عشان ما يصير لخبطة ولا تفشل العملية يفضل أول ملف .. وسبب إنه كلها تظهر عندك بنفس الإسم ومنت عارف أولهم من آخرهم .. إنك شايل خاصية إظهار ملحقات الأفلام عندك .. وطريقة إظهار الملحقات كذا ..
افتح مجلد مستندات أو أي مجلد ثاني .. مثل جهاز الكومبيوتر اللي على سطح المكتب ..

بعدين من القائمة فوق اختار .. أدوات .. بعدين خيارات المجلد ..

من خيارات المجلد .. اختار عرض .. بعدين شيل الصح من قدام (إخفاء ملحقات الملفات لأنواع الملفات المعروفة) .. بعدين موافق .


بعدها روح للمجلد اللي فيه الملفات المضغوطة بيظهر لك بعد الاسم .. نقطة و3 حروف مثل r00 أو rar .
(فيه أفلام أرفعها على موقعي ومغير اسمها لـexe .. وطلبت من اللي يحملها يغير اسمها لـAvi .. كثير ما يكون ملحق الملف (EXE) ظاهر عنده .. هالطريقة تخليه يظهر وتقدر تغير اسمه بعدها لـAvi)

ملاحظة / الملفات المضغوطة بعد ما تفك الضغط عنها وتنقل الفيلم بإمكانك تحذفها.




الأفلام الموجودة بالنت تنزل بعدة نسخ .. وأقصد بالنسخ .. ديفيدي ريب .. ديفيدي سكرين .. كام ..
وتنزل كذا ..
Stranger.Than.Fiction[2006]DvDrip[Eng]-aXXo
Life.and.Lyrics.2006.LiMiTED.DVDRip.XviD-ORiGiNAL
Cars.2006.DVDSCR.XviD-C14K


طبعا أفضل واكثر نسخ مطلوبة واللي انصح فيهم .. أول ثنتين اللي هي DvdRip و DvdScr ..الباقيات ما بين تحويل من شريط VHS أو تصوير سينما فاشل صوت وصورة باستنثناء الـ R5 والـ TC جيد كصورة .. وسيء كصوت .. وإن كان الـ R5 أفضل من الـ TC في الصوت .

DvdRip / نسخة الديفيدي من القرص الأصلي (الرسمية) محولة لملف واحد أو ملفين حسب حجم الفيلم ليسهل تحميله من النت .
DvdScr / نسخة النقاد .. مأخوذة من القرص الأصلي (الغير رسمي) محولة لملف واحد أو ملفين حسب حجم الفيلم ليسهل تحميله من النت .. ومرات قليلة تكون صورة منقحة بشكل ممتاز من نسخة الـ CAM .. مثل فيلم Cars و 88 Minutes .
وفي العادة هالنسختين تلقى مكتوب بعدها كلمة XviD اللي هو كود التحويل .. ويكون حجمهم للملف الواحد ما بين 700 ميغا إلى 900 ميغا .

وطبعا نزول النسخ للنت يكون أول شي تصوير الكاميرا خلال أسبوع من عرض الفيلم في السينما .. وتتوالى النسخ بعدها .. وصدور النسختين المذكورة أعلاه عادة ياخذ وقت حسب قوة الفيلم .. كل ما كان الفيلم قوي .. تتأخر صدور نسخة الديفيدي سكرين والريب بعدها .. يعني تقريباً تاخذ ما بين 3 شهور إلى 6 شهور .. تقل أو تزيد .. باستثناء الفترة اللي تسبق توزيع جوائز الأوسكار .. مثل الثلاث الشهور الماضية .. نسخ الديفيدي سكرين تنزل خلال أسبوع من عرض الفيلم في السينما .. والريب بعدها على طول .. والسبب إنه هالنسخ تتوفر بشكل سريع للنقاد عشان الترشيح للأوسكار ..وبالتالي تتهرب على طول .. كل قروب يجيبها حسب مصدره .

