السلام عليكم ورحمه الله وبركاته

كل عام وانتم بخيير انشأءالله

اليوم صارتلي قصة مضحكه شوي

كنت في احد المطاعم فاليل المهم انا طبعا صاف طابور<< ذكرني بالمدرسه

وانا الثاني بالطابور وقدامي واحد يبي يطلب سعودي يتكلم انجليزي مع العامل


وقعد حوالي ربع ساعة وهو يطلب حط كذا لاتحط وانا عصبت لاكن خليته<< مسوي قوي


المهم والي وراي معصب من ذا الي يطلب بالأنجليزي

وجا وقاله ياخوي بسرعة اطلب وراك ناس مب انت بس الي تطلب مسوي انت تعرف انجليزي ولاالاااااا الخ....


بعدين تهاوشوا الي يطلب يقول انا بدفع بفلوسي واطلب على مزااجي الخ... والثاني يقول وراك ناس انت وانت الخ...


المهم انا قاعد اتفرج ومستانس جا واحد وفكهم كانوا يبي يتضاربون

جاء هاذي الي فكهم طبعا هو صاف طابور معنا


وقاله للي كان يطلب قل لااله الا الله و انا طلبت

واخذوا الزعلان الي وراي للكاشير الثاني عشان يطلب

ولي فكهم جاء واحد توه داخل المطعم وطلب زيي السلام عليكم جاء الي فكهم


زعل وتهاوش ومع الي توه داخل



وذوليك متهاوشين




هههههههههه والله لوتشوفون الموقف


كان يضحك

المهم اتمنى الموضوع نال على اعجابكم




والسلام عليكم


&خلــيفة الــشلــهــوب&

إقتباس الرسالة الأصلية كتبت بواسطة (الزعيم&الهلالي) واللي يتكلمون الانجليزي ضعيف ويجيك يتفلسف ياخي اطلب بالعربي واخلص

لا يا حبيبي خله يتكلم انجليزي اسمه يتعلم مو يتفلسف

إقتباس الرسالة الأصلية كتبت بواسطة ابوصالح222 [/center] لا يا حبيبي خله يتكلم انجليزي اسمه يتعلم مو يتفلسف

اخوي اوكيه ماقلنا شي

بس تتعلم وخلفك ناس ينتظرون الدور واقعد اتعلم مايصير

انا اشوف حركه مالها داعي من الي يقول للي يطلب بالأنجلش خلص وراك ناس

ياخي اذا انت مستعجل كان جيت بدري وصفيت من اول

انا متأكد لو جاه واحد وقاله زي ماقال لهذاك بيعصب

انا عن نفسي لو طحت بهالموقف بسوي حركه عباطه وابي اطول اكثر من الوقت الي كنت ابي اطلب فيه

لا يا حبيبي خله يتكلم انجليزي اسمه يتعلم مو يتفلسف


شكلك من الناس اللي يتفلسف بالانجليزي وهو ماعنده الا الخرطي

لأنه واضح من كلامك

وكلام الزعيم صحيح100%

مب لازم الناس تدري انك تعرف انجليزي

مو مسالة انه يتكلم انجليزي لا المشكله انه ماحترم اللي صافين طابور
وماخذ راحته
لو انه بمكانهم كان تضايق

يعطيك العافيه

الشعب السعودي .. العن شي عنده الإتنظار وكل واحد منهم مسوي عنتر زمانه

طيب وش وراك لو انتظرت لك شوي بتطير الدنيا اصبر ترا اليلي طووووويل..

وبعدين الي يطلب بل الإنجليزي وش يدريك يمكن ياخذ كورس بيسافر برا وقاعد يدرب<<< وش تذكر يابو محمد

ومالهم حق يقولون استعجل طيب هو مثلا مايبي خس او طماط او الببسي بدون ثلج طلبه ولازم يتشرط فيه ولو استعجل بيكون هذا طيب منه موب غصب عليه ..

ومشكوره على الموضوع ..

والله الرجال يبي يطور من لغته . .هذا اولا
الأخ الثاني .. واقف سرا يعني حاله حال اللي وراه ..
واذا جا الدور عليه يسوي اللي يبي ،،
بعض الناس يوقف في الطابور ولا يعجبه ،،
اذا مو عاجبك لا تنتظر ،،
.
.
تقبل مروري،، ورده