|
أرجوك يامحمد العنبر ...حين تسجل في المره القادمة ...لاتتجه للجمهور ...فنحن لا نستحق (الدخول لمحمد العنبر فقط) انصاف للامير عبدالرحمن بن مساعد مافعلته يالعنبر.......عندما قال ان العنبر لو كان في نادي اخر لقمنا بمفاوضته انصاف لتاريخك في النهائيات حتى وان كانت مع الفريق الاولمبي انصاف لهدفك مع المنتخب السعودي على مرمى كوريا في تصفيات 2006 مالذي تغير ياعنبر ....فقط انك خضعت لأصول اللعبة في شتى انحاء العالم ...وهي ان اللاعب بعد عودته من اصابة ....يحتاج لان يلعب بشكل اساسي اكثر من 4 مبارايات حتى يتأقلم ويقدم المأمول منه.... أطمئنك ياعنبر .....الذي يحدث لك يحدث لافضل اللاعبين العالميين بأستثناء الجمهور الهلالي وتجريحه لبعض اللاعبين أطمئنك ياعنبر ....حتى المهاجم الاول في المملكة ياسر القحطاني ...عاني كثيراً حينما غاب طارق التايب .... ماتطلبه انت ياعنبر ......يطلبه كل المهاجمين .....بأن يكون خلفهم لاعب وصانع فرص حقيقي كالتايب ..... أعذروني ياهلاليين ....وان كنتم لاترون هذه الكلمات بسبب منعي لكم من الدخول في موضوعي ....فمن حقي ان اقسو عليكم ....كما قسوتم على العنبر ....المساوة في الظلم عدل |
مهاجمي الاول محمد العنبرررررررررررررررررررررررررررررررررررررررررررررررر |
سبحان الله .. اللحين اذا ضيع هدف رفع ضغطك ..واذا سجل هدف ورجع لمستواه قلت فاشل .. لكن شكل العنبر فضحكم واثبت ان انتقادكم له في السابق كان انتقاد شخصي وغير منطقي .. او انتم لا تريدون مهاجم يرعبكم مع ياسر القحطاني ..لكن الان اصبح هناك العنبر وياسر وان شاء الله الصويلح في الطريق .. ياخي مشكله عقليات بعض الاعضاء .. متى تكبر .. بالتوفيق للعنبر ولكل لاعبين الزعيم .. وشكرا على موضوعك .. ^^^^^^^^^^^^^^^^^^^^^^^^^^^^^^^^^^^^^^ كلامكـ عين العقل .. مشكوووووووور |
محمد العنبر لاعب يحسم بدون أي تفلسف أمام المرمى هذه صفة محمد الرئيسية والهامة ,اضافة إلى البنية القوية والطول الي يفيد في الكرات الهوائية صحيح محمد ماعنده المهارات الفردية العالية , لكن عنده شيء أهم, والمهاجم الهداف عملة نادرة في كرة القدم بالتوفيق يامحمد وإن شاءالله من هذا المستوى وأفضل. |
العنبر لاعب صندوق والجمهور يبونه زي ياسر والحمدلله مستواه في تصاعد |
يآرب يكون مستـوآه متصآعد وهمسسسه بإذنـــك الجمهور مآيرحـــــم ولو الله ثم الجمهـــور مآرجع مستـــوآه يعني شي طبيعي ان الجمآهير يتذمرون من اللآعبــ والعكس افهم الكلآم وخل عنـك المثآليـه الزآيـــده / / / / / بالتوفيق للزعيــــم اين مآحط رحآلهـ :smilie47: |
العنبر ان شاء الله يرجع لمستواه وهو الان قاعد يقدم مستويات حلوه وان شاء الله القادم احلا انا من الناس اللي قسوا على العنبر اثناء هبوط مستواه والان بعطيه حقه من الاشاده والمبزره اللي قاعد تتكلم على العنبر الان وهو يقدم مستوى جيد يامندسين يامايفهمون كوره |
الحمد لله لم تهتز ثقتي بعودة العنبر للتسجيل متى ماشارك بشكل اساسي العنبر لاعب صندوق يملك ارتقاء وراس رائع لم يستغل حتى الأن لعدم وجود لاعب يجيد الاوفرات وايضآ هادي جدآ امام المرمى وأهم ميزه في العنبر انا اشوفها انه مايشوت الا أرضي ولايمكن يطوح بالكوره مااتمناه ان لايلقي العنبر بالآ لمن ينتقده بدون وجه حق وان يركز فقط على تسجيل الأهداف.... |