ملاحظات/
فيه نسخة أفضل من جميع ما ذكر فوق اللي هي DVD-Rنسخة الديفيدي الأصلية (لازم تكون NTSC مو PAL عشان تشتغل على أجهزة الديفيدي حقتنا) وينزل حجمها تقريباً 4 غيغا ويكون اسم النسخة كمثال Everyones.Hero.NTSC.DVDR-METHOD
لكن مثل ماهو واضح حجمهاكبير بالإضافة لترجمتها يبيلها شغلة .. وهذه النسخة لأصحاب المزاج اللي عاجبه فيلم معين ويبيه يكون بأفضل صوت وصورة .
وفيه نسخة أفضل من الأفضل وهي الـ HDTV لكن إلى الآن استخدامها قليل بسبب إنها تقنية حديثة مو كل الأجهزة اللي تدعمها متوفرة .. بالإضافة لكبر حجم الملف .. اللي يوصل لـ8 غيغا أو أكثر للفيلم الواحد .

هذا موقع يوضح آخر النسخ اللي نزلت من جميع الأفلام .. http://www.vcdquality.com/

بالنسبة لتحويل النسخ اللي تنزل .. اللي يقوم بها شخص أو مجموعة أشخاص (Group) يطلقوا على أنفسهم مسميات معينة .. كل مجموعة لها اسم معين ثابت يضاف في النسخة اللي عملوها .. وبعض الأفلام تنزل بأكثر من نسخة لقروبات مختلفة ..
والقروبات المشهورة كثير .. مثل aXXo ، ASTEROiDS , DIAMOND ، ALLIANCE .. الخ

شرح معنى الكلمات (الأساسية) اللي في نسخ الأفلام بشكل عام كمثال ..
Stranger.Than.Fiction[2006]DvDrip[Eng]-aXXo

Stranger.Than.Fiction .. هذا اسم الفيلم .
2006 .. سنة الإنتاج .
DvDrip .. صيغة التحويل .
aXXo .. اسم القروب اللي سوى عملية التحويل .

بعض النسخ تجي فيها كلمات كثير .. وكل كلمة لها معنى .. بأذكر أهم الكلمات ..

UNRATED .. وهذه يعني نسخة الفيلم غير مصنفة حسب الأفكار اللي يبثها .. أو المشاهد الدموية أو الجنسية .. بمعنى آخر نسخة ماهي مقطعة وغير النسخة الموجودة في السوق (RATED) .

PROPER .. وهى نسخ تم إصدار نسخه منها من قروب معين .. فـ يجي قروب ثاني منافس ويصدر نفس النسخة من الفيلم فيكتب كلمهPROPERفي اسم الملف للدلالة على ان النسخة هده أفضل من اللي قبلها للقروب السابق .. وهالشي كمنافسة بين القروبات اللي تصدر النسخ .

LIMITED .. وهو فيلم تم عرضه في دور عرض سينمائي محدودحوالي 250 سينما !!! وهى أفلام لم تلقى نجاح جماهيري .

REPACK .. وهذا لو قروب أصدرت نسخهDVD ripبجوده منخفضة أو فيها عيوب فنيه فتصدر هذه النسخة لنفس القروب بعد معالجه الأخطاء اللي فيها .

NUKED .. وهذه يعني النسخة فيها عيوب سواء صوت أو صورة .. وما تصلح .




أول شي فيه عدة برامج لتشغيل الأفلام على الجهاز .. وأفضل برنامج استخدمته شخصياً بعد تنصيب الكودات هو Windows Media Player اللي يجي مع الوندوز ..الإصدار 10 أو 11.. وخصوصا في الصوت وعرض ترجمة IDX (اللي بيجي شرح عنها) .. بعده يجي برنامج الـ BS Player اللي يعتبر الأول عند أكثر المستخدمين .. هذا رابطه مع السيريال (وضع الرابط http://www.abo-mishari.com/BS Player137.826 Pro.rar) البرنامج ممتاز .. وإمكانياته خطيرة .. من بينها تكبير وتصغير خط الترجمة بمجرد ضغطة زر .. وأيضاً تقديم وتأخير توقيت الترجمة .. وعدة مميزات كثيرة ما أعرفها كلها بحكم إنه استخدامي له كمشغل أفلام قليل .

