20/05/2002, 02:34 PM
|
| زعيــم نشيــط | | تاريخ التسجيل: 14/01/2001 المكان: السعوديه
مشاركات: 636
| |
|
غزل بالفيصليه الله يعديكم شره
بصراحه هذا الموضوع وصلني بالايميل ويموت من الضحك ..صحيح أن
الموضوع طويل لكن صدقوني بتستمتعون مع سعيدان وأخويه:
صديقي سعيدان مصر " من اصرار " مهوب دولة مصر المهم الرجال مصر
على أني أدخل الفيصليه ..وبصراحه من زمان نفسي أشوف هالفيصليه
اللي يقولون عنها ....
أنا: لكن أنت عارف ممنوع دخول الشباب ماأقدر ياسعيدان كم مرة
أقول لك هالكلام ؟؟؟؟
سعيدان: طيب وش رايك ..بيني وبينك ..
رح للفيصليه على انك بنت......
قلت له :بس..بس صعبة.....لا لا لا ماأقدر أنا أصير بنت الله يسامحك
قال: انت ادخلها اول بعدين يصير خير...قلت بس مره صعبه؟؟.
.قال: انا اساعدك بس انت صمم..
طقيت صدري وقلت تم..الوعد ليلة الخميس...
بس ش الاشياء الي رح احتاجها...قال: اسمع لازم عبايه وتنوره وبلوزه وجزمه..اوكي..؟
قلت اوكي...قال: ايه صح لاتنسى تشيل شعر يدك..اوكي اتفقنا.. ؟
قلت افى عليك..يوم الخميس راح تشوف حوريه تمشي على الارض والشباب من وراها...افوااااااج...
ومن هنا بدت رحلة الاستعداد والتجهيز...واول شيء سويته رحت للسوبر ماركت ادور مزيل شعرممتاز..واول نوع لقيته مكتووب عليه سهل في الاستخداام وبدوون اي الم.. تذكروا بدووون اي الم...
بعد كذا رحت محل ملابس جاهزه..دخلت السلام عليكم...القى عندكم تنوره وعبايه على مقاااسي.؟..(اللي يبيع وهو على فكره يمني)ايش يا ولد..ايش تقول على مقاسك..؟؟
انا:لا لاتفهم غلط..قصدي لاختي..بس اختي مقاسها مثل مقاسي..
اللي يبيع:ايييييييه قوول كيذا..ربنا يهديك فكرتك!!..على العموم ايش نوع العبايه الي تبيها اختك..؟؟ ..
انا:اي نوووع ما تفرق ...
اللي يبيع: بس كيف تحبها قصيره ..طويله ...؟؟..انا: لا ابي اطول شيء وارخص شيء..
اللي يبيع:ايش هذا الكلام في احد يبخل على اخته ؟؟
انا:هي اختي الحين والا اختك..أنت قاعد تبيع والا تحقق؟؟
.....المهم واشتري التنوره القصيره مع الشراب الي يسمونه ذاات لمعه برااقه...مع الجزء العلوي من ثوبي الي قصيته..الحين احد بيدقق ..
.و اول شيء بديت اقرأ تعليمات الحلاوه...بللي بشرتك التي تودين ازاله الشعر منها..اضيفي قليلاً من المسحوق وانتظري خمسة دقائق..ثم ابدأي بنزع المسحووق وبنعومه ولطف سوف ترين كيف ان الشعر يزال بسهوله وسلاسه..وسويت كل شيء وبعد خمس دقائق(اااااااااااااااااااااه...اوووووووووووووه..اي اي اي ... الم ..والمشكله ما يروووح..اييييييييييييييي مايروح الشعر شالمشكله..
واقرأ التعليمات بالصفحه الثانيه ملحوظه مهمه:...لاينصح باستخدام هذا المسحوق لمن هن ذوات شعر كثيف او الرجال... بدري...الحين تقولون لنا....وبعد معركه طاحنه قدرت اطلع بنتيجه...المهم والبس الشراب ذواات لمعه فائقه...
