21/05/2002, 09:59 AM
|
زعيــم فعــال | | تاريخ التسجيل: 15/08/2000 المكان: روضة سدير
مشاركات: 205
| |
من ارشيف الشياب رفيقكم مهوب كبير لكن الوقت يمشي بسرعة والا توني ابو سبعتعش او حولها بس اللي معلمني عن ذا المباراة جدي الله يرحمة اللي توفى قبل 30 سنة
عام 1386 هجريه ، 1966 ميلادية اقيمت مباراة بين الهلال واهلي الرياض الاسم القديم الذي غيروه عقب وسموها اليمامه ثم الرياض .
بعد بداية المباراة بخمس دقايق جاب الاهلي قول جابه مبارك الناصر ثم تعادل الهلال بقول لمبارك عبدالكريم على طول بعدها بثلاث دقايق جاب زيد المطرف ( والد او عم عبدالله المطرف لاعبنا الشاب ) هدفين وراء بعض سكتت اللي في ملعب الصايغ الترابي طول الشوط الاول .
بدأ الشوط الثاني وانتفض مبارك عبدالكريم وسلطان والكبش وزين العابدين والدبلي ونبيل الرواف وعبدالله الرزقان وسعيد بن يحي وفهد بن نصيب وسالم اسماعيل ووراهم عبدالله سوا رحمة الله عليه وقلبوها على الاهلاويين وسجل خمسة اهداف متتالية جعلت الجمهور يشيل الملعب شيل بالتشجيع لتنتهي المباراة سته للهلال مقابل ثلاثة للأهلي وكانت على نهائي كأس ولي العهد للمنطقة الوسطى حسب التصنيف أنذاك .
انتهى ما رواه رحمة الله . |