![](http://vb.alhilal.com/images2/images12/right_block.jpg)
عدد المتواجدون في هذا الموضوع » 3 , عدد الأعضاء » 2 , عدد الزوار » 1
dal3_uae, حمد الاحبابي
::
ما فيه حد في الموضوع الا انا وحمد الاماراتي ...>>>>>>>>>
::
يا بوطلال يمكن لي مداخلات غير هاذي ... ويمكن دخلت اعلق تعليق بسيط على بعض الردود اهني ...
لكن والله ثم والله ثم والله ... انه الحال يستحق الرثاء ...
أمس كنا نطالع تيلفزون ... >> انا ... واللي ويايه
يالسين نفرفر بين هالقنوات الا وطلع لنا سعودية الرياضيه وبرنامج 99 ...
والله اني يلست اصيح بالحالات اللي شفتها ...
ويلسنا نتكلم عن هالامور اللي عندكم ... كيف ما تبانا نرمس من اللي شفته البارحه ...
جنه المتهم اخوية وله اختيه ... حرام والله حرام
انا ما اقارن بينا وبينكم ... ولا حمد الاحبابي يقارن بينا وبينكم ...
لكن اكيد انه نرمس عنكم ... والله ثم والله ... مب يالسين نتطنز عليكم ... اصلا السعوديه
![Smilie47](images/smilies/smilie47.gif)
ما فيها شي
عشان نحن نيلس نتكلم عليكم
بالعكس والله انتو شعب غالي وعزيز واللي يفرحكم يفرحنا واللي يحزنكم ... يحزنا ...تأكد من هالشي مليووووووووون%
مب يس 100%
نحن بشر وانحس ... صح اذا نحنا تكلمنا ... ما بنحل شي ... لكن المناقشه في مثل هالامور لابد منها لنعرف اسبابها
وشدراك انته ... يمكن انا في اشياء كنت اجهلها .. من عنوان الموضوع لكن يوم تطرقنالها ... عرفنا انكم ليش مثلا تمنعون المرأة من السواقه ... على قولتكم انتو ابخص بقضاياكم ومشاكلكم ...
لكن لا تتوقع مني او من اي حد ثاني مسلم عربي خليجي ... هندي باكستاني مصري ... الخ ... انه ايلس يطالعكم بدون ما يناقش المشكله ...
حتى نحن ... بلادنا يمكن متروسه مشاكل ... وما منعنا حد انه يتكلم او يتناقش عن هالمشكله ...
والله انا ما بسير أيود فم كل واحد يتكلم عن بلادي ... خله يرمس ليمن اشوف وجه نظره شووو ...
وآخر شي يمكن يقتنع باللي .. نحن انقوله اياه ...
بوطلال ...
سياسة تسكير فم الناس تراها ما تفيد ...
بالعكس والله ... يمكن يصير شي ثاني غير متوقع لا مني ولا منك ... ولا من بلادي ولا من بلادك ...
وايد ناس عيبو ... لكن بالاخير ابتلو فيه ... عافانيه الله ...
واذا ع المقارنه اللي انته يالس اتقولها ... محد قارن
![Smilie47](images/smilies/smilie47.gif)
بلادكم
![Smilie47](images/smilies/smilie47.gif)
ببلادنا
كلنا واحد ... بس الواحد يحمد ربه ع النعمة اللي هو فيها ... محد بعالم غيب ...
والله يديم علينا وعليكم نعمة الامن والامان
وما اظن انا بردودي وله انته بموضوعك بنحل قضية الشرق الاوسط ..
لكن الدفاع عن الوطن حق مشروع لي ولك ولغيرنا الملاييين ...
لو بنتكلم ... انا وانته ما اظن انه بنتفق انا وياك ... لأننا دايما مخالفين بعض ...
مب بس في هالامور ... حتى في الاشياء التافه الثانية اللي ما تخص لا بلادي ولا بلادك ...
والسبب ... ما ادري ليش ..؟؟
والله يعلم بالنيات ...
والله يوفق الجميع ...
تراني رديت على سؤالك ... برنامج الميدان ... ^^