السلام عليكم ورحمة الله وبركاته

مساء / صباح الخير لكل هلالي

اولاً : الف مبرووك الفووز وان شاء الله بنكرر النتيجه اامام الاتحاد ..
لكن طبعاً هذا ماهو بالسهوله لأن الاتحاد ليس بالفريق السهل

اليووم ظهر هلالنا بشكل جيد ولكن نطمح للافضل .. الحضوور الجماهيري كان رائع ولكن بـــ (( صمت )) وللاسف .. مافائدة الحضوور اذا كان من غير تشجيع

نتمنى من الجمهور بالمقابلات المقبله عدم السكووت والتشجييع والمؤازره طول الــمباراه .. لاعبينا ادوو اللي عليهم وبمسك كل لاعب وابتكلم عنه بشكل عام بمباراة اليوووم ..


محمد الدعيع

كلمة (( بطل )) قليله بحقه .. الله لايحرمنا منك يابو عبد العزيز والله اخطبوط بكل معنى الكلمه ..

الذياب

ظهر بمستوى جيد ولكن نطمح للمزيد وللافضل فأنت لديك الكثيير ..

هوساوي

جنرال في خانته .. مدافع صلب لم اتوقع منه انا شخصياً كل هذي المستويات ..

المرشدي

اقسم بالله مالي وجه اتكلم عنك لأنك كنت يووم من الايام اقوول (( مالك داعي بالهلال )) لكن العذر والسموحه ياماجد فأنت اصبحت من الركائز المهمه في الفريق ..

البيشي

والله اللي يشوووفه يقوول له 10 سنوات مع الهلال - ماشاء الله - الله يوفقه مع الزعيم ..

الخثران

ربمــا لم يظهر بالشكل المعتاد من الخثران في هذه المباراه ولكن سيبقى الكبير كبير

عزيز

ان قلت محارب .. ماتكفيك هالكلمه .. وان قلت بطل .. اخاف اظلمك .. والله مبدع ياعزيز يالبى قلبك بس

ويلهمسون

والله مادري وش اقول ياويلي .. مابوسعي الا ان اقووول " لاتعلييق " لعل وعسا تتحسن تدريجيا ..

التايب

خلصت كلمات الوصف والمدييح ياطارق .. والله خلصت ياطارق كل الكلمات اللي يمكن نمدحك فيها ..

الشلهووب

صنع كوره للتايب وكم كوره للعنبر .. اعتقد بأن هذي هي بداية عودة الشلهووب ..

العنبر

آآسفين يامحمد وحقك علينا يوم نقول " ماعنده شي يقدمه للهلال " والله بطل .. يووم سجلت الهدفين (( وكالعاده تقبل شعار الهلال )) اقسم بالله شفت بعيونك اخلااص للهلال وفرحه بأنك رجعت تهدف من جديد .. نتمنى منك الاستمرار ونطمح للافضل ..

الفريدي

رائع لكن اللعب يحتاج الى حماس اكثر يا احمد وليس بروود قاتل يفقد الجماهير روعة المباراه ..

الصويلح

ماغلط من سماك ثعلب آآسيا .. كل ماتدخل لازم تسجل - ماشاء الله - بالتوفيق يابو صلووح ..



جمهور الزعيم في كل مكان .. الخميس 6 / 12 / 1429هـ ينتظركم زعيمكم فلا تخذلوا هؤلاء اللاعبين الذين فاوزا بــ 3 اهداف نظييفه من اجلكم ومن اجل كيان كبير اسمه (( نادي الهلال ))


دمتم بزعامه

كلام سليم

والله يوفق الزعيم أينما حل واينما ارتحل

كتبت فأبدعت

لكن فيه نقطه وااحدة لا أوافقك عليها وهي ولهامسون

ياناس اللاعب تكتيكي من الطراز العالي

يعني يسلم ويستلم

صحيح يعيب عليه عدم التركيز في التصويب من خارج منطقة الجزاء

وبعدين يبي له وقت علشان يتأقلم مع الفريق

شاكر لك أخوي

تقبل وجهة نظري بصدر رحب

تقبل مروري

دمت بزعامة

aka=هلالي100%

اول شي مشكوور على مرورك ..

ومن ناحية ولي .. والله العظييم انه محيرني .. مره يعجبك يووم رفع للعنبر كوره بالمقاس .. ومررره اقووول خساره الفلوس اللي اندفعت فيه .. لكن شاء الله بنوقف معه ونسانده اليين يطلع اهم لاعب هلالي ..