وانا طالع لقيت جزمه الظاهر أنها جزمة الشغاله واخذها بسرعه واروح للسياره واتجه للموقع.. هارفي نيكلز وادخل المواقف واتلفت يمين..يسار.. ما في احد..وبحركه مباغته البس الملابس والعبايه..ايه واهم شيء (البرقع)ومن المواقف بدأت المغامره" فتاه بكامل انوثتها" أوووه لا لا ...اخ ياالقهررر...نسيت الشنطه..بنت وبدون شنطه ما تجي...ارجع للسياره واخذ التلبيسه وامسكها من طرفها كانها شنطه وامشي فيها...وهنا حانت لحظه الصفر....دخلت الفيصليه.....صحيح ما دخلتها مثل ما تشتهي نفسي مكتمل الرجوله ومدشناً بالكروت المعطره...دخلتها بعد اعوام من الحرمان والطرد وطيحت الوجه...دخلتها والشوق في داخلي...شوقي لها....دقيقه ويدق علي سعيدان...ترن..ترن..ترن وارد عليه..:
انا:هلا.؟
سعيدان:هههه هذا انت الي قدامي وش هالشكل؟..طرحتك مايله كأنها شماغ اخوي الصغير...بعدين لا تسرع يالدلخ ما في بنت تركض بالسوق وهي تحكي وتعلق وانااااااااااا سااااارح..
الا واسمع صوت ضب من وراي يقول..مساء الخيروالاحساس والطيبه...التفت وليتني ما التفت.. صدمني بدقة كتف ...واقول له بصوت ممطوط: وجع وش تبي ورانا ورانا حتى بالفيصليه؟..
ويرد علي ويقول وش دعوى تونا ما حكينا ويمد لي ورقه صغيره..واصرخ بوجهه ..كل هذا بخل ما عندك كرت مثل الناس...
(في هاللحظه الطرحه تهتز امامي واقوم انا بحركه غير مقصوده وازينها كأنها شماغ)الجوال يرن
...... هذا سعيدان..
سعيدان:ياغبي وش مسوي انت.. زين طرحتك لاتنسى انت بنت....انا:ايه صح نسييييت...المهم وبعد ما زينت شكلي ركبت المصعد
مع شابين اموووت واعرف من وين يدخلون حتى الفيصليه فيها واسطه)المهم..مازال تاثير اني ولد فيني...جالس وسط الولدين ويرن الموبايل مره ثانيه .. أووووه هذا سعيدان ..
سعيدان:...ياغبيه..قصدي ياغبي..فيه بنت توقف وسط شباب...ابعد عنهم خلك ثقل...وارجع واجلس في الزاويه
ويبدأ واحد من الشباب ويبتسم ويقول لي(يسلم هالطول)(اجل طوول..تتطنز..اي طووول الي تحكي عنه)
..الشاب:ليت ماعلى الارض الا انا وانتي ياقمر...
المهم بدت عظامي ترتجف بيني وبينكم اول مره اسمع كلام حلوو...وقلبي يدق بسرعه..
وشوي شوي ويقترب الشاب مني وقتها مت خوف...واول ما وصلنا طلع الشاب الاول وشبكني مع صديقه..الي طلع لي كرت معطر وسلمه يد بيد..كان ودي ارفض الكرت اسوي فيها ثقل بس اللقافه الي فيني...
.ويقوول لي: ياليت لو نتقابل انا وانتي برا السوق في مكان هادي قلت له ايييييييه طيب ... قال ايش... قلت لاولاشيء انت تامر أمر.
..اوكي عيوني انتظرك الساعه ثلاث الفجر لاتنسين تدقين...واول ما انفتح الباااب جلست اركض كاني هبله...وفجأه يرن الجوال...
..سعيدان:انت متى تبي تتعلم تصير بنت محترمه..كم مره اقول لك لا تركض وبعدين رد على الموبايل بسرعه صدقت انك بنت ...المهم اخذت اكمل لفتي في الفيصليه الا واشوف بنتين ..... تجي الاولى وتقول لي : يا ربي الحلو ثقلان لييييه...نعم الظاهر انهم يكلموني...تقول الثانيه مالقيتي تغازلين الا هنا بتاكلين السوق علينا؟؟ الاولى: قولي شيء... على العموم ياحلوه هذا كرتي اذا طاب خاطرك من العيال ومليتي منهم عطينا خبر احنا شله بنات نجتمع في استراحه برى الرياض كل ويك اند ... لا تخافين يا حياتي احنا محترمات..واخذت كرتها.