نجي للمشاكل باختصار ..
1. الفيلم يكون صوت بدون صورة ، أو الفيلم يشتغل ثواني بعدين يوقف (إذا كنت محمل الفيلم بالتورنت) ، أو الصوت فيه مشكلة ، الصورة مهزوزة ويطلع فيها مربعات ، الصوت يسبق الصورة أو العكس بجهاز .. وبجهاز ثاني يشتغل تمام !!
جميع المشاكل اللي فوق (في حالة إنك متأكد ان نسخة الفيلم كويسة من ناحية الصورة والصوت) أو أي مشاكل تواجهك بشكل عام عند تشغيل الفيلم .. فتأكد أول شي من باقة الكودات .. احتمال ما تكون منصبها بجهازك (بالنسبة للي أول مرة يشغل فيلم) أو اللي عندك نسخة قديمة يبيلها تحديث .. هذا رابط للكودات اللي استخدمها (وضع الرابط http://www.abo-mishari.com/DivXInstaller.exe) نصبها على جهازك .. ممكن وانت تنصبها على جهازك يطلب تحديث .. وافق .. وفيه كودات ثانية هذا رابط لها (وضع الرابط http://www.abo-mishari.com/klmcodec155.exe) الكودات الثانية يجي معها برنامج Windows Media Classic .

2. الفيلم يشتغل ثواني بعدين يوقف (إذا كنت محمل الفيلم برابط مباشر) .
السبب إنك حملت الفيلم بالطريقة العادية بمتصفح الإكسبلورر (حفظ الهدف باسم) وهذه ما تنفع للملفات ذات الحجم الكبير .. ما عدا في متصفح - Mozilla FireFox - تمشي لكن مو بشكل دايم ..
الأفضل يكون عندك برنامج متخصص في التحميل المباشر مثل Internet Download Manager وغيره كثير .. لكن هذا أقواهم .. بس مشكلته في الكراك حقه .. مهما تفعّل .. يجلس فترة .. شهر .. شهرين .. 4 شهور ، ثمن يوقف ويطلب رقم التسجيل .. يفضل تشتريه بالبطاقة الائتمانية (فيزا – ماستر كارد) عشان تنتهي من مشكلة الكراك نهائياً .. هذا رابط البرنامج الإصدار الخامس بدون كراك http://www.abo-mishari.com/idman502.exe.

3. الفيلم يطلع فيه خط لونه أخضر بشكل قطري على الشاشة .
أول شي تأكد من إنك منصب الكودات على جهازك وأحدث نسخة .. فإذا استمرت المشكلة .. فالمشكلة أكيد إنها من برنامج التشغيل .. جرب الـ BS Player أو الـ Windows Media Player .. وبتنتهي إن شاء الله .

4. الفيلم بصيغة RMVB ومو راضي يشتغل خير شر !
جرب تشغله بأكثر من برنامج تشغيل مثل المذكورة فوق .. إذا استمرت المشكلة .. فـ أسهل طريقة .. تغير ملحق اسم الملف من RMVB إلى AVI (في حالة عدم وجود ملحق اسم الملف ..راجع النقطة 6 في مشاكل الملفات خلال وبعد التحميل لمعرفة طريقة إظهار ملحق اسم الملف) .. لكن هالطريقة بعض المرات ما تضبط .
في هالحالة .. نصّب هالبرنامج (http://www.abo-mishari.com/realalt144.exe) على جهازك .. وميزته يدعم هالصيغة على أي مشغل عندك .. مع ملاحظة إنه خلال عملية التنصيب يطلب منك حذف برنامج Realplayer .. والأمر الأول والأخير لك في حذفه من عدمه .. شخصياً حاذفه وأشغل المقاطع الصوتية سواء RAM أو RM أو MP3 على BS Player .

5. الملفات حجمها كبير (4 غيغا) وصيغتها Mpeg . كيف أشغلها؟
هذه ملفات (قرص ديفيدي أصلي) جاهزة (طبعاً تشمل ترجمات بعدة لغات واللقطات المحذوفة والأغاني .. الخ)
فـ يا تنسخها مثل ما هي على ديفيدي .. أو تشغلها على كومبيوترك ببرنامج يشغل الديفيدي .. ولا أحسن من Power DVD (رابطه مع الكراك http://www.abo-mishari.com/powerdvd6.rar) .


