مساء المتعه مع البريمر ..

انتهى لقاء التوفيز قبل قليل امام فولهام .. واستطاع الفوز بـ رأسية ساها ..

لقاء يمكن بوجهة نظري ان التعادل عادل بين الفريقين ..

لكن ساها استطاع قبل النهاية بدقائق أنقاذ التوفيز من التعادل ع ملعبه وبين عشاقه ..

فولهام اليوم تقول أنه عارف نقطة ضعف التوفيز والي هي من العرضيات
ولاحظت جميع تحركاتهم عن طريق الأطراف واللعب ع الأوفرآت ..

وكانو قريبين من التسجيل لكن ضاعة رأسية المجري أيجر ع ماظن وارتطمت بالعارضة ..

بصرآحة كان ودي يفوز فولهام مانبيهم يعانون بأهدار النقاط وثم يكونون ع شبه الهبوط مثل الموسم الماضي ..

المهم لقاء ان اللقاء حليو لكن ننتظر الآحلى بعد قليل وكاريك آساسي يالبيه ..

.
.


مباراة تجلط .. يُحسب لـ هول وفيل براون انهم من الفرق الوحيدة اللي تسجل 3 أهداف على الأولدترافورد من سنوات .. المباراة كانت ممتازة من الفريق حتى الهدف الرابع .. بعدها حسبت الفرص المحققة بس واللي تعتبر انفراد 4 فرص كلها ضاعت

فيه شي غريب .. انانيه ؟ استهتار ؟ ما ادري وش هو بالظبط .. المفروض بهالاوقات تستغل حالة الفريق اللي قابلك وتسجل اكثر .. صحيح الاربعة تطمن بس بعد تغييرات فيرغسون مالها داعي .. تيفز ينزل مكان بيربا ويقفل ويلعب على المرتدات ( رونالدو تيفز روني ) .. اوما تغيير جيجز بـ كاريك هذا اللي صدق ما هضمته !


السنة هذي نعاني كثير من الكور العرضيّة .. مهي العادة نعاني معها خصوصاً لما يكون فيديتش و فيرديناند موجودين .. ما ادري وش السبب .. ايفرا يقاتل فيها اكثر .. من جد تلاحظونة ينشب للطوال ؟

عموما اهم شي كسبنا ثلاث نقاط .. بس وضعنا الدفاعي يجلط .. اهداف كثيرة تدخل علينا بدون داعي .. الموسم اللي راح احد الأسباب اللي اعتبرها سر فوزنا بالبريمر قوة الدفاع ومن وراهم ابو سار على طاريه غريبة الكورة بزاويته ما صدها

صعدنا للثالث .. الاسبوع الجاي ان شاء الله نأكد المركز

مبروك مانشستراويّة

فيل براون تغيير مندي قلب المباراة .. يعجبني هالمدرب

عوافي شباب على التقديم

.
.

.
.

أوين تعال كل يوم

ليفربول 1 - 2 توتنهام
كاويت ........ كاراغار في مرماه
................ بافليشنكو

بصراحة مباراة مجنونة ليفربول عقب الفرص اللي ضيعها توقعت يجي فيهم هدف وسبحان الله من بإيديهم بعد ! .. ريدناب تعامل مع المباراة بطريقة ممتازة

توتنهام مهوب وقتكم قسم .. و البريمر وللع

سكولز وحشني

.
.

مغسي ريدناب ..

كنت متوقع هالشي أن الريدز بتنقلب عليه الأمور بعد ضياعه لفرص ثمينه بداية الشوط الثاني
وبالفعل السبيرز يؤكدها ان تعادله مع القنرز ليس بحظ او بتخاذل من الخصم ولكن أصرار الفوز
الي بأعيون ريدناب وفرقته أفرضت شخصية الفوز على أرض الملعب وهذا الي شفناه قبل نهاية
اللقاء ..

ماعلينا اهم شي المستفيد بالنسبة لي المانيو وقبل ذآلك اشتعل المتعه بالجولآت القادمة رغم ان
المتعه حاضرهـ بجميع جولآت البريمر لكن هالسنه غير الريدز رآجع وبقوه والبلوز بستايل
جديد مع سكولاري .. والمانيو تحسن أداءهـ عن البداية وبرجوع المصابين بنشوف المستوى
الي نعرفه عن بطل الشامبيونز ..

بس ليه فيرغي تخبط اليوم رغم خبرته الكبيره ..

لكن قلتها بالتحليل اذا قلل المانيو احترآمه للخصم رآح تصعب المباراة علينا ولآحظو شباب
الى قبل نهاية المباراة متقدمين بفارق هدفين لكن تطلع المحاور هذا يسمى بالتحليل الفني
غباء من المدرب رغم أن المدرب غني عن التعريف ولانقدر نقيمه بس بطريقته الي اليوم

بصرآحة تحس ماهو فيرغي الي بدل بالمباراة ..

