رحلتي لروضة أم الشقوق أكثر من 30 صورة + تقرير+سالفة الغراز والجيوب - نادي الهلال السعودي - شبكة الزعيم

اموت بحبك يالزعيم · #1 05/12/2008, 01:52 PM

بسم الله الرحمن الرحيم

السلام عليكم ورحمة الله وبركاته

حي الله الشباب جميعاً

في البداية نقول لكم كل عام وأنتم بخير وتقبل الله منا ومنكم

نبدأ في صلب الموضوع

يوم الأربعاء الماضي جهزنا الجيب والعزبة وكل حاجة ناوين لروضة أم الشقوق والحمدلله حركنا من الرياض فجر الأربعاء

وأخذ الطريق حوالي ساعة كاملة

والحمدلله وصلنا سالمين

أول شيء سوينا رحلة للديرة لأنها جنب أم الشقوق

وزرنا المعلم الحضاري المرقب

صورة (1)

http:///preview/64159221/1.jpg.html

بعدها اتجهنا للروضة مباشرة وكنا عند النفود في البداية والروضة قدامك وهذي صورة بداية دخولنا للنفود

صورة (2)

عاد ما يحتاج البعارين لازم لها صورة

صورة(3)

وهذي صورة نظرة للمكان بشكل عام

صورة(4)

طبعاً كل هالصور وتونا ما دخلنا للروضة

هذي أول صورة للروضة من قريب.

صورة(5)

وهذي صورة من فوق النفود

صورة(6)

وهذي صورة للنفود وأنت بوسط الروضة

صورة(7)

وهذي صورة للفورتشنر من فوق النفود مع منظر رائع للروضة

صورة (8)

عاد هالصورة للنفود الصافي ماشاءالله من داخل

صورة(9)

وهالصور للفورتشنر ايضاً

صورة(10)

صورة (11)

والصور هذي واحنا في وسط الروضة

طبعاً لازال الشعب يحتاج توعية للنظافية

صورة(12)

صورة(13)

صورة(14)

صورة(15)

طبعاً بعد هالجلسة الحلوة وساعة الصدر مع الشباب اتجهنا (للعكرشية ، والحمادة)

طبعاً في الطريق ماشاءالله أنهار تشوفها ما بعد جفت ماشاءالله تبارك الله

وأخذنا كم صورة للمناظر الرائعة في العكرشية والحمادة واحنا ماشين طبعاً

صورة(16)

صورة(17)

صورة(18)

صورة (19)

صورة(20)

صورة(21)

صورة (22)

المهم نجي لأهم شي في هالرحلة الغريبة العجيبة

بعد ما خلصنا تمشيه عودنا بنقعد في العكرشية المهم وانا امشي اشوف الانهار الحلوة والارض المربعة عندها ما انتبهت إلا وأخوكم في الله في وسط طين

إيه عاد الطين وبلاوي الطين

الصور التالية خير تعبير بصراحة

صورة(23)

صورة(24)

صورة(25)

طبعاً الي في الصورة أحد الفزعات الي جاي يبي يطلعنا متحمس الله يجزاه خير

المهم جاني جيب لاندكروزر فكس آر بيساعد الله يجزاه خير ووقف حولي ما تعدى أرضه

ويجي خويه بيساعده نفس الموتر ويقضب أرضة

ويجي الثالث من وراه ووالله يقضب أرضة

والرابع يجي وينتق الي قدامه إلى أن نتقو كلهم وبقى واحد وأنا مافيه أمل نتحرك

طبعاً هالصورة للجيب الي ماقدرنا ننتقده ووراه الجيب الي غرز معاه

صورة(26)

طبعاً مع الحوسة نسيت آخذ صور للمواتر الي صافه ورا بعضها مغرزه فمعليش اعذروني

طبعا بعد هالسالفة والحوسة الي امتدت لثلاث ساعات جا موتر الي فيه لنش يسحب مركبه وراه الموتر طبعاً من الجموس الكبيرة مدري شيسمونه المهم جا وبيساعدني وغرز لكن الحمدلله تم سحبه وطلعنا بعد ربع ساعة في السحب وماشاءلله الله وهو يسحبني موتر العامل الباكستاني يرتفع ع ورى صار كنه يسوي غزالة

طبعا بعد هالحوسة بصراحة كرهنا المكان ورجعنا لأم الشقوق مرة ثانيه في المساء وصلحنا عشانا وقهوتنا وحركنا الساعة 11 بالليل

طبعا واحنا راجعين للروضة بعد ما طلعنا اخذنا هالصور الي تفتح النفس في الطريق

صورة (27)

صورة (28)

صورة (29)

صورة (30)

[url=http:///preview/89583398/29.jpg.html][/url

إلى اللقاء وأتمنا ينال إعجابكم

abdogAg · #2 05/12/2008, 02:30 PM

الحمد لله عالسلامة ( أولي

)

أحلـى هلاليه · #3 05/12/2008, 02:56 PM

كشته فيها الوناسه وضيقة الصدر
بس اهم شي طلعوتا سالمين من هالطين

واهم شي وسعتوا صدوركم

وتسلم يمينك على الصوور

FINAL10 · #4 05/12/2008, 06:22 PM

والله سالفه الغرآز اتخيل شكلكم ور بعض مغرزين
هههههههههههههههههههههههههههههه

الله يسعدك كمآ اسعدتني بموضوعك المتميز ,

اموت بحبك يالزعيم · #5 06/12/2008, 02:37 AM

إقتباس

الرسالة الأصلية كتبت بواسطة abdogAg


	الحمد لله عالسلامة ( أولي )

العفو يالغالي .

اموت بحبك يالزعيم · #6 06/12/2008, 02:38 AM

إقتباس

الرسالة الأصلية كتبت بواسطة أحلا هلاليه


	كشته فيها الوناسه وضيقة الصدر بس اهم شي طلعوتا سالمين من هالطين واهم شي وسعتوا صدوركم وتسلم يمينك على الصوور

إيه والله صدقتي اختي لكن حلاوت البر مغامراته

اموت بحبك يالزعيم · #7 06/12/2008, 02:40 AM

إقتباس

الرسالة الأصلية كتبت بواسطة ولد عنزة


	والله سالفه الغرآز اتخيل شكلكم ور بعض مغرزين هههههههههههههههههههههههههههههه الله يسعدك كمآ اسعدتني بموضوعك المتميز ,

هلا والله بولد القبيلة

من ناحية تصورك للمنظر بجد نكته لكن معانات والله

أسعدني مرورك