مساكم الله بالخير جميعا

مبروك عليكم الاقتراب من الصداره

ومبروك المستوى الممتاز قدام الشباب

لفت نظري من بداية الدوري الى آخر

مباراه لازم بعد كل مباراه يطلع محلل

تحكيمي جديد ويفتي في المباراه ويحلل

الاخطاء التحكيميه والظلم اللي حاصل

عليهم اللي يقولك هدف تسلل واللي يقول

ضربة جزاء ماهي صحيحه واللي يقول

الكوره ما عدة خط المرمى واللي يقول

الحكم شاف الهلال فايز وضلمنا وخذلك

من الكلام هذا انا احب اقول لمن يردد

هذه الاسطوانه السخيفه والماصخه انه

اعتقد جا الوقت اللي تستحون فيه على

وجيهكم وتخلوا الهلال في حاله وتعرفوا

انه اصبح هناك جمهور ناضج وعارف

وش يدور في المباراه يعني ماعاد تمشي

عليه هذي الاعذار القديمه الباليه اجل

مباراه تقام في الدمام والهلال يلعب في

الرياض والاخطاء التحكيميه يمس فيها

الهلال وهو قاعد يلعب ولسا ما انتهت

مباراته هذي السخافه وقلة الحيله بعينها

هذا الكلام موجه لجميع الانديه اقول لهم

من اكبر شخصيه الى جماهيرهم ترقبوا

وركزوا على الحكام الهلاليين كما تزعمون

واتركوا لنا المراقبه والتركيز على البطوله .


خاطره وتشبيه :

الزعيم بجمهوره بادارته وبلاعبيه يترفع عن الرد
عما يذكره بعض الجهله والمتعصبين عن ان
هناك مؤامرات وظلم مقصود لخدمة فريقنا لأن
الزعيم مثله مثل الصقر
الصقر ما يحب ينزل للاماكن المنخفضه
والهلال ما يحب يتكلم في مواضيع سخيفه
والتي هي اقل من مستواه ومقامه مثل ماقال
الشاعر :


ينزع الحر للعالي المنيف ....... عادة الحر للطامن يعاف



وااااااااااااااااقعي جدااااااااااااااااااااا

الاخ واقعي

كلام مليان

والله انك واقعي وخليهم ورا الحكام

والبطولة ان شاء الله هلالية

صدقت يا الغالي .. هذي الحرب (حرب الحكام) قادهـا عبدالرحمن بن سعود وأكمل المسيرة من بعدهـ الكديش(الدويش) وجماعته

هذا هو عذرهم المعتاد
لازم يبرر مستواه الهزيل بمثل هذه التفاهات

كلالالالالالالالام سليــــــم

لكــن هم اللي ناجحيــن فيه السب والاستهزاء بلاعب
وذب التهايم على الآخرين

وصدددق من قال...تجيك التهايم وانت نايــم...

يعني بكل اختصاار كل ناجــح محارب
يا زعيمنــا انت ناجح ودع اللي يحاربكـ...قدرهـ..قدر الجزمــه اللي تلبسهـا (اكرمكـم الله) اتأسف بقولي هذي الكلمه لكن طفح الكيل والبعض اخذ الهلال يتهمه حتى في كل شي


الله يستر لا يطلع محلل سياسي ويقووول لازم امريكا تشيل جنودهــا بعد توقف الزعيم عن حصد البطولات كككككككككككـ...


كل شي جااايز في هذا الزمااااان المتعصب او بالمعنى العامي اللووووح اللي يبي يصير مشهووور على حسااب الاخرين


تقبلوا ودي واحترامي للشعب الخلووق والمظلووم والحارب النادي القاري رغم انف من سلب لقبنـــــا

اخي واقعي الكوره اخطاء والحكم جزء من اللعبه ولكن التضليل والتطبيل والاقاويل ضد الهلال هو عذر وتشكيك في بطوالات الهلال

مع العلم ان الهلال تضرر اكثر منهم في التحكيم ولو رجعت فقط للمباراه الهلال ونجران لعرفت السبب

يدور في مخليه مقوله تقول

(( اذا اردت الظهور السريع ... عليك عليك التحامل ضد الهلال ))

كثير من يبحث عن الشهره لا اكثر على اكتاف الهلال

ولكن دايما ما يرجم الا الشجرهـ المثمره

والخصم اذا اخفق يقول الهلال والهلال لي اشغال جمهوره بالهلال وعدم المطالبه بتقديم المستويات والسبب هو العذر البليد الهلال

مع العلم ان الهلال كان في مبارته الاخير مع الشباب والاتحاد يلعب مع الاتفاق اقحموه في المشكله مع العلم ان الحكم الكثيري الموسم الماضي وضربه جزاء الشهراني الشهيره

ولكن لم نرى الاعلام المحسوب على الكره السعوديه بشكل عام خرج او صرح

=( هنا اتوقف )=

هذي الاعذار تعودنا عليها من زمان

ولكن على قولتهم ( عذر البليد مسح السبوره )

شعروا باقتراب الهلال للصدارة
فاصبحوا يهرفون بما لا يعرفون ويتكلمون بدون شعور

وبذلك ستبدأ الحرب النفسية على الهلال
فستظلمه اللجان حتى تكون عادلة في نظر الحاقدين

بدأً بلجنة التحكيم وانتهاء باللجان الفنية...!

ولكن رد الهلال سيكون بالملعب قوي ومبهر ومخالف لاهوائهم
وهذا ما يغيظهم ويزلزلهم...!

إقتباس الرسالة الأصلية كتبت بواسطة بسومي88 الاخ واقعي كلام مليان والله انك واقعي وخليهم ورا الحكام والبطولة ان شاء الله هلالية

انت اللي مليت علينا الموضوع بمشاركتك
وانشاء الله هلاليه

يارجال ماعليك منهم بس القافلة تسير والكلاب تنبح