انتظرووني بالجديد

ملف الترجمة عبارة مفكرة (Notepad) حجمه ما يتعدى الـ ميغا في بعض الأنواع ..
أشهر أنواع الترجمات المستخدمة ..
Srt .. وهذا أكثر وأسهل وأشهر نوع مستخدم .. وكل برامج تعديل وتثبيت الترجمة تدعمه .. إذا سويت كلك عليه (بعد ما تقوله فتح باستخدام المفكرة) .. تقدر تقرا الترجمة وتعدلها من المفكرة ..وحجمه صغير بالكيلو بايت على حسب الكلام في الفيلم .. تقريبا يكون ما بين 17 كيلوبايت – 50 كيلو بايت .. ويتحول لأي صيغة ترجمة ثانية بكل سهولة .
Sub .. يجي في المرتبة الثانية بعد Srt .. ونفس الكلام السابق اللهم بعض أنواع البرامج ما تدعمه .
IDX .. أصعب أنواع الترجمات في التعامل من حيث تعديل التوقيت والترجمة .. حجمه يجي بين الـ500 كيلو بايت والـ1 ميغا .. ويجي كملفين واحد IDX والثاني SUB وإذا فتحته بالمفكرة يطلع لك رموز وكلمات غير مفهومة .. يعني ما يشتغل إلا مع الفيلم (لأنه مصمم كصورة) .. وما تقدر تحوله لأي صيغة ترجمة ثانية .. وهو صيغة الترجمات اللي تكون موجودة في الديفيديات الأصلية وهالنوع صعب سرقته .. وعشان كذا المترجمين في الفترة الأخيرة حولوا عليه عشان ما تنسرق تراجمهم .




أول شي لازم يكون عندك برنامج Vobsub (هذا رابطه http://www.abo-mishari.com/VobSub_2.23.exe) حمله على جهازك .
أنشئ مجلد جديد باسم الفيلم .. وحط الترجمة سواء Srt أو Sub مع ملف الفيلم وبنفس الاسم ..




ونفس الكلام بالنسبة لترجمة IDX لازم تخلي كل الملفين بنفس اسم الفيلم ..




وبمجرد ما تشغل الفيلم البرنامج يدور على الترجمة ويطلع لك سهم أخضر جنب الساعة في شريط المهام (صورة 32) يدل على انه لقى الترجمة وجالس يعرضها ..
وطبعاً هالكلام فقط لـعرض الترجمة على شاشة الكومبيوتر أو في حالة انك شابك الجهاز على التلفزيون ..
مع التنبيه إلى إنه عرض ترجمة الـ IDX يتم فقط على برنامج الـ Windows Media Player والـ Windows Media Classic (اللي يجي مع باقة الكودات بالرابط الثاني اللي حطيته فوق) .
(من مميزات برنامج الـ Vobsub إنه يقدر يسحب الترجمة من قرص الديفيدي الأصلي ويخليها فقط بصيغة IDX)





فيه عدة طرق لتثبيت الترجمة بشكل دائم مع الفيلم
1. أحسن طريقة راح أذكرها لاحقا مع عملية دمج الترجمة وتحويل الفيلم لملفات ديفيدي (مثل ملفات الديفيدي الأصلي) مع حرقه على قرص ديفيدي ..
2. الطريقة الثانية لها عدة برامج ..وهي لتثبيت الترجمة بشكل دائم كصورة (مثل شريط الـ VHS) .. أفضلهم برنامج الـWinAvi Converter .. لكن ما يدعم إلا ترجمة Srt فقط .. هذا رابطه مع الكراك (وضع الرابط http://www.abo-mishari.com/Winavi.rar) ..

طريقة دمج الترجمة ..



افتح البرنامج ..
1. اضغط على الدائرة اللي مكتوب عندها AVI (بإمكانك تختار أي صيغة ثانية حسب ماهو واضح في الصورة) (فيه ميزة مهمة في هالبرنامج إنه أفضل برنامج يدمج الترجمة مع ملفات الـ RMVB) .
2. اختار الفيلم اللي تبي ثبت الترجمة عليه .
3. اضغط Open .

يطلع لك مربع الحوار التالي :-




1. اسم الفيلم (مع ملاحظة انه ملف الترجمة لازم يكون مع ملف الفيلم وبنفس الاسم) .




