اكتب هالخواطرعن الزعيم بعد نهاية هالموسم ومانقول إلا الحمدلله رب العالمين على كل حال... مايدرى وش الخيره يمكن يكون خروجنا من الآسيويه خير لنا....احاول احط بعض الخواطر عن الفريق الهلالي من خلال هالموسم وان شاء الله الزعماء يطرحون وجهة نظرهم بدون تجريح بأي أحد.
مقدمه
الزعيم كان من بداية الموسم ومستواه رائع ونتائجه جميله وهناك انضباط تكتيكي رائع كان من الصعب هزيمة الهلال حتى تمت اقالة كوزمين ..طبعا مشكلة هالإقالة جت مع قرب الحصاد للموسم الكروي ولخبطت الاوراق وصار هناك تشتت عند الإداراة واللاعبين والجماهير الهلالية حتى خرجنا من الموسم ببطولة واحدة فقط هي ماقبل اقالة كوزمين..

*نجي لطريقة الهلال في اللعب وهيالاعتماد شبه الكلي على اللعب الطويل والكرات الرأسية قليلة الثمرة مع الابتعاد عن الكرات القصيرة الأرضية والمثلثات والمربعات اللي كان الهلال يبدع فيها ..وهي الحقيقة اللي كان الهلال محتاجها كثير لاجل بسط سيطرته في الميدان .ايضا لايوجد ضغط على حامل الكرة ابدا شف نادي الشباب وشلون استفاد من هالتكتيك...هناك حلقة مفقوده بين المحاور والدفاع وهي الترابط ..هناك ضعف واضح في المساندة الهجومية لا سيما مع بقاء لاعب وحيد في الهجوم ..ماأدري وش يبي يسوي هاللاعب بين خمس مدافعين..الفريق بحاجة شديدة إلى ضخ دماء شابة في الفريق من درجة الشباب لانه لايمكن الاعتماد على الاندية الأخرى في سد حاجة الفريق..الظهيرالأيمن كمثال... اتمن نشوف أكثر من اسم الموسم القادم.


*نجي للاعبين...الدعيع لاعب كبير ومبدع لكن بقاء الحراسة الهلاليه معتمدة على الدعيع_وهوكبير في السن_ اضر بالهلال حاليا وسيضر به مستقبلا... مشكلة الدعيع بعض الأحيان ينكبك في وقت مايحتمل اي خطأ من لاعب كبير مثل الدعيع ..فياليت تتاح الفرصة للاعبين شباب في هالمركز ويستفاد من الدعيع في التدريب للاعبين الشباب والصغار.


*خط الدفاع فيه بعض الثغرات لا سيما الظهير الأيمن نامي ماقصر وبذل اللي يستطيع لكن هذي امكانياته وهذا جهده جزاه الله خيروعلى الإدارة تأمين اللاعب اللي يسد هالمركز بأسرع وقت ..اسامة ماشاء الله عليه عيني عليه باردة قمة الإبداع وبحاجة انه يحاول يكون لاعب قيادي في الفريق خاصة الدفاع يعني يربط خطوط الدفاع زي ماكان النعيمة يسويه في خط الدفاع ..المرشدي لا عب قتالي لكن عيبه النرفزة السريعة بعض الأحيان ياليته يتلافاها ..الزوري مشروع لاعب خطير في الظهيرالأيسر بس بحاجة كبيرة للتركيز واعيد وأكرر التركيز يا زوري وشفنا كثير من الفرص اللي ضاعت منه قدام الباب بسبب قلة التركيز.


خط الوسط نبدأ بالشلهوب صانع لاعب جيد جدا لكن ضعيف جدا في الإلتحام والتغطية الدفاعية ..طارق التايب صانع لعب متمكن جدا يعيبه الأستعراض بعض الأحيان والعصبية الشديدة لكن اعتقد الهلال محتاجه إلا إذا أثبت نيفيز وجوده وسد هالخانة ...الغنام يحتاج اتاحة الفرصة ليأخذ مكانه في الوسط ...رادوي ماعليه كلام اتمنى الإبقاء عليه ...عزيز راجع نفسك ..


*خط الهجوم ياسر انخفض مستواه كثير بعد اللي حصل وكنت اتمنى من الإدارة ابعاده مؤقتا حتى ماتزيد عليه الضغط اللي حطمته بصراحة لا سيما وان العنبر كان يمكن يسد مكان ياسر مؤقتا .. وعلى فكرة العنبر لا عب هداف اتمنى من الإدارة ماتفرط فيه ابدا..الصويلح ماهو متوفق مع الهلال ابد من جاء للنادي وهو اصاباته كثيرة وبعدين ماعنده تركيز ويعاب عليه كثرة الإحتفاظ بالكرة..اتمنى تتاح له فرصه في فريق آخر ..ولي لاعب تكتيك من الدرجة الاولى لكن الهلال لم يستفد منه بعد رحيل كوزمين أتمنى احضار لاعب هداف مكانه رأس حربه صريح ..سول ليس ضالة الهلال ..أوت.

*بعض الاعبين اللي نقول لهم ماقصرتوا ونتمنى لهم التوفيق ..المفرج.. الخثران ..المبارك ..نامي .. العتيبي..الصويلح.

*نجي للأدارة ابو فيصل ماقصر صراحة ماخلى شي للفريق يشوف انه يحتاجه إلا وسواه لكن اعتقد انه بحاجه كبيرة لمجلس استشاري مصغر يستفاد منه في اتخاذ بعض القرارات ..خذ مثال :التعاقد مع ليكنز خطأ كبير كنا بحاجة للتركيز قبل هالخطوة ..كان الحسيني موجود بس متهيب من استلام الفريق بعد كوزمين .
سامي لا أدري هل هو في المكان المناسب ؟ اعتقد منصور الأحمد هو الإختيار المناسب في ادارة الكرة .

*الهلال لابد من تكاتف أعضاء شرفه والوقوف مع الإدارة بقوة ضد استهداف الهلال سواءً من اتحاد الكرة أو من الإعلام او من المدرجات أو غيره لا تخلون ابن مساعد لحاله.

نجي للجمهور صراحة التشجيع فن لكن للأسف جمهورنا متفرج فقط خاصة جمهور الرياض ..اتمنى من الرابطة تطوير نفسها مثلا ليش مايضغط الجمهور على حامل الكرة من الفريق الخصم بحيث انه يربك لاعب الخصم..
والخواطر كثيرة بس خلونا نرتاح اشوي بعد هالموسم اللي رفع ضغطنا
وعلى المودة نلتقي.. الزعيم المشاغب.