لـلــمـــتــعـه ... عــنــوان آخــــر - نادي الهلال السعودي - شبكة الزعيم

باريسي ماركه · #1 21/12/2008, 11:19 AM

بداية المتعة

أداء مميز ... ثقه.. ضـرب بقوه ... قمــة الإمـتـاع

هكذا كان الزعيم في مباراته امام نجران

سأبدأ بسرد المتعه التي حدثت في المساء البارد

الدعيع / كعادتك - ثقه - هدوء , فعلاً كنت ولازلت سيد حراس آسيا الأول

هوساوي / صفقة هذا الموسم ... برج عالي يقف أمامك .. هدوء .. قطع الكره من دون أخطاء .. من زمان ماشفت في الهلال بمثل أداءك

ماشاءالله عليك .. واصل إبداعك يابطل

المرشدي / من زمان كنت أنتظر الفرصه تأتيك لأني أعرف أنك موهوب ... فأعطاكـ إياها كوزمين وكنت على قدر الثقه ..

إبطال جميع الكرات العرضيه بكل ثقه ... فدائيه ... روح عاليه .. بسم الله ماشاءالله .. بس نصيحه حبيبي ماجد

( زيد التمارين على قدمك اليمنى )

الزوري / وش اقول فيك بس ... ظهير أيسر عصري .. عرضيات ع المقاس ... أدوار دفاعيه مميزه ..

ثقه بالنفس عند التقدم للهجمه ... شكراً كوزمين لإخراج هذه الموهبه المميزه

نامي / كنت من أشد المنتقدين لأدائك ... وكنت أتشائم لوجودك في الهلال ... لكنك لأنك في الهلال وهو منبع النجوم

فإني أراك كل يوم تزداد تألقاً ..تعرف متى تهاجم .. وتعرف متى ترجع .. ومستواك هالموسم افضل من السابق

ميزتك انك تلعب مثلما يطلب كوزمين ... وهذا هو المهم .. بس نصيحه صغنطوطه ..( حبيبي نبغى تمارين أكثر على الأوفرات )

خالد عزيز .. قفل الرياض .. كما لقبه محبوبي فارس عوض .. أرتاح كثيراً عندما أشاهدك اساسي في التشكيله ..

ظابط إيقاع الوسط الهلالي ... وجهد جبار يقدمه هذا الرجل في الملعب ... سر إلى الامام يابطل

الغنام / يلوموني فيك والله ... بالرغم من الإصابات الكثيره التي حرمتنا منك ... إلا انك عندما تحضر

تكون في قمة تألقك .... واصل إبداعك يامميز

ويلهامسون / اللي يقولي صفقه فاشله (( يسمح لي مافي راسه كووووره ) ياخي شتبون اكثر من كذا

لاعب تلقاه في كل مكان في الملعب ... يفتح صح ... يسلم صح .. ويستلم صح .. أدوار هجوميه.. أدوار دفاعيه

أدوار تكتيكيه رااااائعه .. وصلح هدفين سجلت وياكثر اللي صلحها وضاعت

وسجل هدف ويكفيني انه يطبق مايطلبه كوزمين بالظبط وبس

الفريدي / يالبه قلبك والله .. من يوم كنت في درجة الشباب وانا اراهن على نجوميتك ..

وكلما شفتك أتذكر لقائي معك في إحدى المباريات اللتي كانت بدايتك مع الهلال وكان كوزمين ياخذك

ويخليك برى التشكيله .. اتذكر جيداً عندما قلتلك فيك بعض من الثنيان ورديت علي وقلت ياليت اكون

ولو ربع الثنيان ... من يومها وانا اقول ياناس الفريدي عقليه إحترافيه كبيييييره

واصل يابطل ولايهمونك من يتصفونك بالبرود .. فديت برودك ..

العنبر / ماأعتقد انه في أحد كان كارهك كثري في بداية الموسم ولو أنك من أبناء محافظتي

ولما رأيت تصريح الامير عبدالرحمن بن مساعد بقوله اذا العنبر في نادي آخر سأفاوضه

حقيقة استغربت تصريح سمو الأمير ... لكن مع الأيام كسب الرهان ونحن خسرنا .. وأعترف بالخساره

لأنك رديت علينا في الملعب ... كرد النجوم الكبار وانت منهم .. الله عليك اليوم

لم تسجل لكنك صنعت هدفين وعملت ادوار رائعه في خط المقدمه ...

واصل حبيبي ... والخرج فخووووره فيك .

ياسـر / وآآآآآآه ياسر آآآه يا يااااسر .. فديتك والله يابو سعيد دائما ترد في الملعب

وتترك مايدور الإعلام ... احلى مافيك انك تتعلم من الذيب سامي

قالوا زاد وزنه .. قالوا تزوج وبينزل مستواه .. لكن ردك دائما يكون رد عنيييييف

والحمدالله هجوم المنتخب بخير بعد عودتك ومالك للتألق ..

وعلى فكره ترى ياسر مسدد قيمته من زمان وصار الحين يطلبنا زيااااااده

مقتطفات / دفاع الهلال .. او جبال طويق .. لازالوا يواصلون التألق .. إنسجام كبير بين المرشدي وهوساوي

يزداد في كل مباراة .. لكن ياخوفي من الإصابات بعد العوده من المنتخب

وسط الهلال كان مقدم مبارااااة كبييييييييره ... صحيح انه لم يختبر دفاعياً

لكن لاحضوا القوه الهجوميه اللي قام فيها الوسط الهلالي ..

لاأنكر دور لاعبي الوسط .. لكن عزيز بالنسبه لي قصه أخرى

هجوم الهلال اليوم كان نااااااااار

طلبتك ياكوزمين ... خلي هجومنا ياسر والعنبر ولاراح يوقف بوجهنا اي فريق كان ..

نهاية المتعه ... شكراً كوزمين ...

ومضه .. بالرغم من غياب التايب ... لكني إفتقدت الموهوب الشلهوب كثيييراً في مباراة اليوم

بإنتظار عودتك يابطل

إلى اللقاء مع متعه اخرى

وعلى دروب المتعة نلتقي ....