|
][ العـــاذريه والمحاضراُت السلبـيه + الدنيــا صغيــره جداآآ + توهيقات مع تشكيله نذاله ][ ... ][ السلام عليكم ورحمه الله وبركاته ][ ... بالبدايه الله يشفيكم ان كانكم تعبانين بالزكام مثلي الحين :cry: اكيد اكثركم تأثر من البرد وتغير الجو .. ع العموم بلادنا بلاد محافظه ولله الحمد :) ولكن لماذا الاماكن البعديه عن وسط المدينه تكون مفلوته ولافيها امان .. ؟ حبابين وسكرانين وامور اخرى كثيره :bigeek: هل امن الطرق بالاماكن مثل العاذريه والاماكن الي بجانبها تعتقدون انه كافي ..؟ والله ياعيال ان واحد معه شاص رقى فوق دوارات الثمامه وقام يرقص هل هذا صاحي :biggrin2: اكيد شارب له شيء ووناس كاشتين وطبول وطيران وطق وهز بوسط هالبران ..! :wacko: وبلاك وبلاوي تجدها منطوله ..! وبالجانب المقابل اعجبتني فكره اقامه المحاضرات بمخيم بجانب طعس التحدي s60s خصوصا بهالاوقات لذهاب اكثر الشباب هناك لكن مضمونها كان موب بالحيل بحيث ان المطاوعه خصوصا واحد اسمه ابو سالم مسيب ابو الوضع طبعا هم مخلين الدعوه فرفشه ولكن زودوها حبتين :d جا واحد قال عندي .......... جا الشيخ قال لا عيب قل عندي طرفه وهو يضحك ...! فهمتوها طبعا :stoned: وبالمقابل شيخ اخر يقول لشاب تعال شارك واعطيك كامري تلف عند مدرستكم فيها ...!:bigeek: وطبعا بالتناوب اتى مطوع ثالث وقال قسم بالله بعطيكم شراب خطير الحين بيجيكم ...! :shocking: قال شراب راائع وحلو وش يقصد بكلامه ...! وبالاخير طلع مويه طبعا :d بس يعني ماله داعي تفتيح عيون خصوصا من هالي نعتبرهم متشددين بالدين ومدى سلبياتهم على الشاب وهم بنظرتهم انها صحيحه طبعا انا ماعمم ولا شيء لكن رؤيه عيني تشهد ع العموم انا اعلم ان نواياهم صافيه وتريد الخير ولكن ليس هذا الحل لجذب الشباب س1 _ هل المحاضرات اصبحت تفيد الشاب مثل اول .. ؟ س2 _ هل تعتقد برائيك الشخصي ان ماحدث من الي شفته شيء عادي ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ الدنيا صغيره جداآ :d s61s <<<< ياحليله :smilie47: ايه نعم الدنيا صغيره جدا وموقف غريب عجيب :stoned: عضو معنا بالشبكه ماكنت اعرفه ولا شيء وتعرفت عليه عن طريق الماسن >>> مهب دعايه ابد :d وتعمقنا بالسواليف تعمقنا وتعمقنا ووصلنا لسواليف العرس والقلق :razz: وجيت سئلته قلت ياخي انتم عندكم عرس وقلق مثلنا قال ايييه اسكت بس :d قلت ياخي انا كنت بعرس امس ومكان العرس ..... قال هاه كيف وش لون احلف كيف ض1 :d وبالاخير العرس هذا الي رحت له هو راح له وصار يقرب لي وانا اقرب له :d شفتو كيف الدنيا صغيره :razz: حضرت لمباره الهلال مع الرائد مع ابن عمتي :d:smilie47: ورئينا صديق ابن عمي >> يمديكم على رئينا :d المهم الا جا ويسلم علي طبعا هو معنا بالشبكه :smilie47: والا اشوف معه الاخ الي يقرب لي معه وهو صار خوي صديق ولد عمتي ناشب لنا ناشب :stoned: واخر مواقف الصدف معه ان اعز اخوياه يقرب لي :d هههههههههههههههههههههههههههههههه يعني صله القرابه ملازمتنا بالغصب :d ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ توهيقه على الطاير :d واحد كان طالع مع خويه ويصرف خويه على انه مواعد ولد عمته وهو بالاساس مواعد زميل اخر له وخويه يعرف هالزميل ذهب هو والزميل لمطعم لتناول العشاء اذ به يرى خويه الي صرفه :d لو صار لك هالموقف وانت الي صرفك خويك وهو يكذب عليك وش رده فعلك .. ؟ :d ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ قمه النذاله :d انك تصمل انك تطلع للعاذريه انت واخوياك بسيارتك :) واذا وصلتو للعاذريه تهون وترجع وتقول مالي خلق خلوها بعدين :d ـ ـ ـ ـ ـ ـ ـ ـ ( الموضوع عباره عن شطحات متباعده ولكنها جميله ) :d + الاحداث الي بالقصه التوهيقه والنذاله مب انا طرف فيها ولكن من ناس اعرفهم ..! اخوكم \ عبدالله ورده |
