... ][ السلام عليكم ورحمه الله وبركاته ][ ...

بالبدايه الله يشفيكم ان كانكم تعبانين بالزكام مثلي الحين

اكيد اكثركم تأثر من البرد وتغير الجو ..

ع العموم بلادنا بلاد محافظه ولله الحمد

ولكن لماذا الاماكن البعديه عن وسط المدينه تكون مفلوته ولافيها امان .. ؟

حبابين وسكرانين وامور اخرى كثيره

هل امن الطرق بالاماكن مثل العاذريه والاماكن الي بجانبها تعتقدون انه كافي ..؟

والله ياعيال ان واحد معه شاص رقى فوق دوارات الثمامه وقام يرقص هل هذا صاحي اكيد شارب له شيء

ووناس كاشتين وطبول وطيران وطق وهز بوسط هالبران ..!

وبلاك وبلاوي تجدها منطوله ..!

وبالجانب المقابل اعجبتني فكره اقامه المحاضرات بمخيم بجانب طعس التحدي

خصوصا بهالاوقات لذهاب اكثر الشباب هناك

لكن مضمونها كان موب بالحيل

بحيث ان المطاوعه خصوصا واحد اسمه ابو سالم مسيب ابو الوضع

طبعا هم مخلين الدعوه فرفشه ولكن زودوها حبتين

جا واحد قال عندي .......... جا الشيخ قال لا عيب قل عندي طرفه وهو يضحك ...!
فهمتوها طبعا


وبالمقابل شيخ اخر يقول لشاب تعال شارك واعطيك كامري تلف عند مدرستكم فيها ...!

وطبعا بالتناوب اتى مطوع ثالث

وقال قسم بالله بعطيكم شراب خطير الحين بيجيكم ...!

قال شراب راائع وحلو وش يقصد بكلامه ...!

وبالاخير طلع مويه طبعا

بس يعني ماله داعي تفتيح عيون

خصوصا من هالي نعتبرهم متشددين بالدين

ومدى سلبياتهم على الشاب وهم بنظرتهم انها صحيحه

طبعا انا ماعمم ولا شيء لكن رؤيه عيني تشهد


ع العموم انا اعلم ان نواياهم صافيه وتريد الخير ولكن ليس هذا الحل لجذب الشباب


س1 _ هل المحاضرات اصبحت تفيد الشاب مثل اول .. ؟

س2 _ هل تعتقد برائيك الشخصي ان ماحدث من الي شفته شيء عادي


ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ


الدنيا صغيره جداآ


<<<< ياحليله


ايه نعم الدنيا صغيره جدا وموقف غريب عجيب


عضو معنا بالشبكه ماكنت اعرفه ولا شيء

وتعرفت عليه عن طريق الماسن >>> مهب دعايه ابد

وتعمقنا بالسواليف تعمقنا وتعمقنا ووصلنا لسواليف العرس والقلق

وجيت سئلته قلت ياخي انتم عندكم عرس وقلق مثلنا قال ايييه اسكت بس



قلت ياخي انا كنت بعرس امس ومكان العرس .....

قال هاه كيف وش لون احلف كيف ض1

وبالاخير العرس هذا الي رحت له هو راح له وصار يقرب لي وانا اقرب له

شفتو كيف الدنيا صغيره


حضرت لمباره الهلال مع الرائد مع ابن عمتي


ورئينا صديق ابن عمي >> يمديكم على رئينا

المهم الا جا ويسلم علي طبعا هو معنا بالشبكه

والا اشوف معه الاخ الي يقرب لي معه وهو صار خوي صديق ولد عمتي

ناشب لنا ناشب

واخر مواقف الصدف معه ان اعز اخوياه يقرب لي



هههههههههههههههههههههههههههههههه

يعني صله القرابه ملازمتنا بالغصب

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

توهيقه على الطاير

واحد كان طالع مع خويه ويصرف خويه على انه مواعد ولد عمته

وهو بالاساس مواعد زميل اخر له وخويه يعرف هالزميل

ذهب هو والزميل لمطعم لتناول العشاء اذ به يرى خويه الي صرفه


لو صار لك هالموقف وانت الي صرفك خويك وهو يكذب عليك

وش رده فعلك .. ؟

ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ

قمه النذاله

انك تصمل انك تطلع للعاذريه انت واخوياك بسيارتك

واذا وصلتو للعاذريه تهون وترجع وتقول مالي خلق خلوها بعدين

ـ ـ ـ ـ ـ ـ ـ ـ

( الموضوع عباره عن شطحات متباعده ولكنها جميله )


+ الاحداث الي بالقصه التوهيقه والنذاله مب انا طرف فيها ولكن من ناس اعرفهم ..!



اخوكم \ عبدالله ورده