No BRITAN - نادي الهلال السعودي - شبكة الزعيم

ابو متعب التركي · #1 04/12/2008, 05:44 AM

السلام عليكم

الموضوع عن مقاطعه بريطانيه .... اليوم تابعت برنامج على LBC و القصه على وفاه محمد الماجد القطري الي قتلوه قاتلهم الله

انا لا اعمم على الشعب البريطاني ولاكن الشعب بشكل عام معروف انه مغرور و اكبر دوله فيها عنصريه

ليه نذهب لهم و ندرس , ليه نشجع افرقتهم ؟ مانشستر ليفربوول ؟؟؟ وهم يكرهونا؟

يسبونا ويقتلون ابناءنا والعالم ساكته ...

سبحان الله

تقبلوا الموضوع

@@almoreb@@ · #2 04/12/2008, 06:08 AM

والله ااحاجة وانا أخووووووووووووك مع اني طالب في المانيا
ولعلمك أن جميع الأوروبيين والبريطانيين والأمريكان عنصريين ولكن الدراسة أهم من كل شئ يالغالي

ودمت برعاية الله

هلالي ورافع راسي ... · #3 04/12/2008, 06:14 AM

^^^^^^

كلام صحيح ولو الحاجـه ما طلعن عن ديارنا

لكن وين الجامعة الصــح ولا تقبــل من دون

وساطه وخرابيط

الحق ما ينزعلن منــه وانا واخوك . . .

علمنا ان ببريـطانيا ولا يوجد عنصريه كما ذكر

اخطاء اشخاص لا يتحملــه الشعب كلــه

انا هنــا ومجـــرب الوضــع من احلا ما يكون

الزبــده بالدراســه ترى وانا واخووووووووووك

ابو متعب التركي · #4 04/12/2008, 06:43 AM

انا ادرس في امريكا والله واجهت عنصريه

من اول ما وجهت عنصريه مع العلم اني ساكن 3 سنين في امريكا فجأه سبحان الله واجهت كم واحد وهو يشمتني

نعم العلم ضروري, وانا معكم على الفشل الذريع عندنا في السعوديه

اذا انا عممت على الشعب كله فانا طحت بالي طاحوا في الاجانب يوم قالوا كل العرب ارهابيين, نعم هم اشخاص معينين في المجتمع

الهدف من الموضوع اني ابي اعرف ليه العرب كلهم يشجعون انديه بريطانيه ويحاولون يلبسون زيهم والخ
وفي النهايه انت ماتسوا قرش عندهم

وانا اتوقع من الاسباب "كما تدين تدان "
يوم يجون الاجانب عندا للعمل يواجهون انوع العنصريه والكبر فاسبحان الله

واشكركم على الردود الراءعه

chdieawoy · #5 13/01/2009, 05:38 PM

Hi, I am new here. I viewed all posts. ---------------------------------------------------------------------------------------------------------------------------How to Buy Jewelry Online, Online Silver Jewelry Shopping, Online Shopping for China Jewelry

SAMI HAIL · #6 15/01/2009, 11:33 AM

قالي واحد عن القطري يقول كل اهله راحوا له

الله يرحمه

مدمن الأزرق · #7 16/01/2009, 01:03 AM

يالغالي , ليس كل شي على ماهو عليه ..

بالنسبه للعنصريه , فـ أعتقد بل أجزم ان كل دول العالم

شعوبها تَكُن العُنصريه , حتى في الشعب العربي عامةً .. !!

بالنسبه للأشخآص اللى يتسببون في أي مكروهـ لاي شخص عربي ..

صدقني ان غالبيتها تكون في أوقات معينه الكل يعرف حالة الشعب ليلاً , وخاصةً في أيام الويكند ..!!

اذا ما كنت تبي احد يسوي اي شي معكـ , صدقني انت بنفسك تقدر ..

تستطيع ان تتجنب هؤلاء الأشخآآص بنفسكـ , وعدم مساسك لهم .. !

ولا مافيه شي يمنعك انك تطلع في الليل وتتشمى , لكن لا تصير لحالكـ ..!!

**

والدراسه فوق كل شي بصرااحه . !

لندع العاطفه جانباً ونتكلم بواقعيه حادهـ وصحيحه ..

ليكون الجميع على علم بكل شي .. !!

**

في بريطانيا وخاصةً انجلترا .. تحارش تتحارش بقوهـ .!

فـ كل واحد يكون في حاله ,, عشان يتجنب كل المشاكل .. !!

أما سكوتلندا " أدنبره " ..

يا قلبي عليها وعلى شعبها والله .. ! ولاتهون انجلترا ..

لاني الحمد لله ما صار معي أي شي .. وانا معشعش عندهم .!!

,,

يعطيك العافيه يالغالي وما قصرتـ .. !!

الله يوفق الجميع يارب ...

عبدالله عبدالرحمن · #8 18/01/2009, 03:45 AM

ابو متعب الله يهديك بس

لا تؤخذ الامور بهذه الطريقه وفقط حكم عقلك قبل كل شي

عاشق اللأسطورة سامي · #9 08/02/2009, 12:58 AM

خلك ياخوي مسالم اي احد يشتمك ولا حتا يعطيك كف

قله I am sorry يعني لا تهايط

تراك جاي تاخذ حاجه وتمشي وهي العلم

والمثل يقول اذا كان لك عند .......................حاجة قله ياسيدي

az3eem-4-ever · #10 08/02/2009, 10:16 PM

والله ياخوي انا ما قد واجهت اي عنصريه في بريطانيا ولله الحمد ترا بعض الناس يكبرون الموظوع
وبعدين خلاص انفظحوا يعني الحين العالم كله بدا يعرف وش هم العرب موب زي اول

" Sul6aN · #11 10/02/2009, 04:57 AM

العنصريه هي اهم سبب اللي كره الطلاب في الدراسه برى ,

ولكن زي ماقالوا الاخوان ,

هذولي فئه بسيطه .. وزي مالاجانب يقولون ان العرب ارهابيين وهم فئه بسيطه ,

واهم شي العلم ,

والله يوفقكم ويرجعكم لاهلكم سالمين ,