التوصيف /

مستشفى التأمينات يقع بحي المنار شرق الرياض بالقرب من أسواق الربوه للخضار الدخول من مخرج 14 تقاطع طريق المطار .
وبدقه أكثر اذا كنت جاي من المطار تدخل مخرج 14 بأتجاه الشرق وبتكون اسواق الخضار على اليمين تمشي الى ان توصل اشاره على حرف تي وتروح يسار تمشي الى ان تصل للاشاره المروريه المستشفى بيكون على يمينك .

اي والله ياشباب

تكفون طالبكم واحتسبوا الاجر

في التبرع لولد خالي حمود الفايز

صدقوني ياشباب انه بين الحياة والموت

وخالي وزوجته واخوه واخواته في حاله يرثى لها

آآآآآآآآآه يا حمووووووووووووود

عمره 18 سنه ودايما كنا نسأله وش تتمنى

يقول أتمنى اكون لاعب في الهلال

طموحه اللعب في الهلال

يعشق الزعيم عشق جنوني

تكفون يازعماااء الرياض تكفوون تكفون

الشاب حمود في حاله حرجه

وان شاء الله يارب يكون شفائه بعدالله على ايديكم

والله حموود محتاجكم ومحتاج تبرعكم

احتسبوا الاجر اخواني فماعند الله لا يضيع

فما عرفتكم يا اخواني الا اخوانا فعلا في الازمات

ودمنا عشاق للزعيم..

تحياتي

أرجو أن تضع رقم جوالك أو رقم أحد معارفك لنتواصل معه

تحياتي لك

والله دمي B+ والله كان ابشر ولايهمــك .!!

ان شاء الله الاعضاء مايقصرون .!!

الهمه ياشباب الله يوفقكم


اللهم صلي على سيدنا محمد وعلى اله وصحبه ااجمعين


صمت999

فزعتكم يازعماء
,............,

عادات الزعماء الكرماء
فزعتكم يا كرام

بعد أن أكرمنا الله بالفوز على الاتفاق هذه الليلة

هذا ماتعودناااه منكم اخواني بيض الله وجيهكم

والله شي يثلج الصدر

الله يوفقكم ياشباب

والله انا مدري وش نوع دمي ولا عطيتكم كل دمي

تكفووون تبرعو له والله اني ا اعرفه اخلاق مشاء الله

تكفوووووووون يسكااااااان الرياض تبرعو له

الله يوفقكم ومشكورين على التفاعل بيض الله وجيهكم

الله يقـومـه بالسـلامه ،،
وعسى ربي يشفيـه من كـل سقـم ،،
والله يعين آهلـه ويصبـرهـم ،،
والولـد مآخبرنآ عنه الا كل خير ، والاخلاق الخيّره ،، وكلنا بندعي لـه ان ربي يقومـه

اللهم امين اللهم امين

بس تكفون التبرع ياشباب والله محتاج الولد

واللي يبي رقم الجوال يقولي ارسله ع الخاص

أرجو أن تضع رقم جوالك أو رقم أحد معارفك لنتواصل معه

تحياتي لك