||
بسم الله الرحمن الرحيم ..
اولا هذه اول موضوع او ثاني موضوع اشارك فيه المجلس العزيز والغالي على قلوبنا جميع , طبعا اشاركم اليوم بموقف او قصه او شئ من هالقبيل ..
الاسبوع الماضي كنت في الرياض , في مقبرة ما , طبعا رحت هناك , عشان نشيع جنازة ابو محمد رحمه الله , طبعا هذا احد شيبان الجماعه الله يرحمه ويغمد روحه الجنه , طبعا ابو محمد كان فيه احد الأمراض كفانا الله وإياكم شرورها , وكان في المسشتفى قبل موته بحوالي 4 الى 5 أشهر , طبعا ابو محمد رحمه الله على مااتوقع انه توفى دماغيا , وبعدها جانا خبر وفاته والله يرحمه ويرحم جميع اموات المسلمين ..
طبعا قد البعض يستغرب من العنوان والهمجيه اللي يحملها , يعني بالعقل وش دخل المطر في القبل ووش دخل السؤال في المطر وو ..
خلوني اشكر لكم أحبتي , ابو محمد يوم كان في المستشفى كان يسال احد ابنائه عن الامطار والخيرات اللي هلت علينا في الاسبوعين الماضين , وكل ماقعد هالولد يسئله عن المطر وشلون وكيف ومتى ووو ..
طبعا بعد ماتوفى ابو محمد الله يرحمه , دخلنا المقبره بعد الصلاه في جامع الراجحي بالرياض , طبعا كان المطر ينزل بقوه غير طبيعيه في ذالك الوقت , طبعا جنازة ابو محمد الله يرحمه في سيارة الاسعاف , والمطر كان قوي بشكل غير طبيعي زي ماذكرت لكم , المهم ياأخوان وياأخوات , لما وصلت سيارة الاسعاف او السياره اللي تحمل الاموات رحمهم الله جميعا , وقف المطر بلحظه واحده ياسبــحان الله ..!
وتخيلو وقف لين خلصنا من دفن الاموات جميعا , وبعد ماحطينا الخرسان الابيض الذي يعتبر هو أخر مرتحل الدفن , ضرب المطر بغزاره اقوى من اول , وكان سبحان الله , موقفا عجيبا , مدري يمكن البعض مافهمه ولكن باأختصار بقوله ..
ان ابو محمد كان يسأل عن المطر هل هو قوي خفيف وو .. نزلت جثته من السياره وقف المطر , يوم خلص الدفن عاد المطر الى غزارته من جديد ..@
هذا احد المواقف التي حصلت لي , وابغاكم , تعطوني رأيكم في هالموقف ووش شعوركم بصراحه ؟ و العلاقه التي تربط المطر و القبر وسؤوال ابو محمد ؟ الله يرحمه ..
وعذرا على سوء التنسيق , وبعض الاخطاء الاملائيه , ولكن حماسي ان انزل الموضوع كان فوق كل هذا .. Mohammed Al-Harbi .