فصفص والا يزعجنا فجر روسنا والمساجد تصلي الله اكبر وهي يغني

فكونا منه بسلامته وخلونا بالموج الازرق افضل

والله إنك صادق

اليوم بغيت أكتم الصوت وأتفرج على المباراة

أزعجني صوتين:

صوت الجمهور

وصوت المعلق


الجمهور ذكرني لما كنت أخش العروس مع الوالدة


ما غير طقطقه وإزعاج على الفاضي, وأغاني تذكرني بأشرطة "عيسى الإحسائي"
ههههههههههههههه

ومعلق الله بالخير, يصايح طول المباراة, ويبالغ لدرجة إنك تمل من المباراة


أرجو إنه يكون عندنا رابطة زي رابطة الإتحاد, ولا بلاش إزعاج

وأرجو قناة الزعيم تنقل التعليق بصوت الحربين ولا الحربي, وبلاش فلسفه

ياليت محمد غندر يتفاعل مع الجمهور ويتناقش معهم
ملينا نعيد الحكي
لكن لاحياة لمن تنادي

انا معك بصراحة في كل اللي قلته..

أول وتحديدا من الـ 7 سنين إلى 10 سنين أيام بطولات الأسيوية والكابتن أبو يعقوب وبطولات العز الهلالي اللي مابين 95 و 2000

كان الجمهور الهلالي ما يعرف شي اسمه رابطه وان جت جت محدن درى عنها..

كان يتميز الجمهور الهلالي بالفعالية في التشجيع.. تشجيعنا يالهلالية غير الأخوان في الغربية.. على قولتك طبول وخواتها..

وأهازيج.. ملينا منها بصراحة.. ما تقدم ولا تأخر في سير المباراة بشي..

وين الأوهات اللي أول..

هلاااااااااااااال.. هلاااااااااااااااال..

أوهـ.. أوهـ..

صيحات الجماهير الهلالية زمان كانت ترهب الخصم.. أياً كان.. الأوهات ضد الخصم تفقدهـ التركيز.. افتقدناها..

تجمهر حول هالرابطات ولا يدرون حتى عن النتيجة كم.. وغير المهازل والرقص اللي يطلعك عن جو المباراة..

حلوة الصورة اللي أرفقتها بصراحة للجمهور الأوروبي.. يااااهـ حضور للمباراة ولا شي غير المباراة..

عندنا ينقسم الحضور لعدة أقسام.. قسم يجي يبي يتفرج.. والقسم الثاني جاي يطبل ويرقص.. والأقسام الأخرى لأغراض شخصية أخرى..

شكراً على الموضوع على أمل أن يرتقي الفكر الرياضي لدينا.. إلى ماهو رياضي..

كلامك 100%100
مشكور على الموضوع الله يعطيك العافيه

عجزنا وحنا نتكلم بهالموضوع

من ايام طيب الذكر (حقوي)ما ادري كيف هذا يمسك رابطه بس

الشكوى لله

المهم اللي لازم يعرفونه ادارتنا ان جمهور الهلال غير

انا ما جيت عشان اصارخ واغني ليه محمد عبده انا

انا جاي اتفرج ع مباراه وما ابي ازعاج الجمهور اول من عرفته

كلنا ساكتين وبعد الهدف لنا او علينا يطلع فواز ياهلال عزك عزنا

وبس وجمهور يتناقش اما الحين تسمع الجمهور او تحضر تنصدم

انا حالف ما احضر بس ابو عبدالله الله يهديه اعتزل فهو نجمي الاول

وواول من طالب في تمثال له انا بعد هدف الشباب

فكان لابد احضر وحضرت وسمعت صراحه اهازيج يالله (ما ادري وش اقول)

ساميو ساميو وي لوف يو ساميو (يالله لك الحمد والشكر)هذي الاهازيج وربي

ازعاج وع غير سنع المهم موضوعك اخوي جميل بس اهم شي يكون كل شي ع الرابطه

يعني ادخل الملعب نلقى كل شي مرتب وجاهز ومشكوووووور ع الموضوع

كلامك صحيح .. مائة بالمائـــــــــــه

والله ما فاقعن قلبي الا اللي يرقصون
تقول جايين حفلة مو يشجعون
في مباراة الهلال والشباب رابطة الشباب خسرانيين ويطقون عشان يرقصون ذا اللي جايين
عنبو بليسكم انتم جايين تشجعون ولا ترقصون

مع احترامي للاخ محمد غندر .. التشجيع الجماعي افضل واحلى وحماااس
اتمنى ما يزعل منا محمد غندر ..
لكن نبي نتطور ونترك شغل الطقاقات
على عيني وراسي يا محمد واكن لك كل احترام .. لكن حاول
فهي تجربة تستحق انك تحاول
وشكرا لك عاشق على فتح الموضوع
،،،،،
نقطة ثانية يا شباب
ما يقع اللوم على محمد غندر ..
ومحمد شخص محب وعاشق للكيان الازرق .. ويجي من مكة عشان الهلال
والرابطة تعتمد على دعم العجلان اله لا يحرمنا منه
لازم الادارة هي اللي تعمل الترتيبات الازمة ويكون فيه لجنة للجماهير ..
من هنا نطالب الادارة بوضع لجنة للجماهير ..يكون لها ميزانية مستقله
وتقوم بعمل التريتبات الازمة .. وايضا تكون هناك بطاقة عضوية للجماهير لحضور المباريات
بسعر رمزي لاحضر جميع المباريات ..

يعيني مو معقوله نسوي تشجيع جماعي ولا فيه الا عدد قليل من الجماهير
.
.
تقبلوو مروري ،، ورده

والله انك صادق انا رحت مبارة الهلال وابها الاخيره والله محد مع الرابطه ما تدري وش يقول

فقع اذانينا و ازعجنا والاهازيج طويله ما تردد

وعلا بلاطه عندر صوته فاشل

يارجال خلهم الله يزبطون وقت الحضور للملعب
شوف في اوربا كيف يحضر الجمهور
قبل المبارة بربع ساعه منظم وكلن بمكانه
وحنا من القايله وحنا مرابطين عشان احجز مكان كويس

اقول خلها على الله ولاهيب واقفه على الطبول

يووووه ...

لو يصير الملعب كله ...

ازرق وابيض ... [ لحضة دخول اللاعبين ] ...

يآ سـلآم ...

التشجيع مو لنا ...!

الاعبيين يتحمسووون ..

كلامك في محله أخوي

أتمنى والله من كل قلبي ما أسمع هالطبول مرة ثانية في ملاعبنا

اوافقك الرى اخوى وصدقني مااحب اني اروح الملاعب كله عشان الازعاج من الطبول

هي المشكله مو مشكلة تنظيم جمهور الهلال



اكثر جمهور يهتم للتنظيم سواء في الرياض ولا الشرقيه ولا الغربيه




لكن المشكله انه كيف تنظم زي جمهور البرشا او غيره



هذي يبي لك تحط الجهمور الوان وتقسمهم على حسب المدرج


يعني يكون المدرج ملون من قبل يعني عشان تنظلم الالوان



وهذا متى تسويها اذا النادي يملك الملعب يعني مو زي عندنا



ملعبين في الرياض وملعب في الدمام وملعب في جده



المفروض لكل نادي ملعب حيث اذا قالو على ارض الهلال


ينلعب فيه مو نلعب في الملز ولا غيره



عشان يكون عندنا اداره تهتم لتنظيم الالوان الهلاليه في المدرج