السلام عليكم ورحمة الله وبركاته .. صباح / مساء الخير جميعا ..

محمد العنبر وكما قال الكثير ... (((( لاعب صندووووق))

معنى لاعب الصندوق : يجيد ضربات الرأس ، قناص ، يستغل انصاف الفرص ، ماعنده ( يمه ارحميني ) ، هداف من الطراز الاول ،

لايجيد اللعب خارج منطقة الجزاء ( مثل السمكه والماء )

لاعب لايتحدث كثيرا .. وايضا لايفعل كثيرا .. ولكن لغته الاهداف .. لايجيد اغلب المهارات الثانويه .. مجيد للمهارات الاساسيه اغلبها ان لم تكن كلها ..

امثال لاعبين الصندوووق : بيبو انزاغي ، فان نيستلروي ، خوليو كروز ،راؤؤل قونزاليس ، محمد العنبر

المتابع الجيد لاغلب لاعبي الصندووق يجد انهم يجيدون شيئا واحد وهو .. ( الكوره والباب )

.. محمد العنبر لاعب تألق في فترة من الفترات مع ناديه والمنتخب .. هبط مستواه - هبوط طبيعي - وهاهي بوادر العوده من جديد .. لاعب يريد الثقه .. وفقط الثقه ..

هدف على الاتفاق .. وهدفان على الشباب .. وفي غياب سيد مهاجمي اسيا ياسر القحطاني

العنبر من مباراة لاخرى يثبت ان لديه مايقدمه .. ولكن .. يريد الصبر وصدقوووني الصبر ولاغيره ..

محمد العنبر ( انه بحق لاعب صندووق ) فاصبروا عليه ..


ختاما .. محمد العنبر نحن اسفون على كل ماقلناه عنك من قذف وسب وشماته .. سامحنا ..

.. ولكن استمر في تقديم مستوياتك المتميزه ..ونحن سنستمر في شكرك وتشجيعك ..

لانريد العوده ل ( على طير ياللي )

ارجوك اسمتر ....

والله السالفه ازعجتنا واخر شي موضوع بايخ

بصراحه كلام سليم 100% 100

ماقصر اليوم العنبر نسانى ياسر بجد

انا مايعجبني فيه انه مايتفلسف ع طول الباب مو بعض الناس الله يخلهم لنا لابد يتفلسف

الى الامام يامحمد العنبر

تحياتي

إقتباس الرسالة الأصلية كتبت بواسطة زعيم العيسى بصراحه كلام سليم 100% 100 ماقصر اليوم العنبر نسانى ياسر بجد انا مايعجبني فيه انه مايتفلسف ع طول الباب مو بعض الناس الله يخلهم لنا لابد يتفلسف الى الامام يامحمد العنبر تحياتي

ومن ينسى ياسر

اتمنى بس تقارن بينه وبين الفريدي ف الكوره هذيك اللي قدام المرمي

ياخي العنبر عطوه الثقه بس

مشكوور خيو ع ردك

ماقصرت ...

العنبر اذا حافظ على المستوى ربما ينافس ياسر على الخانة وليش لا يمكن يجلسه على الدكه

بدينا بالتطبيل


توة بدري على الدوررري

إقتباس الرسالة الأصلية كتبت بواسطة هلالي@مدريدي العنبر اذا حافظ على المستوى ربما ينافس ياسر على الخانة وليش لا يمكن يجلسه على الدكه

حياك اخوي ..

انا معك في انه اذا حافظ على مستواه وطوره اكثر راح يصير اساسي

وليش ياخذ الخانه على ياسر ويجلسه احتياطي ليه مايصيرون 2 ( زيادة الخير خيرين)

والله صدقووني الثقه وبس ....

مشكوور اخوي على ردك

يااااااااااااااحليلكم

..

ما كنه هو نفس اللاعب اللي كنتوا تسبونه وتتمنون تنسيقه

يا عالم خلوكم معتدلين شوي

..

(الله يوفق العنبر ويستمر على ما هو عليه)

اول شي كل مدرب يطالب بلاعب صندوق والي فاهم الكورة يعرف شنو لاعب صندوووق يعني ما عنده مهاره واذا طلع برى الصندوق يضيع خله بصندوووق وشوووف الي يسرك الكلام هذا ينطبق على محمد العنبر وهو معذور لانه مالعب اساسي من سنتين وحضه السيئ ان المهاجم الاول في اسيا يلعب معه في فريق وااحد بس اثبت ان الذهب لا يصدء وتذكرت كلام ابو مساعد يقول لو العنبر في فريق ثاني كان طالبنا به ليلعب للهلال
انا من الذين انتقدوا محمد انتقاد حااااد واليووم اقووله اسف وتذكرت محمد العنبر الي قبل موسمين ابداااااااااااااع وان شاءالله يستمر على الحال هذا واكثر وينافس ياسر والصويلح على المركز رأس الحربه
شاكر لك على هالمووضوع الرااائع وياليت كل الاعضاء مثلك اذا انتقد يعرف بعد يشيد

