السلام عليكم ورحمة الله وبركاته

في البداية ابي اللي يقرأ الموضوع لايقعد يسويلي فيها ويقولي

انت مسجل من 2003 ومشاركاتك ماتعدت العشر وجايلي تفتي علينا

ياخي اسمع كلامي وخليك واقعي وقلبها براسك عجبك حلو

ماعجبك على راحتك وزي مايقولون اختلاف الرأي لايفسد للود قضيه

ابدأ بموضوعي .. طبعاً الكل يعرف المقاطعه الحاصله بين إدارة النادي

وقناة ابوظبي الرياضيه بسبب برنامج خط السته وحط تحت كلمة بسب برنامج

مليون خط بل حط ملييييار خط وطبعاً ماحد كلف نفسه يبحث ويشوف

وش سبب المقاطعة الحقيقه او بمعنى اصح وش سبب الخلاف ؟؟

وبحكم علاقتي بالمعلق المتميز فارس عوض

اللي اكاد اجزم ان كثييييييييير من الجمهور الهلالي يحبه ويستمتع

بتعليقه فناقشته بالموضوع وقالي والله حنا بإجتماعنا مع احد الشخصيات الكبيره

بنادي الهلال قالنا بالحرف الواحد بإختصار انه في كتاب هلاليين بينهم وبين

ناس في برنامج خط السته تصفية حسابات وطبعاَ يقصد عدنان جستنيه

ومحمد الدويش والكتاب هذول كان يبغون يشاركون في البرنامج لما سمعوا عنه

ولما ماوجهت الدعوة لهم للمشاركه وشافوا الحلقه الأولى

اللي فيها مناقشة اوضاع نادي الهلال وبعض التعدي على حقوق الهلال

استغلوا هالشي وقاموا بشن حملات كبيره على قناة ابو ظبي الرياضيه

واثاروا الشارع الرياضي والجمهور الهلالي ضد القناة

فارس يقولي انا ماانكر انه في بعض الأحيان في تعدي من ضيوف البرنامج

على الهلال لكن ياخي انت كإنسان واقعي قاطع البرنامج لو انه برنامج في قناتنا

مالك علاقة بالقناة

ويضيف فارس ان الشخصيه الكبيره في نادي الهلال قالنا بالحرف

الواحد انا مااطلب منكم تغيير ضيوف البرنامج ولو كنت في محلكم

ماراح اغير ضيوفي لاني لو غيرت ضيوفي راح افقد احترامي

عند الشارع الرياضي وراح يقولون عني الجمهور انك غيرت ضيوفك

عشان نادي الهلال

ويضيف ان الشخصيه الكبيره في النادي قالنا حطوا نفسكم مكاننا

الجمهور غاضب وبعض اعضاء الشرف غاضبون فكان يجب ان نعلن المقاطعة

لكن عطونا فرصه شوي واذا خفت حدة التوتر في الشارع ورأينا الوضع تحسن

راح تعود المياه لمجاريها بين النادي والقناة

أيضاً يضيف فارس اننا نعرف حجم الجمهور الهلالي الذي يتابعنا

ويستمتع بتعليقنا ويضيف شخصياً علاقتي مع الشلهوب وياسر والفريدي قووووويه جداا

وبيني وبينهم اتصالات وتواصل .. واعرف اشخاص في ادارة نادي الهلال يتابعوننا

ويضيف فارس انا مطلع على شبكة الزعيم وحقيقة استغرب الجمهور الهلالي

الذي قال بعد مباراة الاتفاق ان حنا نمجد في الهلال لكي نتقرب من جمهوره

ياخي انا شخصياً ماعجبني الهلال قدام الأهلي وماصدقت تخلص مباراة الهلال والوحده

وتمنيت اني لم اعلق عليها لانها مباراة كانت سيئة جدااا

من ناحية المستوى لكن مباراة الهلال والشباب

كانت ممـــــتـــعـــة لي جداا كمعلق واستمتعت بالتعليق عليها واعطينا

الهلال حقه لانه فريق كبير وقدم مستوى مميز في هذه المباراة

ويقولي فارس انه في خلال المباراة اتاني مايقارب 60 رساله من الجمهور الهلالي

ومن بعد المباراة لم يهدأ تلفوني الخاص حتى الساعه الخامسه عصراً من يوم الخميس

من كثرة الجمهور الهلالي الذي يشيد بتعليقي على المباراة لدرجة انني

اتصلت باالاستاد محمد نجيب وقلت له خلهم يقاطعونا علطول اذا الجمهور

الهلالي بها الدرجة الكبيره من الحب

فارس يضيف ان الجمهور الهلالي صوووووت قوووي جداا في الشارع السعودي

وبإمكانه تحريك المياه الراكده وينظر في الوضع الحاصل ...

هذا مادار بيني وبين فارس ونقلته لكم بالحرف الواحد

شخصياً تابعت مباراة الهلال والشباب بعد مارجعت من المباراة

بصوت الحربي وبصوت فارس عوض

فأكتشفت الفرق على اني احب الحربي بس ماعجبني ذاك اليوم

ولحد يسولي نفسه ويجي يقولي يبي يتقرب من الهلال فارس

من طلع في التعليق وهذا تعليقه دائما يبحث عن المتعه

ارجعوا لمباريات البوكا جونيور وشوفوا كيف كان يمتعك

بعدين هو بنفسه قالي والله لو الشباب لعب كويس كان عطيته حقه

لكن فعلاً الهلال متعني

شخصياً استمتعت بالحديث مع فارس فعلاً شخص محترم جداً

ومن قبل المقاطعة هذا اسلوب فارس ماتغير عشان ماحد يسوي فيها

ويقول لازم يصير اسلوب حلو عشان يتقرب من الجمهور الهلالي

اترك التعليق لك ايها الهلالي العقلاني ....

وااااقعي ...