السلام عليكم ورحمة الله وبركاته بسم الله والصلاة والسلام على رسوله الامين وعلى اله وصحبه اجمعين
اول شي احب اقول هارد لك النتيجه النتيجه المخيبه والمستوى المتدني اللي شفنا فيه الهلال او بمعنى اخر شبيه الهلال لان اللي لعب امس ماعتقد انه الزعيم اللي نعرفه
لا روح لامستوى لانتيجه مع ان الوحده كان مستواه متدني لاخر درجه لكن مع الاسف مااستغلينا هالشي ابد
ويلهالمسون كان مستواه جيد بس مع الاسف ماكان معاه تغطيه زينه او متابعه متواصله
وبقية اللاعبين لاتعليق ابتداء من هوساوي ومرشدي وانتهاء بياسر
واستثني من ذلك الدعيع لانه اساسا مامر باي اختبار في مباراة امس
من بداية الدوري والهلال مستواه متراجع ولا مباراه الى الان شفنا فيها الهلال الحقيقي والاسباب غير معروفه
كوزمين مدرب داهيه ورائع ولكن يد واحده لاتصفق بدون مساعدة اللاعبين وتطبيقهم لخطته بحذافيرها مراح يسوي شي
وماكان ناقصنا الا طرد كوزمين واللذي بسببه لم يستطيع الدخول غرفة اللاعبين بين الشوطين الا قبل بداية الشوط الثاني ب
7 دقائق 
يعني مراح يقدر يعدل اللي صار بالشوط الاول لان الوقت متاخر جدا
سؤال اوجهه للمسؤولين في الاتحاد السعودي لكرة القدم
ليه كل مبارايات الهلال على الاستاد ؟؟؟؟ سالت هالسؤال قبل كذا واكرره
اتوقع عشان مايحضرون جمهور الزعيم
(( كالعاده )) واذا حضر منهم 2000 او اقل يبقى فراغات كبيره بالاستاد ويقولون ضعاف النفوس ان الهلال ليس صاحب اكبر قاعده جماهيريه بالسعوديه
لماذا اغلب مباريات النصر على ملعب الملز ؟؟؟ والهلال كل مبارياته بالاستاد ؟؟؟
اتمنى الاقي اجابه على هالسؤال
المحور الثاني لموضوعي
جمهورنا واااااااااه ياجمهورنا او بمعنى اصح جمهور الرياض
عاتبناكم مافاد
زعلنا عليكم مانفع
ترجيناكم تحضرون ولا عندك احد
امس بعد مباراة الهلال شفت مباراة تشلسي لاني مجنونه تشلساويه ولا احد يدقق على الهزيمه الكارثيه اللي صارت
لكن اللي قهرني ان الملعب فل الجماهير بعز المطر وصوت الرعد كان عالي وواضح جدا وامطار غزيره واللي اغزر منها الجماهير والحضور
بالرياض نزل شوية مطر ولاحضرتوا الملعب وحتى لو مافيه مطر منتوا حاضرين
حرام وربي حرام
بعد هذا كله تطالبون اللاعبين بالمستوى والنتيجه اعتقد انه مو من حقكم تطالبونهم بهالشي دامكم ماتحضرون
لانكم وبصراحه سبب رئيسي في تدني مستوى الفريق
الله يسامحكم
...
الهلال واستاد الملك فهد + ووجه الشبه بين الهلال وتشيلسي 
شي يخص ويلهمسون 
الوضع المتطور