.اول مره في حياتي اخذ رقم بنت ولا اقدر استفيد منه..
..وانا امشي اشوف ثلاث بنات..وثلاث عيال..الاولاد3 على 3 قسمة عدل سبحان من جمعنا بدون ميعاد...
البنات:-يا ريييييييييي...كح كح كح قديميييييين....
الاولاد:-اصلا من شافكم تحمد ربه كنكم غسالات البابطين....
البنات:-طالعوا من يحكي..رح طالع شماغك اول الي كأنه خيمه ..... وقتها مريت انا... الاولاد:- ياحلوه وش رايك فيني تكفين خذي رقمي..وانا اللي أسحب الرقم ...
.وفجأه البنات صرخوا فيني:-لا يا السياحيه..مو اي رقم تاخذينه ... قلت لها بنفس البراءه:- يعني ارجع الرقم...وفعلاً رجعت الرقم... والبنات يضحكون ويقولون:- هههه سوينا الي في راسنا..
.الاولاد:- أفى عليك يا حلوه تسمعين كلامهم.. .
البنات: حلوه هههههه تسمون هذي حلوه لو ما احنا خايفين نجرح مشاعرها كان قلنا ولد لابس عبايه (وهنا طاح قلبي وقلت بس انكشفت)
الا وحده من البناات تفك اللثمه وبيني وبينكم مو حلوه الا...قمر المهم.. التفتت البنت وقالت للاولاد:- هااه ش رايكم منهو الأحلى؟ .
..وقتها حسيت أن البنت قاعده تهيني فلازم ما اسكت على هالاهانه وارد شوي من اعتباري...قمت ورفعت عبايتي وطلعت الشراب ذات اللمعه الفائقه...هكذا الاغرااااء والا فلا.... بس للاسف ما عطوني وجه واللي قهرني رجعوا وخذوا الكرت من يدي....تحطيييييييييييييييم
و بعد ساعتين دقيت على سعيدان عشان يجي ويتعشى معي بس شكله شبك مع وحده ...المهم رحت للمطعم وبغيت اروح فيها لولا الهندي حق المطعم الي عطاني خبر اني جالس وسط قسم الشباب والكل يطالع فيني...وادخل قسم العوائل وبعد ما خلصت وانا رايح لدوره المياه .... اي وحده ادخل!!؟؟ الرجال والا النساء...اخر شيء توكلت على الله ودخلت حقت النساء...ومثل ما طلعت مثل ما دخلت اشوف بنات يزينون الميك اب حقهم قلت خل احتك واسوي مثلهم..رحت وبللت اصبعي وجلست ازين حواجبي..الا البنات اللي جنبي يطالعون فيني وكل وحده فاتحه فمها على الاخير..طالعتهم بعين وقلت وانا معصب..نعم..ماعمركم شفتوا بنت شينه؟؟
... والله مشكله.....واول ما طلعت من باب دوره المياه الا واشوف صاحبناالشين قدامي (الضب)
الضب :ياعيني على هالجسم والعيون...انتي ملااااك..
عاد انا واصله معي من جد : شف ترى اذا ما انقلعت من وجهي .. ترى ابنادي الهيئه عليك ..
الضب :كلكم كذا يعني لازم ولد ابيض وطويل...اهم الشيء المضمون.
انا: مضمون؟؟ انت ما في وراك مضمون ولا قدامك كلك على بعضك سالب.
.ويطلع لي ورقه قاطعها من فاتوره ويقول ياليت لو نسمع صوتك...الا وفجأه يمسك يدي وقتها وقتها بس قمت اصاااااارخ..
.والله انك ما تستحي على وجهك.. وآخذ جزمة الشغالة الي كنت البسها واخليها على راسه..قام الولد يركض وانا وراه مافيه الا ملاحق ورميت عبايتي وقمت اركض وراه بالجزمه والولد المسكين يصارخ خلصوني منها..واحنا نركض ورجال الهيئه قدامنا
الهيئه :انظر تلك الفتاة المسترجله ... رد عليه الثاني:- انها ليست فتاة بل فتى هلم بنا خلفه
..ويركضون ورانا..والشباب افواج افواج....
آآآآه يالقهر
..وينك ياسعيدان ؟؟؟؟
|
الوضع العادي
