فضيحة العرض الجديد من الاتصالات السعودية - صفحة رقم 2 - نادي الهلال السعودي - شبكة الزعيم

حتى ظلالي هلالي · #16 03/11/2008, 10:29 PM

الي يقول طيب حلو 15 دقيقهـ وإلا 22 وإلا 20

ماقلنا شيء حلو حلو

لكن المشلكهـ مو بالاستفادهـ

لاننا خالصين منها مستفيدين مستفيدين

بس بكذا يفتقدون للمصداقيهـ بالاعلان

ليهـ ماقالوا انهـ بعد الدقيقهـ الفلانيهـ يفصل وإلا قالوا شيء
مو كذا يسوونها اغراء للمستهلكـ وهم من جنبها

ما أقول إلا
(موبايلي

عالم من اختياري)

الـسـلـطـان · #17 03/11/2008, 10:29 PM

والله يا أخوي إذا انت مستفيد أجل احمد ربك

غيرك ما حصلها

اخوي يقول لي بعد الدقيقة 20 تفصل

يعني 15 دقيقة بلااااااااش

اجل وش تبون أكثر من كذا

لين شيخه الزين · #18 03/11/2008, 10:37 PM

موبايلي ولا تعداها من جد شركة محترمة

أبوسعد السوبر الهلال · #19 04/11/2008, 12:10 AM

الاتصالات السعودية شركة أقوى بكثير من موبايلي وزين

وتوها في طريقها الى عروضها المميزة

انتظروا قليلا وبتشوفون المفعول..

لأني انا منيب من الناس اللي اول ماتطلع شركة اروح اشترك فيها ..لا

أبقعد مع الشركة الأقوى لأنها بتعطي مفعول أقوى من الشركات الأخرى.

ابونوف الهلالى · #20 04/11/2008, 01:37 AM

اقسم بالله حصل لى هذا الشيء وكنت متوقع من شركه ( استثماريه ) كالاتصالات

وهذا حق مشروع لكل شركه ولاكن يجب الا يكون بالنصب والاحتيال على جيب المواطن السعودي

وانا كلمت احد ابناء عموتي وفجئه انقطع الاتصال .............

ويجب علي الشركه ان تكون اكثر حذرا في استقطاب العملاء !!!

حكر المنحكر · #21 04/11/2008, 01:45 AM

ياشباب الشبكه هي الي تفصل وليست الاتصالات فيه ضغط وامطار هذا السبب

متعب الروقي · #22 04/11/2008, 01:45 AM

الحقيقه اني توقعت هالطريقه من حين قريت الاعلان

ياخي انا اشك في سلوكهم هههههه

بس زين اللي يجي منهم شي مجاني

الهلالي دائماً · #23 04/11/2008, 08:07 AM

أنا اشوف الخمس دقايق كثيرة

لو يعطوني دقيقتين بعد الدقيقة الاولى بس احبهم

اطول مكالمة بحياتي كانت نص ساعة

لا وكانت مع المشاغب والا يومك ندمان عليها

ومسجلها بموسوعة غينتس للأرقام القياسية

شكرا لك اخوي والنصب موجود على كل الاحوال

دمت بخير ,,,,

هامور البورصه · #24 04/11/2008, 08:19 AM

والله انتم مايعجبكم العجب ولا الصيام برجب العرض هذا حلو

يعني تبيهم يشيلون العرض ياخي تكلم 20 دقيقه مجاني احسن من انك تكلم 25 دقيقه

بفلوس

بعدين شي طبيعي انهم بيقطعون الاتصال يعني عندك ناس بيكلمون

ساعات وبكذا بتخسر الاتصالات يعني العرض اشوفه ممتاز مره لا تكونون طماعين

وجــدان · #25 04/11/2008, 09:07 AM

..

هو يمكن فيه احتيال وفيه نصب وكل ابو شئ فيه
بس ترانا حنا المستفيدين

يعني لو ماجاء هالعرض النصابي كان احسب بكم مكالماتك هاليومين !!
يعني كذا كذا حنا مستفيدين وراكم معصبين

بلا موبايلي بلا هم والله الاتصالات حلووين بس مشكلتهم دايم عروضهم اكير من قدراتهم

بس اذكر موقف حصلي قبل كم يوم معهم كنت مقدمه على خدمة جوال نت وقالو لي اصبري 24 ساعه ونفعلها لك
انتظرت اسبوعين متواصله وهم ماطرى عليهم يفعلونها ..

وكل يوم ادق عليهم اشوف وش سالفتهم ؟
يوم مليت قلت لهم من زين خدمتكم انا اللحين احوّل على موبايلي

قسم بالله مامرت عشر دقايق الا وواصلتني رسالة تفعيل

هذا احلى شئ بموبايلي تهديد الاتصالات

..

ذا قريت كالي · #26 04/11/2008, 09:51 AM

شئ مو غريب

^^

انا يوم شفت الخدمة

قلت مو معقولة ههههههه

عــــ الهلالي ــارف · #27 04/11/2008, 10:33 AM

اخواني واخواتي ...

العرض على المكالمات الدوليه فقطـ ...

خذوها مني لا ينصبون عليكمــ ...

الزعيمـ الاسيوي · #28 04/11/2008, 11:17 AM

والله ماقول ألا
مـــوبايلي عــالــم من أختــياري

مون الفتى الذهبي · #29 04/11/2008, 03:41 PM

أنا فصل علي في الدقيقه 30

بس 25 دقيقه مجانا شي حلوووو

ماني طماع مثلك

DHOOOM · #30 04/11/2008, 04:58 PM

عزيزي عارف الهلالي ,
العرض يشمل المكالمات الداخلية فقط من الجوال للجوال
أما المكالمات الخارجية فلأي دولة ولأي مشغل.
بالنسبة للهاتف فمشتركي جود وجود بلس يشملهم العرض حتى لو كان من الهاتف إلى زين أو موبايليhttp://www.stc.com.sa/cws/portal/ar/.../ind-spl-jawal

موبايلي عالم من اختياري