12/12/2008, 02:12 AM
|
 | استشاري سابق للرياضه العربيه والعالميه | | تاريخ التسجيل: 04/08/2005 المكان: الظهران
مشاركات: 8,260
| |
السلام عليكم ورحمة الله وبركاته
صراحة من زمان مارديت على موضوع بالجمهور الهلالي !!
لان المواضيع هنا وبكل امانة غريبة وبعضها احس اللي كتبها عمره ماعدى 10 سنوات !!
وبعضها وصل لمرحلة موضوع تافه , وهالشي ينفر الناس من هالمواضيع
لكن عنوان الموضوع عجبني ولله الحمد ماخاب املي كالمعتاد وقفلت الصفحه بعد قراءة الموضوع
اشكرك جزيل الشكر على هالموضوع
= = =
المحارب خالد عزيز جنرال خط الوسط السعودي والمنتخب وعملة نادرة في هالمركز عربيا واسيويا
ماشاء الله تبارك الله جهد خيالي في كل دقائق المباراة وقتال وحماس ولعب من اعماق القلب وعشق غير طبيعي للشعار 
وافضل شي فيه انه مظلوم اعلاميا واتوقع انه انضم رسميا لقائمة لاعبي الهلال المظلومين اعلاميا مثل خالد التيماوي وخالد الرشيد وحسين العلي وفيصل ابوثنين ...... الخ
بعض اللاعبين لو قرب عنده الاعلام انتفخ راسه وطاح مستواه ودج لكن خالد عزيز الحمدلله وصل للقمة الان ومع ذلك ماعطاه الاعلام نص ماعطاه للاعبي الورق
اتذكر بدايات خالد عزيز ايام سيء الذكر اديموس , كان يلعبه ظهير يمين وظهر خالد بمظهر مخزي وفاشل وطالبت الجماهير بتسريحه من النادي وانا كنت من الناس اللي هتفت ضده وطالبت بضمه لقائمة النزهان وبسام الهلال وشلة حسب الله
حتى اذكر زين مباراة الهلال والرائد 1423 او 1424 ( ماني متأكد من التاريخ ) في كاس ولي العهد والمباراة العصر بالملز وفاز الهلال بهدف الشلهوب , كانت الجماهير تصوت ( عزيز عزيز ) طبعا هتافهم كان للسخرية التامة لان مستواه بذاك الوقت كان سيء وفاشل
لكن عزيز ماشاء الله تبارك الله قاوم كل الظروف ولقى مدرب يصقله زين اللي هو باكيتا
ووجد نفسه في مركز المحور ونثر ابداعه في هالمركز من ذاك الوقت الى غاية الان وان شاء الله لين مايعتزل
عزيز بوجهة نظري الهلالية يستحق لقب اسطورة بعد اعتزاله لان مايقوم فيه بالملعب شيء خرافي ومايشوفه بالغالب الا المدربين وكلام مدرب اليابان اللي ذكرته دليل على كذا
وانت عزيز اعضاء الجمهور الهلالي بعد هالموضوع الرائع
هذي ايام اديموس وتراوري وسيسيه السيئة 
شكرا من الاعماق
و بارك الله فيك واعذرني على الاطالة  |
احرجتينا بالكلام الجميل ! والشكر لكل من مر على الموضوع
الوضع العادي
