][ ولـد يرقــم بنت متعــودين ][ ولكـن العكس والله قـــويه ..! (GIRL 2008 ) - نادي الهلال السعودي - شبكة الزعيم

Z3EEM . FC · #1 03/12/2008, 02:48 AM

بسم الله الرحمن الرحيم ...

كيف حال الجميع ان شاء الله كويسين

؟

ولد يرقم بنت منظر تعودنا نشوفه ..!

لكن بنت ترقم ولد صعبه لكنها غير مستحيله وياما صارت

للاآسف الحين نطلع بالشارع نشوف مناظر مخجله بنت شاده العبايه
ولا بنت فاتشه ومخصره عبايتها والله مناظر تستغرب منها وتقول وين [ ولي امرها ]

الوسط والله زين ماقلنا غطي يدك ولاشيء لكن تستري يامره

موقف لولد عمي انه خرج من المدرسه لمواقف السيارات الا يشوف بنت

متركيه على سياراته ومعها جوالها الولد انلحس

فتح الباب مازالت واقفه وماسكه الجوال شغل السياره

مازالت واقفه تنتظر يفتح بلوتوثه

لكن ماعطاها وجهه وبالاخير رحلت بعيدا عنه << هين ماعاطها وجهه

لو بحلف ماراحت الا يوم سدح لها الرقم خخخخخخخخخخخخ

بنات امام عيني جالسات امام بوابات المملكه والفيصليه ليش ؟

يحترون شباب يجون عشان يدخلونهم على انهم اخوات لهم ..!

المشكله مدخلين واحد لابس جينز وزبيريه

ومره من المراريت واحد يحتري اهله يرجعون من السفر

ورايح يستقبلهم بالمطار

وجالس بالكراسي الانتظار اذ بفتاتين فاتشات تركو كل الاماكن وجلسو جنبه ..! >> قلت الاماكن

يعني والله قله حيا .... البنات مع مرور الاعوام يطلعون بتقليعات جديده للاسف

وين التربيه وين ولي امرها مايسئلها وين رايحه وين راجعه وين امها عنها ؟

الحين تشوف بنات والله اساميهم معروفه وبعض الشباب صارو يتكلمون عنها

وكانهم يتكلمون عن خويهم طبعا ...][ الله يستر علينا وعليهم ][ ماودي اشهر زياده

لكن اصبحو على لسان كل شاب

][راح اترك لكم مساحه تتحدثون فيها عن هالامر عندي كلام كثير ولكن خير الكلام ماقل ودل ][

وهالامر لاينطبق على كل البنات وبشكل عام بكل المواضيع التعميم خاطئ ..!

وفيه بنات بالمنتدى هنا محترمات وليسو من هالعينه << تراه مهب خايف منكم ـهههههههـ

س1 \ هل السبب عدم التربيه وانفلات الرقابه

س2\ هل يلام الشاب اذا غازل وهو يشوف مثل هالفتن

س3\ هل لاحظت هذا الشيء وان لاحظته اذكر لنا موقف حصل

بالنهايه ][ ان وفقت بالموضوع فهو من الله وان اخطئت فهو من الشيطان ][

اخوكم \ عبدالله ورده