(الدخول لمحمد العنبر فقط) انتظر العنبر يرد عليكـ......:d |
تخا11ريف والله انك بطـــــــــــــــــــــــــــــــــــــــــل |
العنبر لاعب غير ممتع للجمهور العنبر لاعب ما عنده مهارات عاليه العنبر يحتاج للاعبين يشيلونه ولكنه في نفس الوقت هدااف خطير وسامي الجابر يراهن عليه ومدرب الاتحاد كالديرون طالب فيه بدايه الموسم كان يلعب على 10 دقائق ومالعب كاساسي الا في مباراه الاتفاق وسجل هدف وفي مباراه الشباب سجل هدفين كنت في بداية الموسم شاب عليه وغاسل يدي منه ولكن اذا استمرت هالحاسه التهديفيه فانا من اكبر المشجعين له بشرط ان الاداره تعمل للتعاقد مع مهاجم اجنبي كبير لكي يكون عندنا خيارات كثيره في الهجوم |
ياااااااااااااااااااااااااالبى قلبك يالعنبر والله خطير وانا من زمان انتظر عودتك ومتاكد من عودتك ونشاله للاحسن وانشاله تصير الهداف وتطعن الحسوووووووووودين بالفاس والله يوفقك يارب |
هذا هو مستوى محمد العنبر لاعب يخلص لك كور في القول من لمسة وهذا اللي يحتاجه الهلال اما من ناحية القسوة على اللاعب فهي كانت مقبولة في السابق عندما اعطي العنبر اكثر من فرصة ولم يستغلها اما الحين بعد مباراة الاتفاق والشباب اللي شارك فيها واثبت نفسه فهو يستحق ان نشيد به ونشكره واللي يقوم بانتقاد العنبر الحين هذا مشجع مندس او مشجع لياسر القحطاني فقط ويستاهل ابو سعيد او انه طفل لايعرف ان الكرة اهداف وليست مهارات فقط انا انتقدت العنبر ايام مستواه السيء ومازلت عند رايي في اي لاعب يهبط مستواه سوف انتقده لانه من ممصلحته ومصلحة فريقة ومراجعة حساباته واي لاعب يرتفع مستواه اشيد به لانها تحفزه على العطاء اكثر واكثر مشكووووووور |
إقتباس:
عين العقل s60ss60s محمد لاعب لايميل للفلسفه ابداَ استغل ثلاث فرص في مباراتين اهدتنا ست نقاط :smilie47: |
مشكور على الموضوع والعنبر قدم مستوى رائع ومن لايشكر الناس لايشكر الله وأسأل الله يوفقك دائما وابدا |
وجه نظرى لا العنبر ولا الفريدى يستحقووووون ارتداء شعار الزعيم ولكنها المجاملات كلهم لاعبين دووووون المستوى وعاديييييين جدا جدا جدا |
نتمنى التوفيق لجميع مهاجمين الزعيم واهم شي استمرار التالق,,, |
اوك العنبر راح يرد عليك .. اهدافه عادية روح العب بالهلال وسجل مثلها ولا اقعد ببيتك وانثبر .. |
خلاص أنا آسف العنبر أفضل لاعب يعني الواحد لازم يكون رأيه مشابه لرأيكم والا تسبونه طيب أنا هلالي وأتمنى يكون العنبر أفضل لاعب وهو اولا" واخيرا" لاعب يعني مالي مصلحه اذا فشل بالعكس أنا المتضرر وكل الهلاليين وشكرا" |
إقتباس:
العنبر هداف في بطولة فيصل مرتين , وشارك مشاركة فعالة في بطولة فيصل وحسم لك بطولة ولي العهد, الحين العنبر عنده 3 أهداف من مباراتين فقط! الي يقول التايب ماقصر والله يخلي التايب نعم التايب مايقصر والله يخليه لكن لا ننسى أن التايب هذي السنة الثالثة له والعام ياسر كم سجل 9 أهداف ؟ او 10 السنة الي قبلها كم مسجلين مهاجمينا!؟؟ العنبر لاعب هداف ينهي لك هجمة وهذي وظيفة المهاجم الأساسية أنا متأكد لو يلعب العنبر إلى نهاية الدوري راح يسجل وينهي مبارايات كثيرة وراح يكون الهداف بإذن الله لكن متى يستمر ويلعب أساسي الكلام هذا عند كوزمين, بالنسبة للهدف الأول لحظة ماسدد الكورة ماكان أمام وليد عبدالله أي لاعب لكن العنبر سددها باتقان في الزاوية الهدف الثاني كان فيها ذكاء بانه سددها بقوة في نفس زاوية الحارس عموماَ يكفي انه سجل وماعلي من أي شيء ثاني , مابي هدف استعراضي ولا أبي هدف فيه فن أبي هدف في الباب وبس |
