الحق المسلوب والظلم عادتك ياابن همام ؟؟؟!!!! - نادي الهلال السعودي - شبكة الزعيم

تركي الوهبي · #1 25/11/2008, 12:43 AM

بسم الله الرحمن الرحيم

السلام عليكم ورحمة الله وبركاته

هذا اول موضوع لي بصرااحه وطالع من قهر

قسم بالله
اول شي احب ابارك لكم النقاط الثلاث

من الاتفاق والله يوفقنا امام الفريق العنيد الليث الابيض ولكن نجومنا راح يكسرون خشومهم ونطير في النقاط الثلاث
وانا

متفائل بطبعي اذا شفت نجومنا في الملعب ما اخااف من اي فريق اخاف من فريقي بس انه ما يأدي واذا كانوا في يومهم نجومنا راح نفوز ونكسر روس الاتحاديين ان شاءالله وترجع الصداره لصاحبها الزعيم للزعامه

" الزعامه هي وحده والي يبيها والله صعبه "

ادخل في الموضوع الاساسي والي قاهرني

اتحاد ابن همام والحرب الخفيه على السعوديه وانديتها كل هذا مننا حنا لو اتحاد ثاني غير السعودية كان قوموا الدنيا علي اتحاد ابن همام بس حنا على نياتنا وساكتين وبعدها بدا ابن همام يلعب لعبته فينا من التحكيم والجائزة الاسيويه وغيرها وحنا ياغافل لك الله
ابن همام منقهر من التطور الحاصل عندنا ادري بتقولون وش تطوره بس شوفوا دورينا والدوري القطري دوري العواجيز وشوفوا تطور الكرة السعودية والكرة القطرية حنا وصلنا كأس العالم 4 مرات وقطر كأس الخليج ويخب عليهم حتى اسيا يطلعون من اول البطولة وحنا ولله الحمد كأس اسيا الاخيره شاركنا في منتخب شباب ومن غير خبره وحققنا المركز الثاني والكل كان يتوقع طلوعنا من البطولة في المراحل الاولى يعني حنا لو نلعب في رديف الرديف نقدم مستوى وننافس على البطولة وهذا الي قاهر ابن همام يبي الكرة السعودية تتراجع للوراء وتتطور الكرة القطرية الي اليابان عطاهم 3 مدري 4 في المباراه الاخيره وحنا فايزين على اليابان في بطولة اسيا في منتخب شباب وجديد شفوتوا الفرق
ابن همام دم اضروسه الكرة السعودية وما يبيها تنافس اكثر من كذا في البطولات الاسيوية وغيره
والمهم عندي وعندكم " نادي القرن الاسيوي الهلال السعودي "
ليه ياابن همام تحرمنا هاللقب !!لانه نادي سعودية والله لو نادي ياباني او كوري انه ياخذ هاللقب وبسهوله بس حنا الشكوى لله اتحادنا فيه عنصرية لبعض الاندية
المفروض الاتحاد السعودي هو اللي يطالب اتحاد ابن همام ويقوله الهلال يستحق هاللقب وش يمنعه ما ياخذه وهو زعيم القاره في البطولات الاسيوية وفي كل تصنيف اسيوي للاندية الهلال المركز الاول !! والله غريب ياابن همام وش تنتظر تنتظر انديه يابانيه او كوريه تتعدى الهلال في البطولات وتعطيها اللقب هذا !!
ابن همام تدعمه شركات يابانيه وكوريه وما يقدر يسوي شي لغرب اسيا ياخي ما تقدر تسوي شي اترك هالكرسي للي يستحقه ويشوف الدول وحده غرب اسيا او شرق اسيا ولا تحرج نفسك مع احد بس اذا كنت تستفيد من تحت الطاولة هذا شي ثاني ما نقدر نقوول لك استقيل لانك بلا ضمير ومستحيل تعدل الا اذا عاملناك من تحت الطاوله ياابن همام
بديت في الظلم على زعيم القارة ووقفت له في المرصاد كل مشاركة اسيوية في الـ 6 او 7 سنوات يتعرض لظلم التحكيم ويطلع من البطولة كل هذا علشان ما يبعد في البطولات ويسيطر سيطره كامله !!!
حسبنا الله ونعم الوكيل فيك ياابن همام ياعربي ياخليجي ياقطري ياجارنا !!
حنا مشكلتا مشكله مع الجيران منا ابن همام ومنا هالفقراوية الي اي ظلم يتعرض له الهلال في الخارج ويحتج يطلع لنا هالفقراوي ويشيد في ابن همام وقراراته !
وصرنا مثل حماس وفتح في فلسطين واسرائيل تلعب فيهم وتذبح منهم وهم الحرب بينهم حماس وفتح
لو اتحدوا صحافتنا واتحادنا السعودية الي ماعنده الا خطط مدروسة لاي ظلم يتعرض له المنتخب او الانديه السعودية كان والله لا ابن همام او غيره يوقف في طريقنا بس مشكلتنا الحسد هو الي يرجعنا للوراء الناس تطورت وتقدمت علينا وحنا مكانك راوح
تعرض للظلم سامي وبعده الشلهوب والصحافه الصفراء تشيد في ابن همام وختياراته
اجل المنتشري افظل من سامي !! وخلفان الله يخلف على ابن همام افظل من الشلهوب !! والصحافه الصفراء تشيد وتصفق لابن همام وبعد ما طلع سعد الناطح قصدي الذابح وهو ما يستحق انه يدخل القائمة قالوا هذي لعبه من ابن همام وانوااع الصياح والنبح على ابن همام ليه يعني نادي الهلال نادي مو سعودية يوم تصفقون ضده مع الغريب والله شي يقهر المفروض انا واخوي على ولد عمي وانا وولد عمي على الغريب مو العكس بس الشكوى لله لا اتحاد قوي عندنا ولا صحافه متحده مع بعض ضد اي شي يتعرض للمنتخب او الاندية واخرتها يطلع لنا سلطان بن فهد بعد الظلم التحكيمي وقوول ظلم وفساد ياخي من زماان وينك كنت نايم وتوك تصحى على المنتخب ياما راح نادي الهلال وذاق انواع الظلم من هالسركال مدري سباك مدري وش يقولون له رئيس التحكيم وتوك تشووف هالظلم اه بس والله قهر قهر قهر هالي نشووفه
اذا سلطان بن فهد يبي يعدل الوضع ويعدل في قراراته يطالب باللقب المسلوب ويرجع للراعيه نادي الزعامة واي ظلم يوقف في وجهه ولا يناظر للشعار هالنادي او لونه الانديه سواسيه وترفع اسم السعودية في البطولات الخارجيه
ولا يدعم ابن همام ويوقف جنبه ويرشحه للرئاسة مره ثانيه لا ابن همام ما وقف معه غيرنا حنا وصار منكم وإليكم طلع اللي بقلبه لنا !!
رضيت ياابن همام ام لم ترضى يبقى زعيم القارة ونادي القرن الاسيوي الهلال السعودية
والمعذره والسموحه عن عدم الترتيب والله طالع من قهر

والله يوفق الزعيم امام الليث يارب