2. بعض الأفلام تكون أكثر من ملف .. وهذه الأزرار عشان ترتبها الجزء الأول .. بعده الثاني .
3. هالزر عشان تعيد اختيار الفيلم في حالة انك لخبطت في ملف أو نقصت ملف .
4. تختار مكان الفيلم بعد دمج الترجمة عليه .
5. هذا الزر يوريك معلومات عن ملف الفيلم من صيغة الكود وحجمه وهالأمور (مو لازم تدخل على هالخيار) .
6. تضغط OK وتبدأ عملية الدمج .. يطلع عندك السهم الأخضر عند الساعة (صورة 32) يفيدك انه جالس يثبت الترجمة .

(ملحوظة من تجربة شخصية/ ما أنصح بتثبيت الترجمة بالطريقة رقم (2) .. لعدة أسباب أولها عملية التحويل تاخذ وقت للملف الواحد تقريباً ساعة .. وخلالها طبعا تقل النقاوة عن الملف الأصلي .. ثاني وأهم شي .. الترجمة تطلع ناقصة بعض السطور .. وهذا الشي في جميع برامج دمج الترجمة مو بس هذا البرنامج) .






أي مشكلة تواجهك في الترجمة من تقديم أو تأخير الوقت أو أخطاء إملائية أو أي تعديل تبي تسويه على ملفات الترجمة .. فينصح بهذا البرنامج Subtitle Workshop (وضع الرابط http://www.abo-mishari.com/subtitleworkshop251.zip) وهو أفضل برامج متخصص في الترجمات .. ومميزاته كثير جداً .. على سبيل المثال لا الحصر .. تقديم وتأخير الوقت لجملة واحدة أو لكل الملف مع عرض الفيلم بشاشة صغيرة .. تقسيم الأسطر عشان تناسب الشاشة .. تعديل الأخطاء الإملائية .. تحويل الترجمات من أي صيغة لأي صيغة ثانية (ما عدا IDX) .. فتح قسمين واحد ترجمة بلغة ثانية وواحد مقابله عشان تترجم بنفسك لو حبيت .. دمج ملفين ترجمة في واحد .. وتقسيم ملف الترجمة الواحد لأكثر من ملف وفيه مميزات ثانية يطول شرحها .. هذا رابط ملف وورد بكل خصائص البرنامج (هذا رابطه http://www.abo-mishari.com/subwork.doc) (منقول من منتدى الديفيدي العربي)

- بعض الترجمات تطلع بلغة مو مفهومة أو مقلوبة .
هذا بسبب السكربت أو شكل الخط .. يكون بلغة ثانية غير العربية ..سوي كلك على السهم الأخضر (صورة 32) يطلع لك مربع الحوار الآتي :-




1. اضغط على هذا الزر (يكون مكتوب داخله نوع الخط اللي تستخدمه وفي الحالة الافتراضية يكون Arial) .
يفتح لك المربع اللي على اليمين
2. روح للقائمة المنسدلة وخلي شكل الخط (العربية) .
(الخيارات الثانية اللي هي نوع الخط ونمط الخط والحجم واللون .. هذه الخيارات خاصة بالخط اللي راح يظهر أمامك في الشاشة أو في حالة رغبتك في تثبيت الترجمة بشكل دائم مثل الطريقة المشروحة فوق) .
3. أضغط موافق بعد ما تخلص من هذه النافذة .
4. موافق بعد ما تخلص من كل شي .
إذا استمرت المشكلة . فهذا احتمال كبير إنه نفس الملف فيه مشكلة .. فيه حركة كنت أسويها مرات مع الملفات اللي ما تشتغل .. وتنفع معي .. وهي أروح لبرنامج الـSubtitle Workshopوأحول صيغة الملف لـ Srt .. حتى لو كانت في الأساس Srt .. ويحولها .. وتشتغل .