ياللي تتكلمون عن التايب وتقلون انة ضيع بلنتي ويلعب لنفسة اقولكم التايب هو من صنع الهدفين ولاعب يضع له بصمة في المباراة حتى وهو في اسواء حالاته وارجع لمباراة أمس وشوف مين اللي ماسك الوسط ومهندس الهجمات ولايهون أبو عزيزاللي يعجز لساني عن شكر هالادمي |
والله كلامه واقعي لاعب جدا جدا عادي يعني اذا سجل هدف رفعتو فييييييه فوق خليتوه ازين لاعب واذا مالعب زين خليتوه اسوء لاعب لاعب عادي والله يخلي البرنس |
الحمد لله ع نعمة العقل اللي ينتقد محمد العنبر صار مو هلالي لو مو هلالي ما أنحرق دمه و أنتقده العنبر جيد لكن للأمانة مستواة حتى هذه اللحظة لايشفع له البقاء في الزعيم والأيام الجاية تكشف أكثر و أكثر إن واصل التسجيل و حصد النقاط مع زملائه يتغير كلام المنتقدين و إن عاد لضياع الفرص السهلة أول من ينتقده أنتم يا مادحهوه جمهور الزعيم لايرضى بأنصاف الحلول إما الإبداع او التنسيق |
يا حليل جمهور الفزعه ذا يحسبون لعبة كرة القدم مجامل وتشجيع ماحنا في مصحه نفسيه واللاعب سجل هدفين الاول استلم وشات فقط والثاني شات فقط وقريبه جدا لو الحارس واعي عموما اللاعب اخذ من الفرص الكثير واضاع اهداف كثيييييير ولايتحرك صح ولايعتمد عليه في فريق مثل الهلال اعتمد علي اسماء لامعه في العالم كله امثال سامي وياسر والثنيان والغشيان لكن العنبر اقل مايقال عنه لاعب عاد لو كان يمثل نادي بطموحات مثل الرائد ماصبروا عليه ولكن الظاهر ان اشاعات الواسطات في الهلال صحيحه !! في الاخير كل انسان له رايه |
نتمنى التوفيق لجميع مهاجمين الزعيم واهم شي استمرار التالق,,, تقبل مروري |
الحمد لله ظهر من يؤيد رأيي ويقول ان العنبر لاعب عادي واقل من مستوى الزعيــــــــــم الحين كلنا مانفهم كورة ومندسين؟؟؟؟؟؟؟؟؟؟؟؟ |
من اهم مقومات نجاح المهاجم تسجيل الاهداف عدا المقومات الاخرى التي يحتاج العنبر لتقويمها اتمنى التوفيق للعنبر ويطور مستواه |
ماحد لاحظ اخطاء العنبر بس لاحظوا الهدفين ياعزيزي الاهداف يسجلها حتى المدافعين السؤال كيف كان مسواه ....... التايب سدد ضربة الجزاء وارتدت من يد الحارس للعنبر اللي ثبتها بساقه خلاها تطير في صورةه مخجله بدل مايسددها للمرمى .... وفي طريقة 4-5-1 معروف ان المهاجم الوحيد يكون محطة سند لزملائه المهاجمين يعني يحتفظ بالكورة المرسله من بعد له حتى يتقدم زملائه ويوزع الكورة مثل ادوار ياسر لكن العنبر كان يثبت الكورة بساقه كل مره ويسلمها للاعبين الشباب ....عموما احنا ماحنا جالسين نسب اخلاقه الله يستر عليه وعلى كل مسلم احنا ننتقد مستواه وانه ما يناسب الهلال لكن وين الوعي ماندري |
شوفوا مع الاتحاد واحكموا لازالت غير مقتنع فيه والى الابد الهلال يحتاج مثل ياسر |
