21/11/2008, 11:39 PM
|
| زعيــم فعــال | | تاريخ التسجيل: 13/04/2007
مشاركات: 447
| |
| أنت خله الحين يلعب وبعدين قول "وش سوى لنا"، ما فيه إلا بطولة الخليج اللي ضيعها علينا، لكن هالكلام من متى؟ لو بنقعد نمسك على الناس، فترى فيه مليون غيره نقدر نمسك عليه بعد!
ما تذكر من صنع هدف ياسر مع تونس؟ من اللي صنع للحارثي هدف محقق اللي لولا قلة تركيز الحارثي كنا بنتعادل مع اسبانيا؟
يا أخي هداف الدوري حالياً نور، ومع أن ما عندي المعلومات اللي ممكن تسعفني، لكن أجزم أن اللي بيشاركونه هالصدارة في الأيام اللاحقة أمثال بو شروان ومتعب أغلب أهدافهم جت بفضل نور، وتقول لي وش سوى؟
قل لي الشلهوب وش سوى عشان يدخل المنتخب؟ قل لي حسين وش سوى عشان يدخل؟ (علماً أن نور تلاعب فيه الموسم الماضي وتسبب بطرده)
وبخصوص أخلاقه، والله ما شفته جاي طاق على باب بيتك يبي يخطب عشان تكلمني عن أخلاقه.
لو عندك سبب معقول يمنعه من المشاركة حتى كاحتياطي في المنتخب، فعطنا اللي عندك، ولو ما كان عندك شيء غير المهايط، فرح نام ترا بكرة مدرسة. |
الوضع العادي