×× والله مانيب حولك لي ساعة وانا دايخ مانمت ورايح للمبارة والحالة مرثيّة, لكن لعيونك قلت خلني ارد لعبوودي s45s :D <-- المشكلة اذا عندك روح وطنيّة واللعيبة نفسهم ماعندهم تفوز الامارات وفي السعودية! s16s <== قلبّ الموضوع يشكي حالة الاخو :D --- إقتباس:
إقتباس:
المطاوعه بعض ماخذ مقلب بنفسة اذا قالو والله الشيخ ذا حبوّب كل الناس تحبة حتى الشباب مهب متشّدد ! مثال : عندنا اثنين من الهئية في مدرستنا الطلاب يروحون يقولون أستاذ بطلع برى أدخن أستاذ والله تبي الصراحة مالي خلق للحصة ][ والمطوّع معطيهم راحتهم ! ][ اكيد بتقولون المطوّع ماله شخصيّة لا , والله مايدخل الطلاب الفصول الا هو بالعصا لكنهّ مسوي يبي الطلاب يحبونه! :D إقتباس:
وكنت اقول لأخوي هذا غبي مايغير يحتك فالهكر بالقوة :D وضححك علية فالاخير رحنا لـ زواج وطلع الرجال ذا من عيال ( عم أبوي ) :D سبحان الله والحين هو معي بالمسن :D إقتباس:
نعم :) إقتباس:
نعم :D موضوع حلو مثلك s45s لاتحرمنا من المواضيع في مجلسنا وخلك من الجمهور وقلق الراس ×_~ سي يو :D اعذروني اذا فية أخطاء املائية [ مدري وشلون كتبت الرد أصلأ ! ] :D ( فييس دآآيخ ) :cool: ×× |
ورده إقتباس:
ههههههههههههههههههه :d تراه مهوب انا ابد :d :smilie47: الله يرجك يا عبدالله :smilie47::d موضوع بطل s60s وتستحق الشكر عليه يالداشر :d :smilie47: ][ دمتـم بـود ][ |
إقتباس:
ولا هوب انا ذا بعد :razz: راجع لموضوعك عبد الله :) |
توهيقه على الطاير :d ج/ أقله هذا ولد عمي من الرضاعة :) :) <<< مخرج 30 |
س1 _ هل المحاضرات اصبحت تفيد الشاب مثل اول .. ؟ لا س2 _ هل تعتقد برائيك الشخصي ان ماحدث من الي شفته شيء عادي لا |
والله يا موضوعك دوخني من شطحه لشطحه لاكن نرجع لاساس الموضوع اخوي اهل الخير واجد انا صارت لي مرتين اثناء جلوسنا في الثمامه يحضر الينا شخص متدين ويتقهوا معنا وينصحنا اذا وجد صوت مسجل السياره شغال واخر شي يستأذن بأدب ويهدينا شريط او شريطين محاضرات دينيه يعني اهل الخير كثير الله يجزاهم خير ،،، مشكور اخوي ويعطيك العافيه |
هلا اخوي Z3EEM . FC ورده وعليكم السلام ورحمة الله وربركاته ،، والله فيني زكمه الله يشفينا جميع :d من ناحية المطاوعه وكلامهم .. انا قبل اسبوعين كنت رايح لتطعيس مشهور يوم قرب اذان المغرب رحنا يم مكان المصلى .. والله ماقصروا تنظيم وكل شئ .. المهم يوم صلينا كان حاضر يوسف المطرود وهو من الخرج او الرياض .. فيه مبزره بس الشيخ الله يوفقه جابه على بلاطه .. قال كل شئ يصير مع الشباب ! :stoned: انا معاك بالاول صراحه .. اقول ليش يتكلمون بزي هالكلام لان فيه حضور محافظين بس لو لاحظت تلقى الحضور 300 شاب او اكثر اللي حريصين على امور دينهم 10 % والباقي كله ضياع .. والشيخ يستعمل معهم الاسلوب هذا لجذبهم . وصدقني والله الاسلوب هذا نفعهم كثير ورجع كثير من الشباب واعلنوا التوبه s60s اصلن عن نفسي لو اشوف شيخ متشدد ويتكلم بامور شديده وبلهجه عنيفه ماراح اجلس .. بس يستخدم هالاسلوب هذا ابجلس .. يكفي ممكن تاخذ كلمه وحده تغير مجرى حياتك :) الا اقول ماقد حظرت محاظره لعمر المشيقح ؟ ههههههههههه :d الله يذكره بالخير ، س1 _ هل المحاضرات اصبحت تفيد الشاب مثل اول .. ؟ ج1 / اذا قصدك المحاضرات اللي بالاماكن هذي مثل التطعيس .. نعم واكبر دليل شف بعد المحاظره وش النتيجه .. ماقد حظرت محاضره الا فيها شباب اعلنوا توبتهم . س2 _ هل تعتقد برائيك الشخصي ان ماحدث من الي شفته شيء عادي عادي جداً . والله الدنياء صغيره .. وصدفه :d توهيقه على االطاير :d والله موقف لاتحسد عليه بس انا لكل حادث حديث يعني لاصار الموقف ذيك الساعه طلعت وش اسوي .. بس انا مانب اسوي الحركات هذي :stoned: ابوك يالنذاله :d انا نفسك صارتلي بس غير :d ( لاتستعجلون ) :d انا صارتلي نفس السالفه شلت شباب وطلعنا بس ماهو للثمامه يوم وصلنا المكان اللي رايحنيله قلت خلوه مره ثانيه .. بس لزموا علينا وكملناه يعني مارجعنا :d الله يعطيك العافيه يابوعابد على الشطحات الحلوه s60s لاتحرمنا ،، اخوك .. ابوياسر |
وعليكم السلام ورحمة الله وبركاته . . هلا بك اخوي زعيم , وحياك بالمجلس بين اخوانك .. واخواتك :) من ناحية الاماكن البعيده صعب يكون فيها مراقبه من الامن , لانها اماكن تعتبر نائيه واللي بيتواجد فيها عاده لغرض معين ويرجع , اما المحاضره وطريقتهم بالعكس هذي احدى الطرق اللي تجذب اكثر الشباب , بقول لك ليش صار اسلوبهم كذا , لان الكثير ظلم الملتزمين بانهم متعصبين ولا يبتسمون ولا يضحكون لذلك الان يحاولون تغير نظرة الشباب لهم باسلوب بسيط محبب .. وعن الدنيا صغيره حصلت لي بعد ما انذرت احد الاعضاء هنا اكتشفت انه خويي في الجامعه بعد مافتحت الاب توب في الكوفي وشاف اسمي :d .. لاتحرمنا جديدك , وتقبل احترامي , دمت بخير |
لاهنتو ع المرور ورده واعذروني تأخرت بالرد عليكم لانشغالي العذر والسموحه :smilie47: |
سلامتك أخوي وطهور إن شاء الله مع تغير الجو العالم كلها تعبانة بالنسبة لأسلوب بعض الدعاة ما يروق لي كثرة تفلسفهم وخفة دمهم مثلا العريفي متميز جداً وكل اللي حولة شباب وأهتدى على يدة كثير ومع هذا دمه خفيف ومحترم ومزحة مقبول لكن يجيك شخص كان ما عنده شهادة وضايع ويتوب رب العالمين عليه ويقراء له كم كتاب وفجأة وبقدرة قادر يصير اسمة الشيخ فلان ويبداء يتميلح ويستخف دمه وما يحترم الفئة اللي ماتحب مثل هالأساليب لأنها تفضل أن تكون الدعوة أرتقاء وليس .... بصراحة الدعاة الجيدين يعدون على أصابع اليد الوحدة بالرغم من كثرتهم والمشكلة أن بعض الدعاة هداهم الله يطلع في التلفزيون وقدام العالم ويقول قصص غير موثوقة وبدال ما تكون حجة له تصير حجة علية وتقلل من مصداقيته أعود وأكرر الشيخ العريفي يضل الأكثر تميزا في مجال الدعوة لمصداقيته الرسول علية الصلاة والسلام كان يمزح ويبتسم ولكن لم يكن يكذب أو يستخف بعقلية من أمامه بل على العكس كان يرتقي بهم وبمفرداتهم الى الأفضل وكسب القلوب بأساليب أرقى بالنسبة للدنيا فعلاً صغيرة ويا كثر مثل هالمواقف في حياتنا أما المواقف السلبية ممن يحسبون علينا أصدقاء فبقدر تقديرك للشخص تكون الصدمة ما أعتقد بيكون فيها شي لو قال طالع مع فلان لموضوع خاص أفضل من يكون فيه حساسية لمثل هالأمر تشكيلة رااائعة ونقاط جميلة تنقلنا بينها هنا واستمتعنا كثيرا ننتظر تميزك المقبل بالحب والإشراق |
موضوع مميز وشطحات رائعة لكن وجوده بالقرب من موعد نومي هذه بق بروبلم خصوصا وأن الساعة 11 ونص يعني لي عوده شكرا على الموضوع الراااايق والراااائع تحياتي.....ورده H_S Y T_2008 |
| الوقت المعتمد في المنتدى بتوقيت جرينتش +3.
الوقت الان » 05:59 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd