.
.

السلام عليكم

يالله حيهم .. هالجولة حامضة الفرق الكبار تعادلت باقي ويستهام يسويها وتكمل ولو اني ماظنيت ابو حميد ترى اول شي انتم تعادلتوا معهم على ارضكم ومايحتاج اذكرك بالسيناريو ثاني شي انك شجعتنا

بالنسبة للسيتي من جدكم انتم يا عمي هذولي فريق وجهم وجه بطولات بالله خخخخ .. تنقصهم ثقافة البطولات بغض النظر عن اي شي ثاني .. فجآة كذا طاحوا على ملايين وبسنة يبون يصيرون فريق كبير

هيوز انا اقول ماله ذنب .. في مصادر تقول بعض الصفقات ما يدري عنها .. فجآة كذا يجي ثاني يوم للتدريب يلقى لاعب جديد عنده خخخخ هيوز يحتاج وقت .. واذا يبون بطولات لازم يصبرون عليه موسمين على الاكثر يصفي الفريق ويعطونه حرية بالصفقات وبتجديد الفريق

ابو حميد من جدك الردايس .. السيتي يا يستمر على هيوز بشرط يعطونه حرية كاملة و وقت .. والا يجيبون مدرب كبير .. تشلسي كان يعاني بس ابراهيموفيتش جاب مدرب ذكي وعطاه كل الصلاحيات وشفنا نتايج وهذا اللي يحتاجه السيتي


الدب مايك اشلي رئيس نيوكاسل يقول ماني نادم اني شريت النادي .. صحيح اني اخطأت ببعض القرارات بس ما ندمت على شي .. كنت مبسوط بكل لحظة قضيتها فيه .. وترى لحد الآن ما فيه ملاك تقدموا لشراء النادي

ويستهام 1/0 الشوط الأول .. بيلامي

.
.

السمي ايه صح .. شرايك بتوني آدامز ياللي تضحك على كينو

جد والله النقاش للجميع .. بورتسموث في تراجع غريب بمستواه .. تهقون السبب ريدناب ؟ والا السبيكة اللي يدربهم حالياً

والله وسواها زولا .. ..

شبآآب من شآف هدف اوين .. ..

^
^
^

اشوف طول ردك تتكلم عن الصدارة والحركات ذي وما جبت طاري المان ابد بردك ليه وش شايفنا ننافس على كاس الاتحاد <== ودي احط ليك فيس فاك ضروسه عشان تعرف اني امزح بس ما اقدر

خخخخخخخخخخخخخخخخخخخخخخ

هذي ضحكة تعبر عن مدى الضحك والمدري وش اسمه اللي صار بهالجولة

الكل تعادل ... كنت اتمنى المانيو يستغل تعثر الليفر وارسنال لكنه طاح معهم ... وقلت بس البلوز بياكلون الجو لكن سبحان الله العين بصيرة سده واستريح والا مدري وش المثل اللي زي كذا ...

طبعا ما ادري ليه جهازي بالبيت لا اقدر احط فيسات ولا الون ولا انسق ولا شي زي كان هالايقونات معلقة عندي وما تشتغل يعني احط عليها الماوس زي كانها نوت اكتيف <== اخص يا اللبناني

عشان كذا والله ما انا عارف اخذ راحتي بالرد ... بكرة من جهاز الدوام بتكلم شوي عن هالجولة... بالله شباب اللي يعرف لي طريقة او حل يعلمني وش المشكلة اللي عندي !! <== هالفيس انا كتبت اختصاره بالكيبورد عشان لا احد يقول نصاب <== وهذا بعد

إقتباس الرسالة الأصلية كتبت بواسطة hilalemooot السمي ايه صح .. شرايك بتوني آدامز ياللي تضحك على كينو جد والله النقاش للجميع .. بورتسموث في تراجع غريب بمستواه .. تهقون السبب ريدناب ؟ والا السبيكة اللي يدربهم حالياً