يالله ذبحتونا العنبر فاشل ياسر فاشل الصويلح فاشل خلاص كهم لاعبين وكلهم ممتازين وكل واحد وله طريقته في اللعب قالوها من زماااااااااااااااااااان لاعب الصندوق لا ينجح عندنا وهذي مشكلة العقول عندنا !! خلاص العنبر ضيع وضيع وضيع طيب الفريدي من مباراة الاتفاق وهو مضيع اسهل من كور العنبر وويلي اكثر واكثر وهو بخمسين مليون مو من ملاعب الخرج !! العنبر لاعب جيد اتمنى اشوفه في فريق خارج اسوار المملكة لانه لاعب صندوق .. كفو يالعنبر استمر على تميزكـ |
لاعب أقل من عادي وأهدافه يسجلها واحد ماسبق لعب كورة والله يخلي التايب الي يجعل الفاشلين هدافين |
وأهدافه يسجلها واح:clap::clap::clap::clap::clap:د ماسبق لعب كورة |
يا شباب خلونا نكون صريحين العنبر مستواه عادي يعني مافيه هاذيك المهارات ولا الكنترول يعني الهدفين الاخيره الي جابها عاديه جدا اي لاعب عادي يقدر يجيبها لا وبعد الهدف الاول في وجه الحارس بشكل عام العنبر لاعب عادي يعني ماهو لاعب يعتمد عليه |
قســـــــــــــم بالله افشـــــــــل جمهوووور شفته بحيـــــــــــــــــــــــاتي واللي يرد مثلكم |
العنبر قدام القول يجيبها .. فقط |
العنبر لو يلعب في بطووولة الامير فيصل ويكووون وراه الدوسري والعنزي والله الهجوووووم بيكووووووووووون ناري |
يا جماعة الخير ... اتركوا صاحب أول مشاركة .. فكلماته أتفه من أن يلقى لها بالاً .. والأقرب أنه مندس .. أو جاهل في الكرة .. أو يكره العنبر لأسباب شخصية |
انا اشوووف كل الجمهور الحين يقوولون العنبر فنان والعنبر رجع لمستواه .. وان الاصابه هي الي اثرت عليه .....الخ طيب وين ذا الكلااام اول الموسم او الموسم الماضي ليش ما قلتو هالكلاام وقلتو لازم نصبر عليه ونعطيه فرصه ؟؟؟؟؟؟ طبعا بعد هالحادثه تبين لي ان اغلب الجمهوور اذا اللاعب ابدع في مباراة انه فناااااان والعكس صحيح.... والدليل العنبر الحين بعد الثلاث اهداف رجع لمستواه و انه احسن لاعب.. وكذالك ولهامسون مالعب الا 7 مباريات ويقلوون مقلب ... وكذالك الفريدي الموسم الماضي يوم تم استبعاده من المنتخب ونزل مستواه في مباراة الشباب قبل النهائي قالو فاشل ولا نبغاه ومدري وشو وخذ من هالكلااام واخر شي نزل في مباراة الاتحاد وصنع الهدف وبعدها الفريدي احسن لاعب .....؟؟؟؟ وهذا الي يبي يصير مع ولي اصبر خله يبدع بكم مباراة ويبي يصير اطلق محترف بالدوري ؟؟؟ ياناس ياعالم لا تستعجلوون بالحكم على اي لاعب اصبر خل المدرب يعطيه فرصه ويتأقلم و بعد كذا احكم على اللاعب .... تحياتي وآسف على الخرووج عن الموضوع الاساسي وهو العنبر |
العنبر هو راس الحربه الصريح والوحيد في السعودية والذي كان يطبق ذلك قبل موسمين فهد الرشيدي في الحزم لاعب القادسية الكويتي لا مهارة فردية ولكن لديه الأهم من ذلك ضربة رأس متقنه يجيد اللعب على الأرض وقوة التصويب عند الإنطلاق بالكرة وظهر ذلك جلياً في مباراة الشباب ويكفي أنه في مباراتين متتاليتين سجل ثلاثة أهداف بحسن التمركز |
شكرا لك على هالموضوع مع ان عنوانك غير موفق ! وأكيد أتفق معك ان العنبر هداف خطير داخل منطقة الجزاء ويجيد التمركز وأي واحد يعرف ان العنبر مايملك المهارات الفردية أو القدرة على المراوغة ومع ذلك نشوف الحاقدين على العنبر مسوين نفسهم هم الفاهمين في الكورة مفكرين اللي يدافعون عن العنبر كهداف مايفهمون لأنهم ماركزوا على ضعف مهاراته الفردية وشف بعض الردود الغريبة والظالمة اللي تقلب الأمور وتحول الجيد إلى سيء مثل اللي نسب الهدف الأول ( الرائع في دقة التسديد ) إلى ويلي لأنه غطى على الحارس هذي الآراء حاقدة وماتستند لأي منطق مجرد آراء متعصبة وحاقدة الأفضل تجاهلها ! |
