طبعا الدعوة ترى كلها تنكيت في تنكيت هذا طالت اعماركم موضوع فكاهي عشان يطير عنا روعة المذاكرة و الامتحانات بنسبة لنا حنا يا الطلاب ( و الموظفين و الفاضين
من الحين لو سمحتم ورونا عرض اكتافكم
) عاد مثل ما انتم خابرين الفلم ذا منتاز
ما يبغاله و نص الفلم موب طويل و الفترة حقته قصيرة بس ترى كسر الارقام القياسية في مصر . الفلم اسمة ( بص يا مدحت وراك) ما ابي اطول عليكم اقرو النص ترى موب طويل
ترى موب طويل تكفون اقروة لا تفشلوني ترى تعبان علية:
يبدأ الفيلم ومدحت عضلات متكي في الصاله جالس يقرا الجريده ومشغل أغنية مزعل فرحان : كلن يقول البكا فيه راحه ... وأمينه رزق بسطويطي قاعده تنشر الغسيل فوق السطح وهي تغني : رايق حبيبي يابعد عمري .. رايق حياتي يانظر عيني .. وفجأه زلقت امينه رزق من فوق السطح وهي تنشر الغسيل وطاحت ... طاحت من 17 طابق ولا ردتها الا دريشة فكريه ام اربع عيون ... تعلقت امينه رزق في الدريشه في الطابق التاسع وقامت تصارخ : مدحححححت يامدحححححت انقزني و ضفعة.. طلع مدحت عضلات راسه مع الدريشه وهو لابس فنيله علاق وسوا فيها رومنسي وقال : ماخبرتش القمر يطلع هاالحزه ... جاوب في جبهته معلاق غسيل خلاه يدخل راسه مع الدريشه .
كان تحت العماره فيه ثلاث صعايده مرتفعين قاعدين يتفرجون واحد منهم عيونه محوله قال : ياخبر أبيض الدبا ديت لو طاحت علينا حنقيب العيد ياقدعان ,,, رد الثاني : عيد الفطر ولا عيد اللحمه هاهاها ,,, رد الثالث : يابنت السلطان حني على الغلبان !!
جاب مدحت عضلات سلم ونزل حبيبته وزوجته ونور عينه أمينه رزق بسطويطي ..
في الليل وبينما مدحت عضلات نايم هو وزوجته وملبق سيارته اللادا 73 تحت باب العماره .. فجأه سمع صوت احد يحثبر في سيارته .. طل براسه مع الدريشه ويلقا الثلاث صعايده المرتفعين واقفين عند سيارته ويحثبرون فيها .. واحد منهم مسك أنتل السياره وقال : باالزمه مايشبهش خشم هريدي هاهاها .. رد عليه هريدي : عليك زبات مالهاش سنع .. ياشيخ روح انتا وخشمك شبه حسام حسن وهوا متسلل هاهاها ... قال الثالث : كتاب حياتي ياعين ماشفت زيه كتاب !!
طل عليهم مدحت عضلات مع الدريشه وجدع عليهم قوطي ببسي وقال : تت تت منك له ياصيع !
قال واحد منهم : إيه تت دي ؟
رد عليه خويه : ياخراااااااااابي ده بيؤلك تت !!
قال الثالث : ياضايق الصدر باالله وسع الخاطر !
وقف مدحت عضلات على حافة الدريشه وقال : انا حطب عليكوا واشرحكوا واخليكوا شاورما هنا .
قال واحد منهم : والنبي زياده كتشب بدون شطه هاهاهاها !!
رد عليه واحد من اخوياه : عليك زبات ياهريدي مالهاش سنع انتا وخشمك اللي شبه كبري عباس .
قال الثالث : على كبري عباس ماشيه وماشيه الناس !!
قال الأول وهو يشر على مدحت عضلات : بصو ياقماعه مش شبه اللي بيقيبوه في التلفزيون يعيط : بابا لاتسرع هاهاها ..
رد الثاني : روح ياشيخ وانتا شبه لعبة الأونو ( ذبة محشش من جد ! )
قال الثالث : حالمه وأبعاد تفكيرك خيال في هجير الشمس ماتلقين في !!
وفجأه قمصوا الثلاثه وقاموا ياشرون على مدحت عضلات ويقولون : بص يامدحت .. اديها بصه ورااك ..
يوم التفت مدحت عضلات ويزعق ذيك الزعقه ويبزخ على ظهره من الدريشه ويطيح عند الصعايده !
يوم رفع راسه ويشوف امينه رزق بسطويطي لافه كشتها ومالطتن وجهها وداهنتن مرافقها وركبها .. وطالعن شكلها تسنها مريم نور وهي جايها مغص !! .. قالت : أيه .. فيه أيه ياحبيبي مدحت ومين دول ؟
ذب عليها واحد من الصعايده المرتفعين : ايه الهباب ده انتي انس ولا قن ؟
قال خويه : اول مره اعرف ان القن عندهم قن فيل هاهاهاها ..
خربها مدحت عضلات وخش جو معهم وقال : اسمعو الزبه دي .. مره فيه واحد حوطي اسمه سعد وسمى بنته ياروحي علشان المدرسه تنادي وتؤول : ياروحي سعد الحوطي هاهاها ... طرااااخ صوت بقس من واحد من الصعايده علشان مدحت عضلات فككها بهاالذبه البايخه !!
ما درو الا شوي على كبسة (الدجاج) قصدي الشرطة عليهم و نزل حزرت الضابط وهو ماسك مسدس (يعني هوشة ما تستاهل مسدس) ويقول وأف يا مدحت المكان محاصر ما تفكرش في العطة اي حركة حدرب في المنيان ( معليش هو كان مزكوم ذاك اليوم)
وهكذا أعزائي انتهى الفيلم بأن ركبوهم كلهم في قيب بوليس النقده !!!
الفلم المصري رقم واحد على شبابيك السينما 
الوضع العادي
