ما عليك من الي يقولك اقرا سورة البقرة
انا اقولك شيء و الله ما تقربك العين ..
1/ المعوذات ( الناس و الفلق و الأخلاص )
2/ اية الكرسي
3/ اذكار الصباح و المساء
4/ صلاة الفجر .. و من صل الفجر في جماعة فهو في ذمة الله حتى يمسي ..

ياموسوس

ماحكيت الا من غشامتك

بس ياليت تصور لنا سيارتك مع الحكه

برايفت :

ماودك تقول لنا عنوان موضوعك القادم؟؟

خذ من اثره اعزمه على قهوه او اي شي وخذ مثلن الباقي من فنجاله او عبس التمر او حتى امسح من اي مكان هو يجلس فيه وحطه في مويه ورش على نفسك و السايره

هذا اذا كانت عين !

ويمكن تصير توهم منك ممكن الحكه مثل ماقالو ياكثر ماتصير
والحرااره والتعب يكون شي منك انت لانك اوهمت نفسك بالتعب ويصير حقيقه


اللله يحفظ الجميع


.
.
.
بنت عبدالعزيز

إقتباس الرسالة الأصلية كتبت بواسطة وليد القحطاني جزاكم الله خير اخواني وماقصرتوا بصراحة استغرب من بعض الردود وتقول اني موسوس او شئ زي كذا ياناس ياعالم , ليش هاليوم جتني الحكة ! الرجال راح عند الاصطب وشافه ورجع .. وخويي ما اتوقعها منه , لانه قايل لي كم مرة الله يعطيك خيره ويكفيك شره وانا اول مرة ارجع فيها وما عرفت اسوق واحس بحرارة وجاني النوم وانا اسوق جزاكم الله خير ورده

وليد شكلك بـ تموت

هذي اثار الموت التعب والحراره والنوم

الله يرحمك يا وليد برحمته ماتهنيت بـ شبابك وبسيارتك

احسك مصور سيارتك وموزعها على طلاب الجامعه

صدقني وليد اذا مابعت سيارتك باقرب وقت راح تستمر معك الاعراض

وقلت لك بالاخير بتموت انا اقولك بعني سيارتك الي مدري وشهي

بنص القيمه احسن من انك تبقى طول عمرك كذا تحكك وتتخدر ويجيك حراره

قسم بالله انك انسان موسوس

إقتباس الرسالة الأصلية كتبت بواسطة هامور البورصه وليد شكلك بـ تموت هذي اثار الموت التعب والحراره والنوم الله يرحمك يا وليد برحمته ماتهنيت بـ شبابك وبسيارتك احسك مصور سيارتك وموزعها على طلاب الجامعه صدقني وليد اذا مابعت سيارتك باقرب وقت راح تستمر معك الاعراض وقلت لك بالاخير بتموت انا اقولك بعني سيارتك الي مدري وشهي بنص القيمه احسن من انك تبقى طول عمرك كذا تحكك وتتخدر ويجيك حراره قسم بالله انك انسان موسوس

تحطيــــم
+
تخويف
+
زيادة وسوسه

يؤؤؤؤؤ الله يعينك

انا اذكر مرة في اسال والمجلس يجيب تقول انك اليوم بتطلع سيارتك من الوكالة وكنت خايف من العين !!

صدقني الي فيك وسوااس واكثر من الذكر وقراءة القرآن وان شاء الله ينفك عوقك !

ويمكن تكون عين فالعين حق ,, واذا بغيت تتسبب اعزمه على مكان وجب قهوة وشاهي وكل انواع الاشياء الي ممكن تنشرب عشان ما يصير له عذر !

واذا الرجال رافض انه يشرب عشهم على اكل مااااااالح وكثر الحبحر عشان يطلب منك مووية << مسوي ذهين الله يصلحني

وان شاء الله تنحل مشكلتك

سلاميشو << مايقلد احد ابد

ياابني انت سألت عن العين قبل لا تستلم السياره وخايف من العين يعني لو بيجيها أي شي لو نقطة ما حاط ببالك انه عين

أنا ماأقول لا تخاف من العين بس قالوا لك وش الأشياء اللي تكفيك العين بعد الله موشي صعب قراءة الأذكار

ماأدري أنت مااقتنعت باللي حطوه وإلأا ما فاد معك العين قويه

الله يشفيك ..

أنصحك بأن تأخذ من أثره .. وأفضل طريقة .. انك تعزم خويك وتجيب اللي معاه ( اللي متوقع انه معطيك عين ) وحط لهم تمر أو رطب وخلهم ياكلون منه ..
وبعد ما بروحون جيب النوى وحط معه ماء .. واشرب من الماء واغتسل به .. وان شاء الله ستشفى ..
الطريقة هذي مجربة مع بنت من أقاربي والحين هي زي الحصان ( ماشاء الله )


وقدامك العافية

لو كان شيء سابق القدر .. لسبقته العين
هذا ماقاله المصطفى صلى الله عليه وسلم
حصن نفسك واكثرمن تلاوة القرآن
و خاصة في السياره
خذ اشرطة المصحف المجود وشغلها و تدبر ايات الله سبحانه
و اترك عنك الوسوسه تراها اشد من العين و ضررها اكبر
اسأل الله ان يشفي مرضانا و مرضى المسلمين جميعا وان يحمينا من شر كل حاسد

الله يحفظك ياوليد من كل عين خبيثه

ولاتنسى قراءة اخر ايتين من البقرة

تحياتي

هلا اخــوي وليـــد


يارجال كلها بالاصطب يعني ولا 500 ريال

اجل وش رايك انا كنت ابي ابيع السياره يوم الاربعاء الثلاثاء بالليل دخلت وجهيه السياره كامله


والله يعوضنا

لـ برهه فكرت بما انك موسوس يعني ليش ماتصير انت اللي صاك نفسك عين ؟

تراها تصير والله

إقتباس الرسالة الأصلية كتبت بواسطة مـ ـلـ ـلـ لـ برهه فكرت بما انك موسوس يعني ليش ماتصير انت اللي صاك نفسك عين ؟

إقتباس الرسالة الأصلية كتبت بواسطة مـ ـلـ ـلـ تراها تصير والله

ابو قحط

اذا طلعت من البيت قل دعاء الخروج ...
وان شاء الله ماراح يجيك شي

يا أخواني هذا ولد خاتي (( طيب من اللي جحدك ))


أعرفه أكثر منكم كلكم (( حركاااااااااااات ))

و الله إنه موسوس كبييييييييييير (( أسكت لا تتفقع ))

والله ما فيه إلا العافية


بس يحب يثير ضجة إعلامية (( وش دعوة !! صحفي ؟؟ ))


ما أقول إلا عيييييييييييب يا وليد هالضجة



ريح شديييييييييييد أنت وسيارتك


الرنج حقنا أحسن منها


قال إيش قال عين


عين ولا خشم (( لا والله اللي بتنرصع الحين يا ........ ))


أوكي هاه