لاتستعجل اصبر شوي

ليه كم لاعب ضايقه بالهدفين
يحمد ربه امام العبيلي واللي خلفه التايب كوره حتى الفريدي يسجلها واخوي الصغير
بلاتطبيل

إقتباس الرسالة الأصلية كتبت بواسطة طويرق بدينا بالتطبيل توة بدري على الدوررري

اول شي الله يسامح اللي مدرسك املاء

ولا انت شكلك كنت نايم وقت درس الهاء والتاء المربووطه

اخوي انا قلت رايي وذكرت لك اشياء وناقشتها .. وف الاول والاخير يبقى رايي ولايحق لاحد يصادر رايي

وبعدين الواحد يكتب موضوع ويتحمس وف الاخير تجي انت تطبيل ومدري وشو .. والله ياخي على قولة المصاريه - حآقة تكسف -

ف الاول والاخير احترم وجهة نظرك اخوي السآحل .. ويبقى هذا راي وع العين وع الراس


مشكوور ع ردك

إقتباس الرسالة الأصلية كتبت بواسطة *تـَمَـَيَـَمَـَ* يااااااااااااااحليلكم .. ما كنه هو نفس اللاعب اللي كنتوا تسبونه وتتمنون تنسيقه يا عالم خلوكم معتدلين شي .. (الله يوفق العنبر ويستمر على ما هو عليه)

اول شي حياك

الشي الثاني انا شخضيا لم اكن من المعارضين على العنبر .. وحتى كاتب ف الموضوع اسفون - صيغة الجمع - يعني جمعت الاعضاء كلهم .. وبالنسبه للاعتدال اتمنى من الكل الاستمرار عليها

وصدقني لو نزل مستوى العنبر راح استمر في تشجيعه لاني اعرف وش عنده

وااامين على دعوتك اللي قلتها

وشكرا ع ردك

إقتباس الرسالة الأصلية كتبت بواسطة تركي الوهبي اول شي كل مدرب يطالب بلاعب صندوق والي فاهم الكورة يعرف شنو لاعب صندوووق يعني ما عنده مهاره واذا طلع برى الصندوق يضيع خله بصندوووق وشوووف الي يسرك الكلام هذا ينطبق على محمد العنبر وهو معذور لانه مالعب اساسي من سنتين وحضه السيئ ان المهاجم الاول في اسيا يلعب معه في فريق وااحد بس اثبت ان الذهب لا يصدء وتذكرت كلام ابو مساعد يقول لو العنبر في فريق ثاني كان طالبنا به ليلعب للهلال انا من الذين انتقدوا محمد انتقاد حااااد واليووم اقووله اسف وتذكرت محمد العنبر الي قبل موسمين ابداااااااااااااع وان شاءالله يستمر على الحال هذا واكثر وينافس ياسر والصويلح على المركز رأس الحربه شاكر لك على هالمووضوع الرااائع وياليت كل الاعضاء مثلك اذا انتقد يعرف بعد يشيد

مشكور اخوي على ردك الطوييييييل

وبصراحه هذا بعض من اللي عند العنبر .. صدقووني .. وكلام اميرنا خير دلييل يوم يقول لو العنبر في فريق ثاني جبناه للهلال ..

وبصراحه صدقت انه يوم جاء هو وياسر ف فريق واحد اثر ع مستواه بناء على تشكيلة المدرب .. ولا ناقة له ولاجمل .. ولاننسى الاصابه اثرت عليه

وياليت بعض الاعضاء يفرقون بين الانتقاد .. والتجريح .. واتحدى اي عضو يثبت علي تجريح في اي لاعب .. انا انتقد .. وفقط انتقد انتقاد بناء ..

شاكر لك مرورك

إقتباس الرسالة الأصلية كتبت بواسطة ابوهديل لاتستعجل اصبر شوي ليه كم لاعب ضايقه بالهدفين يحمد ربه امام العبيلي واللي خلفه التايب كوره حتى الفريدي يسجلها واخوي الصغير بلاتطبيل

طيب خل اخوك الصغير يجي عشان يسجل لنا اهداف

ويلي والتايب .. والفريدي .. وكل لاعبين الهلال في مباريتين ماسجلوا .. بغض النظر عن الاسباب .. ف النهايه سيذكرون الهدف ولن يذكرون السبب ..

لم يكن ف الحضور الا العنبر واخوك الصغير طبعا

شاكر لك مرورك وردك

وسلم لي على اخوك الصغير

العنبر لاعب جيد ويستحق الاشاده بعد هذا المستوى