السلام عليكم كيفكم شباب طيبن

يشباب الي عنده خبره والي شراء الموتر وشرايكم فيه

اف جي كروزر FJ CRUISER
من ناحية استخدامه وهل هو مريح وسرفيته للبنزين

وليت اهم شي كم سعره من الوكالة

السلام عليكم


والله شف السياره مع اثنين من العيال واللله مريحه مشاء الله وصرفيتها معقوله

وقويه بالبر يعني مشاء الله مايحتاج تشاور احد خذها وانت مرتاح

وسعرها بالوكاله مدري لاكن بالمعارض 115000 الف ريال لانهم شاريناه من المعارض

هذا اللي اعرفه

تحياتي لك

الحمدلله السيارة معي والله مرتاااح فيها وانصحك وانا مافيه سيارة اقتنعت فيها زي الإف جي عموما الله يكتب لك اللي فيه الخير

وبالنسبة للصرفية على حسب دعستك على البنزين والتانكي حقه صغير شوي 65 لتر تقريبا إذا كان فاضي مره تفلله بـ 37 ريال طبعا بنزين 95 لانه الأفضل للسيارة ويعطيك عزم وبالنسبة للبر فا مافيه مثلها نسم على 15 ومايردك بإذن الله شي

بس لا تشريه الا بداية 2009 كود السيارات ينزل سعرها .

s3ud KSA

زعـيـمـهــم كـلــهـم

مشكورين و ماقصرتو

إقتباس بس لا تشريه الا بداية 2009 كود السيارات ينزل سعرها

أن شاء الله تنزل اسعارها

إقتباس وبالنسبة للصرفية على حسب دعستك على البنزين والتانكي حقه صغير شوي 65 لتر تقريبا إذا كان فاضي مره تفلله بـ 37 ريال طبعا بنزين 95 لانه الأفضل للسيارة ويعطيك عزم وبالنسبة للبر فا مافيه مثلها نسم على 15 ومايردك بإذن الله شي

الله يصلحك

يا أخوي الددسن نسم الكفر على 15 وإرقى بها كل طعس

المفروض يكون عزمه قوي بدون تنسيم للكفر

وبالنسبة لك أخوي تراه ممتاز ولكن فيه مقطع باليوتيوب للإف جي كروزر وهو مبوش

بالله عليك مو حرام سيارة موديل 2008 ومبوشة؟

أنا من ناحيتي أعجبني الجيب وأعجبتني مواصفاته

ولكن

المفروض إنه عبداللطيف جميل يجيب لنا دفعه قير عادي وماكينه ثمانية سلندر

وصدقني راح يكون أقوى من كل السيارات

أوصيك بالإستخارة مرارا و تكرارا

انا والله احب هالجيب لحد الجنون واكثر الميزات الي أعجبتني فيه ان الأ ف جي له اكثر من

ميزة تفرقه عن اي موتر ثاني .. انا عن نفسي شكلة خاش مزاجي وبشكل غير طبيعي

لو تبيه حق بر مايعوق وان كانك راعي تظبيط وجنوط وهالحركات الحلوة يجي معك

وموتر شبابي ورسمي وحلو والله .. ويكفي انه تويتا بعد

بس انا انصحك اصبر لما تنزل الأسعار بعد الحج على بدايه 2009 وتوكل على الله وخذه

إقتباس الرسالة الأصلية كتبت بواسطة البرق الطائش الله يصلحك يا أخوي الددسن نسم الكفر على 15 وإرقى بها كل طعس المفروض يكون عزمه قوي بدون تنسيم للكفر وبالنسبة لك أخوي تراه ممتاز ولكن فيه مقطع باليوتيوب للإف جي كروزر وهو مبوش بالله عليك مو حرام سيارة موديل 2008 ومبوشة؟ أنا من ناحيتي أعجبني الجيب وأعجبتني مواصفاته ولكن المفروض إنه عبداللطيف جميل يجيب لنا دفعه قير عادي وماكينه ثمانية سلندر وصدقني راح يكون أقوى من كل السيارات أوصيك بالإستخارة مرارا و تكرارا

يا اخوي تقدر تتمشى بالنفود وانت ما نسمت لكن اريح للمكينه وبالتنسيم ترقاه وانت مرتاح ومريح السيارة

وبعدين بالنسبة للتبويش اخوي هذا من استخدام الشخص والله لو اكثر سيارة تحمل تعطيها بعض الناس يعدمها لك

وبالنسبة للإف جي ما فيه شد بلد 8 سلندر ابد كل الإف جي اللي موجود في انحاء العالم 6 سلندر الا فيه بعض الناس طبعا يعدلونه

و شكلك ما جربت فزت السيارة انا الحمدلله امتلكها ومافيه سيارة دفع ربعاي قامت علي قومة لكن الخط يجيبوني
و الإف جي يمتاز بالخفة وهي تعطيه الأفضلية وبالنسبة للقير العادي عبداللطيف جميل خافي عل سوق الربع لان لو جاب إ ف جي قير عادي راح يطيح سوق الربع وهذا على حسب كلام واحد من الأخوان

والله الموتر يمدحوونه

و ان شاء الله لي نصيب فيه ...

اول شي يكفيك انه تيوتا يعني قطع غيار يا بلاش

ثاني شي سعره مقبوول جدآ , و ان كنت تباخذه خذ فووووول كااامل و وكاله ...

ثالث شي صرفه مقبوول جدآ و حلو جدآ ...

والله يوفقك

الموتر روعه بس مايصلح لعائله وخاصه الباب الي ورا واعتقد سعره بالمعارض 118 والوكاله ب 113 ولد اختي شاري قبل شهر من الوكاله لازم طلبيه والله يوفقك ويعطيك خيره ويكفيك شره

لاتشتريه شكله بايخ
0000000000000000000000000000000000

إقتباس الرسالة الأصلية كتبت بواسطة ***عمر*** لاتشتريه شكله بايخ 0000000000000000000000000000000000

ليش بايخ صراحة شكلة مهبووووول وفخم ونشيط
وشبابي وكل مواصفاته حلوه
والصراحة انا منهبل عليه

هلابك اخوي
انا قبل كم من يوم كنت بالوكاله وسألت عن سعره
قالوا ( فيه نوعين النوع الأول بـ 105 والثاني بـ112 )
وطبعأ فيه اختلاف بين النوعين
لكن انا نسيت وش قال بس اذكر شي واحد الي هو ( غطاء الكفر الخلفي )
الي ب112 فيه غطاء والي 105 مافيه

تحياتي

من يوم شفت كلمة سرفيته غسلت يدي وسرفت نظري عن موضوعك