بعض الأشخاص يستفسر عن تركيب الترجمة على فيلم جاهز بديفيدي .. هالعملية صعبة شوي ويبيلها وقت تنزل الفيلم على الجهاز وبعدين تضيف الترجمة وتعدل وقتها .. وبعدين ترجع تنسخ الفيلم على ديفيدي .. ولها برامج معينة .. والشغلة كلها تاخذ وقت كثير .. جربتها مرة وتعقدت ولا ضبطت كلها معي .. فتركتها .
كثير منا .. يحمل فيلم وينتظر الترجمة .. وفي الأخير تصدر ترجمة لنسخة ثانية غير نسخة الفيلم اللي نكون محملينه ولا ينزل تعديل للترجمة تتوافق مع نسختنا .. في هالحالة ماقدامك إلا واحد من اثنين ..
- يا تعدل الترجمة بنفسك وهالشي يعتمد على شي اسمه (Frame Rate) إذا كان متوافق مع النسخة حقتك تقدر تعدله بسهولة لكن بأنك تسجل وقت أول جملة منطوقة في الفيلم وآخر جملة منطوقة في الفيلم مما يعني إنك راح تقرا النهاية .. أما إذا كان الـ Frame Rate مختلف فراح يكون تعديل الترجمة متعب مرة .. لأنه كل سطر ترجمة راح تعدل توقيته .. وبكذا حرقت على نفسك لأنك بتكون مضطر انك تقرا الترجمة كاملة وانت تعدل ..غير الوقت اللي ياخذه التعديل .. ما استفدت شي كذا .
- والطريقة الثانية تحمل الفيلم من جديد مع نسخة الترجمة المتوافقة .

(وعشان تتلافى هالشي من الأساس .. لا تحمل فيلم .. إلا بعد ما تنزل الترجمة اللي بيكون موضح فيها اسم النسخة .. أو على الأقل لا تحمل الفيلم .. إلا بعد الإعلان عن نسخة الترجمة .. إذا ما تعرف مواقع يعلن فيها عن الترجمات .. حاول تسجل في منتدى الديفيدي العربي .. أو منتدى التنين زياد (لولا إنه ممنوع ولا كان حطيت اللنكات) .. أو إسأل الأعضاء وراح يفيدونك .. أهم شي لا تحمل فيلم إلا بعد ما تتأكد من وجود ترجمة له)
هذه مواقع تتوافر فيها الترجمات بعدة لغات ..
http://subscene.com/
http://www.divxsubtitles.net/ (هذا يحتاج تسجيل)


هذه خطوط ترجمة حلوة .. ومن بينها خط اسمه أبو سليمان .. يشبه خط الترجمة حق قنوات الشوتايم والـ MBS (وضع الرابط http://vb.eqla3.com/attachment.php?attachmentid=349379&d=1173112319)

&&&&&&&&&&


بقي شوووي

فيه موضوع رائع للأخ IBusy عن الطريقة وشارحها بطريقة سهلة وممتازة.. هذا لنك الموضوع http://vb.eqla3.com/showthread.php?t=261003

وأنا بدوري راح أتكلم عن خصائص هذا البرنامج المهمة وأضيف بعض النقاط اللي ما ذكرها أخوي IBusy في موضوعه ..
هذا رابط البرنامج مع الكراك حقه (وضع الرابط http://www.abo-mishari.com/VSO.rar) وهذه نسخة قديمة شوي .. لكنها أفضل وحدة اشتغلت معي .. لأن النسخ الأحدث حلوة لكن فيها شوي مشاكل بعد عملية التحويل ..
الكراك كتابة (M4MLW - SPE4Q - UPLTV - QP6AV - 8S8Y9 – L)

مميزات هالإصدار من البرنامج /
- هذا البرنامج يعتبر من أسهل برامج التحويل بجودة كويسة .. وشغلته إنه يحول أي فيلم بواحد من هذه الصيغ Divx, Xvid, MOV, VOB, Mpeg, Mpeg4, AVI, WMV, DV and stream formats إلى ملفات ديفيدي اللي هي (Video_TS و Audio_TS) .
- يدمج الترجمة أو عدة ترجمات مع ملف الفيلم .. بحيث تتحكم في إظهارها أو إخفاءها مثل الترجمات حقت الديفيديات الأصلية .
- تقدر تتحكم في حجم ولون ونوع خط الترجمة بالشكل اللي يناسبك .
- يثبت الترجمة بصيغة IDX بشكل دايم كصورة .. يعني ما تقدر تخفيها وتظهرها .. تكون ثابتة (وهذه الميزة اكتشفتها بالصدفة في هذا الإصدار لأنه مالها ذكر في المنتديات) .