العنبر لاعب صندوق لاتتوقع ان يصنع الفرص ويجرجر المدافعين ولكن لاعب يستطيع ان ينهي الهجمه اللي داخل الصندوق لهدف وهذه ميزه يفتقدها كثير من المهاجمين |
إقتباس:
|
الجمهور مآيرحـــــم ولو الله ثم الجمهـــور مآرجع مستـــوآه |
والله العنبر لاعب كبير والله بس مافي احد والي يقول التايب يخلي الفاشلين هدافين انا معك بس في ناس لوتيج وراهم طارق ورنادينهو وافضل صانعي العاب بالعالم يضل فااااشل العنبير ماقصر امس والله لو انه واحد غيره كان ولا هدف خلك عن الكلام الزايد وبعدين لوا الله ثم العنبر كان امس ماحصلنا على الثلاث نقاط مشكووور اخوي على الموضوع |
الي مقتنع بالعنبر هلالي والي مو مقتنع هلالي = = = = = = = ياجماعه مافيها شئ لو اختلفنا بالاراء مو شرط امدح اي لاعب هلالي عشان اثبت اني هلالي ياخي فيه لاعبين بالهلال مايستاهلون يلعبون اساسين بفريق من الدرجه الأولى فيه لاعبين هلاليين لهم اكثر من 3 سنوات يلعبون مع الفريق الاول لم ولن يتطور مستواهم وبس حضورهم تكملة عدد لتقسيمة التمارين واخاف ان ذكرت اسمائهم بتقولون اني مندس والعياذ بالله بس جمهور الزعيم عاطفي ان سجل العنبر صار عندهم افضل مهاجم وانه مظلوم ولم يعطى الفرصه وان لم يسجل قالو فيه العجايب وانه فاشل ولايستاهل يلعب خلونا نكون صريحين ونعرف مميزات المهاجم 1- المهاره مثال هدف البلياردو في الشباب (ياسر القحطاني) 2- الارتقاء مع تحريك الراس لضرب الكوره مثال هدف ياسر القحطاني الموسم الماضي امام الاتحاد 3- التسديد بكلتا القدمين مثال كل اهداف ياسر بكلتا قدميه 4- التمركز السليم والتحرر من الرقابه بسرعه مثال هدف ياسر الاخير في الديربي وهدفه في كاس العالم 5- التحجيز القوي للحفاظ على الكوره من المدافعين مثال ومن غير ياسر 6- هداف ومبدع في مباريات الحسم مثال آآآآآآآآآآهـ ياسااااااااااامي:frown2: ^ ^ إذا صار العنبر يملك هالمواصفات ساكون اول المعجبين والمؤيدين لتشجيعه ياجماعة الخير نحن ببداية الموسم لاتجعلو اهداف (غمض وشوت) تمجيد وتعظيم للمهاجمين ياجماعة الخير نحن ملينا من الدوري ملينا من الكاس ملينا من كاس فيصل ياجماعة الخير نحن نريد كاس آسيا ولاغيره نبي نشارك بالعالميه وغيرها مانبي وعشان نصل للعالميه بهذه التشكيله الحاليه الرائعه لاينقصنا إلا ظهير ايمن ومهاجم مع القناص مثل ياسر أو احسن.. آسيا آسيا آسيا ماعندنا مهاجم الا ياسر بس نبي واحد يساعده تكفون يالاداره والسلام عليكم ورحمة الله وبركاته |
محمد العنبر لاعب يحسم بدون أي تفلسف أمام المرمى هذه صفة محمد الرئيسية والهامة ,اضافة إلى البنية القوية والطول الي يفيد في الكرات الهوائية صحيح محمد ماعنده المهارات الفردية العالية , لكن عنده شيء أهم, والمهاجم الهداف عملة نادرة في كرة القدم بالتوفيق يامحمد وإن شاءالله من هذا المستوى وأفضل |
العنبر يفيد أحيانا اذا كان داخل الصندوق خاصة ومعه مهاجم آخر فإنه سيبدع بلا شك |
اي لاعب مستواه سيئ او هابط لفتره طويله الجمهور مايرحمه والعنبر لازم يطور مستواه اكثر حتى يقنع والا اهدافه الاخيره تبشر بخير وعوده لنجم ان شاء الله |
