بسم الله الرحمن الرحيم والصلاة والسلام على اشرف الانبياء والمرسلين


اما بعد:


فلعدم وجود منتدي خاص بالشعر اصررت على ان يكون الموضوع فى المنتدي العام

وارجوا ان ينال الموضوع على اعجابكم ...

هذا كان فيه واحد شمالي شاعر كان يحب له وحده حب خيالي قوي وانعرف بحبها وكانوا متفقين يتزوجون بس

للأسف ما الله قسم ولا تزوجوا زوجوها اهلها واحد ثاني غيره ..

وراحت سنين وانقطعت علومها وهو كان يدرس وتخرج وعينوه بديره بعيد بالجنوب وراح الرجال وداوم

واول يوم دخل الصف ثاني ابتدائي اللي كان يدرسه وهو يشوف كل الأطفال يتليقفون ويلعبون الاواحد

شد انتباهه جالس لحاله وهادي ومؤدب .. من ناظر له الأستاذ الشمالي اعطاه نظره وابتسم له يوم شافه الأستاذ

ابتسم وناداه وسأله عن اسمه قال انا فلان بن فلان

وهذي كانت المفاجأه قال الأستاذ امك فلانه ؟؟؟

قال ايه

طلعت الحبيبه السابقه

سبحان الله عمر ولدها سبع سنين وتذكر الأستاذ الماضي وهلت عبرته وحضن الولد وكتب له هذيك القصيده

الراااااااائعه واعطاه قال ودها لامك


والقصيده كانت تقول """""


غابت ثمان سنين حـل وترحـال
غـابـت ثـمـان كلهامدلهـمـه
غابـت سنيـن وشهـور وليـال
مافيـه قطـر غيـر وجـه يمـه
وعقب الثمان اللي تعبها برى الحال
جاب الزمان الكارثـه والمطمـه
جاني ولدها مبتسم بيـن الأطفـال
ومن بسمته ذكرت انا بسمة امـه
ركضت له ودمعي على الخد همال
من كثر شوقي قمت بلحيل اضمـه
ساعة حظنته والطفل في يدي مال
شميت ريحتها على اطراف كمـه
واليوم بنت الناس في بيت رجـال
حب على غير الشرف لي مذمـه
مجبور اعود واشتكي لكل الأجيال
بنفـس حزينـه تايهـه مستهمـه
برجع غريب سكنه بـر ورمـال
يحيـا يمـوت ويندفـن مايهمـه

إقتباس الرسالة الأصلية كتبت بواسطة أنطونيـو ياضعيييف اصلا ابوها ماهوب رجال يوم يزوجها غيره <<< عصب والله كسر خاطري

^
^
^
هداء اعصابك وتعووذ من بليس
واللهانه انكسر قلبي عليهم
وش ذا الحظ بعد هالسنين يشوف ولدها
صح لسان شاعرها
وسلمت يمينك على نقلها

طيب هو ورا ما أعرس !!

يقولون بدال المرة مرة << تسمع بالاحساس

الله يخلف عليه احسن منها

بس الكلمات جدا جميله ومتسلسلة ورقيقة

كان المفروض يزوجها ابوها له << ما بعد استوعبت ههههههههههههههههه


شكرا يالغالي

احسن احد قايلله رح حبه >>>>بيجيه كف
بس والله يالله ولاتزعلون اي حزنت عليهم شوي ورجعت اعصب عليه المدرس ليش يحبه

يا مسكينين



هي الأمور كما شاهدها دولٌ .. من سره زمن سائته أزمان

***

هاذي معاناة الحب وانا اختك ...

إسأل مجرب ولا تسأل طبيب ... خخخخخخخخخخــ

لا يروح فكركم بعيد ... حب بريء والله العظيم ...

ما اقول الله يعين المحبين على ما بلاهم ...

^_^