09/11/2008, 12:10 PM
|
 | زعيــم فعــال | | تاريخ التسجيل: 27/05/2005 المكان: حائل
مشاركات: 241
| |
|
قصيدة على لسان السجين عبدالله بن فندي الشمري عنه نواف نهير العلوي
وين المليك اللي نجا من لجأ به
وين المليك اللي يفك المساجين
وين المليك اللي كسته المهابه
اللي تخاضع له جميع السلاطين
وين أنت ياسلطان راس النجابه
وين أنت ياملحق لتال المخلين
عضد المليك ونايبه في غيابه
وين أنت ياكعام الطغاة المعادين
ويانايف أمن المملكة يقتدابه
أمن وأمان وشرع والخيربالدين
أنت الغضنفر بأمننا وأنت دابه
قريص نايف مايفيده مداوين
وسلمان رأس المجد مبطي رقابه
أبو فهد يعرف بكب الملايين
وياريس البيعة نجح من هقابه
مشعل ثقتنا به تفوق البراهين
حكامنا هضبة دفى والذرى به
من لاذ فيهم لاذ ما يلحقه شين
أنا سجين الضيم ماحد رضى به
عشرة وعشرين وأنا بالمساجين
والسيف هاليومين جود نصابه
وان ما فزعتوا صرت ضمن المذكين
لي قصة كل قراه ودرابه
طلعت أنا براه ضمن البريين
وردون للسجن الغبر في طلابه
وقصوا علي صك قبل جيم من سين
على شرف مابه دناة وعيابه
ألا مقاشر عند حد البساتين
وحنا أول وأياه عشنا بحبابه
أقرب وأحب من الربوع القريبين
بني رشيد اليوم مابه ومابه
تكفون ياعبس الشرف يالشريفين
وياحض من حناش وضعه سعابه
وين أنت ياحناش وين القحاطين
تكفون ياقحطان وأنخو عتابه
ياوين برقى وروق وين الشيابين
ياسبيع يامرة وحرب الحرابه
وين الهواجر وين ربع ابن حثلين
وين البقوم وأين باقي شبابه
وأنخوا لنا المطران وكل العنزتين
وأنخوا جهينه مع بلي ياقرابه
وأنخوا لي الناس الثقال الشهيمين
والطيب اللي ياوقف ينتخابه
يمكن نسيته لأننا حيل عجلين
لاوا عذاب القلب لاوا عذابه
ودي أعيش بوسطكم عدة سنين
هذا هبوب البين ويق غرابه
يالله يالمعبود ياربي آمين
اكتب لنا الخيرة وأنا النفس طاب
لكن همي هم غوش صغيرن
السجين المحكوم عليه / عبدالله بن فندي بن سعيد الشمري
عنـــــــــــــــــه / الشاعر نواف بن نهير العلوي الشمري |
الوضع العادي