إقتباس:
انت الحين تقول التايب يصنع من الفاشلين هدافين اوكي بمشي معك هنا تقول متى يرجع القناص طيب انت سبيت القناص لانك قلت يخلي من الفاشلين هدافين والقناص ماصار هداف مع انه لعب مع التايب !! على فكره قل ذكر الله يجعل القلب اسود ويكثر في هذا القلب الامراض من حسد وكره الله يعينك |
إقتباس:
كلامك اخوي ابوخلودي يفسر ولا يبرر... انا مع ان الجمهور مايرحم.....بس ينتقد اللاعب ...يوضح له اخطائه .....مو فاشل ولاعب منتهي ....لا حنا استفدنا كجمهور ولا اللاعب استفاد تحياتي لك ،،، |
اهم شي الثلاث نقاااااااااااااط يا هووووووووووووووووو يجيب الاهداف انشاء الله محمد الدعيع ياخوان رجيتونا بمحمد العنبر احنا روحنا للزعيم و11 لاعب بالملعب مش فلان عن علان اسمحولي بس |
مـحٍـمـد آلع ـًنـبـر .. ! فيهـ ميزهـ قد تغ ـطي عـآـىٍ يـآسـر آلكـآسـر .. ! آلع ـنـبرٍ لآ يتفلسـف كثيرًـآ آٍمًـٍآٍمًـٍ آلـٍمرمـى .. ! وهذي ميزهـ !! ـآإمـآ تخ ـآريف .. فهو عآـى نكهـ .. يع ـني بآللهـ عـآـيكـ آلع ـنبر مآ سوىآ شي ؟ آهنيكـ عـآـى تفكيركـ .. |
7 7 >>والله مآ تصدقووون شريت كرسي جدييد وهذآ آول رد لي بالكرسي الجديييد<< كلن ع همه سرى :stoned: |
إقتباس:
بل ان الانتقاد تجاوز الامور الشخصية ....واصبح ضرره عائد على نادي الهلال ..... كُتب على نادي الهلال ان لايبرز فيه مهاجم اخر اضافة الى ياسر ...بسبب ان الجمهور (عاوز كده) اشكر لك مرورك اخوي قناص القرن |
إقتباس:
سجل عندك نك ماراح يحارب من يحارب العنبر الهدف الاول ويلي ماغطى على وليد عبدالله ...يمكن انه غطى عليك وانت تشوف مقطع الفيديو ....اضافة الى وجود مدافعين بجانب العنبر ...تجعل اي مهاجم اخر ...يقول افضل اني اتجاوز المدافع الاول بعدين اسدد .....ويحسب للتسديدة انها قوية وبزاوية بعيدة عن الحارس .. بالنسبة للهدف الثاني ....الحق بما شهدت به الخصوم.....انا افضل انك تشوف تصريح وليد عبدالله..... وبصراحة ياسلام على لاعب يطالع بالارض ويسدد مثل هالتسديده..... تحياتي لك اخي الكريم |
لأزلت مقتنع بأنه أسواء مهاجم في الهلال .. والشكر للبرنس الذي أذهب عنه غضب الجمهور .. |
إقتباس:
|
كلها مباريتين وتغير كلامك العنبر لا يصلح ان يكون مهاجم في نادي كبير كاالهلال الحزم ويخب عليه |
العنبر لاعب ممتاز واثرت عليه كثير الاصابات في الموسم الماضي واللي قبله نحن مشجعي الهلال ومحبيه لابد ان نفرح لتقديم العنبر مستوى وتسجيله لهدفين ولابد ان ندعمه ونطالبه بالمزيد هو وأي لاعب آخر يقدم مستوى مميز او يلاحظ عليه تطور في مستواه لأن في الأول والأخير من صالح الفريق لما يكون عندك خيارات كثيرة في الهجوم ومن المؤكد ان لما يكون عندك بديل جاهز فنياً راح يعطيك ثقة كبيرة في الظفر ببطولة دوري المحترفين والمنافسة القوية في دوري آسيا للمحترفين أتمنى من الجميع دعم العنبر وشكره على هذا المستوى المبشر بالخير و مطالبته بتقديم مستويات افضل مما قدمه في مباراة الشباب ودائما شعارنا يداً بيد مع جميع اللاعبين لأننا في الأول والأخير نعشق الهلال ونتمنى يكون جميع لاعبيه في جاهزية كاملة صحياً وفنياً ولياقياً |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 07:41 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd