إقتباس للفرفشة /

حدد مناقشه او فرفشه

إقتباس س لسؤال / وش يقصدون بقريباً .. ..؟؟

قريبا يعني بعد الدراسه الدراسه يبيلها عشـــ10ـر سنوات
اما التنفيذيبي له خمــــ5ـــسة سنوات

إقتباس ط طلب / انك تعلق على الصورة ..!!

الصورة تعبر عن شي كبير سيكون بحجم مساحه وكبر اللوحة

و هو شي مفرح لنا ان هناك سيكون شي ما كبير

لكن لن يكون هناك لا مساحه ولا شي سوف تزال هذه اللوحه عما قريب

سهله ...

قريباً هنا .. هو الأخ الروحي للعضو لدينا كان هنا

وأبوهم هنا غاط في نومه ولا يدري ماذا يعمل أبناؤه ...

إقتباس الرسالة الأصلية كتبت بواسطة best_01 مشكور اخوي على الصورة وتقبل مروري ... توصي شي قبل امشي ^^^^^^^^^^^^^^^^^^ لاتكلفت لا والله شكل الرجال مسكت معه .. مايبي يكمل غصب هو .. الرجال حر ^^^^^^^^^^^^^^^^^^^^^^^^^^^ يالبا المسكات اللي كذا والله شف قريبا ذي لها الف معنا ... واولها التصريف وهي هنا على وزن يجيب الله مطر كان فتحنا هذا تفسيري واللي عنده غير كذا يعلمنا <<< طقهم احسن .

انت جاي بالقوه ..
تبون ردي والا ضفوا وجيهكم ..

جاب الله مطر وراه مافتحوا ..

يعطيك العافية على مرورك ..

إقتباس الرسالة الأصلية كتبت بواسطة شدوي ازرق لا لا ابشركم سمعت البقرة اللي بتحج حاجزه في حملة بشائر الايمان لكنها بطلت تقول ان شاء الله السنة الجايه لان عليها ديون وبطلت هههههههههههههههههههههههههههههههههههههههه اما بالنسبة لقريبلذي فاتوقع انهم يقصدون بها اذا خلص المشروع <<<< والله ترى ماكنا ندري؟

وهي كل سنه على هالموال ..
بتحج السنة الجاية ...!!
ترا لها 43 سنه وهي بتحج بس انها ماتت وعيالها تكفلوا قالوا بنحج عنها ..!!


لااااه ..
طيب متى بيخلص المشروع ..؟؟
قريباً هاه ..؟
طيب متى قريبا ؟؟
اذا خلص المشروع ..!


علاقة عكسية ..
مدري دائرية ..



يعطيك العافية على مرورك ورده ..

اخيرا خلصت من الردود اللي بموضعي والله ارد بسرعه عشان الحق على موضوعك

شف يالغالي معى قريبا على حسب المشروع يعني لو انت شريت ارض وناوي تبنيها ويسالونك اهلك هاه بشر كم باقي وتنتهي من بالبناء ..راح تقول قريب ان شاء الله وتخلص .. مع انك ما بديت انت في المشروع ولا شي .. والمشروع على حسب ميزانيتك نقول سنه الى سنه ونص تعتبر بالنسبه لك قريبه وبالنسبه لهلك بعيده .. مجرد مثال ..

وهذي نفس المشكله شروا الارض وتم وضع التصميم بس اكيد فيه شي ما نعهم واذا بدوا في العمل صدقني سنيتن الا وهم خالصين حتى لو يبنون الرياض كلها ..واللوحه حطاينها على انهم بيبدون العمل خلال ثلاث سنوات بيخلصون بس اكيد فيه شي ما نعهم ... وصعبه يشيلون اللوحه ووهم حاطين فيها فلوس ... لو هم يدرون انك بتنزل موضوع كان ما حطوا لوحه قريبا هههههههههههههههههه

التعليق ما اقدر ازيد عن اخواني اللي علقوا ...

تقبل مروري


اسف جدا عالبثاره ههههههه والاطاله

لاهنت

إقتباس الرسالة الأصلية كتبت بواسطة الترنيدو25 حدد مناقشه او فرفشه قريبا يعني بعد الدراسه الدراسه يبيلها عشـــ10ـر سنوات اما التنفيذيبي له خمــــ5ـــسة سنوات الصورة تعبر عن شي كبير سيكون بحجم مساحه وكبر اللوحة و هو شي مفرح لنا ان هناك سيكون شي ما كبير لكن لن يكون هناك لا مساحه ولا شي سوف تزال هذه اللوحه عما قريب

اللي تبي ..


يعني مجموع قريباً 15 سنة ..........!!


يعني وناسه بيصير عندنا مشروع كبير ..
كل مشارعنا كبيرة ماشاء الله ..
اهم شي تكون مستنآنس ..


يعطيك العافية على مرورك ..
شرفت ..

إقتباس الرسالة الأصلية كتبت بواسطة مولع بالهلال سهله ... قريباً هنا .. هو الأخ الروحي للعضو لدينا كان هنا وأبوهم هنا غاط في نومه ولا يدري ماذا يعمل أبناؤه ...

ههههههههه ..
عاد تصدق اني يوم حاط قريباً هنا جا في بالي كان هنا ..
بس تصدق انه قعد يقرا الموضوع وانحاش ولارد ..

ابوهم ..؟؟
تهقى منهو ابوهم هنا ...؟؟


اهلا وطئت وسهلا مدري وشي ..
يامرحبن بم ..

شرفت ..ورده

إقتباس الرسالة الأصلية كتبت بواسطة T U R K I _ 15 اخيرا خلصت من الردود اللي بموضعي والله ارد بسرعه عشان الحق على موضوعك شف يالغالي معى قريبا على حسب المشروع يعني لو انت شريت ارض وناوي تبنيها ويسالونك اهلك هاه بشر كم باقي وتنتهي من بالبناء ..راح تقول قريب ان شاء الله وتخلص .. مع انك ما بديت انت في المشروع ولا شي .. والمشروع على حسب ميزانيتك نقول سنه الى سنه ونص تعتبر بالنسبه لك قريبه وبالنسبه لهلك بعيده .. مجرد مثال .. وهذي نفس المشكله شروا الارض وتم وضع التصميم بس اكيد فيه شي ما نعهم واذا بدوا في العمل صدقني سنيتن الا وهم خالصين حتى لو يبنون الرياض كلها ..واللوحه حطاينها على انهم بيبدون العمل خلال ثلاث سنوات بيخلصون بس اكيد فيه شي ما نعهم ... وصعبه يشيلون اللوحه ووهم حاطين فيها فلوس ... لو هم يدرون انك بتنزل موضوع كان ما حطوا لوحه قريبا هههههههههههههههههه التعليق ما اقدر ازيد عن اخواني اللي علقوا ... تقبل مروري اسف جدا عالبثاره ههههههه والاطاله لاهنت

ياحبيلك للمبات المطفية ماشاء الله عليك ..
من حبنا لها نوفر لها ..


شكلك تلمح على البثاره ..
لايكون تقصدي بردي الثاني على موضوعك ..!
والله اني حاس ..
هذا يسمونه موضوع في موضوع ..

اما عن كلامك ان على هالارض وعلى اهلي ابقولك هذا المثل لاينطبق علي ..
وخاطئ 100% لاني ماشريت ارض ..<<<< بثارة ..
امزح ..
لابالعكس نقاشك صدزي وواضح واقرب للحقيقة ..



المفروض اني معلمهم اني ابكتب موضوع ..

والله شرفت ونورت ..

