نقطتين غابت عن هلالنا ... احداها غابت بغياب يوسف الثنيان!!! ### - نادي الهلال السعودي - شبكة الزعيم

ولد أبـوه · #1 11/12/2008, 11:09 PM

السلام عليكم

ماحب اطول عليكم بالمقدمات

لكن فيه نقطتين غابت عن هلالنا العزيز ... ولها تاثير كبير

والاتحاد منافسنا وشقيقنا يستفيد منها استفادة كبيره جدا وكثير من اهدافه كانت منها

النقطه الاولى

الضربات الثابته .. مانستفيد منها ابدا .. معقوله من بدايه الموسم الى الان ماسجلنا ولا ضربه ركنيه وحده !!!!!!!

شي عليه اكثر من علامه ؟؟؟؟بصراحه

لعيبتنا طوال القامه .. وجود ياسر القحطاني ضارب راس ممتاز ماشاء الله .. الفريدي سجل على الرائد براسه وايضا الصويلح والعنبر يسجلون براسهم

بس ليش الضربات الركنيه مايكون منها استفاده ..

ايضا الضربات الحرة .. صراحه من بعد

الثنيان

ماشفنا لاعب يستغلها استغلال جيد

الشلهوب طلع وتفائلنا فيه لكن الظروف اللي مرت عليه الله يساعده عليها خلته يغيب عنها

التايب ماهو مرعب فيها بقدر ماهو مرعب بتمريراته فديته ..

اتمنى لو نقدر نفعلها وربي راح تساعدنا كثيييير في حسم المباريات وربما البطولات

النقطه الثانيه

اتمنى انه اللاعبين يتجهون لتحيه الجمهور بعد الاهداف .. صراحه مالومهم لكن نتمنى هالشي

يعني صراحه المشجع يفرح كثيرا لمن يشوف اللاعب يحييهم ويطلب منهم المؤازره مثل التايب دايما لمن يطالب الجمهور بالتشجيع .. والثنيان الله يذكره بالخير وحركته المعروفه وكل هدف يهديه للجمهور <<< ياحلو ايام بو يعقوب

مخرج

أبو دعيع مايحتاج تعتذر بعد هدف ابها .. لو نوصل كاس العالم والمباراه النهائيه وتسجل هدف بنفسك مسامحينك وتمووون .. يكفي اسمك محمد الدعيع الله يخليك لنا ويسعدك ويطول عمرك يارب

ننتظر مشاركاتم وارائكم

>>> مادري ليه احس اني مؤدب بهالموضوع زياده ..

خالد القريني · #2 11/12/2008, 11:14 PM

يعطيك العافيه اخوي

ولكن لي تعقيب بيسط لا تجحد حق كماتشووو في الكرات الثابته

والاعبين المحليين فيه من يجيد التسديد ولكن التحطيم والضروف حاله دوونه

ولد أبـوه · #3 11/12/2008, 11:17 PM

مشكور اخوي خالد على تعقيبك

وبالفعل كماتشو ممتاز جدا ومرعب للخصوم بالضربات الثابته

كان على بالي بس نسيت اكتبه بصراحه

لك كل الشكر على التذكير وطلتك الحلوه ياحلو

كل الود

مارد جن الملاعب · #4 11/12/2008, 11:27 PM

إقتباس

الرسالة الأصلية كتبت بواسطة خالد القريني


	يعطيك العافيه اخوي ولكن لي تعقيب بيسط لا تجحد حق كماتشووو في الكرات الثابته والاعبين المحليين فيه من يجيد التسديد ولكن التحطيم والضروف حاله دوونه

اخوي كاتب الموضوع يتكلم عن الموسم هذا واستشهد بالثنيان وكماتشو ما بقى الا ذكراه ,,, ونحن الان مقبلين ع الاسيويه ,,, وكاتب الموضوع صادق واظن ان موضوعه كان يشغل اغلب جماهير الهلال ,,وفعلا ضربات الزاويه لم يستفد منها بالهلال ..وان شاء الله ان تحل هذه المشكله عاجلا ..وانا ارى ان في الهلال لعيبه قادرون ان شاء الله بانهاء هذه المشكله وذلك يحتاج لتركيز من المدرب ع لاعبين معينين لينفذوا هذه الضربات,,,,وشكرا لك ..وتقبلوا مروري

مارادونــــــــا · #5 12/12/2008, 12:22 AM

تسلم عالموضوع ........

صادق بالنسبة للشلهوب ... لان الشلهوب طلع في فتره كان موجود فيها كماتشو ,, وطبعا كماتشو كلكم تعرفونة غطى عالجميع .......

وياسر والله يجي منه ... الفريدي والله مع المنتخب الاولمبي انه ممتاز بس مدري وش فيه ...

بالتوفيق لزعيمنا في قادم الايام.......

ولد أبـوه · #6 12/12/2008, 01:14 AM

مارد ,,, مارادونا

شاكر لكم مروركم وتعقيبكم الجميل

نورتم بطلتكم الحلوه

زعيم بين الزعماء · #7 12/12/2008, 01:20 AM

كلامك صحيح

كم بالمية ؟؟% تتوقع الإستفادة من الركنيات والفاولات لحد مبارة اليوم

إسمحلي أقولك إني تطرقت لهذا الموضوع

شوف الإحصائية كم الإستفادة من الفاولات والركنيات

http://vb.alhilal.com/showthread.php?t=679181

moh-lord9 · #8 12/12/2008, 02:18 AM

والله كلام سليم...

آآآه يا أبو يعقوووب...

ياليت نستفيد من الفريدي...

وونعطيه فرصة....

لأن الفريدي...

خاامة ممتازة بالضربات الحررررة.....

معذبهم 15 · #9 12/12/2008, 03:27 AM

بصراحه كلامك صحيح 100 % اخوووي ياليت ينتبه لها كوزمين

القبطان الأزرق · #10 12/12/2008, 06:13 AM

ياليت لو الفريدي يركز هو والدوسري وويليهامسون ع الكرات الثابتة

لأنها تفرق النتيجة دائما

ولو كوزمين يخصص بعد التمرين نص ساعة تمرينات ع الكور الثابتة

كان تطور المستوى كثير