كاريك واندرسون وشوف من الي دخل مكانهم لاعبين لايجيدون التغطية وشكل علينا ضغط
وطريقته من هالتغييرات تقول انه اخذ النتيجه وحطها بالرصيد الرسمي وفوق ذآلك دخل
مهاجم زياده ع الاثنين الي موجودين وكأنه يقول تفننو بالتسجيل صرآحة الطريقه الي اليوم
من جد تقهر من الكوتش وآتمنى منه ماينسى أن بالبريمر الأندية الصغيرة ضيعة نقاط ع
الأندية الكبيرة وافقدتهم الدوري بسبتها ولاننسى البلوز الموسم الماضي بتعادلاته المتكرره
وآخرتها كان يحتاج نقطه وحده بس من النقاط الي ضيعها امام الصغار لتتويجه بالبريمر ..

الفوز اتوقع بيقلل النقد ع اخطاء فيرغي باللقاء رغم انها أخطاء كبيرة من الكوتش لمكانته
الكبيرة بالتدريب وخبرته الطويلة ايضاً مع المانيو ..

الف مبروك للي فازو وخاصة عشاق المانيو .. وهاردلكم للي خسرو وخاصة عشاق القنرز ..

" & "

شباب وينكم نبي نتناقش ونحلل والله الاستديو بالتحليل شيق ..

ورده ورده

مبرووك الفوز شباب .. الاهم ثلاث نقاط حصلناها والباقي غير مهم !
ايضاً عودة كاريك , رونالدو الحقيقي , مع استمرار تألق بيربا مكاسب حقيقيه ..

هال سيتي احرج كبار الانديه ووكاد يسويها معانا لولا ستر الله واحساس
اللاعبين بالمسؤولية بعد الهدف الثالث فقط لو انه فريق ثاني كان انفتح
بالرابع زي السلام عليكم .. بس ذا مانشستر < مهايطي

خروج كاريك قلب المتش .. مع اني اتفق مع عزوز ان كاريك له شهر
ونص وصعبه من بدايتها تلعبه 90 دقيقه غير كذا كان الفارق مطمئن
وفيرغي وكلنا توقعنا المتش انتهى ..

تمنيت لو بدل كاريك دخل فليتشر كمحور ثابت واخذ اندرسون حريته
بالتقدم و كارليتوز بدل روني وانتهينا



اولها وموب آخرها يالهيس

إقتباس فيه شي غريب .. انانيه ؟ استهتار ؟ ما ادري وش هو بالظبط

ضمان نتيجة وبعدها استعراض باللعب .. ما الومهم هنا .. ياخي فارق
ثلاثه فارق مطمئن جداً .. يعني موب معقوله مباراة امس احملها الهجوم
وانا جايب اربعه ..

لكن السبب الحقيقي نفس كلامك خروج كاريك وادخال جيجز الهجومي ! بجانب اندرسون ..
كاريك طبعا مجازفه يكمل لك 90 وهو من 6 اسابيع ما طقها وفعلياً أكثر من
6 اسابيع .. لكن فيها خيارات كويسه مثل فليتشر وبعده اوشي ..

جيجز + اندرسون محاور صعبه جداً ..

ايضا الدفاع يتحمل جزء كبير بصراحة .. ريو سيء وايفرا تسبب بهدف مندي
مافيه الا فيدتش امس تحسه اوكي بغض النظر عن الهدف اللي جابه

الدفاع لازم ينشاف له حل .. 70% من الاهداف اللي جت بمرمانا هالموسم
بأخطاء سامجه جداً وماهيب بمهارة مهاجم او ماشابه هالشيء ..

العرضيات والكرات العالية على دفاعنا كانت ما تشكل اي خطر .. وحاليا
الاهداف علينا من عرضيات !
ايفرتون + تشلسي + هال ويمكن غيرهم ناسيهم ..

تتعدل الامور من السلتيك ان شاء الله

السلام عليكم

مبروووك لعشاق المان الفوز الغبي
ومبروك لعشاق البلوز وهاردلك للي خسروا>>>واحد بيضمد جراحه قدامنا
<<<<متشائم من الحين
المان :غريبه هذا التخاذل والأغرب تغيرات السير ,كانت سببا لتحول المباراة
<<<ماشفت المباراة بس من اللقطات والقرايه
روني :الظاهر متأثر بالهدف رقم 100
المفروض يفكر بالفوز قبل تفكيرهـ بالهدف
عمرك 23 والهدف جآي جآي إن شاء الله
ليش النرفزهــ؟؟

بالنسبه للسيبرز اللي بردوا تسبدي
شفت المباراة قبل كورة جيرارد اللي بالعارضه بشوي
كنت متوقع خسارة السيبرز وخصوصا عقب مادريت إنهم متأخرين بهدف
بس اللعب تحول عقب هاللقطه
غلطة كارا&رافا ,,سبب لفوز السيبرز
هاري ريدناب بطل بكل حاجه وخصوصا بإدخاله للاعب لينون
اللي حرك وزعزع بدفاع الليفر

المان لازم يستغل هالتعثر ويفوز على الغنرز
ومازلت أتوقع أنّ البطولة بين ثنائي السنوات الأربع الأخيرهــ(البلوز&المان)
00000000000000000000
بالنسبه للأرسنال ,أستغرب اللي يصير لهم؟؟
أخشى أن يكون التعويض قدام المان

بانتظار لقاء الغد بين الفيلا والمكبايس
وبالتوفيق للفريقين
ودي يفوزون عيال مارتن ,بس ماودي المكبايس يبقى على سوئه