عيوب هالإصدار من البرنامج /
- ما تقدر تسوي مينيو البداية .. إذا ضغطت على زر المينيو في مشغل الديفيدي تطلع لك صفحة عادية داخلها ملف الفيلم (بعكس الإصدارات الجديدة منه اللي تقدر تحط منيو) .
- ما يتعامل إلا مع ترجمة Srt فقط .. من ناحية الإظهار والإخفاء .
- ما تقدر تتحكم في حجم ونوع ولون الخط بالنسبة لترجمة الـ IDX .
- نسبة فشل حرق الملفات على ديفيدي بعد التحويل 60% .
- لازم معالج الجهاز (الـProcessor ) يكون مو أقل من 2 غيغاهيرتز .. والرامات مو أقل من 512 ميغابايت .. لأنه يستهلك أقصى طاقة للجهاز ويستهلك الكثير من ذاكرة الجهاز خلال عملية التحويل .. يعني الأفضل لا جيت تحول ما تشغل أي برنامج ثاني كبير .. ولا ما راح تتم عملية التحويل بنجاح .. وإذا تمت العملية احتمال يكون فيه خلل في الملف .. مثل الصوت يسبق الصورة والعكس .. أو الترجمة تتقدم أو تتأخر .. وهالكلام في جميع برامج التحويل بكل إصداراتها .



عملية التحويل للملف الواحد تاخذ حول ساعة .. وكل ما أضفت ملف تزيد مدة التحويل .

الصورة الآتية توضح بعض المعلومات ..
الأرقام متداخلة مع بعض .. وتلخبط شوي ..
رقم 2 في أقصى اليسار .. هذا عدد الملفات المضافة (أنا أضفت كمثال فيلم Apocalypto اللي مكون من ملفين)
الرقم 2.97 .. وهذه يعني حجم الفيلم كامل (بالملفين) بعد عملية التحويل .. مع العلم ان مجموع حجم الملفات لازم ما يتجاوز 4.5 غيغا .
الرقم 02:18:35 .. هذا الوقت اللازم لعملية التحويل بالساعة والدقيقة والثانية .

نجي لقوائم البرنامج /
- من قائمة إعدادات في البرنامج اختار عام ..

يطلع لك مربع الحوار هذا الخاص .. بـ عام .. سوي مثل الصورة ..


اللي بعده خيارات اللغة .. سوي مثل الصورة ..


بعده.. الفصول أو الـ Chapters ..

المقصود بالفصول .. شفت وانت مشغل فيلم بقرص الديفيدي أصلي .. لما تضغط زر (Next) بالريموت .. يوديك للمقطع اللي بعده .. المقطع هذا يسمى فصل .. ومن هالخيار تحدد مدة المقطع الواحد .

بعده .. التأليف غير مهمة .. ثمن الترميز ..

بعده .. الصوت ..


بعده الترجمات ..


بعده .. الحرق ..

وأخيراً .. صيغة التلفزيون ..


في خيار شاشة التلفزيون .. إذا خليته أوتوماتيكي راح يدرج لك الخيارين اللي بعده تلقائيا .. وانت تختار بينهم .. بعكس انك تحدد واحد من المقاسين .. فراح يدرج لك فقط المقاس اللي انت اخترته .

(جميع الإعدادات اللي سويتها فوق تصير ثابتة على طول ..ما يحتاج كل مرة تشغل البرنامج تسويها .. يعني مثلاُ ما يحتاج كل مرة تدخل على إعدادات الترجمة عشان تحط المقاسات اللي تناسبك إلا في حالة ودك تغير مقاسات الترجمة عند اللي حاطها .. وكل الإعدادات الثانية نفس الكلام)

فيه نقطة بخصوص الترجمة مع ملف الفيلم .. لا تنسى تضيف ملف الترجمة مع الفيلم وتأكد إنه مكتوب رقم في خانة الترجمة مثل هالصورة ..


طبعا الرقم بيكون حسب عدد الترجمات المضافة .. بإمكانك تضيف أكثر من ترجمة وحدة لنفس الملف .. مثل ما سبق وذكرت .