يا لبى ذا السبيكة
على الأقل ما كرشووه
أنا ما أرى إن آدامز يتحمل هذي النتايج
ما جا إلا في منتصف الموسم وأول تجاربه في التدريب ومع ذلك يقدم مستويات لا بأس بها
وينافس في كأس الاتحاد الأوروبي
وبغى يصيح ذاك اليووم إنزاقي يوم جاب عليهم التعادل في آخر الدقايق
ننتظر مباراته معكم

-----------

صدق إنكم زلايب ، يتعادل مانشستر وبعده ليفربول ثمن يجي الزلابة تشيلسي ويتعادل
هذي فرق تناافس على الدوري بالله ؟
على الأقل آرسنال إلى الآن ما ينافس
ياخي والله إنكم زلايب

----------

نتائج تشيلسي على أرضه مرعبة !!
تهقوون ليش ؟
هل هي بسبب المدرب ؟ أو نفسيات اللاعبين ؟ أو وش ؟

----------

سؤاال أخير
النتايج السلبية التي يحققها الأربعة الكباار حاليا ، قوة في الأندية المتوسطة أم ضعف في الأندية الكبيرة ؟؟

آرااؤكم

إقتباس لكن ابشركم يا عشاق البلوز الصداره تبي ترجع لكم الأسبوع الجاي لأن الريدز إن شاء الله بينهزمون

خخخخخخخخخخخخخخخـ

لا ابشرك الصدآره بتصير مثل ماهي .. لأنهم ببساطه ثنينهم بينهزمون .. ..

ثمن بيجي المانيو من اليابان ويمخمخ عليكم .. ..

إقتباس الرسالة الأصلية كتبت بواسطة والله ذيب يا سامي خالد الغول كل أحزان ومآسي تشيلسي سمعتها اليوم معلق حاقد ويجيب النوم والقيلولة والنعاس ويا هو يتحمس مع هجمات ويست هام http://ar.wikipedia.org/wiki/%D8%AE%...BA%D9%88%D9%84

كلها سطر واحد يا رجال أي سيرة

خالد الغووول

ههههههههههههههههههههههههههه

موب صاحي
إذا أحد أخطأ من دفاع ويست هام يقول : ماهذا التمركز السيء ما هذه الثغرة الدفاعية ؟ واضح إنه منغبن وعلى أعصابه
جابوا الصوورة على تيري قال : بكى عندما ضيع الفوز على مانشستر يونايتد بإضاعة ركلة جزاء في نهائي التشامبيونزليق <-- ما فيه مباراة لتشيلسي ما يقول كذا حتى بعض المرات في مباريات آرسنال يجيب طاري تضييع تيري للبلنتي

بصراحة ليفربول وتشلسي ابقول كلمة لكم .. انتم منتم كفو صدارة .. يعني مانشستر معطيكم جوكم له شهرين ومخليكم على راحتكم وآخرتها كذا ؟ .. ما اقول الا الوعد آخر يناير شهر الزحمة وظغط المباريات .. هذا شهر فيرغي

بالنسبة للفرق الثانية .. بصراحة اشوف ان الفرق الانجليزية عموماً صارت اقوى من السابق .. يعني من متى صرنا نشوف الفيلانز و ايفرتون ومانسيتي ينافسون بآخر 10 مواسم ؟ .. الكلام هذا معناته فيه فرق قاعدة تشتغل صح .. حتى الفرق الثانية .. مثلاً هول سيتي فريق بطل .. على فكرة انا خاق بشكل كبير مع فيل براون مدرب هيبة وغير طبيعي .. لاحظوه وهو يوجه يدنن وهـ بس .. باختصار اللي صاير طبيعي لان الفرق بالبريمير قاعدة تشتغل وكل فريق حسب إمكاناته هالفكرة تقودني لفكرة ثانية .. تأثير الملاك الجدد على الأندية .. ممكن اعطى بُعد ثاني للدوري مادري توافقوني والا لا ؟ .. على فكرة شخصياً اتوقع بطل هالسنة ماراح يتعدى حاجز الـ 80 - 82 نقطة عكس المواسم السابقة

ابو حميد ترى كينو أستقال ما أٌقيل

النقاشات معكم حلوة .. خلوكم قريبين دايم