17/05/2002, 01:53 PM
|
| زعيــم متواصــل | | تاريخ التسجيل: 16/05/2002
مشاركات: 65
| |
|
هل هو خكري... ام دلخ... ام ماذا...؟؟؟
اكثر الناس اللي يتعبوا في هالزمن هم الآباء....
اول الولد تقووله روح يمين.. يروح يمين... الحين العيال كل واحد لسانه اطول منه ولو تقوله اقل كلمة زعل ومايرضى الا بماكسيما.....
والله زمنا واللي صاير فيه يفشل...... وانا مو حارق ددمي الا الاعذار اللي حفظوها الشباب... وكل ماواحد منهم سوى خطا عطاك هالاعذار البايخه
احنا في عصر السرعه.. مانبي نصير متخلفين... طلع من فمك غبار...خلك امريكي في تعاملك مع الناس.... وشو البس ثوب لازم البس جينز.. واحقطها...
يعني تشوف الواحد منهم مطول شعره وماشي في السوق وحاقطها بالجينز.. تساله ليه ؟؟؟ يقولك هذي الموضة.... والله ضاعت الرجولة
احنا ماقلنا لاتكشخ... اكشخ...بس البس لبس معقول ..
والناس صغيرهم وكبيرهم يبي جوال بس عشان يرسل رسايل لربعه....
والشغل الشاغل لشباب السعودية الحين... كيف تستلم الجلسة... كيف تصير ابو النكت... كيف تحررج على الناس..... الحين عندنا بالسعودية.. قوة الشخصية انك تحررج على الناس وتنكت وتصير ابو العريف .... في شباب امنيتهم انهم يصيرون نكيتة درجة اولى عشان يستلموا المجالس....
ويحرق دمك اللي يجلس وراك وانت تلعب بلوت.. ويقولك العب كذة والعب كذة.. ويسوي روحه فاهم اللعب كله... وبعد ماتنتهي الصكة.. يقوول كان المفروض تلعب هذي... لا.. لو لعبت ذيك كان احسن... يااااااغثه اللي كذة
وبعد عندنا بالسعودية... كل واحد يبي يكون له اكبر رصيد ممكن من ارقام البنات.. عشان يرفعه فيهم راسه قدام ربعه... والله طنشتي هذى.. وحقرتي ذيك... وعذبت اللي هناك... واليوم موعدي مع بنت فلان.. بس ماني برايح لها... وبنت علان شرت لي هدية.... واللي يجمع بين استلام الجلسات ( النكيت ) وكثرة مواعيد البنات...... هذا يعتبر شاب مثالي في هالزمن.. الكل يتمنى يوصل لمرحلته... ويعتبر شاب ناجح من الطراز الاول.... وينحسد بعد....
بالله عليك... وش يقدروا يسوووا الآباء قدم عقول هذا طموحها.. لا الكلام... والمخاواة... ولا المحاباة.. ولا حتى العصا.. تنفع مع هالعقوول...
ماشفنا شي.. الله يعين من الجيل الجاي... اذا صار الابو خارب من اول... وبيجيب عيال تربوا على الخراب......ماظن يظل احد يدرس بالمدارس..
وووسلامتكم |
الوضع العادي