بعد التحويل راح يطلع عندك مجلدين Video_TS وبكون داخله ملفات امتدادها VOB و IFO وملفات ثانية .. والمجلد الثاني Audio_TS ويكون فاضي مافيه شي .. وبإمكانك بعد عملية التحويل تشيك على الفيلم على جهازك ببرنامج الـ PowerDVD والموجود له رابط تحميل فوق .. عشان تتأكد إنه العملية ناجحة من صوت وصورة وترجمة ومافيها مشاكل ..قبل ما تحرقه على قرص ديفيدي .

أكرر هنا .. إنه أغلب المشاكل اللي تصير بعد عملية التحويل (مذكورة فوق) .. تكون ناتجة .. من تشغيل برامج كبيرة ثانية تستهلك طاقة ورامات الجهاز . في نفس الوقت اللي تكون جالس تحول الفيلم .



فيه عدة برامج للحرق .. بالنسبة لي أستخدم النيرو إصدار 6.0.09 (وضع الرابط مع الكراك http://www.abo-mishari.com/Nero Ultra Edition Package One 6.0.0.9.rar) حجمه 21 ميغا .
بعد تنصيبه على جهازك .. ووضع الكراك حقه ..
من ابدأ .. تروح للبرنامج وتختار Nero Burning Rom) وهذا شكل أيقونته (صورة 49) بعد ما تسوي كلك عليها .. يطلع لك الآتي .. سوي مثل الصورة ..


بعدها يظهر لك هذا المربع .. شوف الشرح داخله ..




تنقلك بعدها للمربع الأخير لبدء عملية الحرق ..

وبيجلس يقرا شوي معلومات ثمن يبدأ الحرق .

بعدها استمتع بمشاهدة الفيلم على مشغل الديفيدي .

أفضل أقراص ديفيدي فاضيه متوفرة بالسوق .. Sony .. بالنسبة لي أفضل نوع تعاملت معه Memorex .



شخصياً توقفت عن تحويل وحرق الأقراص على ديفيدي .. لعدة أسباب ..
- الوقت اللي تاخذه في عملية التحويل بالإضافة للمساحة الزايدة اللي يحتاجها الفيلم الواحد .
- خلال عملية التحويل لازم اترك الجهاز لين يخلص .. على الأقل ساعتين عشان ما تخرب الملفات .
- من بين كل 10 أقراص ديفيديات .. على الأقل 2 منهم يخرب .
- معروف إنه أي عملية تحويل الصيغ حتى لو كانت لديفيدي راح تقلل النقاوة صوت وصورة نوعاً ما .
- أهم سبب عندي .. إنه بعد التحويل والحرق اكتشف ان الترجمة فاشلة إملائياً أو لغوياً أو التوقيت في نص الفيلم يتغير أو غيره من الأخطاء اللي تخرب عليك الاستمتاع بشوفة الفيلم .. بكذا أكون ضيعت وقت في التحويل والحرق وفي الأخير ما أتفرج على الفيلم .. واضطر اني انتظر تنزل ترجمة ثانية له .. وأعيد العملية من جديد .

فحولت إلى توصيل الجهاز بشاشة التلفزيون .. ووفرت على نفسي الكثير .. على الأقل لو فيه مشكلة بسيطة في الترجمة بإمكاني أوقف الفيلم وأعدلها وأرجع اكمله ..

هذه مشاركات في موضوع طلبات الأفلام فيها أهم طرق توصيل جهاز الكومبيوتر بالتلفزيون .. سواء كومبيوتر ديسك توب ولا محمول .. مع التنبيه إنه التلفزيون لازم يكون يدعم تشغيل الكومبيوتر ..

http://vb.eqla3.com/showpost.php?p=4866396&postcount=422
http://vb.eqla3.com/showpost.php?p=4869286&postcount=428
http://vb.eqla3.com/showpost.php?p=4873412&postcount=462

&&&&&&&&&&&&&&&&&&&&&&&&&&&&

وفي النهايه ارجوا التثبيت

واللي ما تطلع الصور عنده ينتظرني ارفع الصور
ولا اشوف واحد يتشكى



وهذا وصلى الله عليه وسلم

يا هلا يالله حيه

بس اللي استغربه لا تثبيت ولا ردوود

وش الساالفه ياعياال

اللــه يعطيك الف عافية
انـا منذ مبطي ادور شرح كـافي ووافـي
وانت ماقصـرت
اشـكـركـ بعنـف

مشكووورررر
اخوي جهد رائع

........................