الانتظار او المعاناه ؟! وماذا لو كان الانتظار والمعاناه معاً ! - نادي الهلال السعودي - شبكة الزعيم

موديل توب · #1 13/11/2008, 01:14 PM

بسم الله الرحمن الرحيم
السلام عليكم ورحمة الله وبركاته
تحيه طيبه وبعد .. <~ خطاب

الانتظار او المعاناه ؟! وماذا لو كان الانتظار والمعاناه معاً !

بصراحه لما تعاني شيء صعب وماتحس بصعوبته الا اذا مر عليك جربت معنى المعاناه الحقيقي

وشيء صعب لما تنتظر ويطول الانتظار وماتحس بطعم الانتظار الا اذا جربته واظن مافي اخد في الدنيا ماقد جرب الانتظار

لكن ...

الاصعب ان تعاني وتنتظر ! <~ يتفلسف

موقف على الطاير توه طازه

ومااخفيكم هو من جعلني اكتب الموضوع

نبدأ بسم الله

شفتم هذي

خلتني اعاني وانتظر

وبصراحه يوم جات حسيت اني في حلم

بقول لكم السالفة من البدايه قدمت على سيارة كامري 2009 .. رحت احد الوكالات وطلبت السيارة ولون نفس هذا الموجود بالصورة الي هو ازرق معدني <~ لعيون الهلال

المهم طلبتها قال اخذ المعلومات طبعاً يعني معرفة من بعيد الى بعيد <~ مايقرب لي

المهم طلبتها قالي الحين لاتدفع شيء قلت ليش قال يمكن تحصل سيارة غيرها وتعجبك وتغيرها

<~ انا اسغربت

قلت خلاص متى ان شاء الله قال ان شاء الله خلال 3 ايام هذا الكلام في 18 رمضان يعني قلت ان طولت طولت بستلمها قبل العيد بيومين او بيوم

المهم انتظرت وطال الانتظار

اتصلنا عليه قال السيارة الآن في سفينه في الدمام

يعني قال ان شاء الله كلها 3 ايام او اربعه وراح تتوزع السيارات حسب الطلب وان شاء الله السيارة المطلوبه من ضمنهم قلت له ان شاء الله

جاء العيد وانتهى وراح اتصلنا عليه ترى يااخوك الفترة طالت ويعني مايصير قال ان شاء الله 100% في هاليومين تستلمها قلت ان شاء الله

جاء اليومين واتصلنا عليه قال السيارات في السفينه قلت لو انه فلم تايتينيك <~ طبعاً الفلم مشهور والي طالعه راح يعرف النغزه

المهم هو انا بصراحه عندي الانتظار صار مش ولابد

رحت 2 وكالة لسيارات تويوتا في نفس المنطقة وطلبت مفس المواصفات ونفس اللوان حسيت ان كل شيء بصراحه بعد يومين جاء اتصال قال في لون جديد للكامري يمكن يعبجك ومدري ايش قلت خلاص بجي اشوفه ورحت واحس ذاك اللون اطلق

قلت لا ماابيه ابغى ذاك قال على راحتك

انتظرت وطال الانتظار وجاء وقت المعاناه

قلت لازم من الوكاله

طلبت من 3 معارض طبعاً تجي السيارة مصفره كلها اصفار

صار الحين

3 وكالات

3 معارض

والله لو انها شبح كان طلعت

حتى يوم وانا افكر حسيت اني ماطلبتها

المهم بعد المعاناه والانتظار و .. و ... احس راسي خلاص ابغى السيارة وبس كلمتهم كلهم قال اللوان مطلوب وصعب تجي بهالسرعه وقال لاتنسى ان السيارة توها جديده يقصد الموديل يعني ويبغالها فترة قلت له وش الالوان الموجوده قال في فضي وذهبي

قلت له الي فيه عطني اياه الي هو الفضي او الذهبي

وانا ماودي بس الانتظار صعب

المهم قلتله متى تطلع قال بكرا اتصل عليك هذا الي هو حق الفلم

ولا اتصل ولا شيء قلت الي كاتبه ربك بيصير

المهم بعد كم يوم جاء اتصال وقال السيارة وصلت ونفس اللون بس المواصفات اعلى والفرق 4 الف تقريباً قلت خلاص بجيك بشوف اللوان اذا هو اعتمد ورحت شفته والله هو وانا فرحان

قلت له متى استلمها قال بكرا العصر وطيب والوحه

طبعاً توجهت لاحد المكاتب حق المعاملات حق الوحات قال الحين مافي الا ذول الوحات

تكفون لاحد يضحك

أ ط ر = اطر

ورقم مدري عنه

بصراحه حسيت بقهر وقلت معصي اخذها مابقى الا هي قال بتتأخر السيارة اسبوع قلت تتاخر الي خلاك تصبر 2 شهرين وكم اسبوع طبق 2 الشهرين واسبوعين هذا الكلام كان يوم الثلاثاء

حاولت اجيب واسطه شيء منا مناك مافي وفي النهايه حصلت واحد قال شوف اللوحات الجديده موجوده بس ماراح يتم توزيعها الا اذا خلصت اطر

قلت ياصبرك ياايوب

<~ اقصد فهد

المهم جاء يوم السبت قال الوحه وصلت وبعد ماكنت ابغى اي لوحه الحين اختار رقم مميز والحمدلله طلعت لوحه الحين الكل يقول كم تبيعها

وطلعت يوم السبت والحمدلله بعد معاناه وانتظار

وبيني وبينكم الى الحين الوكالات لا احد اتصل ولا شيء بعد لو مااعرف راعي المعرض والله للحين على طمام المرحوم

<

والحمدلله بعد طلب من 3 وكالات و3 معارض

طلعت

والحمدلله على كل حال

ـــ

اذكر احد المواقف صادفتك فيها انتظار
او
اذكر احد المواقف صادفتك فيها معاناه
او
اذكر احد المواقف صادفتك فيها معاناه وانتظار

اتمنى ان يكون الموضوع خفيف عليكم وعجب الكل
وانا اصبت فمن الله وان اخطئت فمني ومن الشيطان

ورده