T U R K I _ 15 اشكر على سعه صدرك والله ينور حياتك ويحفظك ويخليك لعين ترجيك
لاعدمناك

ما صار رد هههههههه حسيت اني كتبت موضوع جديد لا عمرك ترد على كل حرف كتبته هههههههههه

هذآ الله يسلمك مع الازمه وإرتفاع سعر الحديد
عاد يالله يشدون الهمه نزل سعره
بس بصراحه احس عندنا وخصوصا بالرياض طفره بالسوق
يعني خلاص يكفي بطلو اسواق يرحم اهلكم .!
عاوزين حاقات قديده ملآهي مثلآ قآعآت زي آلنآس
بيئه خاليه من الذبآن آقسم بالله هالذبان ذولي فيهن لئم مهب طبيعي <<توطيت ابو الموضوع



لآ جد يعني غيرو يآناس ملينا اسواق ومطاعم مطاعم واسواق
جربتو متآحف آشيأء احس فله


وقريبآ ذي زي سآلفه قران الحجاج على ولده < خآآآطمه
يعني قريبآ .. حط في آعتبآرك عشر سنين بالراحه قدام



عوفيت ورده

يا الله ..
تشوف هاليافطة هذي ، يا كثر ما أضيّع عنــدها ..
<< أشهر شارع بالرياض ويضيّع فيه : s خخخ ..
/،
بس قريبـــاً معناها مجازي ، لا تدقق ..

إقتباس الرسالة الأصلية كتبت بواسطة كَلْ اَلْـ حَ ـيَاةْ هذآ الله يسلمك مع الازمه وإرتفاع سعر الحديد عاد يالله يشدون الهمه نزل سعره بس بصراحه احس عندنا وخصوصا بالرياض طفره بالسوق يعني خلاص يكفي بطلو اسواق يرحم اهلكم .! عاوزين حاقات قديده ملآهي مثلآ قآعآت زي آلنآس بيئه خاليه من الذبآن آقسم بالله هالذبان ذولي فيهن لئم مهب طبيعي <<توطيت ابو الموضوع لآ جد يعني غيرو يآناس ملينا اسواق ومطاعم مطاعم واسواق جربتو متآحف آشيأء احس فله وقريبآ ذي زي سآلفه قران الحجاج على ولده < خآآآطمه يعني قريبآ .. حط في آعتبآرك عشر سنين بالراحه قدام عوفيت ورده

تلقاهم تحسفوا الحين يوم رخص الحديد ..
عادي علشان نصير متميزين ..
اكثر دولة في العالم فيها سوقه ومطاعم ..

المشكلة ان عندنا اشياء كثيرة بس مافيه توعيه صح ..!

اجل المفروض اني ما علقت عليهن الا بعد 10 سنوات ..

متشكر على مرورك ..

إقتباس الرسالة الأصلية كتبت بواسطة كان هنا يا الله .. تشوف هاليافطة هذي ، يا كثر ما أضيّع عنــدها .. << أشهر شارع بالرياض ويضيّع فيه : s خخخ .. /، بس قريبـــاً معناها مجازي ، لا تدقق ..

أووووه خوينا كان هنا ..
يقربلك قريبا هنا ...؟؟

اجل تضيع هاهـ ..
وش يوديك هناك اعترف ..


خلاص دققت وخلصت ..
تبيني احذف الموضوع يعني ..


سوري حشينا فيك انا ومولع بالهلال قبل لاترد ..<<< سوري والا مصري ..


لبى قليبك ولبى ردك ورده ..

انت الظاهر ماتعرف قريبنا

ياخي انا من يوم مافتحت وهم يقولون بيحطون قطارات قريباً

وشف للحين ماصار شي يعني قريباً لا تخاف بتشوف هالسوق

والبحيره الحلوه هذي بس بعد مايصير عمرك 70

تبي الصراحه انتم بس تنتقدون وتسبون رجالات الدولة

طيب ورونا شطارتكم وابنوه انتم ! ليش مخلين الهنود يبنونه ! مو انتم اسرع ?

الارض كان عليها مشكلة وبان الامير متعب بن عبدالعزيز سحب الارض لصالحه وبهذه الدعاية يقطعون الشك باليقين

قريبا هنا تذكرني بمركز الملك عبدالله المالي حوالي ثلاث سنوات ولم يتم عمل شئ في المشروع