بسم الله الرحمن الرحيم
الله حيييييهم فرداً فرداً نكاً نكاً <<<=== مشكله اذا واحد بيكتب موضوع ولا يعرف من وين يبدأ
اليوم وانا قاعد افتر في الماسن ادور واحد ابي اهرج معه
لقيت اكثر الشباب مشغول ( اللعب قميزر ) طبعاً بحكم اني مانيب احب اللعب واجد قلت خلني اسوي بحث عن قيمزر
الموهم النتيجه الي طلعت فيها ان اكثر من نصف زوآر موقع قيمزر من السعوديه مثل ماتشوفون كيف السعوديه اكثر دوله دخول لهالموقع *ــ*
وتدرون وش المشكله اني يوم سألت الي عندي ليه تدخل يقولون اصلاً السالفه كلها تشبيك في تشبيك
قلت كيف قال تلقى واحد ماهوب يخلي بنت الا معطيها الايميل
واذا شاف ولد قام السب و اللعن معه في الشات الي على اليسار
الا من رحم الله
وغير الهوشات بين القروبات هذي اكبر واكبر
ــــ
هذا كلام واحد تقريباً 24 ساعه على قيمزر
وان شاء الله انكم مانتم من الي قال عنهم فوق ــ
على العموم ماعندي خبره كثيره في تنسق الموضيع و الفلسفه لكن فيه كم سؤآل اتمنا كل من يمر يرد عليهآ ^ــ^
س/ هل تعتبر هذه مشكله ..؟!واذا كآن نعم ياليت تعطينآ طريقة حل هذي المشكله
س/ هل حقيقه اننا شعب فاضي ...؟؟!!
س/ هل انت مع ان اكثر من يدخل القيمزر بهدف التعارف ..؟!
س/ هل المشكله الحقيقه اننا مانعرف نستخدم الاشياء بالطريقه الصحيحه ..؟!
في الختآم اعذروني يمكن الموضوع مشتت بسبب قلت خبرتي في كتابت مثل هذي المواضيع
دمتم كمآ تشأون